Fréttir - Eyjafréttir - 17.01.2008, Blaðsíða 6
6
Fréttir / Fimmtudagur 17. janúar 2008
S
PISA-könnunin - Fanney Asgeirsdóttir og kennarnir Halla Andersen og
Sigurhanna Friðþórsdóttir segja álit sitt á niðurstöðunni:
Verðum að bregðast við
FANNEY: Hvað árangur á samræmdum
prófum varðar þá er það mín tililnning að við
séum með stóran hóp nemenda á hverju ári
sem er vissulega að ná prófunum en er ekki
endilega að Ieggja á sig þetta extra sem þarf
til að fá virkilega góðar einkunnir.
HALLA: Við erum með góðan skóla sem við
stefnum á að gera enn betri, helst bestan á
landinu. Nemendur okkar komu illa út í
PISA könnuninni. Eg er ekki að afsaka
árangurinn.
SIGURHANNA: Nemendur okkar eru
almennt glaðir og ánægðir í skólanum fram
undir unglingsár. Þá fer að bera meira á leiða
og óánægju. Við þurfum að bregðast við
þessu m.a. með því að auka fjölbreytni í
námsframboði.
PISA-könnunin, sem er þriðja
alþjóðlega samanburðarrannsóknin
sem gerð er meðal 15 ára grunn-
skólanema í 57 þjóðlöndum, leiddi
í ljós að staða Islands hefur versnað
frá árinu 2000, Islendingar eru í
næstneðsta sæti af Norðurlöndunum
og Grunnskólinn í Vestmannaeyjum
kemur verst út úr könnuninni á land-
inu.
í síðasta blaði Frétta kom fram að
Jón Pétursson, framkvæmdastjóri
fjölskyldu- og fræðslusviðs Vest-
mannaeyjabæjar og Erna Jóhannes-
dóttir, fræðslufulltrúi og kennslu-
ráðgjafi, telja nauðsynlegt að efla
allt innra starf grunnskólans. Nú
leituðum við eftir viðbrögðum frá
Fanneyju Ásgeirsdóttur skólastjóra
Grunnskóla Vestmannaeyja, Höllu J.
Andersen kennara við Hamarsskóla
og Sigurhönnu Friðþórsdóttur kenn-
ara í Bamaskólanum.
Getum rifið okkur upp,
segir Fanney skólastjóri
Fanney Ásgeirsdóttir segir að rétt sé
að það komi fram að nemendurnir
sem komu svona illa út úr PISA
könnuninni árið 2006 voru samt
sem áður, í flestum tilfellum, yfír
meðaltali í kjördæminu á samræmd-
um prófum um vorið. „Við tökum
þessa niðurstöðu hins vegar alvar-
lega. Niðurstöður þessarar könnunar
er vissulega ekki mat á skólastarfinu
í heild en þetta er ákveðið mal á
ákveðnum þáttum og augljóst að þar
þurfum við virkilega að gera betur.
Við höfum heldur ekki verið að
standa okkur eins vel á samræmdum
prófum eins og við hefðum viljað.
Mín tilfinning er að allir sem að
skólanum koma taki þessar niður-
stöður alvarlega og nú er tækifæri til
að leggjast í ákveðna naflaskoðun.“
Fanney bendir á að starfshópur hafi
þegar verið skipaður til að l'ara yfir
málin.
„Þessi hópur er búin að hittast einu
sinni og er að byrja að leggja lín-
urnar. Stefnan er að efla og styrkja
ýmsa þætti kennslunnar, koma með
ýmiss konar fræðslu og námskeið
inn í skólann og leggja áherslu á að
byggja upp lestur og lesskilning sem
er jú undirstaða alls náms. Þar horf-
um við sérstaklega til unglinga-
deildarinnar. Þar erum við með hóp
í gangi þar sem áhersla hefur verið
lögð á lesskilning. Það hefur gengið
mjög vel og við stefnum á að efla
það starf betur. Hvað árangur á
samræmdum prófum varðar þá er
það mín tilfinning að við séum með
stóran hóp nemenda á hverju ári sem
er vissulega að ná prófunum en er
ekki endilega að leggja á sig þetta
extra sem þarf til að fá virkilega
góðar einkunnir.
