Morgunblaðið - 04.11.2013, Blaðsíða 22

22 MINNINGAR
MORGUNBLAÐIÐ MÁNUDAGUR 4. NÓVEMBER 2013
✝ Thelma BjörkGunnarsdóttir
fæddist í Reykja-
vík 16. nóvember
1976. Hún varð
bráðkvödd 24.
október 2013.
Foreldrar henn-
ar eru Gunnar
Kristinn Sigurðs-
son, f. 29. júlí
1945, og Guðríður
Jónsdóttir, f. 17.
september 1947. Systkini
Thelmu eru Jón Grétar, f. 3.
júlí 1967, og Hildur Arna, f. 3.
febrúar 1975.
Sambýlismaður og unnusti
Thelmu er Guðmundur Skúli
Margeirsson, f. 31. október
1982. Dóttir þeirra er Brynja
börnum. Hún ólst upp á Lang-
holtsveginum í Vogahverfi í
Reykjavík. Thelma gekk í
Vogaskóla og síðar í Mennta-
skólann í Kópavogi þaðan sem
hún útskrifaðist sem mat-
artæknir. Síðustu ár starfaði
Thelma sem matráður í leik-
skólanum Maríuborg, sá um
ræstingar í félagsmiðstöðinni
Hæðargarði auk þess sem hún
var starfsmaður skátafélagsins
Skjöldunga og sá um daglega
starfsemi félagsins í hluta-
starfi. Thelma var alla tíð virk
í skátahreyfingunni og sótti
sinn fyrsta skátafund hjá
Skjöldungum ung að aldri.
Thelma var sæmd Forseta-
merki skáta árið 1996 og ári
síðar lauk hún Gilwell-
leiðtogaþjálfun skáta. Hún
ferðaðist mikið um landið og
fríum varði Thelma í ferðalög
með fjölskyldu og vinum.
Útför Thelmu fer fram frá
Langholtskirkju í dag, 4. nóv-
ember 2013, kl. 15.
Líf, f. 7. október
2011. Fyrir átti
Guðmundur Mar-
geir Óla, f. 29. des-
ember 2000, og tók
Thelma virkan þátt
í uppeldi hans frá
árinu 2005. For-
eldrar Guðmundar
eru Margeir Sig-
urðsson, f. 6. októ-
ber 1961, og Haf-
dís Þórhallsdóttir,
f. 9. september 1960. Systkini
Guðmundar eru Íris Dögg, f.
14. febrúar 1985, Dóróthea
Rún, f. 2. maí 1993, Helga Mar-
grét, f. 4. febrúar 1995, og Sig-
urður, f. 25. júní 1998.
Thelma Björk bjó í Graf-
arvogi með unnusta sínum og
Elsku Thelma með bláustu
augun og sætasta brosið.
Morguninn sem þú dóst
sprakk hjarta mitt í þúsund mola.
Undanfarna daga hef ég náð að
tína upp einstaka brot með hjálp
endalaust margra minninga um
þig. Eins og þegar þú fimm ára
pakkaðir sjálfri þér ofan í kassa
svo hægt væri að senda þig til
Afríku til að hitta börnin sem
ekkert fengu að borða. Minning-
ar um hvað okkur litlum fannst
fyndið að frændfólk mundi ekki
hvor okkar systra hét hvað og
kallaði okkur bara Hildurthelma
einu nafni. Öll slagsmálin og
gleðistundirnar í æsku, öll leik-
ritin sem voru sett upp í stofunni
og öll kvöldin sem við kúrðum
saman uppi á lofti á Langholts-
veginum að hlusta á Bibbu á Brá-
vallagötunni fyrir svefninn hlæj-
andi í myrkrinu. Minningar um
orðheppni þína, þig á leið í ská-
taútilegur á unglingsárunum og
landsins fyrstu innihátíð. Góða
matinn þinn, salötin, snúðana og
kökurnar. Minningar um árin þín
með fallegu litlu fjölskyldunni
þinni, Gumma, Margeiri Óla og
Brynju Líf. Og ferðalögin enda-
laust mörgu og ógleymanlegu
þar sem alltaf var nóg pláss fyrir
okkur Þorra.
