Fréttir - Eyjafréttir - 15.10.1998, Qupperneq 15

Fimmtudagur 15. október 1998
Fréttir
15
Júgóslavinn Zeljko Sankovic, nýráðinn
yfirþjálfari yngriflokka IBV:
Elskar
fótbolta
Knattspyrnudeild ÍBV hefur ráðið
yfírþjálfara fyrir yngri flokka
félagsins en það er í fyrsta skipti
sem bandalagið gerir slíkt. Hann
heitir Zeljko Sankovic og er
Júgóslavi. Eiginkona hans heitir
Elsa og synirnir eru tveir, Leo sem
er 19 og Georg 16. Zeljko er 44
ára, menntaður íþróttakennari og
hefur unnið alla sína tíð sem
knattspyrnuþjálfari. Fjölskyldan
flutti til Isafjarðar fyrir ári og var
ekki í hópi hinna eiginlegu
flóttamanna sem hingað hafa
komið frá því stríðshrjáða landi
Júgóslavíu. Zeljko segist
einfaldlega ekki hafa séð fram-
tíðina í fótboltanum á Isaflrði þótt
sér og sinni fjölskyldu hafl Iiðið
mjög vel þar. Fótbolti sé hans fag
og bárust honum mörg freistandi
tilboð í haust til að þjálfa. Að
lokum þurfti hann að velja á milli
ÍBV og KR og það var alveg sama
við hvern hann talaði, allir mæltu
frekar með ÍBV. Zeljko er sárt
saknað af krökkunum á Isafírði,
það fer ekki á milli mála þegar
bæjarblaðið á Isafirði, Bæjarins
Besta, sagði frá brottför hans.
Zeljko og Elza leggja á það mikla
áherslu að þau líta fyrst og fremst á sig
sem Júgóslava en ekki Serba eða Kró-
ata. Enda má til sanns vegar færa að
hér er um að ræða eina af hinum
fjölmörgu fjölskyldum sem eru af
blönduðum uppruna og eiga vini af
öllum þjóðemum hins gamla ríkis.
Þau bjuggu á Kýpur í 5 ár og höfðu
farið frá Júgóslavíu áður en borgara-
styrjöldin þar byrjaði og hafa fylgst
með hörmungunum þar úr fjarlægð.
Þeim finnst mjög sárt hvemig komið
er fyrir gamla landinu þeirra þar sem
vinir og samherjar hafa lent í and-
stæðum fylkingum. „Þegar Júgósla-
vía brotnaði sundur, brotnaði hjarta
mitt,“ segir Zeljko.
Zeljkofjölskyldan er frá bænum
Knin í Króatíu sem áður var eitt af
sambandsríkjum Júgóslavíu en er nú
eitt hinna sjálfstæðu ríkja. Nafnið
Sankovic er aftur á móti serbneskt.
Þegar kom að því að þau þurftu að
endumýja júgóslavnesk vegabréf sín
rákust þau á vegg, það var ekki hægt.
Ekki fengust útgefin króatísk vegabréf
vegna hins serbneska ættamafns, þrátt
fyrir að margar aldir séu liðnar frá því
Sankovic ættin fluttist frá Serbíu til
Króatíu.
Knattspyma sem sérgrein
Zeljko byijaði ferilinn sem leikmaður
hjá Hajduk Split 15 ára. Hann lék
síðan með ýmsum liðum í landi sínu.
Jafnframt þvi stundaði hann nám við
íþróttaháskóla í Zagreb, fyrst við
almennt nám sem íþróttakennari og
þjálfari en lauk síðan framhalds-
skólanámi með knattspymuþjálfun
sem sérgrein. Hann þjálfaði m.a. hjá
Hajduk Split, Dinamo Zagreb og
Dinara Knin, auk þess að starfa við
unglingalandslið Króatíu og frá 1992
til 1997 var hann knattspymuþjálfari í
Límasol á Kýpur.
Zeljko hefur úr miklum efníuiö að moða í fótboltanum ef marka má bann mikla fjölda sem sótti lokahóf yngrí flokkanna á laugardaginn.
Zelkjo sýnir blaðamanni möppu
með myndum og blaðaúrklippum frá
ferli sínum. Hann starfaði á sínum
tíma sem þjálfari landsliðs Króatíu 18
ára og yngri, ferðaðist um í leit að
efnilegum leikmönnum og skipulagði
æfingaprógrömm þeirra. A meðal
heimsþekktra knattspymumanna sem
byrjuðu ferilinn undir stjóm Zeljkos
má nefna Davor Suker, markakóng
síðustu heimsmeistarakeppni og leik-
mann Real Madrid, Jami hjá Juventus,
Zwonimir Boban hjá Inter Milan og
Igor Stimac hjá Derby. Greinilegt er
að Zeljko er afar hreykinn af þessum
bömum sínum!
