Morgunblaðið - 02.08.2013, Page 4

VIÐTAL
Baldur Arnarson
baldura@mbl.is
Félagsfræðingurinn Baldvin Jónsson áætlar að
hann hafi sótt 2.000 sinnum um vinnu síðan
hann útskrifaðist með meistaragráðu úr erlend-
um háskóla árið 2008, án þess að hafa erindi
sem erfiði.
Baldvin útskrifaðist með BA-gráðu í félags-
fræði frá Háskóla Íslands árið 2007 og svo með
meistaragráðu í heilsufélagsfræði frá Royal Hol-
loway-háskólanum í London árið 2008. Þaðan
hélt hann í meistaranám í afbrotafræði við hinn
virta Edinborgarháskóla. Námið sóttist vel og
þegar undirbúningsáfangar voru að baki og
komið að því að skrifa meistararitgerð hrundi
efnahagskerfi Íslands. Fjárhagslegar forsendur
fyrir náminu brustu.
Segir Baldvin að valið hafi staðið milli þess
að borga leigu í mánuð eða kaupa flugmiða heim
til Íslands. „Ég átti enga aðra kosti en að koma
heim,“ segir hann.
Átti að vera tímabundið
„Þegar ég kom heim byrjaði ég að leita að
vinnu. Eina vinnan sem ég fékk var í gróðurhúsi
hjá frænda mínum, Gísla Jóhannssyni í Dals-
garði. Ætlunin var að starfa þar í nokkrar vikur
við að leggja túlípanalauka eða þar til annað
starf byðist. Það gekk ekki eftir. Ég fékk hvergi
vinnu. Ég vann því í gróðurhúsinu í um eitt ár.
Eftir það sótti ég um að gerast sjálfboðaliði
við hjálparstörf í Afríku. Til þess að geta það
þurfti ég að fara í hálfs árs undirbúningsnám á
vegum Humana-samtakanna í Massachusetts í
Bandaríkjunum. Þaðan fór ég til Mósambík.
Eftir hálfs árs dvöl syðra kom ég aftur
heim til Íslands í febrúar 2011.“
Tuttugu og sjö mánuðir voru þá liðnir frá
því íslenskt efnahagslíf fór á hliðina haustið 2008
og batt Baldvin vonir við að vinnumarkaðurinn
væri eitthvað farinn að glæðast. Annað kom á
daginn.
„Ég sótti víða um starf sem félagsfræð-
ingur, þar með talið hjá alþjóðastofnunum, enda
var ég orðinn heillaður af hjálparstörfum og
vildi sinna þeim áfram. Svo komst ég að því að
hvergi var verið að ráða fólk. Ég hélt að ástand-
ið hefði lagast á meðan ég var í burtu en það
reyndist ekki vera. Ég sendi fimm til tíu um-
sóknir um vinnu í hverri viku. Ég sótti mjög oft
um vinnu hjá ríkinu þegar auglýst var eftir fé-
lagsfræðingum. Rannsóknarstöður sótti ég líka
um,“ segir hann.
Menntunin til trafala?
Samkvæmt tölum Vinnumálastofnunar voru
6.935 manns að meðaltali án vinnu í júní.
Eftirspurnin eftir störfum er því mikil og
hefur Baldvin velt því fyrir sér hvort það kæmi
sér betur fyrir hann að leyna menntun sinni á
atvinnuumsóknum.
„Ég hef meira að segja fengið þá hugmynd
að sleppa prófgráðunum á umsóknum og sjá
hvort það hjálpi mér að fá vinnu. Ég fékk til
dæmis neitun um starf við afgreiðslu á bensín-
stöð hjá N1. Ég er búinn að reyna allt. Ég hef
sótt um byggingarvinnu og ég reyndi að komast
á sjó. Ég sótti um vinnu hjá Vegagerðinni, sótti
um þjónustustörf, málningarvinnu, steypugerð
og um vinnu hjá fyrirtæki sem seldi ísskápa.
Lagerstörf sótti ég einnig um.
Hann er vandfundinn sá geiri þar sem ég
hef ekki sótt um starf. Ég er búinn að víkka út
umsóknirnar og er farinn að sækja um störf sem
ég vildi helst ekki vinna við. Svo örvæntingar-
fullur er ég orðinn. Ég er farinn að sækja um
allt,“ segir hann.
Ætlar í frekara nám
Þrátt fyrir mótlætið ætlar Baldvin ekki að
leggja árar í bát. Hugur hans stendur til
hjálparstarfa og ætlar hann því að bæta við sig
prófgráðu til að standa betur að vígi þar.