Ég er svo þakklát fyrir að hafa
átt þig sem systur og trúnaðarvin
og að Þorri minn skuli hafa feng-
ið að alast upp í höndum svona
dásamlegrar frænku. Takk fyrir
alla ástina, umhyggjuna og tím-
ann sem þú veittir honum. Orð fá
því ekki lýst hvað þú varst okkur
báðum mikilvæg, dásamlega
Bemba okkar. Þorri vill að þú vit-
ir að hann saknar þín svo mikið
og að hann mun alltaf muna eftir
þér. Það er ótrúlega erfitt að
skilja hvers vegna þú færð ekki
að sjá yndislegu börnin þín vaxa
úr grasi, skapa fleiri minningar
með Gumma þínum og eiga meiri
tíma með okkur fólkinu þínu og
vinum. Við hjálpumst að við að
passa vel upp á Brynju, Margeir
og Gumma.
Minningar um þig; yndislega
mömmu, unnustu, dóttur, systur,
barnabarn, frænku og vinkonu,
eiga eftir að ylja um ókomna tíð.
Hvíldu í friði elsku litla systir,
Thelmus, snillingur.
Takk fyrir allt og allt.
Þín
Hildur.
Ég var á leiðinni til vinnu þeg-
ar ég fékk símtalið, „það kom
eitthvað fyrir Thelmu – við vitum
ekkert ennþá!“ Það var erfitt að
halda athyglinni við aksturinn í
þungri morgunumferðinni.
Næstu klukkutímar voru erfiðir.
Síðan kom símtalið: „Hún er dá-
in.“ Ég flýtti mér heim til þess að
segja börnunum mínum að föð-
ursystir þeirra væri látin og ekki
nema tvö ár síðan þau misstu
systur sína og ég dóttur. Níst-
andi sársaukinn, sem við þekkj-
um alltof vel, helltist aftur yfir
okkur – svart gapandi tómið.
Hugurinn leitar til baka. Ég
var nýlega farin að vera með Jóni
bróður hennar Thelmu og var að
heimsækja tilvonandi tengdafjöl-
skylduna. Ég átti 2 börn fyrir,
Bergþóru sem var 10 ára og Inga
Stein 4 ára. Thelma var 14 á þess-
um tíma, virtist frekar feimin en
mjög ljúf og það var reyndin, ljúf-
ari og betri manneskju er ekki
hægt að finna. Hún var á bólakafi
í skátastarfi hjá skátafélaginu
Skjöldungum – skáti af lífi og sál
og ekki leið á löngu áður en
Begga mín var gengin í Skjöld-
ungana, þrátt fyrir að við byggj-
um í Grafarvogi en Skjöldung-
arnir tilheyra
Langholtshverfinu. Thelma var
skátaforinginn hennar og leiddi
hana í ótal útilegur og ferðalög.
Ég var alltaf róleg yfir þessu
brölti þeirra því að ég vissi að
Begga mín var í traustum hönd-
um með Thelmu. Þegar dætur
okkar Jóns fóru að koma í heim-
inn þá var Thelma alltaf tilbúin
að passa frænkurnar sínar og
gera eitthvað skemmtilegt með
þeim. Enda var hún í miklu uppá-
haldi hjá okkur öllum.
Síðar þegar Thelma hitti
Gumma sinn þá var eins og þau
hefðu alltaf verið saman, þau
bara smellpössuðu hvort við ann-
að og Thelma gekk Margeiri
strax í móðurstað. Gleðin og
hamingjan lýsti af þessari litlu
fjölskyldu. Hápunkturinn í lífi
þeirra var þó þegar þau eignuð-
ust Brynju Líf saman. Þvílíkur
sólargeisli sem þetta barn er, rétt
nýorðin 2ja ára.
Ég veit að þetta eru ólýsan-
lega sársaukafullir dagar og það
verður erfið leið fyrir fjölskyld-
una til baka úr djúpum dal sorgar
en Brynja litla mun fleyta pabba
sínum, bróður, ömmu og afa í
gegnum þessa hræðilegu líf-
reynslu.
