Fréttir - Eyjafréttir - 23.11.2000, Qupperneq 8

8
Fréttir
Fimmtudagur 23. nóvember 2000
Schengen samningurinn:
Nákvæmara og
skilvirkara eftirlit
segir Guðbjörn Ármannsson, deildarstjóri
Tollgæslunnar í Vestmannaeyjum
Hinn svoknllaði Schengen
samningur mun taka gildi 25.
mars á næsta ári. Aðilarað
honum eru ríki EES-svæðisins,
að Sviss undanskildu en ísland
gerðist aðili að þessum samningi
18. maí í fyrra. Markmið
Schengen samningsins er að
tryggja frjálsa för einstaklinga
um innri landamæri
þátttökuríkjanna og fella niður
persónueftirlit með
einstaklingum á ferð milli
ríkjanna, á sama tíma og
barátta gegn brotastarfsemi er
styrkt.
Tollgæsla, lögregla og
Landhelgisgæsla
Guðbjöm Armannsson, deildarstjóri
Tollgæslunnar í Vestmannaeyjum,
hefur nýlokið þátttöku í námskeiði
sem haldið var í Keflavík, vegna
gildistöku Schengen samningsins.
Hann segir að áður hafi verið haldið
stutt námskeið, fyrir alla lögreglu-
menn og tollverði á landinu þar sem
meginatriði samningsins hafi verið
kynnt. Námskeiðið í Keflavík hafi
verið framhaldsnámskeið og haldið
fyrir tollverði og þá starfsmenn lög-
reglu og Landhelgisgæslu sem
einkum muni annast þessi mál.
Guðbjöm lauk námi við Tollskólann
1986 og starfaði í Reykjavík fram til
1989 en það ár var hann „lánaður" til
Vestmannaeyja í tvo mánuði,
samkvæmt beiðni bæjarfógetans í
Eyjum. En það hefur teygst úr
þessum tveimur mánuðum. Hér
kynntist Guðbjörn eiginkonunni,
Stefaníu Ástvaldsdóttur, og sneri ekki
aftur til Reykjavíkur, heldur býr hér
enn og ekkert fararsnið á honum.
Notkun vegabréfa og
verklegar æfingar
Guðbjöm segir að fjórir starfsmenn
sýslumanns í Vestmannaeyjum hafi
sótt námskeiðið í Keflavík, tveir
lögreglumenn og tveir tollverðir.
Námskeiðið var tvískipt. Annars
vegar var farið í notkun vegabréfa og
atriði Schengen samningsins en hins
vegar var um verklegar æfingar að
ræða í Leifsstöð. M.a. var farið yfir
hinar ýmsu útgáfur vegabréfa í
heiminum, öryggisþætti, útlit vega-
bréfa, sérstök skoðunaratriði þeirra,
falsanir og fleira. Leiðbeinendur á
námskeiðinu komu frá ríkislögreglu-
stjóra, útlendingaeftirliti, dómsmála-
ráðuneyti og bandaríska innflytjenda-
eftirlitinu.
Skilið milli farþega í
Leifsstöð
Með gildistöku samningsins getur fólk
ferðast innan Schengen svæðisins án
vegabréfa og samkvæmt samningnum
telst sá útlendingur sem ekki er
ríkisborgari í ríki sem er aðili að
samningnum. Rík áhersla verður lögð
á skoðun einstaklinga sem koma inn á
Schengen svæðið um flughafnir eða
hafnir. Þá verður í Leifsstöð greint
milli farþega sem koma frá löndum
innan Schengen svæðisins og þeirra
sem eru utan þess, svo sem Banda-
ríkjanna og Kanada.
Skipstjórum allra skipa, sem hafa
Island sem ákvörðunarstað, er skylt að
tilkynna sig til Landhelgisgæslunnar
24 klst. áður en komið er inn í 12
mflna landhelgi. Þar þarf að gefa upp
nafn, radíómerki, þjóðerni, tegund,
dagsetningu, ákvörðunarstað og
áætlaðan komutíma, auk áhafnar- og
farþegaskrár.
Meiri kröfur gerðar
Guðbjöm segir að í raun sé þetta ekki
mikil breyting á starfi löggæslumanna
og tollvarða í Vestmannaeyjum.
Tollgæslan í Eyjum hefur annast
vegabréfaeftirlit með skipum og
flugvélum sem hingað hafa komið
erlendis frá. Þetta feli aftur í sér mun
nákvæmara og skilvirkara eftirlit.
Meiri kröfur séu gerðar, ekki síst á
Islandi sem er á mörkum ytra svæðis
Schengen. Viðamikið upplýsinga-
kerfi hefur verið sett á stofn vegna
þessa og eru höfuðstöðvar þess í
Frakklandi en ríkislögreglustjóri sér
um tengslaskrifstofu á Islandi. Þetta
upplýsingakerfí Schengen (skamm-
stafað SIS) mun halda utan um
upplýsingar um t.d. skráða, eftirlýsta
aðila, sem synja á um komu, týnda
einstaklinga, stolin farartæki o.fl.
Sigurg.
Wff/Íifsfð&Jh
GUÐBJÖRN ÁRMANNSSON segir að í raun sé þetta ekki mikil
breyting á starfi löggæslumanna og tollvarða í Vestmannaeyjum en
feli í sér nákvæmara og skilvirkara eftirlit.
Hættir Flugfélagið að fljúga til Eyja?
