Fréttir - Eyjafréttir - 23.11.2000, Qupperneq 2

2
Fréttir
Fimmtudagur 23. nóvember 2000
Enn fækkar færslum í
dagbók
Færslum fer fækkandi í dagbók
lögreglu með hverri vikunni sem
líður og í síðustu viku vom þær 165
talsins. Ef sama þróun héldi áfram
út árið mætti búast við að nýrri öld
yrði heilsað með tveggja stafa tölu í
færslubók lögreglu. Því miður eru
þó ekki líkindi á slíku, þar sem
reynslan sýnir að erill hjá lögreglu
eykst nokkuð þegar líða tekur á
aðventu, að ekki sé nú minnst á sjálf
áramótin.
Skemmdu bíla
Tvenn eignaspjöll voru kærð til
lögreglu í vikunni og í báðunr
tilvikum var um að ræða skemmdir
á bílum. Fyrra tilvikið átti sér stað á
miðvikudag í síðustu viku en þá
vom brotnar rúður í bíl sem stóð á
bílastæði við Áshamarsblokkirnar.
Hið seinna var á sunnudag við
Iþróttamiðstöðina en þar var bifreið
rispuð með því að henda í hana
sandi. Ekki er vitað hverjir þarna
vom að verki og óskar lögregla eftir
upplýsingum.
• •
Olvaður og rétt-
indalaus ók út af ó
stolnum bíl
Að kvöldi miðvikudags í síðustu
viku var tilkynnt um bifreið utan
vegar á Nýjahrauni. Við athugun
lögreglu kom í ljós að bifreiðin
hafði verið tekin ófrjálsri hendi og
hafði ökumaðurinn ekið henni undir
áhrifum áfengis án þess að hafa
ökuréttindi. Endaði ökuferðin utan
vegar við vegarslóða að hitaveitu-
svæðinu. Bifreiðin er mikið
skemmd en ökumaður slapp með
skrámur.
Þrír kærðir í
umferðinni
AUs voru þrjú umferðarlagabrot
kærð í síðustu viku. í einu tilvikinu
var um að ræða árekstur og brottför
en þar hafði verið ekið utan í bifreið
sern stóð við Áshamarsblokkimar.
Þetta gerðist á laugardag. Ekki er
vitað hver valdur var að þessu og
óskar lögregla þess að sá geft sig
fram og eins þeir sem hugsanlega
hafa orðið varir við áreksturinn.
Hin brotin, sem kært var iýrir, voru
biðskyldubrot og of hraður akstur.
Þá var eitt umferðaróhapp tilkynnt
lögreglu í vikunni. Það gerðist á
Skólavegi þar sent bam hjólaði á
bifreið. Var þar um minni háttar
meiðsl að ræða og lítils háttar
skemmdir á bifreiðinni.
Þingmálum fagnað
Fyrir fundi bæjarráðs á mánudag
lágu nokkur bréf frá Alþingi til
umsagnar. Þar á meðal var þings-
ályktunartillaga um ferjuaðstöðu
við Bakkafjöm. Bæjarráð fagnar
þeirri tillögu og hvetur til þess að
málið fái skjótan framgang. Þá lá
og fyrir bréf vegna frumvarps til
laga um loftferðir og tekur bæjtmáð
undir með flutningsmönnum fmm-
varpsíns um að leiðarflugsgjald
(flugmiðaskattur) sé enn einn
skatturinn sem harðast komi niður á
íbúum landsbyggðarinnar.
Héraðsdómur Suðurlands:
Sex mánaða fangelsi
Þann 9. nóvember sl. var kveðinn
upp í Héraðsdómi Suðurlands
dómur í máli sem ákæruvaldið,
sýslumaðurinn í Vestmannaeyjum,
höfðaði gegn Vestmannaeyingi á
þrítugsaldri, fyrir tvö brot, nytja-
stuld og umferðarlagabrot.
Bæði brotin voru framin á seinni
hluta ársins 1998 og í báðum tilvikum
hafði ákærði tekið bíl í heimildarleysi
á höfuðborgarsvæðinu og ekið undir
áhrifum áfengis og réttindalaus.
