Morgunblaðið - 29.08.2014, Blaðsíða 2

2 FRÉTTIRInnlent
MORGUNBLAÐIÐ FÖSTUDAGUR 29. ÁGÚST 2014
Flytja þurfti tvo á slysadeild Landspítalans eftir
að fisvél brotlenti á Þingvallavegi í Mosfellsbæ,
skammt frá hringtorginu við Vesturlandsveg og
Þingvallaveg, rétt upp úr klukkan hálf sjö í gær-
kvöldi. Þeir sem voru um borð í vélinni sluppu án
alvarlegra meiðsla en vissara þótti að koma þeim
undir læknishendur. Ekki liggur fyrir hvers
vegna vélin lenti á Þingvallaveginum en í lend-
ingu lenti flugmaðurinn í vandræðum og rakst
vélin utan í ljósastaur rétt áður en hún snerti
veginn. Veginum var lokað meðan á rannsókn
stóð.
Morgunblaðið/Kristinn
Lítil fisvél brotlenti á Þingvallavegi í gærkvöldi
Helgi Bjarnason
helgi@mbl.is
„Þetta er til bölvaðrar óþurftar og
viðbjóðslegt að koma nálægt
hræinu,“ segir Guðmundur Magnús
Þorsteinsson, bóndi á Finnboga-
stöðum á Ströndum. Þar liggur enn
búrhvalshræ sem rak á fjöru Finn-
bogastaða í Trékyllisvík í byrjun
mánaðarins. Megnan ódaun leggur
af hræinu og þrífa þarf föt og tæki
sem komast í snertingu við það
Guðmundur segir að landeig-
endur hafi einu sinni ýtt hræinu út í
fjöru. Þeir hafi farið eins langt með
það og hægt var. „Við vorum svo
„heppnir“ að það gerði suðaustan
kviku og það kom upp í sömu fjöru
aftur,“ segir Guðmundur. Hann
segir að nú sé beðið eftir vestanátt
til að hægt verði að gera aðra til-
raun. Ef hægt verði að koma
hræinu vel út fyrir landið reki vind-
urinn það út á flóann, þar sem
straumarnir taki við. Hræið sé opið
í gegn og morkið að innan og vonist
hann til að það sökkvi. Annars sé
hætt við að það komi á fjörur ann-
ars staðar.
Enginn hefur haft samband
Vegna skerja er erfitt að koma
hræinu út úr fjörunni. Guðmundur
segir hugsanlegt að hægt verði að
fá bát til þess að draga það út. Hann
telur erfitt að grafa það í fjörunni,
það liggi á klöppum og erfitt sé að
koma því upp á fjörukambinn.
Í verklagsreglum sem allmargar
opinberar stofnanir sömdu á árinu
2005 kemur fram að það sé hlut-
verk Umhverfisstofnunar að
tryggja að hvalshræjum sé fargað á
réttan hátt. Í starfsreglunum kem-
ur fram að ekki sé talið unnt að
þvinga landeiganda til að fjarlægja
hvalreka á sinn kostnað og því þurfi
opinberir aðilar að koma að máli
þegar nauðsynlegt eða æskilegt sé
talið að dýrið verði fjarlægt eða
urðað á staðnum. Ef urðun á staðn-
um er ekki talin raunhæfur kostur
má draga hræið út á sjó og sökkva
því eða draga í land þar sem urðun
er framkvæmanleg.
Aðspurður segir Guðmundur á
Finnbogastöðum að engar opinber-
ar stofnanir hafi haft samband út af
hvalshræinu og landeigendur ekki
heldur óskað eftir aðstoð. Málið
hefur heldur ekki komið til kasta
sveitarstjórnar, að sögn oddvitans.
Viðbjóðslegt að koma nálægt hræi
 Landeigendur í Trékyllisvík hafa reynt að koma búrhvalshræinu á haf út  Megnan ódaun leggur
af því  Umhverfisstofnun og aðrar opinberar stofnanir hafa ekkert skipt sér af málinu
Morgunblaðið/Ívar Benediktsson
Trékyllisvík Búrhvalshræið grotnar niður í fjörunni. Erfitt er að farga því.
Hólmfríður Gísladóttir
holmfridur@mbl.is
Borgaryfirvöld hafa nú til umfjöll-
unar tillögu af vefnum Betri Reykja-
vík, þess efnis að kirkjuklukkum í
borginni verði eingöngu hringt við
stærri athafnir, s.s. brúðkaup og
jarðarfarir en við venjulegar mess-
ur, og mögulega skírnir og ferm-
ingar, verði klukknaómurinn aðeins
látinn hljóma í hátalarakerfum við-
komandi kirkju.
„Í dag er það frekar talin kvöð en
kostur að búa nálægt kirkju.
Klukknahljómurinn getur verið sér-
staklega óþægilegur fyrir t.d. fólk
sem vinnur á næturvöktum eða
yngstu börnin sem sofa á þessum
tíma,“ segir m.a. í rökræðunni um
tillöguna á betrireykjavik.is, en
færslan er rituð fyrir meira en ári af
höfundi tillögunnar, Birgi Steinars-
syni.
