Morgunblaðið - 04.11.2013, Side 32

32 DÆGRADVÖL
MORGUNBLAÐIÐ MÁNUDAGUR 4. NÓVEMBER 2013
Stjörnuspá
21. mars - 19. apríl 
Hrútur Það er einhver fiðringur í þér. Vanda-
málið sem þú hélst að myndi aldrei hverfa
gerir það á augabragði. Vitneskja þín um
orkuflæði bætir nýrri vídd við líf þitt.
20. apríl - 20. maí 
Naut Nú skiptir öllu máli að halda þétt utan
um budduna ef ekki á illa að fara. Innilegt
kort eða bréf er eftirminnilegasta og dýr-
mætasta gjöfin, og alltaf í stærð sem passar.
21. maí - 20. júní 
Tvíburar Ástin getur fengið hjarta þitt til að
slá hraðar í dag. Taktu henni/honum fagn-
andi því þú getur launað í sömu mynt.
21. júní - 22. júlí 
Krabbi Taktu frá tíma fyrir hugleiðslu – ekk-
ert merkilegt, bara sitja og anda rólega í 10
mínútur. Reyndu að slaka á og hafa húmorinn
í lagi, lestu fyndna bók eða kíktu í bíó.
23. júlí - 22. ágúst 
Ljón Þú ert tilbúinn að ræða vandamál því þú
sérð í hendi þér að báðar hliðar hafa nokkuð
til síns máls. Búðu þig undir að grípa þau
tækifæri sem þú færð til frekari starfsframa.
23. ágúst - 22. sept. 
Meyja Þú þarft fyrst að koma á jafnvægi í
sjálfum þér áður en þú ferð að fást við aðra
hluti. Ekkert fer framhjá þér og auga þitt fyrir
smáatriðum er einstakt.
23. sept. - 22. okt. 
Vog Hversdagsleikinn er stundum grár og
þreytandi en það þarf svo lítið til þess að gefa
lífinu lit. Það er eitt og annað sem þú þarft að
velta fyrir þér og hugsa til enda.
23. okt. - 21. nóv.
Sporðdreki Allir eru að leggja sitt af mörk-
um til verkefnis sem þú vilt frekar – og verð-
ur eiginlega – að gera einn. Hugsaðu dæmið
upp á nýtt og lausnin lætur ekki á sér standa.
22. nóv. - 21. des.

Bogmaður Þú kemst ekki hjá því að taka
þátt í samstarfi í dag svo gerðu þitt besta í
stöðunni. Veittu sjálfri/sjálfum þér tækifæri
til að njóta lista og fegurðar.
22. des. - 19. janúar 
Steingeit Þú gætir selt snjó á norð-
urheimskautinu ef því væri að skipta þessa
dagana. Kannski gerir þú friðarsamkomulag
sem byggt er á gagnkvæmu trausti.
20. jan. - 18. febr. 
Vatnsberi Þú hefur ástæðu til þess að vera
ánægður með þig í dag en mundu að dramb
er falli næst. Kímni þín á eftir að hjálpa
náunganum að umbera óþægindi í dag.
19. feb. - 20. mars

