Morgunblaðið - 27.02.2014, Blaðsíða 7

MORGUNBLAÐIÐ FIMMTUDAGUR 27. FEBRÚAR 2014
VIÐSKIPTI 7
um sem áður höfðu starfað við fraktflutninga,
m.a. fyrir Cargolux, og þekktu því vel til.
Þetta hófst með kaupum á einni Boeing 737
flugvél, en þegar mest var hafði félagið yfir að
ráða átta vélum. Og félagið hefur verið arð-
bært nær öll árin nema tvö síðastliðin ár. Öll
þessi ár hefur það sinnt fraktflugi til og frá Ís-
landi ásamt því að sinna blautleigu. Þá er mis-
jafnt hvort vélarnar eru leigðar áfram í lengri
tíma eða í einstakar leiguflugferðir. Stór hluti
rekstrarins hefur verið þjónusta við hraðflutn-
ingafyrirtækin UPS, TNT og DHL. Hér starfa
um 70 manns en um helmingur er áhafn-
armeðlimir sem eru bæði fastir starfsmenn
svo og verktakar.“
- Hve stór hluti af rekstrinum er fraktflug
til og frá Íslandi?
„Bluebird rekur fimm flugvélar og starf-
semin er mjög alþjóðleg. Ein vél flýgur til og
frá Íslandi og fjórar sinna verkefnum erlendis.
Stærri hluti veltunnar kemur þó frá Íslandi en
sem nemur fjölda vélanna, það skapar meiri
veltu að sinna flugfrakt fyrir eigin reikning en
að leigja flugvélar í blautleigu. En vaxt-
artækifærin eru erlendis og umfang rekstr-
arins er mun meira erlendis.“
- Hvert leigið þið flugvélarnar? Um allan
heim?
„Markaðssvæði okkar er í raun allur
heimurinn en um þessar mundir eru allar flug-
vélarnir í Evrópu.“
Fyrri reynsla nýtist vel
- Þú hófst störf hjá Bluebird um miðjan jan-
úar, hvernig gengur að komast inn í málin?
„Það gengur vel, ég þekki flugrekstur vel
frá fyrri tíð, en ég var í 20 ár hjá Icelandair,
þótt ég hafi ekki verið sérfræðingur í frakt-
flutningum. Snemma á ferlinum var mér falið
að hafa umsjón með blautleigu ásamt sölu og
kaupum á flugvélum, og sú reynsla nýtist vel í
þessu starfi.“
- Hvernig kom samstarfið við eigendur
Atlanta um kaupin til?
„Bluebird var í söluferli og eigendur Atl-
anta ákváðu að kanna hvort þar leyndist
munum á næstu misserum greiða niður þau lán
sem eftir eru.“
- Hefur þú áður verið að fjárfesta?
„Ég hef ekki áður tekið þátt í stórri fjár-
festingu, hef einungis verið að fjárfesta í hluta-
bréfum eins og hver annar. Ég er ekki stór-
eignamaður. Þetta er þess vegna töluverð
fjárfesting fyrir mig. En ég hef mikla trú á að
þetta muni ganga upp.“
- Hvernig kemur það til að þú sem hefur
verið yfirmaður hjá Icelandair, forstjóri Húsa-
smiðjunnar og Skipta fjárfestir núna í eigin
rekstri?
„Þegar ég var í MBA-námi í Bandaríkj-
unum sá ég fyrir mér að í framtíðinni yrði ég
minn eigin herra. En svo bauðst mér skemmti-
leg vinna sem ég sökkti mér í. Samhliða meiri
ábyrgð fékk ég betri laun – og þá varð sífellt
erfiðara að skipta um kúrs. Ætli ég hafi ekki
bara þurft þetta spark í rassinn? Mögulega
hefði verið betra að fara fyrr út í eigin rekstur,
en þess í stað er ég reynslumeiri þegar ég
tekst á við áskorunina.“
áhugavert tækifæri. Ég hef þekkt þá lengi,
þeir vissu að ég hafði nýlega látið af störfum
hjá Skiptum og spurðu hvort ég hefði áhuga á
að taka slaginn með þeim. Ég hafði mikinn
áhuga á því og við sömdum um að ég myndi
eiga helmingshlut í félaginu á móti þeim. Þetta
gekk hratt fyrir sig, hófst seint í desember og
tók okkur aðeins nokkra virka daga að ná sam-
an.“ Upplýst var um starfslok Steins Loga hjá
Skiptum í nóvember.
