Akureyri - 17.10.2013, Side 14

14 17. október 2013
Ferðamenn komist framhjá
flöskuhálsinum Reykjavík
Bylting verður í ferðaþjónustu í Mývatnssveit þegar
nýtt 80 herbergja hótel tekur til starfa 1. júlí næst-
komandi. Hótelið nefnist Hótel Laxá og rís í landi
Arnarvatns í suðurhluta Mývatnssveitar.
Byggingarframkvæmdir eru
hafnar við hótelið og segir Mar-
grét Hólm Valsdóttir hótelstjóri að
reynt verði eftir megni af halda
framkvæmdinni í hér-
aði. Hún viðurkennir að
starfsmenn þurfi að halda
vel á spöðunum til að allt
verði klárt næsta sumar
enda byggingin um 3000
fermetrar.“Við vonum að
veðrið verði til friðs.“
EKKI HEILSÁRSHÓTEL
Hótelinu er ekki ætlað að
starfa á heilsársvísu, a.m.k.
ekki til að byrja með. Það verður
opið út september næsta sumar en
það sem gæti stutt rekstrargrund-
völl heilsársþjónustu er að fá fleiri
bein flug til Akureyrar eða kröftugt
tengiflug frá Keflavík til Akureyrar,
að mati hótelstjórans. „Við þurfum
að losna við flöskuhálsinn Reykja-
vík. Mín tilfinning er sem dæmi að
flestir sem kjósa að koma oftar en
einu sinni til Íslands vilji losna við
að þurfa að gista í Reykjavík.“
Það sem styður tilfinningu Mar-
grétar sem unnið hefur lengi í ferða-
þjónustu er að rannsóknir sýna að
flestir ferðamenn koma til Íslands
vegna náttúrunnar. Hún
segist engar áhyggjur
hafa af því að viðbótin
með tilkomu Hótels Laxár
skemmi rekstrargrundvöll
annarra hótela sem fyrir
séu á svæðinu. Aðspurð um
viðbrögð frá keppinaut-
um í héraði, öðrum hótel-
höldurum, segir Margrét
viðbrögðin góð. „Kakan er
stór en kökubitarnir hafa
verið að fara annað.“
Hægt væri að þrí- eða jafnvel
fjórbóka allt gistirými sveitarinn-
ar þegar mest sé að gera á sumrin
og hafi aðsókn ferðamanna í sumar
slegið öll met. Ekki alls fyrir löngu
var áætlað að tala ferðamanna í
Mývatnssveit á sumrum væri ná-
lægt 100.000 en Margrét telur að
sá fjöldi hafi a.m.k. tvöfaldast.
„Við sjáum það nú þegar á bók-
unum sem hrúgast inn til okkar
fyrir næsta sumar að eftirspurn
eftir gistirými hér er miklu meiri
en framboð.“
ÞARF AÐ STYRKJA INNVIÐI
Hótel Laxá verður 3ja stjörnu hótel
og Margrét Hólm segir að áhersla
verði lögð á umhverfisvernd. Stefnt
sé að grænu hóteli sem leiti eftir
vottun sem umhverfisvænt fyrirtæki.
„Þú byggir ekki hótel og rekur það á
okkar tímum án þess að taka þátt
í slíku.“
Um það hvort tilkoma hótelsins
auki átroðning og skapi mengun
umfram hið æskilega svarar Mar-
grét Hólm að ferðamennirnir séu
hvort eð er í sveitinni, hótelið geri
ekki annað en að hýsa þá. Hins vegar
þurfi að setja aukið fé í innviði til
verndar náttúrunni. Fleiri salerni
og aukin göngustígagerð skipti máli.
Til dæmis sjái fólk að malbikaðir
göngusgígar í Dimmuborgum verði
til þess að ferðamenn gangi ekki
utan stíga. „Við gætum ekki selt
Mývatnssveit ef við ætlum ekki að
huga vel að þessu.“
Megineigendur hótelsins eru
Vilhjálmur Sigurðsson og Hjálmar
Pétursson sem ásamt fleiri fjárfest-
um standa að hótelframkvæmdunum.
Þeir eru meðal eiganda og stjórnenda
Avis og Budget bílaleigunnar á Ís-
landi. Með tilkomu hótelsins eykst
hótelrými í Mývatnssveit um 60%
með tilkomu Hótel Laxár næsta
sumar.
Tveggja manna herbergi mun
kosta 225 evrur næsta sumar, eða
um 36.000 krónur, þ.e. hámarksverð.
„Markmiðið er að skapa einstaka
upplifun fyrir ferðamenn, hvort sem
þeir eru innlendir eða erlendir. Við
ætlum okkur að veita alhliða þjón-
ustu, þar sem umhverfið fær að njóta
sín. Þannig munu gestir geta notið
útsýnis yfir sveitina um leið og þeir
njóta máltíðar á veitingastað hót-
elsins eða slaka á í notalegri setu-
stofu.“ a
MARGRÉT HÓLM
VALSDÓTTIR hótel-
stjóri
TÖLVUTEIKNING AF HÓTEL Laxá, fullbúnu.