„Ég ætla í diplómanám í þróunarfræði við
Háskóla Íslands meðfram vinnu í Dalsgarði, en
ég þarf þá helst gráðu ef ég ætla að leggja
stund á hjálparstörf, þótt ég hafi reynsluna,“
segir Baldvin en diplómanámið getur þróast í
meistaranám ef hann fær fyrstu einkunn.
Baldvin tekur fram að hann kunni vel við
sig í Dalsgarði. Það sé gaman að vinna innan um
blóm hjá fyrirtæki í eigu fjölskyldunnar. Það
hafi hins vegar ekki átt að verða ævistarfið.
Sótti tvö þúsund sinnum
um vinnu án árangurs
 Félagsfræðingur með meistaragráðu hefur hvergi fengið vinnu eftir hrunið
Morgunblaðið/Eggert
Innan um blómin Baldvin heldur upp á 35 ára afmælið hinn 31. ágúst næstkomandi.
4 FRÉTTIRInnlent
MORGUNBLAÐIÐ FÖSTUDAGUR 2. ÁGÚST 2013
Framkvæmdir
standa nú yfir í
Kópavogsbæ við
nýjan leikskóla í
Austurkór. Að
sögn Gunnars I.
Birgissonar, for-
manns fram-
kvæmdaráðs
Kópavogsbæjar,
verður leikskólinn
tilbúinn fljótlega upp úr áramótum, og
mun hann geta rúmað um 125 leik-
skólabörn.
Þá stendur sveitarfélagið fyrir
byggingu fjögurra íbúða fyrir fatlaða
á Kópavogsbraut, auk þess sem fimm
til sex íbúðir við Austurkór, einnig
fyrir fatlaða, verða boðnar út eftir
helgina. Þær eiga að vera tilbúnar á
næsta ári. Gunnar segir það sama
uppi á teningnum við yfirfærslu mál-
efna fatlaðra frá ríkinu til sveitar-
félaganna og var þegar grunnskól-
arnir voru færðir yfir.
„Ríkið hafði ekkert gert í þessum
málaflokki. Síðan er þetta flutt yfir til
sveitarfélaganna, sem þurfa þá að
byggja þetta upp, nákvæmlega eins
og var með grunnskólana á sínum
tíma. Þá þurfti að fara í miklar fjár-
festingar, sem er sama staða og við
stöndum frammi fyrir núna,“ sagði
Gunnar.
Hann segir að á rúmu ári hafi 430
íbúðum verið úthlutað á byggingar-
svæði í Þorrasölum, Kópavogstúni og
í Kórahverfinu. „Göturnar og allt
saman er tilbúið þar, það á bara eftir
að byggja,“ sagði Gunnar.
Bærinn fjármagnar einnig, í sam-
starfi við hestamannafélögin í bænum,
nýja reiðskemmu á Kjóavöllum. Þeim
framkvæmdum lýkur um áramót.
Kópavogs-
bær bygg-
ir leikskóla
Gunnar I. Birgsson
 Málefni fatlaðra
dýr biti frá ríkinu
Stuðningur við
stjórnina minnkar
Stuðningur við ríkisstjórnina fer
minnkandi samkvæmt nýjum þjóð-
arpúlsi Gallup. Frá þessu greindi
Ríkisútvarpið í gærkvöld. Þannig
sögðust 54% svarenda styðja ríkis-
stjórn Sjálfstæðisflokksins og
Framsóknar en það er fjögurra
prósentustiga minnkun frá síðustu
könnun og um átta prósentustiga
minnkun frá fyrstu könnunum á
stuðningi hennar. Þá sögðust 26%
svarenda styðja Sjálfstæðisflokkinn
samanborið við 18% hjá Framsókn.
Þar á eftir kemur Vinstrihreyfingin
- grænt framboð með 16% fylgi,
Samfylkingin með 14% fylgi, Björt
framtíð með um 10% fylgi og Pírat-
ar með 9% fylgi. Önnur stjórnmála-
öfl fengu á bilinu 1% til 2% fylgi.
Kajakræðarinn Guðni Páll Vikt-
orsson lauk í gærkvöldi ferð sinni
umhverfis landið eftir þriggja mán-
aða ferðalag. Guðni lagði af stað frá
Höfn í Hornafirði hinn 30. apríl og
ætlaði upphaflega að vera tvo mán-
uði á leiðinni. Veður var oft þannig
að Guðni gat ekki róið. Hann segist
aldrei hafa verið í lífshættu, en
nokkrum sinnum ansi nærri því.
Guðni Páll reri til styrktar Sam-
hjálp. Guðni, sem er 26 ára, ætlar að
taka sér stutt sumarfrí áður en hann
hefur störf hjá stoðtækjafyrirtækinu
Össuri, þar sem hann segist hafa
fengið ómetanlegan stuðning.
Umhverfis landið á
þremur mánuðum
Kajakræðari Guðni Páll Viktorsson.
