Morgunblaðið - 01.08.2013, Qupperneq 20

FRÉTTASKÝRING
Áslaug Arna Sigurbjörnsdóttir
aslaug@mbl.is
Þ
að er aukinn áhugi á
náminu og fleiri og fleiri
sækja um,“ segir Krist-
ín Hrönn Þráinsdóttir,
fagstjóri Leiðsöguskól-
ans, sem er eins árs starfsnám sem
kennt er við Menntaskólann í Kópa-
vogi. Leiðsöguskóli Íslands hefur
útskrifað yfir 1.200 leiðsögumenn
frá stofnun, en hann var sá fyrsti
sem kenndi námið.
„Yfir 100 manns hafa nú sótt
um áður en fresturinn rann út, en
síðan þá hafa fjölmargar umsóknir
borist. Það eru ákveðnar forkröfur
og síðan fer fólk í inntökupróf,“
segir Kristín sem segir miklar
breytingar hafa verið á síðustu
fimm árum. Þá var verið að taka
inn nemendur alveg fram á haust
sem er sjaldan gert nú vegna fjölda
umsókna. Skólinn tekur inn um 70
nýnema á hverju ári. „Það er alveg
forsenda fyrir því að stækka hópinn
okkar,“ segir Kristín Hrönn.
Fjölbreyttari tungumál
Mikil áhersla er lögð á tungu-
málanotkun í Leiðsöguskólanum,
þar sem nemendur læra að segja
frá því sem þau læra á sínu kjör-
máli. Mikill nýr orðaforði er kennd-
ur sem snýr sérstaklega að ferða-
þjónustu. „Enska er alltaf
vinsælust, en síðan hefur verið
kennd spænska, danska, þýska,
franska, ítalska, norska og sænska,“
segir Kristín en einnig er reynt að
koma til móts við fólk sem sækir
um önnur tungumál. Nemendur
hafa til dæmis einnig sóst eftir námi
í japönsku, rússnesku og finnsku.
„Það er eftirsóknarvert að fá inn
nemendur með fjölbreytt tungumál
og ferðaþjónustan kallar á það,“
segir Kristín sem bætir við að með
auknum ferðamannastraumi eykst
krafa um fjölbreyttari tungumála-
kunnáttu leiðsögumanna. Flug-
félögin fljúga nú til mun fleiri landa
en áður og mun því fjöldi tungu-
mála aukast enn frekar. „Margir
taka fleiri tungumál og eykur það
atvinnumöguleika þeirra til muna.“
Áhugi á námi tengt ferðaþjón-
ustu hefur aukist á síðustu árum.
Háskóli Íslands býður upp á
þriggja ára nám í ferðamálafræði
sem og framhaldsnám, líkt og Há-
skólinn á Hólum. Þá er Endur-
menntun Háskóla Íslands með leið-
sögunám á háskólastigi. Anna Dóra
Sæþórsdóttir, dósent í ferða-
málafræði við HÍ, tekur undir að
meiri áhugi sé á námi þessu tengdu.
„Mikil fjölgun varð í námi í ferða-
málafræði eftir 2008 og hefur það
haldið stöðugt síðan. Nú byrja tæp-
lega 100 nýnemar á hverju ári,“
segir Anna Dóra sem segir einnig
fjölgun í framhaldsnáminu. „Þar er
mikið val í boði hjá okkur, þó fólk
geti líka sérhæft sig strax í grun-
námi. Í framhaldsnáminu er námið
sérsniðið að hverjum og einum,“
segir Anna Dóra sem bætir við að
þar séu möguleikarnir nær enda-
lausir.
Fjölbreytt tækifæri
„Við höfum heyrt af okkar
nemendum í mjög spennandi störf-
um eftir námið, ferðaþjónustan er
svo fjölbreytt að fólk fær vinnu á
ólíklegustu stöðum,“ segir Anna
Dóra og nefnir allt frá vinnu á
ferðaskrifstofum, verk-
fræðistofum, í náttúruvernd-
argeiranum, hjá ríki og
sveitarfélögum og vinnu við
Airwaves-tónlistarhátíðina
„Það eru mjög fjölbreytt tæki-
færi sem taka við eftir þetta
nám hjá nemendunum þar
sem ferðaþjónustan snertir
svo marga anga atvinnu-
lífsins.“
Aukinn áhugi á námi
tengdu ferðaþjónustu
Morgunblaðið/Kristinn
Ferðamenn Mikil aukning hefur orðið síðustu ár í fjölda ferðamanna hér
á landi allan ársins hring og einnig hefur aukist áhugi á námi því tengdu.
20
MORGUNBLAÐIÐ FIMMTUDAGUR 1. ÁGÚST 2013
Hægt er að lýsa skoðun á ritstjórnargreinum Morgunblaðsins á http://www.mbl.is/mogginn/leidarar/
Faxaflóahafn-ir hafa ávef sínum
birt skýrslu um
umfang sjávar-
útvegs á athafna-
svæði sínu í
Reykjavík og á
Akranesi. Athygli
vekur hve umfang sjávar-
útvegs er mikið á þessu svæði
og hversu mörgum störfum
greinin skilar þar af sér.
