Fréttir - Eyjafréttir - 23.08.2001, Blaðsíða 8

8
Fréttir
Fimmtudagur 23. ágúst 2001
Meistaraflokkur ÍBV í knattspyrnu hefur átt velgengni að fagna á síðustu árum og enn er liðið í baráttu el
Stefnir í æsilegan lokasprett
-þar sem Eyjamenn geta látið heldur betur látið finna fyrir sér
HLYNUR Stefánsson og Kjartan Antonsson standa vaktina í vörn ÍBV og hafa þeir aðeins 11 sinnum
mátt horfa á eftir boltanum í netið.
Þegar lagt var upp í fótboltanum í vor voru væntingar
til IBV-liðsins ekki ýkja miklar enda hafði liðið verið
stokkað upp og ótti nú að gefa yngri leikmönnum
tækifæri í stað þess að kaupa dýra erlenda leikmenn.
Liðinu var spáð 4. sæti í deildinni sem mörgum fannst
bjartsýnisspá. Það hefur margt komið á óvart í deildinni
í sumar, ÍBV og Skaginn eru í toppbaráttunni, KR í
fallsæti og Fylkir hefur ekki náð eins góðu skriði og
margir áttu von á. Enn er margt óljóst en eitt er víst að
knattspyrnuáhugamenn eiga fyrir höndum skemmti-
legar vikur.
Fréttir tóku púlsinn á stöðunni því langt er síðan
deildin hefur verið eins jöfn og það í báða enda. Fjögur
til fimm félög eiga möguleika á Islandsmeistaratitlinum
og jafn mörg geta fallið. IBV er í 2. sæti eftir 14. umferð
og þegar fjórar umferðir eru eftir er liðið með í
slagnum um íslandsmeistaratitilinn en þeir sem rætt var
við vara við of mikilli bjartsýni og segja að Evrópusæti
sé raunhæfari möguleiki. En ekkert er útilokað og
Eyjamenn eiga eftir að leika heima við bæði Fylki og
Skagann sem er lokaleikur deildarinnar. Hlýtur það að
vera draumur allra stuðningsmanna IBV að þar yrði um
hreinan úrslitaleik að ræða en hann verður
laugardaginn 22. september nk. Bæði byggja liðin á
langri hefð í boltanum og yrði þetta ekki í fyrsta skipti
sem þau takast á. Samantekt JGI, SÞ og OG.
Útiloka ekki að leika áfram með ÍBV
-en ég ætla bara að klára þetta tímabil og sjá svo til, segir Kjartan Antonsson sem gerir ekki mörg mistök í vörninni
Kjartan Antonsson hefur nú spilað
með IBV á fjórða ár og hefur
líklega aldrei verið betri. Hann
kom til ÍBV árið 1998, hefur á
þessum stutta tíma gengið í gegnum
súrt og sætt og er nú einn af
reynslumestu leikmönnum liðsins,
aðeins 25 ára gamall. Kjartan
hefur að undanförnu vakið mikla
og verðskuldaða athygli fyrir
frammistöðu sína með liðinu, var
m.a. valinn í landslið Islands fyrr á
þessu ári og þá fór hann einnig til
reynslu til norska liðsins Hauge-
sund.
Kemur úr Kópavogi
Kjartan er fæddur og uppalinn í
Kópavogi og er sonur Fanneyjar
Hauksdóttur og Antons Bjarnasonar,
sem var landsliðsmaður í knattspyrnu,
handbolta og blaki þannig að það þarf
ekki að spyrja hvaðan áhuginn fyrir
íþróttum er kominn. Kjartan er
kvæntur Hönnu Heiðu Bjarnadóttur,
sem um tíma spilaði með IBV en er nú
á máia hjá Stjörnunni.
„Eg hef alið manninn allt mitt líf í
Kópavogi og líkaði það bara vel. Ég á
tvo eldri bræður en þeir eru hvorugir í
íþróttum þannig að ég hef fengið
iþróttaskammtinn einn og óskiptan.
Ætli ég hafi ekki byrjað sex eða sjö ára
að æfa fótbolta og þá að sjálfsögðu
með Breiðabliki."
Var stefnan alltaf sett á það að verða
knattspyrnumaður?
„Já, það má eiginlega segja það.
Það fer ansi mikill tími í þetta þannig
að maður verður virkilega að hafa
áhuga ef maður ætlar að standa sig.