Góð tilfínning
En hvers vegna kom Zeliko til Eyja að
þjálfaÍBV?
„Það er nú saga að segja frá því. Ég
var að klára æfingu á Isafirði í sumar
og sá þar mann á fótboltasvæðinu vera
að leika sér með syni sínunt í fótbolta.
Við tókum tal saman og í ljós að kom
að þetta var framkvæmdastjóri knatt-
spyrnudeildar ÍBV, Steini (Þorsteinn
Gunnarsson). Svo leiddi eitt af öðru
og mjög góður vinur minn fyrir
vestan, Haukur, veitti mér allar
upplýsingar um ÍB V. Fleiri lið höfðu
svo samband við mig um að þjálfa
yngri flokka og að endingu stóð valið
á milli IBV og KR. Haukur vinur
minn á Isafirði, sem elskar Liverpool
og KR, ráðlagði mér eindregið að fara
til Vestmannaeyja. ÍBV væri klúbbur
á uppleið, samfélagið væri kröftugt og
okkur myndi líða vel þar. Þetta sagði
Haukur þrátt fyrir að vera KR-ingur.
Fjölskyldan settist á rökstóla og ég
veit ekki af hverju en við höfðum öll
mjög góða tilfmningu fyrir Vest-
mannaeyjum og vildum frekar fara
þangað en til Reykjavíkur. Það var
Jóhannes Úlafsson, formaður Knattspyrnudeildar ÍBV í hrókasamræðum við Zeljko
líka alveg sama við hvern ég talaði,
allir mæltu með Vestmannaeyjum.
Mér líst vel á það sem ég hef séð hér í
Vestmannaeyjum. Ég er búinn að hitta
þjálfarana mína og líst vel á þá. Ég
held að við séum öflugur hópur. Ég er
að undirbúa veturinn en foreldrar eiga
eftir að verða varir við að æfingum á
eftir að fjölga," segir Zeljko sem
greinilega iðar í skinninu að takast á
við verkefnin.
Hann segir að efniviður í Vest-
mannaeyjum sé eflaust mikill en
framundan sé mikil vinna sem krefjist
tíma og þolinmæði hjá öllum.
Mjög metnaðarfullur
Móðir Elzu, systir og mágur og börn
þeirra voru á meðal flóttamanna sem
komu til ísaijarðar fyrir tveimur árum.
I fyrrahaust kom svo önnur systir Elzu
til Islands og settist að á Hornafírði.
Synir Zeljko og EIzu stunda nú báðir
nám við Framhaldsskólann. Leo, sá
eldri æfír fótbolta af kappi og þykir
mikið efni. Georg æfir sund með
sunddeild ÍB V og báðum hefur þeim
gengið vel að aðlagast nýju lífi í Vest-
mannaeyjum. Zeljko er óneitanlega
nokkuð útlendingslegur með sitt
svarta skegg. Hann segist vera opinn
maður og hann kunni einfaldlega ekki
að hata fólk. Þvert á móti þyki honum
vænt um allt gott fólk.
Zelkjo er mjög metnaðarfullur
maður sem segist tilbúinn að vinna
mjög langan vinnudag í þágu IBV og
fótboltans enda elskar hann sitt fag.
Hann mun skipuleggja æfingar hjá
öllum flokkum en sjálfur sér hann
alfarið um þjálfun 4. og 5. flokks
drengja og 5. flokk stúlkna. Með
honum eru rnjög hæfir þjálfarar hjá
IBV, flestir með mikla reynslu og
íþróttakennaramenntun. Ef marka má
samtöl við fólk fyrir vestan sem
starfaði í íþróttahreyfmgunni er
Zeljkos sárt saknað. A aðeins einu ári
lyfti hann grettistaki í fótboltanum og
var mikið þrýst á hann að halda þar
áfram. En fótboltinn skiptir Zelkjo
öllu máli og hann sá einfaldlega ekki
framtíð í fótboltanum á Isafirði. Það sá
hann hins vegar í Vestmannaeyjum og
þess vegna er hann hingað kominn til
þess að gera okkar unga knatt-
spyrnufólk, drengi og stúlkur, enn
betri í fótbolta.
Hlutverk Zeljkos er að sjá til bess að merki ÍBU verði áfram á meðal
beirra bestu í Iramtíðiiini.