Morgunblaðið - 22.02.2014, Blaðsíða 18

18 | MORGUNBLAÐIÐ
Eldhúsið
„Við á VOX restaurant leggjum mikla áherslu á að matreiða úr því sem
vex nálægt okkur á þeim tíma sem það vex, eftir föngum, enda hlökkum
við mikið til vorsins. Við höfum haft hliðsjón af norrænu eldhúsi síðan
við opnuðum árið 2001 við góðan orðstír.“
Sérstaðan
„Við leitumst ávallt við að nota ferskasta hráefnið sem í boði er. Viljum
hafa skarpt og hreint bragð í góðu jafnvægi og réttina einfalda en á
sama tíma fágaða. Fólk kemur að borða hjá okkur til að eiga góða
kvöldstund og njóta.“
Vinsælt af matseðli
„Við leggjum mikið upp úr árstíðarseðlinum okkar en við breytum hon-
um sex sinnum á ári. Á seðlinum okkar núna er til dæmis: bleikja með
súrmjólk, leturhumar með grísasíðu, steinbítskinn með sölvum, lamb
með kálböggli og hvítt súkkulaði með brúnu smjöri í eftirmat.“
Gestakokkurinn á Food & Fun
„Norðmaðurinn Sven Erik Renaa er margverðlaunaður matreiðslu-
maður og eigandi staðanna Xpress, Matbaren og The Restaurant í
Stavanger. Hann er fæddur í Trøndelag í Noregi en faðir hans er
ítalskur. Hann hóf ferilinn á vinnustað móður sinnar, Brittania-
hótelinu. Síðan vann hann með Yngvar Nilsen á Anden Etage þar til
hann fór til New York þar sem hann starfaði um árabil. Hann hefur bú-
ið í Stavanger síðan 2001.
Hann hefur starfað með norska kokkalandsliðinu síðan 1998, þar af
sem framkvæmdastjóri síðan 2005. Einnig hefur hann hlotið verðlaunin
Matreiðslumaður ársins í Noregi þrisvar sinnum, og verðlaun fyrir
besta fiskréttinn á Bocuse d’Or, svo eitthvað sé nefnt.
Með honum í för er hinn 22 ára yfirkokkur hans, náttúrubarnið Fre-
derik Log. Frederik veit fátt betra en að veiða og elda.
Matseðillinn á The Restaurant er breytilegur dag frá degi og sam-
anstendur af 10-12 réttum, hver öðrum ferskari og flottari.“
jonagnar@mbl.is
Veitingastaðirnir á Food & Fun 2014
VOX
Morgunblaðið/Styrmir Kári
Pönnusteiktur þorskhnakki með kremuðu kræklingasoði
1 þorskhnakkastykki
olía
salt
Snyrtið og skerið hnakkann í steikur, þerrið vel og saltið. Steikið
fyrst á fallegri hliðinni í 2 mínútur. Setjið þá nokkra kalda smjörten-
inga, látið malla örstutt í smjörinu, snúið svo við. Látið malla á ögn
lægri hita á hinni hliðinni og moka jafnvel freyðandi smjörinu yfir þar
til fiskurinn er eldaður.
Kremað kræklingasoð
1 kíló kræklingur
½ flaska þurrt hvítvín
4 laukar
½ lítri rjómi
Sneiðið laukinn og steikið í potti þar til hann mýkist ögn. Bætið við
kræklingi og víni og látið gufusjóða þar til kræklingurinn hefur opnað
sig og er fallegur. Sigtið soðið frá, pillið kræklinginn og takið til hliðar.
Bætið rjómanum í soðið og sjóðið niður um u.þ.b. helming þar til
bragðið er hæfilega salt.
Sólskokkamauk
500 g sólskokkar
150 g mjólk
150 g rjómi
smjör
olía
salt
eplaedik
Skrælið og skerið sólskokkana í tvennt. Brúnið þá vel í olíu og
smjöri. Hellið mjólk og rjóma yfir og látið sjóða vel niður. Maukið í
blandara þar til áferðin er falleg og smakkið til með salti og edikslettu.
Samsetning:
Steiktur þorskurinn er settur ofan á væna skeið af maukinu á miðjan
diskinn. Skreytt með steiktum brokkólítoppum, brokkólístilkum sem
eru fínsneiddir með skrælara og kræklingnum sem olíu hefur verið
dreypt yfir og saltaður. Að lokum er kremaða kræklingasoðinu ausið
yfir og toppað með þurrkuðum sölvum sem hafa verið duftuð í mat-
vinnsluvél og, ef vill, fallegum, grænum jurtum.
Uppskrift að
hætti hússins
Norrænt eldhús er rauði þráðurinn í mat-
seldinni á VOX og árstíðabundið hráefni er í
aðahlutverki hverju sinni, segir Fannar
Vernharðsson yfirmatreiðslumeistari.