Forstöðumenn þriggja ráðningarstofa í Reykja-
vík segja að vinnumarkaður sé að glæðast.
Katrín S. Óladóttir, framkvæmdastjóri Hag-
vangs, segir eftirspurnina að aukast.
„Okkur finnst vera að færast meira líf í vinnu-
markaðinn. Eftirspurnin hjá okkur hefur aukist.
Það eru ýmis störf í boði. Fjölbreytnin í eftir-
spurninni er að aukast. Það er kannski merki um
einhvern bata. Á þessum árs-
tíma er oft hreyfing á mark-
aðinum vegna breytinga á
persónulegum högum fólks
vegna framhaldsnáms o.fl.
Hóparnir sem fyrirtækin
spyrja um eru ekki jafn eins-
leitir og áður var. Fyrirtækin
hafa glímt við niðurskurð í
rekstri og fækkað fólki en sjá
nú vonandi framundan aukin
tækifæri til sóknar.
Á fyrstu árunum eftir hrun-
ið var nær engin eftirspurn
eftir fólki án háskólamennt-
unar og góðrar starfsreynslu
en nú finnst okkur merkjanleg
aukning á störfum þar sem
þess er síður krafist.“
Fá merki um launaskrið
Spurð hvort fyrirtæki séu
að gera vel við fólk þegar
margir sækjast eftir kröftum
þess segir Katrín að henni
sýnist sem fyrirtækin sýni
mikla gætni og aðhaldssemi í
öllum ráðningum. Hún sjái fá
merki um almennt launaskrið.
En er atvinnumarkaðurinn
að færast í eðlilegt horf?
„Við erum ekki komin á
þann stað enn þá en maður
finnur þó fyrir meiri já-
kvæðni. Það vantar töluvert
upp á að fyrirtæki nái almennt
sínum styrkleika þannig að
þau geti farið að sýna meira framboð á nýrri
þjónustu, eða að sækja meira inn á markaðinn til
að sækja kaupendur. En kaupendurnir eru ekki
endilega til staðar enn þá. Fólk er svolítið að
bíða eftir meiri festu og öryggi.“
Agla Sigríður Björnsdóttir, ráðningarstjóri
Vinna.is, sér líka batamerki á vinnumarkaði.
„Við fundum strax mun eftir þingkosning-
arnar í vor. Það gætir ákveðinnar bjartsýni. Júlí
er sumarleyfismánuður en við finnum að fyrir-
tæki eru farin að huga fyrr að haustinu og leggja
fram beiðni um starfsfólk. Við erum því mjög
bjartsýn á framtíðina,“ segir Agla Sigríður en
Vinna.is sérhæfir sig í verslun og þjónustu, sölu,
skrifstofustörfum og iðnaðarstörfum.
„Þjónustugeirinn dróst hvað mest saman eftir
efnahagshrunið. Fyrirtæki þurftu að segja upp
fólki og vildu gjarnan ráða sjálf í þau störf sem
losnuðu. Síðasta árið hefur eftirspurn eftir
starfsfólki í sölu og þjónustu verið mjög mikil.
Það sama á við um starfsfólk í mötuneyti og mat-
ráða. Þá er alltaf skortur á bifvélavirkjum og
járniðnaðarmönnum. Fjölbreytnin í framboði
starfa er líka að aukast. Árið 2012 var mjög gott
og árið 2013 er ekki síðra. Þetta er enn þá upp á
við. Fólk er líka óhræddara að skipta um starf í
dag, en fyrst eftir hrunið, þar spila laun og meiri
bjartsýni á markaðinn inn í.“
Óvenjumikið að gera í júlí
Hulda Helgadóttir, framkvæmdastjóri ráðn-
ingarþjónustunnar HH Ráðgjafar, segir eftir-
spurnina að aukast. „Það er búið að vera óvenju-
mikið að gera hjá okkur í júlí miðað við fyrri ár.
Undir venjulegum kringumstæðum ætti júlí að
vera rólegasti mánuður ársins. Þetta gefur góð-
ar væntingar um framhaldið. Það vantar fólk í
hin ýmsu störf, allt frá almennum starfsmönnum
upp í stjórnendur. Það er skortur í ýmsum geir-
um og hefur verið frá hruni. Það er til dæmis
mikill skortur á forriturum og tæknimenntuðu
fólki. Þetta hefur farið hægt batnandi og við höf-
um séð mjög góða mánuði,“ segir Hulda.
Forstöðukonur þriggja vinnumiðlana greina stöðuna
Sjá batamerki á markaði
Morgunblaðið/Ómar
Erfið tíð Þúsundir starfa töpuðust í hruninu.
Katrín S.
Óladóttir
Agla Sigríður
Björnsdóttir
Hulda
Helgadóttir