Ég er viss um að Begga mín
hafi tekið vel á móti henni
Thelmu Björk hinum megin
regnbogans. Eftir sitjum við
hnípin en við eigum þó eingöngu
fallegar og skemmtilegar minn-
ingar og það er mjög dýrmætt.
Sofnar drótt, nálgast nótt,
sveipast kvöldroða himinn og sær.
Allt er hljótt, hvíldu rótt.
Guð er nær.
(Kvöldsöngur skáta)
Eyrún Þóra Bachmann.
Elsku Thelma. Ég trúi því
ekki að þú sért farin frá okkur,
þú sem varst alltaf svo hress og
hraust. Það kemur alltaf upp í
hugann að maður hlakkar svo til
næsta göngutúrs eða afmælis,
þar sem þú mætir með bros á vör
og knúsið þitt. Knúsið þitt var
það besta knús sem ég fékk, það
var alltaf svo innilegt og mikið
lagt í það. Þú samgladdist manni
alltaf alveg sama hversu sigrarn-
ir voru smáir, yfirleitt varst þú sú
fyrsta sem komst og knúsaðir
mann og óskaðir manni til ham-
ingju.
Þú varst alltaf boðin og búin til
að aðstoða, ef þú heyrðir að ein-
hver var að flytja varst þú alltaf
fyrst að bjóða fram aðstoð þína
og var það ekki sjaldan sem ég
naut þeirrar aðstoðar, enda á ég
margar góðar minningar með þér
í þeim aðstæðum og þú varst svo
rösk bara tókst upp úr kössunum
og komst því fyrir. Þú varst líka
alltaf svo góð við strákana mína,
enda komst þú líka fyrst upp í
huga minn sem skírnarvottur
þegar það átti að skíra Svavar
Hauk. Þú gerðir ekki greinar-
mun á fólki, það voru allir jafnir í
þínum augum. Viðar Ingi sagði
þegar hann frétti af andláti þínu:
„Hún var alltaf svo góð við mig,
er hún núna engill?“ Já, þú ert
sko pottþétt engill á himnum því
betri manneskja er ekki hægt að
vera. Hann langaði að senda þér
bréf og kom með þá uppástungu
að festa það á flugdrekann sinn
og senda það með honum upp til
himna og þú myndir teygja þig
eftir því, því verður hrint í fram-
kvæmd í sumar.
Ég á margar góðar minningar
um þig. Fyrstu minningar mínar
um þig eru frá Langholtsvegin-
um, mér fannst alltaf svo gott að
koma þangað í heimsókn, þú
leyfðir mér að fylgja með þér
hvert sem þú fórst og það var
alltaf svo gaman að spila með
þér. Svo gekk ég í skátana, í
Skjöldunga, og þar átti ég ynd-
islegan tíma og kynntist þér
ennþá betur.
Eftir að þú kynntist Gumma,
sem var svo akkúrat fyrir þig og
Margeiri Óla sem þú tókst undir
þinn verndarvæng og varst hon-
um svo góð móðir, þá fórum við
að fara saman í útilegur og þar
var margt brallað saman. Tala nú
ekki um eftirminnilegar sund-
ferðir. Svo kom Brynja Líf inn í
líf þitt, þvílíkur ljósgeisli sem hún
er, alltaf glöð eins og þú. Ég vona
bara að ég verði börnunum þín-
um eins góð frænka og þú reynd-
ist mínum strákum.
Minning þín er mér ei gleymd;
mína sál þú gladdir;
innst í hjarta hún er geymd,
þú heilsaðir mér og kvaddir.
(Káinn.)
Elsku Thelma, þú munt lifa í
hjörtum okkar og við erum hepp-
in að eiga svona margar góða
minningar um þig.
Ástarkveðja,
Ágústa og fjölskylda.
Elsku Thelma okkar er látin,
langt fyrir aldur fram.
Það er svo margt sem er
óskiljanlegt við andlát hennar.
Ung kona, unnusta og tveggja
barna móðir skyndilega hrifsuð
frá fjölskyldu sinni og vinum.