Markmiðið var auðvitað að spila með
meistaraflokki og svo komu önnur
markmið þegar því var náð. Annars
kom nánast ekkert annað til greina en
fótbolti þegar íþróttir voru annars
vegar. Ég var eitthvað að rembast í
handbolta á mínum yngri árum en ég
þótti nú ekki það lipur á handbolta-
vellinum að ég Iagði handboltaskóna á
hilluna. Maður var bara þar með
félögunum en áhuginn var kannski
ekki eins mikill og á fótboltanum."
Kom með Bjama
Hvernig kom það til að þú komst til
ÍBV?
„Ég kom til ÍBV 1998 og það var
eiginlega að tilstuðlan Bjama Jóhanns-
sonar. Hann þjálfaði Breiðablik í eitt
ár og mér Iíkaði mjög vel við hann
sem þjálfara. Ég vildi líka spila í efstu
deild en Breiðablik var á þessunt tíma
í I. deild á meðan Eyjamenn voru
nýkrýndir islandsmeistarar þannig að
ég þurfti ekkert að hugsa mig mjög
mikið um þegar þeir höfðu samband.
Það var vel tekið á móti mér þegar ég
kom til liðsins en reyndar var mjög
erfitt að koma að utan og til liðs við
nýtt lið stuttu fyrir mót. En hópurinn
var mjög góður og liðið í toppbar-
áttunni þannig að þetta var mjög góð
byrjun með nýju liði.“ ^
Hvað með árið í ár, á IBV möguleika
á Islandsmeistaratitlinum ?
„Já, ég tel möguleika okkar vera
ágæta. Þetta er undir okkur komið en
við verðum að klára okkar leiki og sjá
svo hverju það skilar okkur í lok
tímabils. Annars er best að taka bara
einn leik í einu og vera ekki að hugsa
of langt fram í tímann. Menn hafa oft
brennt sig á því en við verðum bara að
halda okkur á jörðinni og svo sjá til í
lok september. En mér finnst liðið
hafa verið að spila ágætlega í sumar
og líklega höfum við komið flestum á
óvart með að vera í toppbaráttunni.
Liðið er ungt að árum, nýr þjálfari og
nýir leikmenn voru að bætast við fram
eftir öllu en núna tel ég að við séum að
ná tökum á leik okkar eftir að hafa
verið í basli framan af. í vor, þegar
við fórum út, brá mér heldur betur því
ég var allt í einu orðinn einn af eldri
leikmönnunum en sumarið þar áður
var ég bara einn af yngri peyjunum.
Það sýnir kannski best breytingamar
sem hafa orðið á liði IBV síðasta
árið.“
Atli ekki með símanúmerið
mitt
Kjartan var í vetur valinn í A-landslið
Islands í fyrsta sinn, þegar liðið tók
þátt í knattspymumóti á Indlandi.
Kjartan segist ekkert hafa heyrt frá
Atla Eðvaldssyni síðan. ,Ætli ég noti
ekki sömu afsökun og Tómas Ingi að
Atli sé ömgglega með vitlaust númer
hjá mér því við höfum ekkert heyrt í
honum. En gnnlaust, þá var auðvitað
mjög gaman að vera valinn í lands-
Iiðið og góð reynsla sem maður
öðlaðist í ferðinni. Auðvitað er
stefnan alltaf að gera sitt besta og bæta
við fieiri landsleikjum en fyrst og
fremst verður maður að standa sig
með ÍBV og svo verður hitt að koma í
ljós.“
Nú rennur samningurþinn við IBVút
eftir tímabilið, ertu eitthvað farinn að
veita fvrir þérframtíðinni ?
„Nei, ég get ekki sagt það. Mitt
markmið núna er að klára þetta
tímabil með IBV og sjá svo til hvað
gerist. Hlutirnir em fljótir að gerast í
knattspymuheiminum og maður veit
aldrei hvað gerist í framtíðinni.
Atvinnumennskan er auðvitað heill-
andi og ég gæti alveg hugsað mér að
leika erlendis, sérstaklega ef álitleg lið
hafa áhuga. Ég fékk smjörþefinn af
þessum heimi hjá Haugesund og
líkaði ágætlega þennan stutta tíma sem
ég var þar.“
Gœtirðu huesað þér að vera áfram
hjáÍBV?
„Já. alveg eins. Mér hefur líkað
mjög vel hérna í Eyjum þann tíma
sem ég hef verið hér og það er því
ekkert útilokað í þessum efnum en ég
ætla bara að klára þetta tímabil og sjá
svo til.“