Fréttir - Eyjafréttir - 04.01.2008, Blaðsíða 9

Frgttif / Fösttudagur 4, janúar 2008
9
EYJAMAÐUR ÁRSINS 2007. Hér eru tíu af fjórtán útgerðarmönnum sem tilnefndir voru Eyjamaður ársins 2007 af dómnefnd.
s
Utgerðarmenn eru öflugur hópur
HÖFÐINGJAR Fyrrum útgerðarmönnunum, Bjarna og Leifi, var vel fagnað fyrir framlag sitt til
Sjúkrahússins þar sem Bjarni hafði forgöngu um að safna um 40 milljónum til tækjakaupa.
FRUMKVÖÐLAR. Gunnar Már afhenti þeim Kristínu og Flliða frumkvöðlaverðlaun Icelandair sem veitt
voru Pompeiverkefninu.
Þegar kom að því að velja Eyjamann
ársins 2007 beindist athyglin strax
að útgerðarmönnum sem hafa sýnt
það og sannað að þeir hafa trú á
Vestmannaeyjum. Líka að þeir eru
tilbúnir að leggja sitt af mörkum til
að efla Eyjarnar með nýjum skipum
og auknum aflaheimildum. Einnig
hafa þeir lagt góðum málum lið.
Einn fyrir alla, allir fyrir einn
„Ekki treystum við okkur til að taka
einn útgerðarmann út og úr og
niðurstaðan er að útvegsbændur í
Vestmannaeyjum eru Eyjamaður
ársins 2007. Forsendumar ættu að
vera öllum kunnar. Hingað komu
m.a. sex ný skip á árinu, Guð-
mundur, Vestmannaey, Bergey,
Gullberg, Álsey og loks Dala Rafn.
Þá eru a.m.k. þrjú skip í smíðum
fyrir Eyjamenn. Vil ég biðja fulltrúa
eftirfarandi útgerða að koma hingað
upp sem Eyjamenn ársins 2007,“
sagði Ómar en útgerðirnar eru:
Isfélag Vestmannaeyja
Vinnslustöðin
Bergur-Huginn
Huginn VE
Pétursey ehf.
Bergur ehf.
Bylgja VE
Dala Rafn VE
FrárVE
Glófaxi VE
Ufsaberg ehf.
Narfi ehf.
Stígandi VE
Ós ehf.
Tíu af fjórtán voru viðstaddir en
hinir fengu viðurkenningarskjölin
afhent síðar.
Þar fara höfðingjar
Næst kom Ómar að framlagi út-
gerðarmanna til samfélagsins en þar
ber Sjúkrahúsið hæst á síðasta ári.
„Þegar saga Vestmannaeyja er
skoðuð kemur í ljós að útgerðar-
menn í Vestmannaeyjum hafa alltaf
verið tilbúnir að leggja góðum
málum lið. Það má kannski segja að
þetta hafi ekki farið eins hátt undan-
farin ár og ástæðan m.a. neikvæð
umræða um stjórnunarkerfi sjáv-
arútvegs. Nú hefur umræðan snúist
við og eru útvegsbændur að ná
vopnum sínum á ný. Gott dæmi um
þetta er Bjami Sighvatsson frá Ási,
sem lengi var í útgerð í Eyjum. Á
síðasta ári gekk hann fram fyrir
skjöldu til að nútímavæða Heil-
brigðisstofnun Vestmannaeyja í
samráði við Kvenfélagið Líkn. Fékk
hann til liðs við sig útgerðarmenn,
núverandi og fyrrverandi og
söfnuðust rétt um 30 milljónir til
verksins. Við athöfn á Sjúkrahúsinu
á laugardaginn bætti fjölskylda
Bjarna um betur og boðaði að hún
ætlaði að kaupa 30 rafdrifm
sjúkrarúm að andvirði um 9
milljónir króna. Geri aðrir betur.
Um þetta ætla ég ekki að hafa mörg
orð en bið Bjama um að koma hér
upp sem verðugan fulltrúa útvegs-
bænda í Vestmannaeyjum fyrr og
nú. Okkar viðurkenning er lítil í
verki, blómvöndur, en því stærri í
hugum okkar. Einn þeirra sem
komið hefur að þessu með Bjarna er
Leifur Ársælsson sem alla tíð hefur
verið kenndur við ísleif. Ég ætla að
biðja þessa höfðingja að koma hér
upp og veita viðtöku blómvöndum,"
sagði Ómar.
Þeim var klappað lof í lófa lengi og
vel og stóðu gestir úr sætum sínum
til að fagna.
Pompei Norðursins í Eyjum
frumkvöðull Icelandair árið
2007
Við þetta tækifæri var upplýst að
Pompei norðursins, uppgröftur húsa
sem fóru undir ösku í Heima-
eyjargosinu 1973, er Fmmkvöðull
Icelandair árið 2007. Það var Eyja-
maðurinn, Gunnar Már Sigur-
finnsson, framkvæmdastjóri sölu og
markaðsdeildar, sem afhenti viður-
kenninguna. Henni fylgja 500.000
krónur, tíu farseðlar á leiðum
Icelandair auk þess sem verkefnið
verður markaðssett í kynningarefni
félagsins á árinu.
Það voru Elliði Vignisson bæjar-
stjóri og Kristfn Jóhannsdóttir sem
veittu viðurkenningunni viðtöku.
Margrét Lára, stolt okkar
Eyjamanna
Eyjakonan Margrét Lára Viðars-
dóttir er án efa ein besta knatt-
spymukonan sem íslenska þjóðin
hefur alið af sér. Síðasta sumar var
hreint út sagt frábært hjá henni. Hún
fór bæði fyrir Islandsmeisturum
Vals og íslenska landsliðinu í glæsi-
legum árangri beggja liða. Með Val
bætti Margrét Lára eigið markamet,
skoraði 38 mörk í íslandsmótinu í
aðeins 16 leikjum, eða rúmlega tvö
mörk í leik.
Eins og áður sagði fór Margrét
Lára einnig fyrir íslenska kvenna-
landsliðinu sem enn á möguleika á
að komast í lokakeppni EM á næsta
ári. Margrét skoraði m.a. sigurmark
gegn sterku liði Frakka á Laugar-
dalsvellinum síðasta sumar. Is-
lenska liðið lék fjóra leiki í sumar
og skoraði Margrét í öllum
leikjunum. Þrátt fyrir að vera aðeins
21 árs gömul er Margrét þegar orðin
markahæsti leikmaður Islands frá
upphafi.
Margrét Lára var valin knatt-
spymukona ársins á dögunum en
hápunktinum var líklega náð nú í
lok árs þegar þess i frábæra íþrótta-
kona var kosin Iþróttamaður ársins
af Samtökum íþróttafréttamanna.
„Það er okkur bæði heiður og
ánægja að Margrét Lára er með
okkur hér í dag til að undirstrika að
hún er Eyjakona og er og verður
fulltrúi alís hins besta sem íþrótta-
hreyfingin í Vestmannaeyjum hefur
afrekað. Langar mig að biðja hana
að koma upp og veita viðtöku
blómvendi til staðfestingar um það
að hún er og verður fulltrúi okkar
Eyjamanna. Bæði innan vallar sem
utan,“ sagði Ómar og var Margréti
Láru vel fagnað.