En eftir sitja margar góðar
minningar um frábæra frænku
sem alltaf gat látið okkur líða vel
með frábærum húmor, hjarta-
hlýju, yndislegu brosi og hlátri,
vilja til þess að hjálpa öllum og
alltaf gat maður treyst á hana og
leitað til hennar ef eitthvað bját-
aði á. Við erum heppin að eiga
þessar góðu minningar um hana
til að ylja okkur við.
Hvíldu í friði elsku Thelma og
við sjáumst aftur þegar okkar
tími kemur.
Farðu í friði vinur minn kær
faðirinn mun þig geyma.
Um aldur og ævi þú verður mér nær
aldrei ég skal þér gleyma.
Svo vöknum við með sól að morgni.
(Bubbi Morthens)
Ingi Steinn, Guðríður,
Ástrós og Sóley Rut.
Það er erfitt að kveðja elsku
Thelmu Björk frænku. Það er svo
ótrúlega hverfult þetta líf. Tárin
streyma og sorgin yfir missi okk-
ar er mikil. Við Thelma vorum
jafnöldrur og á ég margar góðar
minningar frá því við lékum okk-
ur saman. Það var alltaf tilhlökk-
unarefni að fara til Hildar og
Thelmu á Langholtsveginn. Fjöl-
skyldan öll kom alltaf saman á
aðfangadagskvöld hjá ömmu og
afa á Réttó, einu sinni ákváðum
við Thelma að trúa jólasveininum
sem kom, fyrir því að við værum
tvíburar. En þegar allir fóru að
hlæja dró Thelma það til baka og
viðurkenndi að við værum jú að-
eins frænkur þó að við værum
jafngamlar og í alveg eins fötum.
Elsku Thelma, mér þykir allt-
af svo vænt um þessa minningu
okkar og minning þín lifir í hjarta
og huga okkar allra um ókomna
tíð. Takk fyrir allar þær góðu
stundir sem við áttum saman.
Þau ljós sem skærast lýsa,
þau ljós sem skína glaðast
þau bera mesta birtu
en brenna líka hraðast
og fyrr en okkur uggir
fer um þau harður bylur
er dauðans dómur fellur
og dóm þann enginn skilur.
En skinið loga skæra
sem skamma stund oss gladdi
það kveikti ást og yndi
með öllum sem það kvaddi.
Þótt burt úr heimi hörðum
nú hverfi ljósið bjarta
þá situr eftir ylur
í okkar mædda hjarta.
(Friðrik Guðni Þórleifsson.)
Elsku Gummi, Margeir og
Brynja Líf, hugur minn er hjá
ykkur. Guð veiti ykkur styrk til
að takast á við þessa erfiðu tíma.
Gunni, Gurrý, Hildur og Jón
Grétar, megi Guð vera með ykk-
ur og veita ykkur styrk í þessari
miklu sorg.
Helena Rut.
„Plís, við hefðum ekki átt að
klára búðinginn í gær.“ Þessi
setning er föst í mér þegar ég
minnist Thelmu Bjarkar enda
var hún ekki nema þriggja eða
fjögurra ára þegar hún fór með
þessi fleygu orð. Seinni ár höfum
við frændsystkinin haft gaman af
því að rifja þau upp ásamt fleiri
setningum sem hafa fallið í jóla-
boðum, afmælum og ekki síst
göngutúrum sem voru á tímabili
fastur liður í hittingi milli okkar
systkinabarnanna og foreldra
okkar.
Nú er höggvið stórt skarð í
fjölskylduhópinn og orð fá ekki
lýst hvað okkur tekur það sárt.
Bjarni Már Svavarsson
og fjölskylda.
Þar sem englarnir syngja sefur þú
sefur í djúpinu væra.
Við hin sem lifum, lifum í trú
að ljósið bjarta skæra
veki þig með sól að morgni.
Drottinn minn faðir lífsins ljós
lát náð þína skína svo blíða.
Minn styrkur þú ert mín lífsins rós
tak burt minn myrka kvíða.
Þú vekur hann með sól að morgni.
