Morgunblaðið - 24.02.2014, Blaðsíða 13

FRÉTTIR 13Innlent
MORGUNBLAÐIÐ MÁNUDAGUR 24. FEBRÚAR 2014
Við sérhæfum okkur í vatnskössum
og bensíntönkum.
Gerum við og eigum nýja til á lager.
Maður fékk áverka á brjóst og bak
þegar hann féll við Rauðfeldargjá,
nærri Arnarstapa á Snæfellsnesi í
gær. Að sögn lögreglunnar í Stykk-
ishólmi var maðurinn, ásamt öðr-
um, á göngu í fjallshlíð við Rauð-
feldargjá er honum skrikaði fótur
svo hann féll fram af hengju og of-
an í gil.
Björgunarmenn fóru á vettvang
og báru manninn að sjúkrabíl sem
ekið var áleiðis í bæinn. Ástands
mannsins vegna var hins vegar ósk-
að aðstoðar Landhelgisgæslunnar
og var þyrlu hennar flogið vestur
og til móts við sjúkrabílinn. Var
maðurinn fluttur yfir í þyrluna sem
flaug með hann suður. Þyrlan lenti
við Landspítalann í Fossvogi klukk-
an 14.54.
Með björgunarmönnum í för
voru sjúkraflutningamenn og
læknir. Samkvæmt upplýsingum
frá Slysavarnafélaginu Landsbjörg
voru aðstæður til björgunar nokk-
uð krefjandi og þurftu björgunar-
menn meðal annars að bera hinn
slasaða nokkurn spöl.
Í mörg horn var að líta hjá
björgunarsveitarfólki víða um land
í gær. Í morgunsárið fór Skaga-
fjarðarsveitin Grettir inn í Fljót til
aðstoðar fólki sem sagt fast í bíl
sínum neðan við Lágheiðina. Gekk
greiðlega að aðstoða það. Þá var
sveitin Týr í Eyjafirði kölluð út þar
sem lítil rúta var föst í Víkur-
skarði. Greiðlega gekk að losa rút-
una sem var fylgt á beina braut.
sbs@mbl.is
Ljósmynd/Ægir Þór
Slys Þyrlan flaug vestur og björgunarsveitarmennirnir voru við öllu búnir.
Með þyrlu eftir fall
við Rauðfeldargjá
 Slys á Snæfellsnesi Fram af hengju
Sigurður Bogi Sævarsson
sbs@mbl.is
„Við sáum ekki tommu fram fyrir
okkur. Á löngum kafla efst í Odds-
skarðinu þurfti ég að ganga á undan
björgunarsveitarjeppanum með stuð-
arann í rassinum og rýna í hríðina.
Teygja út aðra höndina og leggja að
snjóstálinu svo ég hefði eitthvert fast
viðmið. Þetta átti að vera skotferð en
tók fjóra tíma,“ segir Þórlindur
Magnússon, björgunarsveitarmaður
á Eskifirði.
Stórhríð og hvassviðri settu sam-
göngur á Austurlandi úr skorðum í
gær. Blindbylur var á Möðrudals-
öræfum, Vopnafjarðarheiði og Há-
reksstaðaleið og voru þær leiðir ófær-
ar, svo og Fjarðarheiði og Oddsskarð.
Snjóblásari lagði upp frá Eskifirði í
morgunsárið og ökumaður á Subaru-
bíl fylgdi á eftir. Þegar upp í brekk-
urnar kom tapaði bílstjóri Subaru-
bílsins áttum í snjókófi og festi bílinn.
Kallaði því eftir aðstoð frá Eskifirði.
Veðrið aldrei svona slæmt
„Vetrarferðir með björgunarsveit-
inni upp í Oddsskarð eru orðnar
margar, en veðrið hefur aldrei verið
jafn slæmt. Í skafrenningi smýgur
snjórinn inn á mann og breytir þá
engu þó að fatnaður sé skjólgóður.
Þegar maður kemur svo inn í bílinn
þar sem miðstöðin er í botni verður
maður holdvotur,“ segir Þórlindur.
Bætir við að þarna hafi komið sér vel
að vera í föðurlandi; það er þykkum
ullarnærbuxum.
Björgunarsveitarmenn í Gerpi á
Neskaupstað höfðu einnig í nægu að
snúast í gær. Fyrripart dags var leitað
til þeirra að koma áleiðis þremur lækn-
um og sálfræðingi sem höfðu verið í
vaktaúthaldi á sjúkrahúsinu í bænum
og voru á leiðinni suður með flugi.
Gerpismenn fluttu fólkið yfir á Eski-
fjörð. Á leiðinni til baka tóku þeir með
fólk sem þurfti nauðsynlega til Nes-
kaupstaðar, svo sem sjómenn á togar-
anum Bjarti NK sem fór til veiða í
gær. „Við skutluðum strákunum niður
á bryggju og sáum togarann svo sigla
út fjörðinn,“ segir Ísak Fannar Sig-
urðsson björgunarsveitarmaður.
Fluttu lækna og sál-
fræðing yfir Oddsskarð
 Föðurlandið þótti koma sér vel í vetrarríkinu á Austurlandi
Ljósm/Þórlindur Magnússon
Austfirðir Svona var staðan í Oddsskarði í gær. Blindhríð, skaflar og fastir
bílar. Björgunarsveitir ferjuðu þá sem nauðsynlega áttu erindi milli bæja.
Vetrarríki
» Fram eftir viku verður dæmi-
gert leiðinlegt vetrarveður á
Austurlandi. Snjókoma, frost og
hvassviðri er í kortunum.
» Tilgangslaust þótti að halda
Fjarðarheiði opinni í gær, enda
skóf í slóð ruðningstækja.
» Björgunarmenn sem fóru í
Oddsskarðið í gær komust í
vanda vegna vanbúinna bíla
sem lagt hafði verið úti í könt-
um.