Fréttir - Eyjafréttir - 27.02.2008, Blaðsíða 14

14
Fféttir / Fimmtudagur 28. febrúar 2008
ÞAU HLUTU viðurkenningar, Margrét Vala frá Landssambandinu, sem afhenti viðurkenningarnar, Sigríður, Rósa, Sigurleif, Sonja, Rósa Sigurðardóttir, Vigdís, Edda, Sesselía Áslaug,
Páll og Marinó.
Myndarleg afmælisveisla Skátafélagsins Faxa:
Tíu skátar hlutu viðurkenningu
Það var mikið um dýrðir þegar
Skátafélagið Faxi minntist þess á
föstudaginn að þá voru 70 ár frá
stofnun félagsins. Þarna voru
mættir skátar á öllum aldri. Páll
Zóphóníasson, félagsforingi,
ávarpaði hópinn og Margrét Vala
Gylfadóttir fiutti kveðju frá stjórn
Bandalags íslenskra skáta og af-
henti viðurkenningar sem tíu skátar
hiutu að þessu sinni fyrir öflugt og
heilladrjúgt starf í þágu hreyfmg-
arinnar.
Skátaforingjarnir Guðrún María
Guðbjömsdóttir, Bryndís
Gísladóttir og Sólrún Adólfsdóttir,
stýrðu skemmtuninni sem var í
höndum yngstu krakkanna sem
komu úr hinum ýmsu flokkum. Það
er ekki lítið mál fyrir unga krakka
að stíga fram fyrir framan hóp af
fólki og skemmta. En krökkunum í
Faxa heppnaðist það ágætlega og
tókst að kitla hláturtaugar við-
staddra sem er afrek út af fyrir sig.
Hápunkturinn var þegar kom að
veitingu viðurkenninga sem
Margrél Vala stjórnaði. Páll
Zóphóníasson fékk Skátakveðjuna
úr gulli. Gull Þórshamar hlutu Rósa
Sigurjónsdóttir, Marinó Sigursteins-
son, Vigdís Rafnsdóttir og Edda
Ólafsdóttir. Gull lilju og smára
fengu Rósa Jónsdóttir og Sigurleif
Kristmannsdóttir. Silfurmerki
Bandalags íslenskra skáta hlaut
Sigríður Guðmundsdóttir og brons
Þórshamar fékk Sonja Andrésdóttir.
Að endingu steig Frosti Gísla-
son, stjórnarmaður í Faxa, fram og
afhenti Sesselíu Áslaugu Her-
mannsdóttur, eiginkonu Páls félags-
foringja, þakklætisvott fyrir að hafa
veitt félaginu afnot af manni sínum
sem hafi verið vakinn og sofinn í
starfí fyrir skátana.
Á eftir var mikil veisla og lágu
frammi myndir og blöð úr starfi
Faxa sem margir lögðust yfir. Þar
með lauk skemmtilegri
afmælisveislu.
EITT SINN skáti, ávallt skáti. Marinó, Sigga, Edda, Emma, Birna, Einar og Vigdís.
ÞÆR stýrðu skemmtuninni af myndugleik.
YNGRI skátar sáu um að skemmta gestum og gerðu það vel,
T ónlistarveisla
Skólalúðrasveit Vestmannaeyja minntist
þess á föstudaginn að 30 ár eru frá
stofnun sveitarinnar. Boðið var upp á
mikla tónlistarveislu í Tónlistarskól-
anum þar sem meðlimir sveitarinnar
komu fram. Um leið var þetta dagur
Tónlistarskólans sem gerði afmælisveis-
luna fjölbreyttari og skemmtilegri.
Öllum var boðið til afmælisveislunnar
og komu báðar deildir Lúðrasveitar-
innar fram ásamt nemendum
Tónlistarskólans. Útkoman varð Ijöl-
breytt tónlistarveisla.
Salurinn var þéttsetinn og kunnu gestir
vel að meta það sem fram var borið.
Einnig gerðu gestir veitingum sem boðið
var upp á góð skil en sala á þeim er
meðal fjáröflunarleiða nemenda.
ÞEIR léku af mikilli innlifun.
HÚN lék af öryggi.
GUÐMUNDUR söng éinsöng.