- Eru þetta skuldsett kaup?
„Nei, einungis eigið fé.“
Skuldar lítið
- En í hvernig standi er fyrirtækið, er það
mjög skuldsett?
„Nei, fyrirtækið er í mjög góðu standi og í
því felst einmitt tækifærið að okkar mati. Það
hefur ávallt haft yfir nægu lausafé að ráða og
því getað staðið í skilum og því hefur orðsporið
ekki beðið hnekki á erfiðum tímum, og hefur
jafnframt haft burði til þess að halda innvið-
unum öflugum. Fyrirtækið er skuldlítið, við
flugið
Logi segir að félagið sé með sterkt eiginfjárhlutfall og á næstu misserum verða þau lán sem eftir eru greidd upp  „Tækifæri til vaxtar mýmörg“
Yfirskrift aðalfundar Samtaka ferða-þjónustunnar árið 2001 var: Milljónferðamenn til Íslands árið 2015 –hvernig tökum við á móti þeim? Á
þessum tíma var Steinn Logi formaður samtak-
anna og var framkvæmdastjóri hjá Icelandair
Group. En nú er því einmitt spáð að milljón
ferðamenn heimsæki landið árið 2015. Rúm-
lega 780 þúsund manns komu til Íslands um
Keflavíkurflugvöll í fyrra samkvæmt talningu
Ferðamálastofu, en talningin nær til um 96%
erlendra gesta. Steinn Logi hefur mikla trú á
að ferðaþjónustan geti náð enn betri árangri
og kemur um þessar mundir að stofnun ferða-
skrifstofu á netinu sem stefnt er á að muni
hefja starfsemi sína á næsta ári.
Unnið að þessu í mörg ár
„Ég hef lengi haft trú á því að ferðaþjónustan
myndi ná þetta góðum árangri ef rétt væri
haldið á spilunum, og sagði það margoft við
fjölmiðla,“ segir hann. „Þennan árangur ber
ekki að þakka gengisfalli krónu eða gosinu í
Eyjafjallajökli, þótt það hafi lagt sitt af mörk-
um, heldur hefur kerfisbundið verið unnið að
þessu í mörg ár. Þetta féll ekki af himnum of-
an, og það er engin ástæða til að ætla að ferða-
mannastraumurinn til landsins muni dragast
saman ef tekið er á móti honum með viðeig-
andi hætti; gerðar ráðstafanir hvernig best sé
að haga málum við vinsæla ferðamannastaði og
gætt að því að vegakerfið ráði við umferðina.
Það má nefnilega leiða að því líkum að fleiri
bílaleigubílar séu á vegunum í júlí en íslenskir,
þegar tekið er tillit til þess fjölda kílómetra
sem ekinn er,“ segir hann og nefnir að það sé
mikilvægt að dreifa ferðamönnum betur um
landið á fleiri áfangastaði og yfir árið til að
bæta arðsemin ferðaþjónustunnar.
– En verkefnið að lengja ferðamanna-
tímabilið til að auka arðsemi fyrirtækja, á
langt í land?
„Erlendum ferðamönnum fjölgaði um
40% í janúar á milli ára. Ferðamanna-
tímabilið er því að lengjast verulega. En
það verður aldrei þannig að jafn margir
komi á einum mánuði á veturna og sumr-
in.“
– Hvað væri ásættanlegt að tímabilið ut-
an háannatíma væri langt?