Báðar enduðu ökuferðimar með
ákeyrslu á ljósastaur.
Ákærði játaði skýlaust þessi brot sín
en ákveðið var að hann skyldi sæta
sérstakri geðskoðun. Þá kemur fram
að ákærði hefur átt við áfengis- og
lyljafíkn að stríða en hefur náð tökum
á þeim vanda. Úrskurður geðlæknis
var að ákærði teldist sakhæfúr en óvíst
að fangelsisvist yrði til góðs, sam-
félagsþjónusta hæfði ákærða betur.
Samkvæmt sakavottorði ákærða
hafði hann tvívegis áður á árinu 1998
gengist undir lögreglustjórasátt fyrir
ölvunarakstur, sviptur ökuréttindum
og sektaður. Þá hafði hann tvívegis
verið dæmdur á árinu fyrir ijársvik og
þjófnað, í samtals_9 mánaða fangelsi
skilorðsbundið. Árið 1999 var hann
síðan dæmdur í 6 mánaða fangelsi
skilorðsbundið í þijú ár.
Dómsúrskurður var að hinn ákærði
var dæmdur í sex mánaða fangelsi og
sviptur ökuréttindum í ijögur ár. Er sú
refsing í einu lagi fyrir þau brot sem
áður vom tilgreind. Þá var hann
einnig dæmdur til greiðslu alls
sakarkostnaðar. Ólafur Börkur Þor-
valdsson, héraðsdómari kvað upp
dóminn.
Sýslumannsembættið í Vestmannaeyjum:
Vantar löglærða fulltrúa
Við sýslumannsembættið í Vest-
mannaeyjum hefur verið skortur á
löglærðum fulltrúum megnið af
þessu ári. Auglýsingar eftir fólki
hafa engan árangur borið.
Karl Gauti Hjaltason, sýslumaður,
segir að þetta ástand hafi verið
viðvarandi að meira eða minna leyti
síðan í mars. „Tveir fulltrúar hjá
embættinu hættu störfum með
skömmu millibili. Einn var ráðinn í
júní en ekki hefur tekist að ráða í starf
hins. Eg hef auglýst í Morgun-
blaðinu, á Netinu og haft samband
við Lagadeild Háskólans en án
árangurs."
Karl Gauti segir að reynt hafi verið
að leysa þetta með því að annað
starfsfólk hafi tekið á sig aukna vinnu
en auðvitað hafi eitthvað safnast upp
af verkefnum. Fram til þessa hefur
ekki verið vandamál að fá lög-
fræðinga til vinnu, t.a.m. hafa
nýútskrifaðir lögffæðingar oft komið
hingað til starfa sem fulltrúar. En
hvemig stendur á því að sá áhugi
virðist ekki lengur lýrir hendi?
„Eg veit það ekki en ég giska á að
ungt fólk vilji frekar vera á höfuð-
borgarsvæðinu en úti á landi. Þar er
auðveldara að fá vinnu og skipta um
vinnu ef svo ber undir. Mögu-
leikamir em fjölbreyttari þar. Það er
skoðun margra að mjög gott hafi
verið fyrir nýútskrifaða lögfræðinga
að fara til starfa við embættin úti á
landi. Það hafa margir gert, unnið við
það um tveggja til þriggja ára skeið,
og aflað sér mikillar og víðtækrar
reynslu. Þá held ég að launakjörin
séu jafnvel betri úti á landi en í
Reykjavík. En það virðist bara ekki
duga lengur," segir Karl Gauti.
Ríkissaksóknari:
Borðmálið loks til lykta leitt
Eins og flestum mun kunnugt
upphófust fyrir tveimur árum
miklar deilur vegna meintra spjalla
á fornleifum í Herjólfsdal. Þá var
fjarlægt víðfrægt hlaðið borð, sem
sumir töldu merkar fornminjar en
aðrir sem drógu menningarlegt
gildi borðsins í efa.
Málið var kært til yfirvalda og
skýrslur teknar af meintum ódæðis-
mönnum, svo og nokkmm hópi
manna sem töldu sig kunnuga
staðháttum í Herjólfsdal og áður-
nefndu borði.