Við þurfum að styðja betur við
bakið á þessum hóp, efla metnaðinn
og styrkja þessa krakka í náminu.
Þannig sláum við tvær flugur í einu
höggi - hækkum meðaltalið á sam-
ræmdu og það sem miklu meira er
vert - skilum nemendum okkar út í
lífið með betri undirbúning fyrir
hvað sem þeir kunna að vilja taka
sér fyrir hendur. Við erum auðvitað
líka með hóp af toppnemendum en
þeir eru kannski ekki nógu margir til
að vega þungt í meðaltalinu í dag.
Við þurfum að koma fleirum upp í
þennan hóp, “ segir Fanney og bætir
því við að núna liggi allar leiðir upp
á við.
„Skólayfirvöld, skólaskrifstofa og
starfsfólk skólans er tilbúið að
leggjast á eitt og gera betur. Við
höfum allt sem til þarf. Við erum til
dæmis með mjög hátt hlutfall rétt-
indakennara í Vestmannaeyjum og
hátt menntunarstig í bænum. Eg sé
ekkert því til fyrirstöðu að við
getum rifið okkur upp.“
Núverandi 4. bekkur,
kom vel út í samræmdu
prófunum, segir Halla
Halla J. Andersen, grunnskóla-
kennari sagði aðalatriði að skólinn
væri þannig úr garði gerður, að allir
nemendur fengju menntun við hæfi.
„Við erum með góðan skóla sem
við stefnum á að gera enn betri,
helst bestan á landinu. Nemendur
okkar komu illa út í PISA könnun-
inni. Eg er ekki að afsaka árang-
urinn, en það hefur haft einhver
áhrif að þetta var fjórða stóra könn-
unin sem var lögð fyrir nemendur á
stuttum tíma.
I undirbúningsferlinu var nem-
endum boðið upp á að sleppa að
taka þátt í PISÁ, en það varð að
koma skrifleg ósk frá foreldrum.
Aðeins einn nemandi kom með
beiðni undirskrifaða að heiman. En
þegar kom að könnuninni var hópur
nemenda sem vildi hætta við, en það
var ekki hægt. Það var því mjög
erfitt að halda nemendum við efnið
meðan á könnuninni stóð. Stór
hópur þessara sömu nemenda stóð
sig síðan vel í samræmdu prófunum
um vorið“ sagði Halla.
„Mér finnst nemendur okkar ekki
njóta sannmælis í umræðunni
undanfarið og vil því vekja athygli á
að núverandi 4. bekkur, kom vel út í
samræmdu prófunum sem tekin
voru í október. Þau eru því sem næst
á landsmeðaltali (0,1 undir) í
stærðfræði og yfir landsmeðaltalinu
í íslensku.
Nemendur okkar eru með hærra
meðaltal í íslensku en allir aðrir
landshlutar. Suðurkjördæmi sat á
botninum og við tilheyrum því. En
Grunnskóli Vestmannaeyja var með
bestan árangur í Suðurkjördæmi,
þannig að þetta er ekki allt svart hjá
okkur.
Nemendur okkar eru almennt
glaðir og ánægðir í skólanum fram
undir unglingsár. Þá fer að bera
meira á leiða og óánægju. Við þurf-
um að bregðast við þessu m.a. með
því að auka fjölbreytni í námsfram-
boði, styrkja raungreinar og auka
verklegt nám. Nemanda, sem líður
vel í skólanum og fær stuðning og
hvatningu heima, eru allir vegir
færir í náminu.
Eg veit að samfélagið allt er tilbúið
að leggja sig fram um að gera
skólann enn betri,“ sagði Halla sem
á sæti í starfshóp sem fer yfir PISA
könnunina og hvernig bæta má
námsárangur grunnskólabarna í
Vestmannaeyj unt.