Faðir minn láttu lífsins sól
lýsa upp sorgmætt hjarta.
Hjá þér ég finn frið og skjól.
Láttu svo ljósið þitt bjarta
vekja hann með sól að morgni.
Drottinn minn réttu sorgmæddri sál
svala líknarhönd
og slökk þú hjartans harmabál
slít sundur dauðans bönd.
Svo vaknar hann með sól að morgni.
Farðu í friði vinur minn kær
faðirinn mun þig geyma.
Um aldur og ævi þú verður mér nær
aldrei ég skal þér gleyma.
Svo vöknum við með sól að morgni.
(Bubbi Morthens)
Elsku Gummi, Margeir Óli,
Brynja Líf, Gunni, Gurrý, Jón
Grétar, Hildur og aðrir ástvinir,
megi góður Guð styrkja ykkur á
þessum erfiðu tímum.
Þínar frænkur
Kristín og Matthildur (Matta).
Thelma Björk var einhver góð-
hjartaðasta og hjálpfúsasta
manneskja sem ég hef kynnst.
Hún hafði yndislega hlýja nær-
veru, stórt fallegt bros og smit-
andi hlátur. Það var einhver auð-
mjúk, þægileg ró yfir henni en
um leið stutt í lúmska fyndni og
hnyttin tilsvör. Ég kynntist
Thelmu í gegnum Hildi og ég
dáðist alltaf að því hve samrýnd-
ar þær systur voru, hversu stórt
hjarta þær höfðu og hversu um-
hugað þeim var um þá sem stóðu
þeim næst.
Maður fyllist gremju sem
maður veit ekki hvert á að beina
þegar grimmd örlaganna rænir
manneskju eins og Thelmu fram-
tíðinni, hennar aðstandendur fá
ekki að eldast með henni og börn-
in í kringum hana fá ekki að vaxa
úr grasi með hana sér við hlið og
kynnast því af eigin raun hversu
yndisleg manneskja mamma
þeirra og frænka þeirra var. En
við geymum okkar minningar um
Thelmu og getum öll margt af
henni lært.
Hennar nánustu sendi ég mína
hjartans kveðju en veit um leið
hversu lítils megnug orð eru
gagnvart sorginni.
Árni Þorvaldsson.
Það er ótrúlega erfitt að trúa
því og skilja af hverju svo ung
kona í blóma lífsins er tekin burt
frá fjölskyldu sinni. Elsku fallega
og góða Thelma sem hugsaði svo
vel um alla.
Elsku Gurrý, Gunni, Jón Grét-
ar og Hildur – megi allar góðar
vættir veita ykkur styrk í sorg-
inni
Elsku Gummi, Margeir og
Brynja Líf, missir ykkar er mikill
og megi Guð geyma ykkur og
veita ykkur styrk í þessu verk-
efni sem virðist svo óyfirstígan-
legt
Sendi innilegar samúðarkveðj-
ur til allra sem eiga um sárt að
binda vegna fráfalls Thelmu.
Guðný Sigurðardóttir.
Við erum þakklát fyrir að hafa
fengið að kynnast þér, elsku
Thelma okkar. Björk var heppin
að hafa þig sem sína bestu vin-
konu í 28 ár. Vinskapur ykkar
slitnaði aldrei og eru þær ófáar
stundirnar sem þið áttuð saman
og fengum við oft að taka þátt í
þeim með ykkur. Símtalið um
fráfall þitt var og er erfitt að
sætta sig við, erfitt er að skilja
hvers vegna þú þurftir að kveðja
okkur svona snemma. En við ylj-
um okkur við góðar minningar
um góðar stundir sem við áttum
með þér, elsku Thelma.
Elsku Gummi, Margeir,
Brynja og fjölskylda, við vottum
ykkur okkar dýpstu samúð.
Rafn, Jóhanna, Jónína,
Guðný og Jóhanna.
Elsku besta vinkona.
Það er mjög erfitt að trúa því
að þú sért farin. Það var svo
margt sem við ætlum að gera
saman. Fara í útilegur, ferðast,
borða saman og margt fleira.
Þú varst mín besta vinkona og
þú gerðir allt fyrir mig og alla.
