Morgunblaðið - 02.08.2012, Síða 31

32 DÆGRADVÖL
MORGUNBLAÐIÐ FIMMTUDAGUR 2. ÁGÚST 2012
Stjörnuspá
21. mars - 19. apríl 
Hrútur Sjálfstraust þitt er í miklum blóma
því starf þitt skilar þeim árangri sem þú
ætlaðir. Sýndu fyrirhyggju í fjármálum því
óvæntir atburðir geta gerst.
20. apríl - 20. maí 
Naut Það getur stundum reynst erfitt að
skilja milli einkalífs og starfs. Mundu að ekki
hafa allir sömu skoðanir á hlutunum og það
ber líka að virða.
21. maí - 20. júní 
Tvíburar Þú hefur orðið fyrir vonbrigðum
og þarft því að gera þér grein fyrir hvaða
væntingar þú gerir til annarra. Farðu í hug-
anum upp á fjallstindinn og horfðu niður á
líf þitt.
21. júní - 22. júlí 
Krabbi Þetta er frábær dagur til fjárfest-
inga, sérstaklega fyrir þá sem leggja til
meiri orku en peninga. Ræktaðu sambandið
við þá, því það er undirstaða hamingju þinn-
ar.
23. júlí - 22. ágúst 
Ljón Það er hreint furðulegt hvað maður
getur, ef viljinn er fyrir hendi. Gleymdu ekki
að þakka það sem að þér er rétt.
23. ágúst - 22. sept. 
Meyja Tilraunir þínar til að sannfæra aðra
geta komið þér í vandræði. Sættu þig við
hvernig aðrir skemmta sér og lyftu þér upp
líka.
23. sept. - 22. okt. 
Vog Það er eitt varðandi hið fullkomna sam-
band, það er ekki til. Mikilvægt fólk er
ánægt með það hvað þú ert úrræðagóð/ur.
23. okt. - 21. nóv.
Sporðdreki Þú hefur gefið einhverjum vald
yfir hluta af lífi þínu og finnst núna eins og
hann stjórni þér í einu og öllu. Vegur vinátt-
unnar er nefnilega ekki einstefnugata.
22. nóv. - 21. des.

Bogmaður Stjörnurnar undirstrika óvenju-
legri kosti þína. Byrjaðu strax á því að ræða
málin við þá sem geta liðsinnt þér við að
ryðja brautina.
22. des. - 19. janúar 
Steingeit Farðu hægt í öllum umræðum
um trúmál og vertu algjörlega viss um það
sem þú vilt segja. Kannski berast þér gjafir
eða þá að einhver finnur sig knúinn til
greiðasemi.
20. jan. - 18. febr. 
Vatnsberi Nú er tími kominn til að þú festir
rætur ef þú ætlar það þá einhvern tíma.
Samband þitt við systkini, ættingja og aðra
sem þú umgengst oft er gott.
19. feb. - 20. mars

