Málfríður - 15.10.2008, Side 12

12 MÁLFRÍÐUR
urinn á þeim og öðrum útlendingum er sá að þeir 
eru mjög fljótir að komast inn í málið. Um kvöldið 
fórum  við  út  að  borða  á  Jomfru Ane  Gade  sem  er 
þekkt fyrir það að vera mikil gleðigata þar sem eru 
veitingastaðir  og  barir  eins  langt  og  augað  eygir. 
Annan  dag  námskeiðsins  fórum  við  í  heimsókn  í 
Nordjyllands Erhvervsakademi þar sem við fengum 
að  heyra  hvað  sá  skóli  hefur  upp  á  að  bjóða.  Þar 
hittum við líka fyrir unga íslenska konu sem sagði 
okkur frá því hvernig væri að flytjast með fjölskyldu 
til Danmerkur og setjast á skólabekk. 
Eftir hádegi þennan dag fórum við á Nordjyllands 
kunstmuseum þar sem við skoðuðum nokkur virki-
lega áhugaverð verk og fengum leiðsögn um safnið. 
Um  kvöldið  fórum  við  á  Duus  Vinkælder  sem  er 
ævagamall  veitingastaður,  staðsettur  í  hinu  fræga 
steinhúsi Jens Bangs. 
Eftir vel heppnaða daga á Jótlandi var ferðinni heit-
ið til Kaupmannahafnar á Schæffergaarden. Það er 
einhver ólýsanlegur sjarmi yfir Schæffergaarden og 
umhverfi staðarins og mörgum fannst þær vera komn-
ar heim. Þetta fyrsta kvöld okkar á Schæffergaarden 
var  okkur  boðið  af  norskum  hóp  að  hlýða  á  afar 
skemmtilega  tónleika,  eða  svokallað  PoetrySlam 
(ljóðaslam). Þar var á ferð Thorkil Jakobsen sem er 
Evrópumeistari  í  PoetrySlam.  Þessi  óvænta  upp-
ákoma var nokkuð sem veitti okkur ómælda ánægju 
og innblástur næstu daga. Fyrsta námskeiðsdaginn 
í Kaupmannahöfn fengum við til okkar Knud Illeris 
prófessor  frá  Danmarks  Pædagogiske  Universitet 
sem talaði um mismunandi kennsluaðferðir og um 
ýmsa erfiðleika sem geta komið upp í kennslu. Því 
næst  hittum  við  Birgitte  Simonsen  frá  Center  for 
Ungdomsforskning sem sagði okkur frá því hvernig 
unga fólkið lærir ekki alltaf það sem það á að læra 
jafnvel þó að það gjarn-
an vilji. Um kvöldið var 
svo Sankt Hans aften og 
við  fórum  að  sjálfsögðu 
á  samnefnda  hátíð  í 
Gentofte. Veðrið var ekki 
upp  á  marga  fiska,  rok 
og  kuldi,  en  hvorki  við 
né  innfæddir  létum það 
stoppa  okkur,  heldur 
horfðum á bál og  sung-
um  Midsommervise  og 
fleiri ástsæl dönsk lög.
Annan námskeiðsdag-
inn  á  Schæffergaarden 
hlustuðum  við  á  fyrir-
lestur  Marie  Maegaard 
um unglingamál. Marie hefur rannsakað á unglinga-
mál með því að eyða miklum tíma með unglingum 
og hlusta á mál þeirra. Þetta var mjög áhugaverður 
fyrirlestur  sem  kenndi  okkur  sitthvað  um  þróun 
danskrar  tungu.  Eftir  hádegi  kom  til  okkar  Jesper 
Wung  Sung  sem  er  rithöfundur  og  hefur  skrifað 
unglingabækur, t.d. bókina En-to-tre-NU! sem hefur 
verið  notuð  í  dönskukennslu  í  íslenskum  fram-
haldsskólum. Jesper var með eindæmum skemmti-
legur  og  við  veltumst  um  af  hlátri.  Hann  las  upp 
fyrir okkur og talaði um unglinga og sjálfan sig sem 
ungling.  Mjög  fyndinn  maður  sem  skrifar  góðar 
bækur fyrir unga fólkið. Næsta morgun tókum við 
lestina niður í miðbæ þar sem við hittum Guðlaug 
Arason á Ráðhúströppunum. Hann fór með okkur í 
sögugöngu um miðbæinn og sagði frá Íslendingum 
í Kaupmannahöfn á árum áður. Þetta var virkilega 
fræðandi og skemmtilegur göngutúr. 
Síðustu tvo daga námskeiðsins vorum við í verk-
efnavinnu í hópum þar sem við bjuggum til náms-
efni úr því sem við höfðum kynnst á námskeiðinu. 
Við unnum saman í hópunum og í lokin kynntu allir 
hóparnir  sínar  hugmyndir.  Við  fengum  einnig  að 
heyra Ósu Knútsdóttur segja okkur frá MA-ritgerð 
sinni  sem  fjallar  um  þjálfun  munnlegrar  færni  í 
dönsku  í  framhaldsskólum.  Ósa  var  einn  þátttak-
enda  námskeiðsins  og  það  var  mjög  áhugavert  að 
heyra hana tala um verkefnið sitt.
Síðasta kvöldið okkar á Schæffergaarden var mjög 
huggulegt. Við borðuðum dásamlegan mat, fórum í 
leiki og sýndum hver annari skemmtiatriði svo eitt-
hvað sé nefnt. Ég held að mér sé óhætt að fullyrða að 
allir hafi farið sáttir heim næsta dag eftir lærdóms-
ríkt og skemmtilegt námskeið. Ég var allavega mjög 
ánægð og margs vísari þegar heim var komið.
Á gangi um Kaupmannahöfn með Guðlaugi Arasyni.