Í Faxaflóahöfnum er um
fimmtungur umsvifa sjávar-
útvegs á landinu og sýnir það
vel að höfuðborgarsvæðið er
mikilvæg verstöð. Ekki er síð-
ur athyglivert sem segir í
skýrslunni að um það bil 70%
af óbeinu framlagi sjávar-
útvegsins verði til í Reykjavík,
en með óbeina framlaginu er
átt við margvíslega þjónustu
við sjávarútveginn, sem fer að
miklu leyti fram í gegnum fyr-
irtæki í Reykjavík.
Hagsmunir Reykjavíkur af
því að sjávarútvegurinn í land-
inu sé öflugur eru því ríkir og
ótvíræðir. Þetta stangast á við
sýn ýmissa sem tala gjarnan
niður mikilvægi sjávarútvegs-
ins, ekki síst fyrir höfuðborg-
arsvæðið.
Þetta er einnig sláandi þeg-
ar haft er í huga hvernig nú-
verandi borgaryf-
irvöld brugðust við
þegar vinstri
stjórnin sótti
ítrekað að þessari
undir-
stöðuatvinnugrein
á síðasta kjör-
tímabili. Sveit-
arstjórnir um allt land sendu
umsagnir til Alþingis vegna
stórhættulegra lagafrumvarpa
ríkisstjórnarinnar, en Reykja-
vík dró lappirnar, skilaði um-
sögn seint og tók frekar af-
stöðu með ríkisstjórninni en
þessari mikilvægu atvinnu-
grein borgarinnar.
Í umsögn borgarinnar sagði
til að mynda að „aðeins um
1.000 manns“ hafi starfað við
fiskveiðar í höfuðborginni og
800 í fiskiðnaði. Þessi fram-
setning átti að draga úr mik-
ilvægi greinarinnar fyrir höf-
uðborgina og sýna fram á að
óhætt væri að keyra skatta á
sjávarútveginn upp úr öllu
hófi.
Eins og hér hefur áður verið
bent á var þessi framsetning
mikil fjarstæða og með hinni
nýju skýrslu er enn frekar
sýnt fram á hve fráleitt er af
borgaryfirvöldum eða öðrum
að gera lítið úr þýðingu sjáv-
arútvegsins fyrir Reykjavík.
Nú er enn betur
staðfest hve mjög
núverandi borgaryf-
irvöld hafa vanmetið
undirstöðugreinina}
Sjávarútvegur í
Reykjavíkurborg
Í ritstjórnargreinsem birtist í
blaðinu í gær var
vikið að úttútnun
eftirlitsiðnaðarins.
Á sama tíma birt-
ist á Moggavefnum
frétt um að páfagauk hafi ver-
ið bjargað með hjálp lyftara.
Atvikið átti sér stað á athafna-
svæði ritstjórnar og prent-
smiðju Árvakurs.
Síðdegis var birt áminning
frá Vinnueftirlitinu um að mik-
ilvægt væri að hafa „í huga að
lyftarar, hjólaskóflur, kranar
og önnur tæki séu ekki notuð
til að lyfta fólki.“ Segir eft-
irlitið að vert sé að vekja at-
hygli í þessu sambandi á
ákvæðum úr reglugerð um
notkun tækja nr. 367/2006.
Það er svo gert í tilkynningu
Vinnueftirlitsins. Svo segir:
„Og hins vegar reglugerð nr.
1005/2009 um vélar og tækni-
legan búnað og viðeigandi
staðla er lúta að gerð mann-
karfa.“
Ekki er við hæfi að endur-
taka hér eins og páfagaukur
það sem sagt var um eftirlits-
iðnaðinn á þessum stað síðast,
enda er í þessu tiltekna máli
augljóst að viðkomandi eftirlit
hefur brugðist fljótt og vel við
þeim atburðum sem
urðu uppi í Hádeg-
ismóum.
Páfagaukurinn
Sky var „hrakinn,
kaldur og uppgef-
inn“ þegar honum
var bjargað með aðferðum sem
þverbrutu staðla og reglugerð-
ir. Auðvitað hefði mönnum á
vettvangi átt að detta í hug að
hringja í löglegan körfubíl,
sem uppfyllti reglugerð nr.
1005/2009 og þó ekki síst „við-
eigandi staðla er lúta að gerð
mannkarfa“ (sem mun ekki
vera fisktegund). Það er engin
afsökun þótt einhver kynni að
hafa haldið að einhvers staðar
væru til reglugerðir og staðlar
sem segðu til um að bjóða
skyldi út þjónustu mann-
körfubíla á Evrópska efna-
hagssvæðinu og lægju við refs-
ingar, ef út af væri brugðið.
En það má páfagaukurinn
Sky vita að þetta er ekki per-
sónulega bundið við hann.
Lengi vel a.m.k. var til reglu-
gerð þar sem var ákveðið að
niðurföll í hænsnabúum skyldu
„að jafnaði“ vera á gólfi þar
sem það væri lægst. Þarna
vottaði sem sagt fyrir aðdáun-
arverðu svigrúmi hjá eftirlits-
iðnaðinum.