Það var sko ekkert mál að redda
einhverju. Þú varst gull af manni.
Ég man þegar við hittumst
fyrst þegar þú komst að sækja
mig í Hafnarfjörð til að fara í ská-
taútilegu. Ég var rosa feimin og
þú líka en þegar við ákváðum að
fara saman í dróttskátagönguna
á Hellisheiði varð ekki aftur snú-
ið, við urðum mjög góðar vinkon-
ur.
Ég man svo vel þegar við fór-
um nánast hverja helgi í Þórs-
mörk eitt sumarið til að tína rusl
á rusla Grænlendingi eins og við
kölluðum traktorinn. Við sungum
okkur hásar við að syngja Ísland
er land þitt. Vorum meira að
segja búnar að prenta út textann
því hann var heldur of langur fyr-
ir okkur. Auðvitað var besta
sportið að fá svo frí á laugardags-
kvöldum til að skemmta okkur og
syngja við varðeldinn. Ótrúlega
skemmtilegir tímar. Við fórum í
margar útilegur, jeppaferðir,
sumarbúðstaðarferðir og að
skemmta okkur. Þú varst sko al-
gjör stuðbolti.
Við leigðum svo saman í Kópa-
voginum í eitt ár og það var óend-
anlega gott að hafa þig hjá mér
þetta ár eftir að slys varð í fjöl-
skyldunni minni og það var svo
gaman hjá okkur.
Gummi kom svo í líf þitt þegar
ég var úti í Sviss og þú varst nú
alveg miður þín að hann hefði
verið 6 árum yngri sem reyndist
nú ekki mikið mál. Það var held-
ur ekki mikið mál að Gummi ætti
barn fyrir og þú tókst Margeiri
Óla eins og þú ættir hann. Hjálp-
aðir honum svo mikið og hvattir.
Maður sá hvað honum leið vel hjá
ykkur Gumma. Man svo vel þeg-
ar Margeir Óli kom með sónar-
mynd af frumburði þínum. Vá, ég
var svo glöð og þegar 7. október
2011 kom vissi ég að Brynja Líf
mundi fæðast þann dag og þegar
ég fékk sms-ið frá ykkur vildi ég
ekki hringja strax því ég vildi að
þið nytuð fyrstu stundanna með
henni. Þegar ég sá hana var hún
augljóslega gullið þitt. Hún var
svo lítil og ykkur fannst hún svo
brothætt en þegar hún stækkaði
og byrjaði að ganga var sko ekk-
ert mál. Þú sagðir að þú mættir
dekra við hana því Gummi dekr-
aði við Margeir Óla.
Já, lífið er svo ósanngjarnt að
þú skulir ekki fá að sjá Brynju
Líf og Margeir Óla vaxa úr grasi.
En ég veit að þú fylgist með og ég
skal gera allt sem ég get til að
vera til staðar fyrir þau og redda
einhverju eins og þú gerðir fyrir
mig. Sakna þín óendanleg mikið,
það var svo gott að tala við þig
Thelma Björk
Gunnarsdóttir
HINSTA KVEÐJA
Hér hvílir væn og göfug grein
af gömlum, sterkum hlyni;
hún lokaði augum hugarhrein
með hvarm mót sólar skini.
Hún dæmdi ei hart, hún vildi vel,
í vinskap, ætt og kynning.
Hún bar það hlýja holla þel,
sem hverfur ekki úr minning
(Einar Ben.)
Hvíldu í friði elsku barn-
ið okkar,
mamma og pabbi.
Elsku Thelma. Þú varst
besta stjúpmamman og
hugsaðir um mig eins og ég
væri þinn eigin sonur. Ég
kallaði þig bæði Thelmu og
mömmu. Það var skemmti-
legt að gera allt með þér.
Þú kenndir mér allt í eld-
húsinu, nú kann ég að gera
kökur og mat. Og þú hjálp-
aðir mér mikið að læra
náttúrufræði, samfélags-
fræði og dönsku. Ég sakna
þín mjög mikið.
Kveðja, sonur þinn,
Margeir Óli.