Fiskar Þú getur ekki hamið eftirvæntingu
þína og þitt góða skap smitar út frá sér í
allar áttir. Gættu þess að falla ekki í þá
freistni að sýna ódrengskap.
Karlinn á Laugaveginum fylgd-ist grannt með því, þegar
Ólafur Ragnar Grímsson var settur
inn í embætti forseta Íslands nú
sem fyrr. Honum þótti athöfnin
hátíðleg og sagði:
Ólafur Ragnar enn er sagna bestur;
þegar hann tala fór um frið
forsætisráðherra hnykkti við.
Einfaldast er að byrja á því að
leiðrétta sjálfan sig. Fyrst er það
vísan eftir Árna Eyjafjarðarskáld,
sem ég lærði svona:
Öslaði gnoðin, beljaði boðinn
blikaði voðin, Kári söng.
Stýrið gelti, aldan elti
inn sér hellti á borðin löng.
Síðan sagði ég, að Bjarni Jóhann-
esson hefði verið skipstjóri á Súl-
unni. Bjarni sonur hans var skip-
stjóri á Súlunni en Bjarni eldri
lengi nafntogaður aflaskipstjóri á
Snæfellinu. Fyrir þessum penna-
glöpum er engin skýring nema sú
að ég er farinn að eldast. En rétt er
að geta þess, að í Alþýðumagasíni
er önnur hendingin: „bungaði voð-
in, Kári söng“. Arngrímur Ísberg
hringdi í mig og sagði, að svo væri
einnig í Vísnasafni Sigurðar frá
Haukagili og seinni parturinn
þannig:
Stýrisgelti aldan elti
inn sér hellti á borðin löng.
Í Velvakanda 22. nóvember 1961
skrifar Magnús Þórarinsson gamall
sjósóknari m.a.: „Vísa þessi var birt
í Mbl. fyrir skömmu og aftur í Vel-
vakanda 7. nóv. sl. vegna leiðrétt-
ingar sem rétt var (bungaði voðin
ekki blikaði). Það var líka ein mesta
prýði seglskipanna fögru með svan-
hvítu seglin, hversu fagurlega þau
bunguðu, vindfull, órifuð í stinn-
ingskulda. Kári söng heldur en ekki
til muna fyrr en komin voru 6-7
vindstig, en þá líka hvein í reiða.
Magnús hafnar því, að skipskenn-
ingin stýrisgöltur eigi hér við, þar
sem vísan sé ort af sérstöku tilefni
þar sem eitt skip var á ferð (ekki
stýrisgeltir) og segir m.a.: „Á opn-
um skipum, einkum er þau voru
gömul og slitin, voru stýrislykkjur
oft víðar, svo krókarnir sveltu og
skrölti í þeim. Var þá sagt: „það er
kominn sláttur í stýrið, það er farið
að gelta.““
Í Vísnaleik var þessi vísa eftir
Hannes Pétursson:
Þegar Blesi þýtur hjá
þyrlast mold og steinar bresta.
Allir vildu eiga’ann þá
Orminn langa, - meðal hesta.
Og loksins gamall húsgangur:
Handakuldi heimi í
hefur mig gert pína.
Virða mikils verð ég því
vettlingana mína.
Halldór Blöndal
halldorblondal@simnet.is
Vísnahorn
Forsætisráðherra hnykkti við
G
æ
sa
m
a
m
m
a
o
g
G
rí
m
u
r
G
re
tt
ir
S
m
á
fó
lk
H
ró
lf
u
r
h
ræ
ð
ile
g
i
F
er
d
in
a
n
d
ALLIR DAGAR ERU
NÁKVÆMLEGA EINS
LÍF MITT ER BARA
EINN LANGUR DAGUR
ER ÞÁ EKKI HEIMSKULEGT
AÐ KAUPA ÖLL ÞESSI
DAGATÖL?
ÞAÐ ER BYRJAÐ AÐ RIGNA AUÐVITAÐ... ...ÞAÐ ERU
STANSLAUSAR SKÚRIR
Í LÍFI OKKAR
VELKOMNIR Á KAFFIHÚSIÐ
DAUÐA SKÚNKINN
HVAÐ MÁ
BJÓÐA YKKUR?
EKKI
GÆTIRÐU OPNAÐ
GLUGGA?
FRÉTTINA UM AÐ
MARY WORTH SÉ
AÐ EIGA Í
ÁSTARSAMBANDI VIÐ
ALLA KARLMENNINA
ÚR ALVARLEGU
TEIKNIMYNDA-
SÖGUNUM
JÁ,
KANNSKI
ER ÞETTA
FREKAR
LANGT
GENGIÐ
SÆLL,
PARKER
DÓMARI
MÉR FINNST AÐ ÞÚ
ÆTTIR AÐ HÆTTA MEÐ
ÞESSA GRÍMS-
LEAKS
FRÉTT
HVAÐA
FRÉTT?
Móðir Víkverja var fyrir nokkrumáratugum á gangi á Melunum og
mætti kunnuglegum manni er hún fór
á gangbraut yfir Hringbrautina. Mað-
urinn var virðulegur, með gleraugu
og hatt. Þótt hún kæmi honum ekki
fyrir sig afréð hún að heilsa mann-
inum og hann tók ofan og heilsaði
kumpánlega á móti.
x x x
Það var ekki fyrr en hún kom heimtil sín að upp rann fyrir henni ljós
hvers vegna hann var svona kunnug-
legur. Hún hafði séð manninn á hvíta
tjaldinu. Þetta hafði verið Alec Guin-
ness, sennilega á göngu frá Hótel
Sögu niður í bæ.
x x x
Þetta rifjaðist upp fyrir Víkverjavegna þess að annar hver útlend-
ingur, sem hingað kemur um þessar
mundir, virðist vera heimsfrægur.
Tom Cruise fór hér mikinn fyrr í sum-
ar, kom með konu sinni og var fráskil-
inn þegar hann fór, Russell Crowe
vissi ekki hvort hann var að koma eða
fara, ráfaði um á hábjörtum sumar-
nóttum, þambaði kaffi og velti fyrir
sér hvar allt fólkið væri.
x x x
Í gærmorgun kom svo kona Víkverjaúr leikfimi og var þess fullviss að
hún hefði rekist á heimsfræga leikara,
sem hún þekkti ekki neitt, Jennifer
Connelly og Paul Bettany.
x x x
Connelly hefur sennilega verið aðundirbúa sig undir syndaflóðið.
Alltént mun hún fara með hlutverk í
myndinni Nói þar sem áðurnefndur
Crowe fer með aðalhlutverkið og Jó-
hannes Haukur Jóhannesson og Arn-
ar Dan leika Kain og Abel. Hún sá um
að lyfta og maður hennar lét sér
nægja að fylgjast með. Vera þeirra
þarna olli hvorki uppnámi né múg-
sefjun.
x x x
Kona Víkverja hafði aðallegaáhyggjur af því hvað Connelly
var rengluleg. „Kippum við okkur
nokkuð upp við svona á Íslandi,“ sagði
hún og verður örugglega ekki ánægð
með að Víkverji skuli hafa gert þetta
að blaðamáli. víkverji@mbl.is
Víkverji
Orð dagsins: Á þeim degi munuð þér
skilja, að ég er í föður mínum og þér í
mér og ég í yður.
(Jóh. 14,20.)
Þarf að klippa?
Garðlist klippir tré og slær garða
Sími: 554 1989 www.gardlist.is