Flugfargjöld hafa hækkað um 29% á fimm mánuðum
MARGT hefur breyst frá því Flugfélagið og íslandsfiug voru í
samkeppni um farþega á leið til og frá Vestmannaeyjum.
I l'réttum Ríkissjónvarpsins á
mánudag kom fram að rekstur
Fluglciða hefur gengið erfiðlega,
ekki síst vegna tíðra eldsneytis-
hækkana á árinu. Þá upplýsti
Sigurður Helgason, forstjóri
Flugleiða, í sama fréttatíma, að
jafnvel standi til að hætta áætl-
unarflugi Flugfélags íslands, sem
er dótturfyrirtæki Flugleiða, til
Vestmannaeyja þar sem sú flugleið
sé ekki hagkvæm rekstrarlega séð.
Flugfargjöld hafa hækkað þrívegis á
fimm mánaða tímabili. í júlí
hækkuðu fargjöld um 5 til 7%, í ágúst
um tæp 10% og í gær hækkuðu
fargjöldin um 7 til 8%. í byrjun júlí
kostaði forgangssæti í hæsta flokki,
flugmiði báðar leiðir, 10.330 kr.,
hækkaði þá í 11.130 kr., hækkaði í
ágúst í 12.330 kr. en eftir hækkunina
í gær er það komið í 13.330 kr.
Krónutöluhækkun á fargjaldinu síðan
í júlí er 3000 kr. og fargjaldið hefur
hækkað um rúm 29% á tæpum fimm
mánuðum.
Þrátt fyrir þessa hækkun telja
forsvarsmenn Flugleiða ekki rekstrar-
léga hagkvæmt að halda uppi
áætlunarflugi til Vestmannaeyja og
hafa, eins og áður er sagt, ýjað að því
að því kunni að verða hætt. Ekki
kemur fram hve mikið fargjaldið milli
Reykjavíkur og Vestmannaeyja þyrfti
að hækka til þess að reksturinn beri
sig en nokkuð Ijóst er af framan-
greindu að þessi 29% duga engan
veginn til þess.
Erum ekkert að hætta
„Eg held að þessi orð Sigurðar
Helgasonar hafi verulega verið slitin
úr samhengi og túlkuð nokkuð
frjálslega," segir Jón Karl Ólafsson,
framkvæmdastjóri Flugfélags íslands.
„Þama var verið að ræða um rekstur
Flugleiða, sem er upp á 30 milljarða,
og allt í einu er aðalmálið orðið
Flugfélag Islands og flug til Vest-
mannaeyja. Aftur á móti er það
staðreynd að við höfum verið í
vandræðum með afkomuna á
Vestmannaeyjaleiðinni. Þetta er stutt
flugleið en kflómetrafjöldinn skiptir
ekki meginmáli, flugtak og lending
eru dýrustu hlutamir í fluginu og því
em stuttu flugleiðimar tiltölulega
dýrari en hinar. En við höfum verið
að reyna ýmsar breytingar að undan-
fömu til að bæta stöðuna, síðasta
hækkun fargjalda er einn liðurinn í
því, jafnvel verðum við að draga úr
þjónustu eða annað. En ég held að
það sé ákaflega sterkt til orða tekið að
við séum að hætta að fljúga til
Vestmannaeyja, mér vitanlega er það
ekki á dagskrá. Vestmannaeyingar
geta alveg sofið rólegir þó að einhver
fréttastofa sé að búa til frétt, við emm
ekkert að hætta að fljúga til Eyja,“
segir Jón Karl Ólafsson.
Verið að stúta
ferðaþjónustunni
„Þessar tíðu hækkanir á fargjöldum
hafa auðvitað komið illa við okkur
sem emm í þjónustu við ferðamenn í
Eyjum,“ segir Gísli Magnússon, hjá
Ferðaþjónustu Vestmannaeyja.
„Ferðaskrifstofumar í Reykjavík hafa
sent ferðamenn hingað með flugi.
Ferðamönnum standa til boða
ákveðnir ferðapakkar, t.d. Bláa lónið,
Gullfoss og Geysir, Stykkishólmur,
Vestmannaeyjar. Auðvitað fer það
talsvert eftir verði þessara pakka hvað
verður fyrir valinu. Hækkun flug-
fargjalda hefur því ekki bætt stöðuna
hjá okkur í Vestmannaeyjum. Ef svo
stendur til, í framhaldi af þessu, að
hætta að fljúga hingað þá er hreinlega
verið að stúta ferðaþjónustunni í
Eyjum,“ segir Gísli Magnússon.
Flugsamgöngur verða að
vera í lagi
„Það er skelfilegt ef Flugfélagið ætlar
sér að hætta áætlunarflugi til Vest-
mannaeyja og ég vona bara að svo
fari ekki,“ segir Jóhann Heið-
mundsson, hótelstjóri á Þórshamri.
Við misstum Islandsflug út úr áætlun
fyrr á árinu og það var slæmt.
Flugsamgöngur verða að vera í lagi í
Vestmannaeyjum, við eram eyland
og verðum að fá að sitja við sama
borð og aðrir í samgöngumálum. Eg
vil ekki hugsa þá hugsun til enda ef
Flugfélagið hætti að fljúga hingað en
sem betur fer held ég að það sé nú
eitthvað orðum aukið,“ sagði Jóhann
Heiðmundsson.
Sigurg.