Morgunblaðið - 16.07.2014, Síða 36

MIÐVIKUDAGUR 16. JÚLÍ 197. DAGUR ÁRSINS 2014
VEÐUR » 8 www.mbl.is
5 6 9 1 1 0 0
Ritstjórn: ritstjorn@mbl.is
Auglýsingar: augl@mbl.is
Áskrift: askrift@mbl.is | sími 5691100
mbl.is: netfrett@mbl.is
Í LAUSASÖLU 425 ÁSKRIFT 4680 HELGARÁSKRIFT 2900 PDF Á MBL.IS 4470 I-PAD ÁSKRIFT 4470
1. Verkfræðinemar slógu í gegn
2. Víggirða nýja sendiráðið
3. Ísland er að verða útjaskað
4. 24 hárprúðustu Íslendingarnir
»MEST LESIÐ Á mbl.is
FÓLK Í FRÉTTUM
 Í sumar hefur Akraneskaupstaður
staðið fyrir uppákomum á Aggapalli
við Langasand, eina af útivistar-
perlum Akurnesinga. Fimmtudaginn
17. júlí verður fimmta uppákoman af
sex en þá mun tónlistarfólkið Val-
gerður Jónsdóttir og Þórður Sævars-
son úr My Sweet Baklava flytja tón-
list sem tengist hafinu undir yfir-
skriftinni „Sjávarperlur“. Tónlistar-
uppákoman hefst klukkan 17.
Sjávarperlur á Agga-
palli við Langasand
 Wahala Dey O! er leikverk byggt á
Sögu malarans, einni af Kantara-
borgarsögum miðaldaskáldsins Ge-
offrey Chaucers. Hér er á ferðinni
600 ára gömul saga Chaucers um
pílagrímsferð heimfærða á Nígeríu
nútímans en höfundur og leikstjóri er
Ufuoma Overo-Tarimo. Formálinn að
sögunni verður leiklesinn en sagan
sjálf verður sögð með
kvikmynd sem var tekin
upp í Nígeríu. Við-
burðurinn hefst kl.
20 í Tjarnarbíói og
lýkur um 22. Sýn-
ingin er haldin í til-
efni af miðalda-
fræðiráðstefnu The
19th Biennial New
Chaucer Society
sem fer fram við
Háskóla Íslands
dagana 16. til
20. júlí. »11
600 ára gömul saga
leiklesin í Tjarnarbíói
Á fimmtudag Suðvestlæg eða breytileg átt, 3-10 m/s og víða
skúrir, en bjart með köflum á Austurlandi. Hiti 10 til 18 stig.
Á föstudag og laugardag Suðaustan 8-13 m/s og víða rigning,
en úrkomulítið norðaustantil. Hiti 11 til 20 stig.
SPÁ KL. 12.00 Í DAG Víða smáskúrir, en þurrt austast. Hiti 10
til 19 stig, hlýjast norðaustanlands.
VEÐUR
„Þetta er ekki slæmt en
mjög ólíkt því sem ég á að
venjast, kyrrðin er sér-
staklega mikil. En þetta er
indælt, eyjan er mjög falleg
og umhverfið allt öðruvísi
en þar sem ég var í Flórída.
Ég er ekki vanur svona litlu
samfélagi en það er allt að
koma,“ segir Jonathan
Glenn frá Trínidad og Tó-
bagó, framherji ÍBV, sem er
leikmaður 11. umferðar hjá
Morgunblaðinu. »2-3
Ekki vanur svona
litlu samfélagi
Hildur Sigurðardóttir sló í gær lands-
leikjamet kvenna í körfuknattleik
þegar Ísland vann risasigur á Gíbralt-
ar á Evrópumóti smáþjóða í Aust-
urríki. Hún lék fyrsta landsleikinn í
lok síðustu aldar og
man ekkert eftir
honum. „Ég
man ekkert
hvernig hann
fór eða
hvort ég
kom mikið
við sögu,“
segir
Hildur.
»1
Man ekkert eftir fyrsta
landsleiknum
„Ég held að enginn hafi átt von á
þessu og þegar ég hóf viðræður við
félagið leit þetta ekki svona vel út.