PISA könnunin og sam-
rœmdu prófin eru ekki
endilega að mæla sömu
þætti,
Sigurhanna Friðþórsdóttir, grunn-
skólakennari við Barnaskólann,
sagði niðurstöðu PISA rannsóknar-
innar vera sláandi og að þær hafi
komið henni á óvart. „Það er ekki
mín tilfinning að nemendur við
skólann hér séu slakari en aðrir
nemendur á landinu. Við þurfum
auðvitað að leggjast yfir þetta og
skoða hvað við þurfum að bæta og
hverju við þurfum að breyta. Leiðin
hlýtur að vera upp á við,“ sagði
Sigurhanna og bætti því við að allir
þyrftu að fara í naflaskoðun,
skólinn, heimili og nemendur.
„PISA könnunin og samræmdu
prófin eru ekki endilega að mæla
sömu þætti og nemendurnir sem
komu svona illa út í PISA könnun-
inni stóðu sig ágætlega á samræmdu
prófi. Kennslan í efstu bekkjum
grunnskólans miðast mjög mikið
við samræmdu prófin og það er
spurning hvort við eigum að breyta
því. PISA leggur áherslu á almenna
þekkingu, skilning og útfærslu en
samræmdu prófin leggja meiri
áherslu á staðreyndaþekkingu.
Gengi nemenda á samræmdum pró-
fum hefur vissulega verið misjafnt
en aðalatriðið er að fara yfir þetta og
finna út hvar við getum bætt okkur.
Nú er tækifæri til þess,“ sagði
Sigurhanna en hún á sæti í starfs-
hópnum sem fer á næstunni yfir
niðurstöður PISA könnunarinnar.
Ahættumat á hjarta- og æðasjúkdómum
TIL ÞJÓNUSTU reiðbúnar, Iðunn, Þyrí og Kristbjörg.
Heilbrigðisstofnun Vestannaeyja
ætlar að bjóða bæjarbúum upp
á nýja þjónustu þar sem fólki
gefst kostur á að fara í áhættu-
mat á hjarta- og æðasjúkdóm-
um og skimun með tilliti til
lungnateppu.
Hjörtur Kristjánsson, hjarta-
sérfræðingur, leiðir starfið en
þrír starfsmenn sjá um að þjón-
usta einstaklinga sem vilja koma
í slíkt mat.
Starfsmennirnir eru Iðunn
Dísa Jóhannesdóttir hjúkrunar-
fræðingur, Þyrí Ólafsdóttir
sjúkraliði og Kristbjörg Jóns-
dóttir ritari, en þær eru hver um
sig í 5% stöðu við starfsemina.
„Þetta er sambærileg þjónusta
og Hjartavernd býður og aukn-
ing á þjónusta við bæjarbúa,“
segir Iðunn og Kristbjörg bendir
á að þetta verði til þess að fóik
þarf ekki að fara til Reykjavíkur
til að sækja þessa þjónustu og
við það sparist bæði tími og
peningar.
„Þegar fólk pantar tíma fær
það sendan spurningalista sem
það skilar til okkar um leið og
það gengst undir próf og mæl-
ingar. Læknir metur síðan
niðurstöður og fólki er vísað
áfram eða fær ráðleggingar ef á
þarf að halda, “ segir Iðunn og
Þyrí hvetur einstaklinga sem
eru 40 ára og eldri sérstaklega
til að koma.
„Það er gott fyrir fólk að koma
og láta athuga stöðuna, einstak-
lingar eru settir í hjartalínurit,
öndunarpróf, líkamsþyngdar-
stuðull reiknaður o.fl.“ segir
Þyrí og þær stöllur vilja hvetja
bæjarbúa til að nýta þjónustuna.
„Starfsemin hefst 31. janúar og
er nú þegar hægt að panta sér
tíma. Við tökum við á móti
fólki annan hvern fimmtudag og
eru allir velkomnir,“ sagði
Iðunn.