Morgunblaðið - 19.04.2013, Blaðsíða 25
FRÉTTIR 25Erlent
MORGUNBLAÐIÐ FÖSTUDAGUR 19. APRÍL 2013
Bogi Þór Arason
bogi@mbl.is
Mikil eyðilegging varð í gífurlegri
sprengingu í áburðarverksmiðju í
bænum West í Texas í fyrrinótt og
yfirvöld sögðu í gær að talið væri að
fimm til fimmtán manns hefðu látið
lífið. Óttast var þó að fleiri hefðu
farist þar sem leit var ekki enn lok-
ið á svæði þar sem tjónið var mest.
Haft var eftir formanni almanna-
varnanefndar bæjarins að allt að 70
manns kynnu að hafa beðið bana.
Um 160 manns slösuðust af völd-
um sprengingarinnar, nokkrir
þeirra lífshættulega, og hjúkrunar-
heimili og um 80 íbúðir eyðilögðust.
Björgunarsveitir og lögreglumenn
rýmdu um helming bæjarins. Eldar
loguðu enn í bænum mörgum
klukkustundum eftir sprenginguna
og óttast var að önnur sprenging
eða gasleki yrði í áburðarverksmiðj-
unni. Um tíma var einnig talið að
íbúunum gæti stafað hætta af eitur-
gufum.
Sjónarvottar sögðu að stór eld-
hnöttur hefði myndast þegar
sprengingin varð. „Það var eins og
kjarnorkusprengja hefði sprungið,“
sagði Tommy Muska, bæjarstjóri
West. „Eyðileggingin var gríðar-
leg,“ hefur fréttavefur CNN eftir
lögreglustjóranum Parnell McNam-
ara. „Þetta er eins og stríðssvæði.“
Á meðal þeirra sem er saknað eru
sex eða sjö slökkviliðsmenn sem
fóru á staðinn. Um 130 manns voru
á hjúkrunarheimilinu sem eyðilagð-
ist en hermt var að margir þeirra
hefðu verið fluttir þaðan skömmu
áður en sprengingin varð vegna
elds sem kviknað hefði í verksmiðj-
unni.
Sprengingin olli jarðskjálfta sem
mældist 2,1 stig, að sögn banda-
rískra jarðskjálftafræðinga.
Sprengingarinnar varð vart í allt að
80 km fjarlægð frá áburðarverk-
smiðjunni.
Sprengihætta af áburðinum
við mikinn hita
Ekki var vitað í gær hvað olli
sprengingunni. Embættismenn í
bænum sögðu að talið væri að
sprengingin hefði orðið vegna amm-
oníaks. Í verksmiðjunni voru um 20
tonn af vatnsfríu ammoníaki, að
sögn bandarískra fjölmiðla.
Sprengihætta getur stafað af
áburði, sem inniheldur ammúníum-
nítrat, við meira en 290°C hita,
t.a.m. af völdum eldingar eða bruna
vegna rafmagnsneista. Sprenging
getur þó ekki orðið í áburði, sem
inniheldur ammúníumnítrat, nema
hann sé geymdur í miklu magni á
sama stað, að sögn fréttaveitunnar
AFP. Sprengingar hafa orðið í
áburðarverksmiðjum vegna
ammúníumnítrats, til að mynda í
Toulouse í Frakklandi árið 2001 í
verksmiðju þar sem 300 tonn af efn-
inu voru geymd. Þá fórust um 30
manns.
Ammúníumnítrat hefur verið not-
að í sprengjur, t.a.m. í sprengju-
tilræðinu í miðborg Óslóar árið
2011.
„Er eins og stríðssvæði“
Óttast er að mikið mannfall hafi orðið í sprengingu í áburðarverksmiðju í Texas Tugir húsa eyði-
lögðust og margra íbúa var enn saknað í gær Talið er að sprengingin hafi orðið vegna ammoníaks
500 m
West
Sprengingin varð laust
fyrir klukkan 20 að
staðartíma á miðvikudag
Sprenging í áburðar-
verksmiðju í bænum West
í Texas varð til þess að
nálægar byggingar hrundu
og eldar kviknuðu
í öðrum
Slökkviliðsmenn, sem
voru sendir að verksmiðjunni,
særðust þegar önnur
sprenging varð, að sögn
bandarískra fjölmiðla
Rúður brotnuðu í allt
að 300 m fjarlægð
frá verksmiðjunni
Hjúkrunar-
fyrirtæki
Sjúkrahús
Skóli
Skóli
BANDARÍKIN
TEXAS
Waco
Dallas
Houston
West
MEXÍKÓ
20 km
Sprenging í
verksmiðju
Verksmiðjan
AFP
Sprenging Lögreglumaður stöðvar
bíl í grennd við West í Texas.
Leitað í rústunum
» Björgunarmenn leituðu í
gær í rústum húsa sem eyði-
lögðust í sprengingunni.
Bandarísk yfirvöld sögðu að
málið yrði rannsakað sem
hugsanlegur glæpur þótt
margt bendi til þess að
sprengingin hafi orðið vegna
ammoníaks.
» Íbúar West eru um 2.800 og
margir þeirra eru afkomendur
Tékka sem fluttu búferlum til
Texas seint á nítjándu öld.
Skráning á
joninaben@nordichealth.is
og í síma 822 4844
Loksins! Heilsa, golf, sól
og sæla í sumarfríinu
Detox meðferð með Jónínu Ben íþrótta-
fræðingi og Ívari Haukssyni einkaþjálfara
og golfkennara. Þau hafa tekið höndum
saman og bjóða nú lúxus heilsu- og golf-
sumarfrí á Hótel Fairplay, Spáni. Meðferðin
byggir á þekkingu og reynslu beggja og
markmiðið er að slá tvær „kúlur“ í einu
höggi.
Við bjóðum upp á 10 daga meðferð, 1. júlí - 11. júlí. Þið bókið ferðalagið
hjá Heimsferðum á sérstökum afslætti fyrir Heilsuhópinn og rúta nær í gesti
á flugvöllinn.
Flogið er til Malaga og gist á 5 stjörnu lúxus SPA golf-hóteli.
Sjá heimasíðu hótelsins, www.facebook.com/FairplayHotel.
Hér er gott tækifæri fyrir fólk að koma endurnært úr sumarfríinu sínu.
Við getum því miður ekki tekið við börnum yngri en 16 ára.
Heilsumatur eftir uppskrift Detoxlækna•
Fyrirlestrar um hugarfar, mataræði, hreyfingu og næringu•
Gönguferðir•
Leikfimi•
Slökun og öndunaræfingar•
Sundleikfimi•
Frjáls aðgangur að SPA deildinni, þar með talið Hammasböðum•
(aukalega greitt fyrir nudd og aðrar líkamsmeðferðir)•
Hóptímar í golfi fyrir byrjendur (ekki innifalið)•
Einkatímar í golfi (ekki innifalið)•
Ef menn kjósa að vera ekki í heilsufæði er það minnsta mál en•
kostnaður bætist ofan á verðið.