Það er þegar búið að ná þessum
grunnmarkmiðum að halda sér í
deildinni þannig að þetta eru bara
spennandi tímar framundan í Fylki,“
sagði Þóra B. Helgadóttir landsliðs-
markvörður eftir fyrsta leik sinn með
Árbæjarliðinu. »3
Spennandi tímar fram-
undan hjá Fylki
ÍÞRÓTTIR
Skannaðu
kóðann með
símanum þínum
og fylgstu með
veðrinu á
Ingileif Friðriksdóttir
if@mbl.is
Hjónin Stefán Sigurðsson og Bryn-
hildur Kristjánsdóttir hafa rekið
veitingastaðinn Vitann í Sandgerði í
32 ár. Hjónin hafa skapað staðnum
sérstöðu með einstökum krabbamat-
seðli. Hráefnið er eins ferskt og völ
er á, en hjónin geyma krabbann
ásamt skelfiski í sérstökum körum í
bakgarði staðarins.
Um er að ræða grjótkrabba,
trjónukrabba, gaddakrabba og bog-
krabba sem borinn er fram á
krabbamatseðli, auk blá-, öðu- og
kúfskeljar, rækju og heils humars.
Vildu skapa sérstöðu
Árið 2011 létu hjónin gera veit-
ingastaðinn upp og í framhaldinu
ákváðu þau að tími væri kominn til
þess að breyta til. „Við stóðum á
tímamótum og vildum gera eitthvað
nýtt. Við urðum að finna sérstöðu til
að ná til viðskiptavina,“ segir Bryn-
hildur.
Upp úr þessu tóku hjónin þátt í
verkefninu Speglinum með Íslands-
stofu, en útkoman úr samstarfinu
var tvö búr sem komið var fyrir inni
á sjálfum veitingastaðnum. Í þeim
var kröbbunum komið fyrir, og var
staðurinn í kjölfarið kominn með
töluverða sérstöðu. Í búrin rennur
sjór sem þau leiða úr borholu frá
Þekkingarsetri Suðurnesja, sem er
hinum megin við götuna.
Hjónin létu þó ekki þar við sitja og
í vor létu þau bora sína eigin, 50
metra djúpu borholu fyrir utan veit-
ingastaðinn og leiða úr henni sjó í
kör í bakgarði veitingastaðarins þar
sem krabbinn og skelfiskurinn er
geymdur. Með þessu vildu þau
gera gestum kleift að skoða
og jafnvel velja hráefnið á
sinn eigin disk.
„Við tökum lifandi krabbann
beint upp úr kerunum og ofan í
pott,“ segir Stefán og ferskleikinn
leynir sér ekki. Hjónin eru þó ekki
þau einu í fjölskyldunni sem koma að
kröbbunum, en sonur þeirra veiðir
fyrir þau. „Sonur okkar er atvinnu-
kafari og hann handtínir hverja og
eina öðuskel,“ segir Brynhildur.
Þarasnakk og salt
Hjónin nýta sjávarfangið vel og
búa meðal annars til þarasnakk og
sitt eigið salt. „Líffræðingarnir úr
Þekkingarsetrinu mældu saltmagnið
í sjónum og komust að því að það eru
29 grömm af salti í hverjum lítra. Við
ákváðum því að búa til okkar eigið
salt,“ segir Brynhildur. „Svo erum
við búin að útbúa krana og ætlum að
leyfa fólki að koma og ná sér í sjó til
að sjóða niður og útbúa sitt eigið
salt.“
Fundu sérstöðu í kröbbunum
 Á veitinga-
staðnum Vitanum
er krabbaseðill
Morgunblaðið/Eva Björk Ægisdóttir
Sérstaða Hjónin hafa skapað staðnum sérstöðu með einstökum krabbamatseðli og körum í bakgarði staðarins þar
sem krabbinn ásamt skelfiski er geymdur. Krabbinn er tekinn beint úr körunum, eldaður og loks borinn fram.
Á krabbaseðlinum er glæsileg
þriggja rétta máltíð og getur und-
irrituð vottað það. Til að byrja með
er borin fram sjávarréttasúpa að
hætti hússins. „Þegar við
fáum litla krabba þá
notum við þá í súp-
una,“ segir Reynir,
yfirþjónn stað-
arins. „Við
sjóðum þá nið-
ur í um 12 tíma
ásamt kryddi og fáum sterkan kraft
sem súpan er búin til úr. Svo hellum
við súpunni yfir hörpudisk, rækjur,
þorsk og bláskel og þá eldast þetta
í heitri súpunni.“ Þar næst er borin
fram krabba- og sjávarréttaveisla
sem heillar augað og bragðlaukana.
Stemningin sem fylgir því að opna
krabbaklærnar er mikil og bragðið
ekki síðra. Að lokum er borinn fram
ís að hætti hússins og eftir það
halda allir saddir og sælir heim.
Enginn fer svangur heim
GLÆSILEGUR KRABBASEÐILL