Morgunblaðið - Sunnudagur - 25.08.2013, Blaðsíða 30

30 MORGUNBLAÐIÐ SUNNUDAGUR 25.8. 2013
Matur og drykkir
H
vassafell er einn af Steinabæjunum undir Eyjafjöllum. Þar er
rekinn veitingastaðurinn Gamla fjósið í gömlu fjósi sem
byggt var árið 1954. Mjólkurframleiðsla og nautgriparækt er
aðalatvinnugreinin á Hvassafelli og framleiðir búið um 300
þúsund lítra af mjólk á ári.
Árið 1999 var tekið í notkun á Hvassafelli róbótafjós og var þá hætt
að nota gamla fjósið. Því var breytt í veitingastað.
Gamla fjósið opnaði 12. ágúst 2011 og er aðaluppistaðan á matseðli af-
urðir af nautgriparæktinni.
Salurinn er um 90 m² og tekur um 50 manns í sæti. Áhersla er lögð á
að vera með ferska matvöru úr heimabyggð og að skapa stemmingu
sem minnir á gamla tíma og nýja í sveitinni. Nautakjötið sem bragðast
svo vel framleiða þau sjálf, fiskurinn og humarinn á matseðlinum kemur
frá Vestmannaeyjum. Hveitið og repjuolía í brauðið er framleitt á Þor-
valdseyri.
Sýslumaðurinn í Vík, hún Anna Birna í Varmahlíð, ræktar salat og
grænmeti fyrir staðinn sem þau nota í Sýslumannssalatið. Á matseðl-
inum eru Eldfjallasúpa sem er gúllassúpa, sterk og bragðmikil. Ham-
borgararnir eru 140 gr. hreint nautakjöt, Steinaloka með nautasneiðum,
piparsteik bóndans og nautalund. Auk þess fiskur dagsins, humar og
fleira góðgæti.
Gamla fjósið mun loka eftir aðeins viku en Heiða Björg Scheving,
húsfreyja á Hvassafelli, segir að hún sé alltaf til í að opna staðinn fyrir
góða hópa. Þá séu nokkrir viðburðir fastir liðir á haustin, Fýlaveisla
verður um miðja september, sviðaveisla í október, Villibráðarhlaðborð í
nóvember og jólahlaðborð í desember.
Morgunblaðið/Eggert
STEIKARLOKA GAMLA FJÓSSINS
Kjötið kemur frá bænum
UNDIR EYJAFJÖLLUM ER VEITINGASTAÐURINN GAMLA FJÓSIÐ. STAÐURINN ER Í GÖMLU FJÓSI SEM BYGGT VAR 1954. ÖLL HRÁEFNIN
ERU FENGIN ÚR NÁGRENNI STAÐARINS. GAMLA FJÓSIÐ LOKAR EFTIR VIKU EN HEIÐA BJÖRG OPNAR ALLTAF FYRIR HÓPUM.
Benedikt Bóas benedikt@mbl.is
Ingveldur Anna Sigurðardóttir, Karlotta Laufey Halldórsdóttir og Heiða Björg Scheving húsfreyja.
Morgunblaðið/Eggert
Innihald Brauð, nautavöðvi, sveppir, laukur og bernes-
sósa.
Aðferð Gott brauð, hægt að nota hvaða brauð sem er. Í Gamla
fjósinu er bakað brauð og notar Heiða Björg í það heilhveiti og
repjuolíu frá Þorvaldseyri sem er rétt austan við Gamla fjósið.
Nautakjötið er skorið í þunnar sneiðar og snöggsteikt á
pönnu ásamt lauknum og sveppum.
Bernessósan getur bæði verið heimatilbúin eða keypt í næstu
búð. Brauðið er smurt með sósunni, mikið eða lítið, allt eftir
smekk og kjötið, sveppir og laukur sett á milli.
Einfalt en bragðgott.
Steinaloka