Nú er þetta mál til lykta leitt.
Ríkissaksóknari hefur ákveðið að
krefjast ekki frekari aðgerða varðandi
meint spjöll á fomleifum í Herjólfsdal
og hefur sýslumaður sent bréf um þá
ákvörðun til fomleifanefndar. Þetta
þýðir væntanlega að brottnámsmenn
borðsins geta andað rólegar og eiga
hvorki yfir höfði sér fangavist né
fésektir vegna þessa gjömings.
Líður eins og hreinni og
óspjallaðri mey
„Heyrðu, þetta er ánægjulegt að
heyra," sagði Birgir Guðjónsson, for-
maður þjóðhátíðamefndar þegar
honum vom færð þessi tíðindi en hann
var einn þeirra sem var ásakaður fýrir
hin meintu spjöll. „Alveg ágætt.
Manni líður bara svipað og hreinni og
óspjallaðri mey eftir að fá svona
tíðindi. Ætli við verðum þá ekki að
fara að bretta upp ermamar og hlaða
nýtt borð, við vomm víst búnir að lofa
því.“
NÝSKÖPUN í atvinnulífínu. Nú styttist í að nóta- og togskipið Huginn VE, sem verið er að smíða í Chile,
verði tilbúinn. Hann er væntanlegur fljótlega eftir áramót til landsins. Huginn verður eitt fullkomnasta
ef ekki fullkomnasta skip landsins af þessari gerð. Hægt er að frysta allan afla um borð og eru afköstin
um 100 tonn á sólarhring. Frystibúnaðurinn, sem er íslensk smíði, er mjög fullkominn og þarf
mannshöndin lítið sem ekkert að koma að vinnslunni. Er þarna um nýsköpun í íslenskum iðnaði og
sjálfur verður Huginn nýsköpun í atvinnulífi Vestmannaeyja því þarna er verið að fara inn á nýjar
brautir í útgerð. Auk þess sem störfum sjómanna fjölgar en gert er ráð fyrir 22 körlum í áhöfn á móti 12
á þeim gamla.
B|örn
Elíasson
ráðinn
aðstoðar-
skólastjóri
í haust sagði Jóna Olafsdóttir,
aðstoðarskólastjóri Barnaskólans,
upp stöðu sinni þar sem hún er að
taka til starfa sem forstöðumaður
Athvarfsins.
Staða aðstoðarskólastjóra var því
auglýst og barst ein umsókn um hana,
frá Bimi Elíassyni, kennara. Skóla-
stjóri mælti með ráðningu Bjöms og
hefur skólamálaráð samþykkt að ráða
hann til starfsins frá 1. jan. nk. Bjöm
er raunar ekki með öllu ókunnugur
þessari stöðu þar sem hann gegndi
henni á síðasta skólaári meðan Jóna
Ólafsdóttir var í leyfi ffá störfum.
Útgefandi; Eyjaprent ehf. Vestmannaeyjum. Ritstjóri: Ómar Garðarsson. Blaðamenn: Benedikt Gestsson & Sigurgeir
Jónsson. íþróttir: Júlíus Ingason. Ábyrgðarmenn: Ómar Garðarsson & Gísli Valtýsson.
Prentvinna: Eyjaprent ehf. Vestmannaeyjum. Aðsetur ritstjórnar: Strandvegi 47II. hæð. Sími: 481-3310. Myndriti: 481-
1293. Netfang/rafpóstur: frettir@eyjar.is. Veffang: http//www.eyjafrettir.is
FRÉTTIR koma út alla fimmtudaga. Blaðið er selt í áskrift og einnig í lausasölu í Turninum, Kletti, Veitingaskálnum
Friðarhöfn, Tvi_stinum, Toppnum, Kránni, Vöruval, Herjólfi, Flughafnarversluninni, Tanganum, Söluskálanum Friðarhöfn og í Jolla í Hafnarfirði. FRÉTTIR eru prentaðar í 2000
eintökum. FRÉTTIR eru aðilar að Samtökum bæjar- og héraðsfréttablaða. Eftirprentun, hljóðritun, notkun Ijósmynda og annað er óheimilt nema heimilda sé getið.
FRETTIR