Málfríður - 15.03.2011, Blaðsíða 18

Ókostir
Ókostir þeir sem nefndir voru í sambandi við notk-
un UTM í kennslu voru einnig flokkaðir undir fjóra
áhrifaþætti samkvæmt 4E líkaninu. Þeir ókostir sem
oftast komu fram tengjast annars vegar trú kennara
á kennslufræðilegt gildi notkunar UTM (14) og hins
vegar hversu auðvelt það er kennurum að nota UTM
í kennslu (19). Fá svör var hægt að tengja við hina tvo
áhrifaþættina, umhverfislega (4) og hversu gaman
kennurum finnst það vera að nota UTM í kennslu sinni
(2). Tveir svarendur sögðust eiga erfitt með að sjá ein-
hverja ókosti. Við þættinum, trú á kennslufræðilegu
gildi notkunar UTM, komu lykluð svör eins og „nem-
endur fara að gera annað en til er ætlast“, „nemendur
nota copy og paste“, „óvönduð vinnubrögð nemenda“,
„talþjálfun útundan“ o.fl.
Dæmi um svör þátttakanda um ókosti UTM eru:
Oft erfitt að nálgast tölvur.
Tímafrekt í byrjun.
Á erfitt með að sjá einhverja ókosti.
Ef græjurnar klikka, sérstaklega núna í öllum niður-
skurðinum, ef lampinn í skjávarpanum fer. Getur stund-
um tekið of langan tíma ef tölvur eru hægvirkar.
Það getur náttúrulega farið þannig að nemendurnir fari
að sinna öðrum hugðarefnum sínum i tölvunum en til
er ætlast.
Lokaorð
Í stuttu máli leiddi rannsóknin í ljós að hægt er að
staðfesta að hinir fjórir áhrifaþættir 4E-líkans Collins
o.fl. (2001) skipta allir máli um það hvernig kennurum
tekst til við að nota UTM í kennslu sinni. Kennararnir
þurfa sjálfir að hafa áhuga á að nýta tölvur og tækni,
hafa trú á kennslufræðilegu gildi notkunarinnar og
hafa greiðan aðgang að uppfærðum tölvubúnaði og
aðgengilegu Neti til þess að viðunandi árangur náist.
Auk þess þarf stofnunin sem slík að styðja við bakið
á þeim og vera tilbúin til að eyða fjármunum m.a. í
uppfærslu tæknibúnaðar og endurmenntun kennara,
ásamt því að hafa starfsmann til að aðstoða kennara
við tæknina.
Þeir dönskukennarar íslenskra framhaldsskóla, sem
þátt tóku í rannsókninni, eru fullir sjálfs trausts hvað
varðar notkun UTM í kennslu og eigin færni, þrátt
fyrir að vera margir komnir yfir miðjan aldur. Að sama
skapi eru margir þeirra áhugasamir og nýta tölvur og
tækni á fjölbreyttan hátt. En betur má ef duga skal.
Í ljósi eldri rannsókna, sem ekki er gerð grein fyrir í
þessari grein, svo og á TPACK líkaninu (sjá mynd 1)
þykir mikilvægt að flétta kennslufræði inn í notkun
UTM. Kennarar þurfa að trúa því að notkun UTM skili
nemendum árangri í faginu. Það er ekki nóg að læra
á ákveðinn hugbúnað og vita svo ekki hvernig eða til
hvers á að nota hann. Tölvur og tækni á ekki að nota
hversu auðvelt kennurum finnst að nota UTM og varð-
andi þann þátt eru kennararnir einnig mjög jákvæðir.
Sá þáttur sem kom einna neikvæðast út er hversu vel
kennarar geta treyst á að Netið virki í skólunum (rúm-
lega 40%). Fjórði og síðasti þáttur 4E líkansins kannar
áhrif stofnunarinnar á notkun UTM. Sá þáttur kom einn-
ig töluvert jákvætt út. 80% þátt takenda töldu skólana
hafa jákvæða framtíðarsýn gagnvart notkun UTM,
meiri hluti fær góðan stuðning og telur UTM vera
almennt mikið notað í skólanum. Neikvæðastir voru
kennararnir gagnvart því hvort skólarnir væru fúsir
til að eyða fjármunum í tækni. Einnig töldu margir að
notkun UTM kæmi ekki nógu skýrt fram í námskrá
skólans og að kennsluefni sem notað er miðist ekki að
notkun UTM í kennslu.
Kostir
Niðurstöður við spurningunni um hvað dönskukenn-
arar telja vera helstu kosti þess að nota UTM í kennslu
voru lyklaðar niður í fjóra áhrifaþætti samkvæmt 4E
líkaninu (Collis o.fl., 2001). Kom þar fram að flest svör-
in lentu undir því sem telst vera trú á kennslufræðilegt
gildi notkunar UTM, eða 31 alls. Mörg atriðanna var
líka hægt að flokka undir það hversu auðvelt kennurum
reynist notkun UTM vera, eða 14. Örlítið færri atriði
var hægt að flokka undir ánægju kennaranna sjálfra af
notkun UTM (10) og umhverfislega áhrifaþætti (10). Það
eina sem lenti undir síðastnefnda þættinum var að
það væri verið að fylgja nútímanum, en þó nokkrir
kennarar nefndu það á misjafnan hátt. Í sumum til-
fellum voru fleiri en einn aðili sem nefndi sama hlut-
inn, t.d. voru 10 aðilar sem nefndu möguleikann á
nýju dönsku efni og 8 kennarar nefndu að notkun
UTM væri áhugahvetjandi fyrir nemendur. Báðir
þessir möguleikar tengjast trú kennara á gildi UTM.
Í áhrifaþættinum um ánægju kennara voru flestir sem
nefndu hversu mikla fjölbreytni í kennsluháttum eða
námsefni notkun UTM byði upp á. Varðandi hversu
auðvelt kennurum reynist notkun UTM var nefndur
möguleikinn á hversu aðgengilegt eða þægilegt það
væri að nálgast efni og nýta UTM. Sá umhverfisþáttur,
sem oftast var nefndur, var að þetta væri sá heimur
sem nemendur lifðu í og þekktu eða að notkun UTM
mætti kröfum nútímans.
Dæmi um svör kennara þar sem nefnd voru tvö til þrjú
atriði innan mismunandi lykla.
Með notkun upplýsingatækni er nemandinn í tengslum
við núið. Fréttir og upplýsingar eru ekki fengnar úr
úreltum kennslubókum.
Upplýsingatæknin gefur ýmsa möguleika á meiri fjöl-
breytni í kennslunni og gefur líka nemendum meiri
möguleika á að læra sjálfstætt.
Námsefnið er í sífelldri endurnýjun, nemandinn hefur
eitthvað um það að segja, færniþættir samtvinnast meira.
18 MÁLFRÍÐUR