„Þegar ég sendi þetta bjó ég við
hliðina á Laugarneskirkju og fannst
þetta bara óþarfa hávaði á misheppi-
legum tíma,“ sagði Birgir í samtali
við Morgunblaðið í gær en honum
var ekki kunnugt um að tillagan
hefði ratað inn í borgarkerfið. Það
gerðist hins vegar í júní sl., þar sem
hún var efst á lista í flokknum
„Ýmislegt“ þann mánuðinn.
Birgir segir að í sínum kunningja-
hóp séu fáir sem myndu sakna
klukknakliðsins, „en ég sá það strax
á svörum á Betri Reykjavík að
mörgum finnst þetta ægilega fallegt,
bara eins og fuglasöngur á sumrin,“
segir hann.
Sr. Þór Hauksson, sóknarprestur
í Árbæjarkirkju, segist ekki kannast
við það að kirkjuklukkurnar trufli
sóknarbörnin. „Það var reyndar eitt
skipti, á páskadagsmorgun kl. 8, þá
hringdi einn. En annars hef ég ekki
orðið var við að fólk hérna í Ár-
bænum kvarti,“ segir hann. „Reynd-
ar heyrði ég fyrir ekki mjög löngu að
það var kona að tala um hvað það
væri gott að heyra í kirkjuklukk-
unum og vita að það væri guðsþjón-
usta,“ bætir hann við en hún hafi lýst
hljómnum sem „vinalegum“.
Umhverfis- og skipulagsráð tók
tillöguna fyrir 13. ágúst sl. og vísaði
henni til umsagnar umhverfis- og
skipulagssviðs og byggingarfulltrúa.
Hringt við stærri athafnir
 Lagt til að
kirkjuklukkurnar
hljómi sjaldnar
Morgunblaðið/Kristinn
Ómur Fólk hefur vafalítið ólíkar
skoðanir á kirkjuklukknahljómnum.
Sjö erlendir ferðamenn voru um borð
í bifreið sem valt á malarvegi í
Norðurárdal á fimmta tímanum í dag.
Allir um borð slösuðust í veltunni en
þrír voru fluttir á slysadeild Land-
spítalans í Fossvogi með þyrlu. Hinir
voru fluttir til Reykjavíkur í sjúkra-
bifreiðum.
Að sögn lögreglunnar í Borgarnesi
barst tilkynning um slysið kl. 16.30.
Bifreiðin valt á Norðurárdalsvegi,
skammt frá bænum Skarðshamri.
Ekki liggur fyrir hvað olli því að öku-
maður bifreiðarinnar missti stjórn á
henni. Þrír hlutu mikil meiðsl og var
því ákveðið að óska eftir aðstoð þyrlu
Landhelgisgæslunnar. vidar@mbl.is
Þrír fluttir á
slysadeild
Morgunblaðið Hádegismóum 2, 110 Reykjavík. Sími 5691100 Fréttir Guðmundur Sv. Hermannsson, Sigtryggur Sigtryggsson ritstjorn@mbl.is Viðskipti Sigurður Nordal vidskipti@mbl.is Menning Einar Falur Ingólfsson menning@mbl.is
Íþróttir Víðir Sigurðsson sport@mbl.is mbl.is Sunna Ósk Logadóttir netfrett@mbl.is, Smartland Marta María Jónasdóttir, smartland@mbl.is Umræðan | Minningar | Bréf til blaðsins mbl.is/sendagrein Prentun Landsprent ehf.
Brynjólfur Þorkelsson
Framkvæmdastjóri
binni@remax.is
Sylvía GWalthersdóttir
Löggiltur fasteignasali
sylvia@remax.is
„...veittu mér framúrskarandi
þjónustu í alla staði“
„Katrín heiti ég. Þau hjónin Binni og Sylvía sáu um
að selja húsið mitt sumarið 2013 og veittu mér
framúrskarandi þjónustu í alla staði. Haldið var
opið hús þar sem þau sáu um að bjóða fólkið
velkomið og fylgdu opna húsinu svo eftir
en það leiddi til sölu sem allir voru sáttir við.
Ég mæli hiklaust með þessum sætu hjónum“
820 8080 Hringdu núna ogpantaðu frítt söluverðmat
Banaslys varð á Hafnarvegi, rétt
norðan við Höfn í Hornafirði, um
klukkan hálf sex síðdegis í gær.
Sendiferðabifreið og vöruflutninga-
bifreið lentu saman með þeim afleið-
ingum að ökumaður sendiferða-
bifreiðarinnar var úrskurðaður
látinn á heilsugæslunni á Höfn. Hinn
látni er karlmaður á sextugsaldri.
Ekki fengust fregnir af líðan öku-
manns vöruflutningabifreiðarinnar.
Tildrög slyssins eru til rannsóknar
hjá lögreglu.
Banaslys
nærri Höfn