Morgunblaðsmenn
brutu bæði staðla
og reglugerðir og
biðjast forláts}
Ólögmæt upplyfting
Þ
egar Samfylkingin komst á sínum
tíma í ríkisstjórn með Sjálfstæð-
isflokknum greip um sig áberandi
mikil kæti meðal ráðherra Sam-
fylkingar. Ósmekklegt væri að
líkja gleðilátunum við það þegar kýrnar losna
úr fjósinu og komast út í guðs græna náttúr-
una þar sem þær leika við hvurn sinn fingur.
Þess vegna skulum við einungis láta okkur
nægja að segja að gleðilæti ráðherranna hafi
verið umfangsmikil og áberandi. Það er víst
mjög gaman að vera ráðherra! Svo hurfu
þessir ráðherrar skyndilega og í ljós kom að
þeir voru nær allir í útlöndum, í fríi eða á
skemmtifundum með erlendum kollegum.
Svipað virðist upp á teningnum nú. Ráð-
herrar ríkisstjórnarinnar eru flestir horfnir út
í góða veðrið. Einstaka ráðherrum bregður fyrir í stutt-
um viðtölum en það er enginn sérstakur sannfæringa-
tónn í málflutningi þeirra. Þeir virðast vera með hugann
við annað en vinnuna, eins og hendir iðulega þegar menn
eru í sumarfríi.
Hér skal ekki skammast út í það að ráðherrar fari í
sumarfrí eins og annað fólk. Aðalatriðið er að þeir skili
sér úr sumarfríinu og taki til starfa. Það er ýmislegt sem
þarf að gera eigi ekki að fara illa. Þá þurfa menn að vinna
vel og lengi.
Einn ráðherra virðist ekki hafa sérstaka þörf á löngu
sumarfríi heldur einbeitir sér að vinnu sinni. Það er
Kristján Þór Júlíusson heilbrigðisráðherra. Hann er í
erfiðu embætti þar sem mikið mæðir á hon-
um og vill greinilega standa sig. Þess vegna
stingur hann ekki af frá vaktinni. Hann mæt-
ir í fjölmiðla og svarar fyrir sinn málaflokk.
Hann er málefnalegur, yfirvegaður og velvilj-
aður. Og ekki líklegur til að fara á taugum.
Kristján Þór hefur ákveðið forskot á aðra
ráðherra þegar kemur að vinnusemi og við-
veru. Og það á við um ráðherra eins og aðrar
vinnandi stéttir að menn hljóta að græða á
því að vera sýnilegir. Vinnusemi er dyggð.
Það virðist Kristján Þór vita.
Það er sjálfsagt að óska nýrri ríkisstjórn
blessunar og velfarnaðar. Þótt lítið hafi gerst
á sumarþingi er engin ástæða til að ætla að
ríkisstjórnin muni sjálfkrafa verða aðgerða-
lítil í haust. Nýir ráðherrar hljóta að hafa
metnað til að standa sig vel í vinnunni og verða vonandi
allir frískir og fjörugir. Það má deila um það hvort þeir
hafi þurft á sumarfríi að halda, en hver vill svo sem ekki
komast í sólina á Ítalíu standi slíkt til boða?
Nú þurfa ráðherrarnir að elta hinn duglega heilbrigð-
isráðherra Kristján Þór og sýna af sér áberandi vinnu-
semi og lifandi áhuga. Þeir ættu einnig að gæta þess að
raða ekki einungis í kringum sig já-mönnum heldur ráð-
færa sig við fólk sem kann að segja þeim til syndanna
þegar þörf er á. Þá er mikilvægt fyrir ráðherra að hlusta.
Það má nefnilega stundum heilmikið læra af hæfilegum
skömmum. Síðasta ríkisstjórn hefði sannarlega grætt á
því að hlusta. kolbrun@mbl.is
Pistill
Forskot Kristjáns Þórs
Kolbrún
Bergþórsdóttir
STOFNAÐ 1913
Útgáfufélag: Árvakur hf., Reykjavík.
Ritstjórar:
Davíð Oddsson Haraldur Johannessen
Aðstoðarritstjóri:
Karl Blöndal
Útgefandi:
Óskar Magnússon
Nám tengt ferðaþjónustu er
fjölbreytt og er oft bæði verk-
legt og bóklegt.
Í Leiðsöguskóla Íslands er
boðið uppá ýmsa möguleika í
náminu og velja nemendur sér
kjörsvið. Nemendur hafa um
að velja þrjú kjörsvið með mis-
munandi leiðsögnum þar sem
þeir fá að æfa sig í leiðsögn
sem og að fá sjálf leiðsögn frá
reynslumiklum leiðsögumönn-
um. Valið er um almenna leið-
sögn með hringferð um landið,
gönguleiðsögn með
fimm daga gönguferð
með allt á bakinu eða
afþreyingarleiðsögn
með spennandi vett-
vangsferðum.
Nemendur skólans
eru frá 21 árs til sjö-
tugs og hafa mjög
fjölbreytta menntun
og reynslu að
baki.
Fjölbreyttir
möguleikar
NEMENDUR Á ÖLLUM ALDRI