„Fjöldinn sem nú sækir landið heim
breytir miklu og bætir arðsemina í grein-
inni. Nú koma flestir ferðamennirnir á vet-
urna til Reykjavíkur og fara dagsferðir út
fyrir borgarmörkin eða gista mögulega
eina nótt. Þetta er þegar farið að hafa mikil
áhrif á arðsemi og umferð á Vesturlandi og
Suðurlandi. Sá fjöldi er ásættanlegur, en nú
er næsta skref að efla ferðamannastaði sem
eru fjær Reykjavík. Það er áskorunin, að
dreifa þeim betur um allt landið.“
Ísland er jafn stórt og England
– Getur ferðamannastraumurinn aukist
mikið yfir háannatímann? Leifsstöð er visst
stór og fleira í þeim dúr.
„Ísland er jafn stórt land og England.
Þar búa yfir 50 milljónir manna, þetta er
því bara spurning um skipulag. Það má vel
nýta Leifsstöð betur yfir sólarhringinn og
fljúga allan daginn. easyJet flýgur til að
mynda hingað klukkan níu á morgnana og
flýgur aftur út klukkan tíu án vandkvæða.
Íslensku flugvélarnar eru yfirleitt annars
vegar fyrr á ferðinni eða hins vegar seinni
hluta dags. Lággjaldaflugfélagið flýgur
hingað 15 sinnum á viku í vetur og það ber
ekkert á þessu í janúar og febrúar. En það
er líka æskilegt að huga að stækkun Leifs-
stöðvar til að mæta aukinni eftirspurn.“
Spáðu fyrir um ferða-
mannastrauminn 2001
SAF ræddu möguleika á miklum fjölda ferðamanna fyrir 13 árum
Lífeyrissjóðir eru orðnir atkvæðamiklir í íslensku atvinnulífi og þykir Steini Loga vandmeðfarið
það vald sem fámennur hópur hefur öðlast. Á árunum fyrir hrun hafi þeir yfirleitt gætt að því að
vera hlutlausir fjárfestar en á árunum eftir hrun þegar sjóðirnir séu orðnir umsvifameiri í hlut-
hafahópum séu þeir „orðnir meiri gerendur í atvinnulífinu.“ Hann var forstjóri Skipta en lífeyr-
issjóðir hafa þar tögl og hagldir.
„Þetta er snúin staða; það getur verið eðlilegt sjónarmið að Lífeyrissjóðir vilji beina meira af
fjárfestingum sínum inn í atvinnufyrirtækin og þá kemur til ávörðunar um hve virkir þeir vilja
vera í stjórn þessara fyrirtækja. Sumir þeirra hafa á móti bent á að ekki séð eðlilegt að fámennur
hópur lítilla einkafjárfesta komist í leiðandi stöðu í þessum fyrirtækjum bara vegna þess að líf-
eyrissjóðirnir séu óvirkir í stjórn.
Þessi rök heyrast frá sumum í lífeyrissjóðunum. En það eru til góð dæmi um það þegar þetta
fyrirkomulag er einmitt vel lukkað. Í Högum er hópur einkafjárfesta sem á tiltölulega lítinn hlut
en er samt leiðandi í félaginu. Það félag hefur gengið vel og það ríkir almenn ánægja með hvernig
til tókst. En þrátt fyrir að lífeyrissjóðir séu hlutlausir fjárfestar í fyrirtæki geta þeir stappað niður
fæti á aðalfundi félagsins ef aðrir hluthafar eða stjórnendur hafa ekki hagsmuni allra hluthafa að
leiðarljósi. Þetta er vandmeðfarið og þarf að finna eðlilegan meðalveg þarna, einkum ef sömu
einstaklingarnir koma víða við í stjórnum fyrir hönd lífeyrissjóðanna,“ segir hann
Steinn Logi þekkir vel til skráningar Haga en hann var stjórnarformaður fyrirtækisins áður en
það var skráð á markað. Sömuleiðis þekkir hann vel til þess þegar TM fór á markað en hann var
þá varaformaður stjórnar.
Vandmeðfarið vald lífeyrissjóðanna
RAK FYRIRTÆKI Í EIGU LÍFEYRISSJÓÐA