Fiskar Það hefur ekkert upp á sig að byrgja
inni vonbrigði með gang mála. Láttu söguna
kenna þér, athugaðu munstur, horfðu fram á
við. Vinir og vandamenn eiga eftir að koma
þér verulega á óvart.
Áþessum degi árið 1905 fæddistfaðir minn Lárus H. Blöndal
bókavörður. Hann orti stökur af og
til en hampaði þeim lítt. Þessa lærði
ég þó í barnæsku, en eins og jafnan
vefjast smáorðin fyrir mér hvort
standa skuli „þó“ eða „þótt“:
Ávexti ég enga sé
endalaust þótt striti.
Mér hefur aldrei orðið fé
annarra manna sviti.
Pétur Stefánsson kallar þessa
vísu „erfiðisvinnu“ og segir á
Leirnum: „Maður hefur þurft að
taka á því um ævina“:
Á ævi minni oft ég vann
ótal störfin hörðu.
Margt ég lærði og meir ég kann
en margur hér á jörðu.
Enn yrkir Pétur á „saumaklúbbs-
kvöldi hjá konunni“:
Nú er dimmt á norðurslóð,
nú vill andinn sveima.
Í kyrrð og ró ég kveð mín ljóð
í kvenmannsleysi heima.
Hér er „Heiðarleiki“ yrkisefni
Péturs:
Ýmsir gjarnan una sér
við álygar og þrætur.
– Vendu þig á í veröld hér
að vera heill og mætur.
Einn vill svíkja annan hér,
ekki í huga tregur.
– Vellíðan það veitir þér
að vera heiðarlegur.
Í lífinu er lánið valt,
það letrar mannkynssaga.
– Heiðarleik þú hafa skalt
í hávegum alla daga.
Ingvar Gíslason er gott limru-
skáld. „Af ljóðum“ kallar hann
þessa:
Ég ljóðum upp rubba á ritvél
og reykpípu totta sem bitmél.
Ef snoðin og völt
er snilld mín og hölt
er snjallt hvað ég syng þau og flyt vel.
Guðmundur Guðmundsson bók-
sali á Eyrarbakka orti:
Hressir mig á hverjum degi að hafa í
nefið.
Oft það liðkar ljóðastefið
og læknar í mér bannsett kvefið.
Guðmundur var góður
neftóbaksmaður:
Alltaf gleður anda minn
er ég tek í nefið.
Yngist ég þá í annað sinn
og örvast ljóðastefið.
Halldór Blöndal
halldorblondal@simnet.is
Vísnahorn
Af erfiðisvinnu, heiðarleik
og pípu- og neftóbaki
Í klípu
„ÞESSI AÐFERÐ ER HÁRBEITT,
ÞRÍÞÆTT OG SKILAR VENJULEGA
GÓÐUM ÁRANGRI Á STUTTUM TÍMA.“
eftir Mike Baldwin eftir Jim Unger
„ERTU ENNÞÁ VISS UM AÐ ÞETTA SÉ
MÁLNING, EN EKKI LÍM?“
Hermann
Ferdinand
Hrólfur hræðilegi
Grettir
... að vakna við ilminn
af nýlöguðum
morgunverði.
POTA
STINGA
ÓGNA
GUNNI
MYNDLISTARVÖRUR
AF
STAÐ,
MENN!
OKKAR BÍÐA
AUÐÆVI Í
GULLI!
FYRIR ÞÁ SEM ERU
ÓHRÆDDIR VIÐ AÐ
BERJAST TIL SÍÐASTA
BLÓÐDROPA!
AF HVERJU
KEMUR ÞÚ
EKKI, LEIFUR
ÓHEPPNI?
MIG LANGAR EIGINLEGA AÐ
NOTA BLÓÐIÐ MITT Í ANNAÐ.
UPPFINNING MÍN MUN
BÆTA HEIMINN.
LOSA GÆLUDÝRAEIG-
ENDUR UNDAN OKI
KÚGUNAR, HVAR SEM ER!
FÆRANLEGUR
KATTASAND-
KASSI!
ÉG MUN
HEFNA MÍN!Fyrir helgi var sagt frá nið-urstöðum umferðarátaksins
„Gangbraut – Já takk“ sem Félag ís-
lenskra bifreiðaeigenda stóð fyrir. Í
samstarfi við almenning og fjölmiðla
voru gangbrautir í ýmsum bæj-
arfélögum teknar út, sérstaklega á
gönguleiðum skólabarna.
Helstu niðurstöður voru þær að
merkingum og frágangi er víða mjög
ábótavant. Í Reykjavík eru sebra-
merkingar á gangbrautum til dæmis
áberandi sjaldgæfar, þrátt fyrir við-
leitni fráfarandi borgarstjóra til að
skreyta þær fögrum litum.
Loks eru víða gangbrautir sem á
annan hátt standast ekki lög og
reglugerðir sem að þeim lúta. Með
öðrum orðum, eru ekki löglegar.
Þetta finnast Víkverja slæmar
fréttir, ekki síst í ljósi þess að börn
og ungmenni eru væntanlega
stærsti notendahópur þess hluta
samgöngukerfisins sem verkefnið
tók fyrir. Er ásættanlegt að búa
yngstu vegfarendunum ekki betur í
haginn en þetta?
x x x
Pottur er reyndar víðar brotinn íumferðarmerkingum. Flestir
sem hafa keyrt um þjóðvegi landsins
á síðustu árum hafa þurft að keyra í
gegnum vinnusvæði þeirra sem
sinna viðhaldi og nýbyggingu vega. Í
upphafi svæðis eru merkingar sem
gefa til kynna lækkaðan hámarks-
hraða, og jafnvel fleiri takmarkanir.
Einhverjar reglur hljóta að gilda um
slíkt, en Víkverja grunar að hent-
ugleiki ráði þó oft meiru um merk-
ingar.
Í haust þurfti Víkverji oft að
keyra um Svínahraunið, sem liggur
á milli Hellisheiðar og Sandskeiðs.
Þar var lengi verið að vinna við vír-
vegrið á milli akstursstefna. Þó yf-
irleitt hafi aðeins verið örfáir starfs-
menn að vinna á einum eða tveimur
stöðum, þótti ástæða til að afmarka
risastórt vinnusvæði. Þar keyrði
Víkverji því á 50 km hraða, í fleiri,
fleiri mínútur, án þess að sjá nein
ummerki um vinnu.
Flestir sem voru á sömu leið höfðu
minni þolinmæði og hunsuðu hraða-
takmarkanir, nema þegar vinnu-
flokkur var í augsýn.
Og hver er þá tilgangurinn með
merkingunum? víkverji@mbl.is
Víkverji
Drottinn er nálægur þeim sem hafa
sundurmarið hjarta, hann hjálpar
þeim sem hafa sundurkraminn anda.
(Sálmarnir 34:19)
Fyrir þá sem
elska hönnun
Stórhöfða 21 | sími 545 5500 | flis.is
PARKETFLÍSAR
þú flísar þær í botn