Harmonikublaðið - 01.04.2004, Blaðsíða 13

HARMONIKUBLAÐIÐ
Fróðleikur/Fréttir
ur er manns gaman. Daginn eftir var
Kristján kvaddur og haldið heim á leið, Á
Egilsstöðum var stutt stopp að venju en
þegar komið er fram á jökuldalinn segir
Stebbi Þóris. „Ég held að bíllinn sé allur
að koma til, sko þarna fórum við fram úr
tveimur gæsum". Á heimleiðinni voru
sagðar sögur og fluttar vísur, því miður
skrifaði ég þær ekki niður og get því ekki
skreytt ferðasöguna með þeim en mikið
var ég búin að hlæja og skemmta mér.
Kæru Þingeyingarog Breiðdælingar hafið
þökk fyrir yndislega helgi.
Ferðafélagar úr
Harmonikufélagi Skagafjarðar.
Fréttir frá H.F.Þ.
Heiðursgestirnir Grettir Björnsson og Reynir lónasson.
Séð yfir veisluborðið.
Ágæti lesandi
Ég vil byrja á því að óska ykkur öllum
gleðilegs árs, með þakklæti fyrir liðin ár.
Eins og áður hefur komið fram varð
Harmonikufélag Þingeyinga 25 ára'á síð-
asta ári. Af því tilefni héldum við tónleika
á Húsavík laugardaginn 16. ágúst. Gestir
voru all flestir mættir á föstudeginum 15.
ágúst og fóru í skoðunarferð innanbæjar
og utan. Kl 18:00 á laugardeginum var
öllum gestum ásamt stjórnarmönnum og
mökum boðið í matarveislu í boði for-
manns og hans konu, sem alfarið sá um
matföng og drykki. Eftir að gestir höfðu
etið og drukkið það sem á borðum var,
héldu þeir á Fosshótel Húsavík þar sem
tónleikarnir hófust kl 21:00.
Fyrstir komu fram Reynir lónasson og
Grettir Björnsson og léku þeir saman
nokkur lög, einnig léku þeir einleik. For-
maður H.F.Þ. bættist síðan við hjá þeim
félögum og fluttu þeir saman nýtt frum-
samið lag eftir hann valsinn "Sumar-
stemning" í útsetningu Tatu Kantomaa.
Síðan komu þeir Sigurður Hallmarsson
og Árni Sigurbjarnarson og léku nokkur
lög.
Að tónleikum loknum var dansleikur
og komu þar til liðs við okkur félagar úr
Harmonikufélagi Norðfjarðar. Þetta kvöld
tókst mjög vel og var nokkuð vel mætt, vil
F.v. Aðalsteinn ísfjörð formaður HFÞ afhendir
Stefáni Kjartanssyni fyrsta formanni HFÞ fána
félagsins.
eqb?
ég fyrir hönd H.F.Þ. þakka öllum þeim
sem komu að þessari hátíð.
Þann 4. október héldum við svo af-
mælisárshátíð á Fosshótel Húsavík þar
sem gestum var boðið upp á fordrykk við
undirleik Sigurðar Hallmarssonar og
Ingimundar Jónssonar. kl. 21:00 var síðan
gengið í sal og sest að borðum. í boði var
forréttur, aðalréttur og á eftir kaffi og kon-
fekt. Formaður setti samkomuna og bauð
gesti velkomna, síðan komu nemendur úr
Hafralækjarskóla og skemmtu okkur með
söng og leik á Marimba hljóðfæri frá Suð-
ur Afríku og var gerður góður rómur að
leik þeirra. Veislustjórinn, Friðrik Stein-
grímsson, fór með gamanmál. Heilla-
skeyti og blómaskreytingar bárust félag-
inu frá öðrum félögum og einnig Sam-
bandi íslenskra harmonikuunnenda. Að
loknu borðhaldi var síðan dansað til
kl. 03:00.
Húsavík í febrúar 2004.
Fh. Stjórnar H.F.Þ.,
Aðalsteinn ísfjörð.