Fréttir - Eyjafréttir - 19.06.2008, Blaðsíða 15
Fréttir / Fimmtudagur 19. júní 2008
15
Frágangur komu út og hlutu mikið
lof gagnrýnenda. Um miðjan júlí er
síðan að vænta þriðju plötu þeirra
félaga og mun hún bera nafnið Á
morgun.“
Megas segir samstarfið ganga
ákaflega vel. „Það er kannski betra
að orða það þannig að samstarfið
fljóti áfram og streymi og verði
þannig áreynslulaust. Samstarf mitt
og Senuþjófanna er því í raun eins
og sjálfsagður hlutur, enda komast
þeir inn í kjarna hvers lags. Það er
óhætt að segja að samstarfið við
strákana sé þannig draumur hvers
tónlistarmanns enda eru Senuþjóf-
arnir algerir snillingar - hver á sínu
sviði. Ég held að þeir magnist upp
við að vera Senuþjófar og að
hópurinn sé þannig sterkari heldur
en summan af einstaklingunum,"
segir Megas.
I gengum tíðina hefur Megas
unnið með mörgum af ástsælustu
tónlistarmönnum þjóðarinnar eins
og Spilverki þjóðanna, Bubba
Morthens, Ný danskri og Súkkat.
En hvernig er samstarfið við
Senuþjófana samanborið við
fyrrnefnda tónlistarmenn ?
„Það er erfitt að hafa orð á því.
Eitt einkenni á þessari grúbbu er að
það er ekkert sest niður og velt sér
upp úr hlutunum. Þeir hafa ekki
þennan íslenska sið að þegar búið
er að ná grunni að lagi, sem menn
geta samþykkt, að þá er ekkert
verið að setjast niður og velta sér
upp úr eigin dýrð, heldur farið af
stað með næsta lag. Það er á vissan
hátt erfiðara en um leið mikið
skemmtilegra," segir Megas og
heldur áfram: „Annars er ekki hægt
að að bera saman epli og appel-
sínur, heldur eru þetta allt góðir
ávextir, bara hver með sínu bragði.
Ég kann vel við mig í þessu fjöl-
menningarsamstarfi sem Senu-
þjófamir á vissan hátt eru, enda
tveir Svíar þar innanborðs sem
leika inn á plötumar og hafa tekið
við Islensku tónlistarverðlaununum
fyrir mína hönd,“ segir Megas og
glottir við tönn.
Mikilvægt að vinna
heimavinnuna sína vel
Þó reglan í lífsmynstri Megasar
hafi kannski mátt vera meiri í
gegnum tíðina hafa samstarfsmenn
hans haft á orði að ekki sé til skipu-
lagðari maður til að vinna með er
kemur að tónlistinni. „Ég hélt að ég
væri nú ekki svona skipulagður, en
það sýnir þá kannski hvað aðrir eru
óskipulagðir. Þegar maður er ekki
snillingur eins og ónefndur stór-
söngvari úr Hafnarfirðinum og
fleiri góðir menn þá verður maður
að vinna heimavinnuna sína vel og
vera skipulagður,“ segir Megas sem
alla tíð hefur handskrifað öll sín lög
og útsett fyrir þá hljóðfæraleikara
sem hann hefur unnið með - eitt-
hvað sem vart þekkist í dag.
„Það er margt djúsí að gerast í
íslenskri tónlist í dag þó að ég nái
ekki alveg safanum úr því öllu,“
segir Megas spurður um strauma og
stefnur í tónlistinni á Islandi í dag.
„Hljómsveitir eins og Hjaltalín,
Sigur Rós, Benni Hemm Hemm og
fleiri eru mjög merkilegar grúbbur
og eru að gera góða músík. Ég er
hins vegar af allt öðrum tíma og
hef ekki alveg fylgst með þróuninni
í laglínumeðferð og þvíumlíku.
Annars kann ég mjög vel við Olöfu
Arnalds sem er alger meistari og
eins Lay Low sem er virkilega
flottur listamaður. Hins vegar sakna
ég þess að Mugison syngi ekki á
íslensku, hann býr til svo bræt
músíkfrasa," segir Megas sem sjálf-
ur er þó sekur um að hafa sungið
upp á engilsaxnesku. „Ég prufaði
nú að gera nokkur lög á enska
tungu, bara til þess að sjá hvort það
þyrfti endilega að vera eitthvert bull
sem kæmi út úr því. Það virtist
reyndar ekki vera. Það þarf bara að
liggja yfir því og hafa einhverja
hugmynd að texta. Ég sé hins vegar
oft að þeir sem eru að gera enska
texta við lögin sín hafa einfaldlega
engar hugmyndir. Ég man að ég
söng eitt lag á ensku með hræði-
legum framburði. Lagið hét Edge
and over og var í kvikmyndinni
Fálkar sem Friðrik Þór Friðriksson
gerði á sínum tíma.“
Prósaskrif og María mey
Megas hefur fengist við margt í
gegnum tíðina samhliða tónlistinni.
Hann hefur alla tíð fengist við
prósaskrif og birtust fyrst smásögur
eftir hann í skólablaði Mennta-
skólans í Reykjavík. Á sjöunda
áratugnum hóf hann síðan að rita
smásögur í sagnaflokki sem heitir
Plaisir d'amour. „Ég á von á að 20
smásögur eftir mig úr Plaisir
d'amour sagnaflokkinum komi út á
prenti á næstunni. Sögurnar lýsa
hinum hörmulegustu afleiðingum
ástarinnar og mannsins alls,“ segir
Megas.
Eftir að tvöfalda hljómleikaplatan
Drög að sjálfsmorði var hljóðrituð
haustið 1978 var óreglusamlegt
lífemi farið að há Megasi þannig að
hann ákvað að venda kvæði sínu í
kross og breyta um lífsstíl. „Ég
byrjaði fljótlega að vinna hjá Haf-
skipum við höfnina í Reykjavík, en
leiddist svo kuldinn í vinnunni að
ég ákvað að betra væri að fara í
skóla. Myndlistar- og handíðaskóli
Islands varð fyrir valinu og ég var
þar í ein sex ár. I skólanum var ég
iðnari en andskotinn og afkastaði
miklu því ég var svo hræddur um
að falla og það vildi ég alls ekki,“
segir Megas sem málar ekki í dag
þar sem aðstöðuna hefur hann ekki.
„I skólanum hafði ég hins vegar
aðstöðuna og málaði myrkranna á
milli. Ég ætlaði mér reyndar að
gera myndröð um Maríu mey, frá
því hún er smástelpa og þar til hún
stígur til himna - allan tímann með
sígarettu í munnvikinu. Ég var
búinn að finna módel en það bjó í
Danmörku þannig að það varð
ekkert af myndröðinni," segir
myndlistarmaðurinn Megas.
„Það er afskaplega mikil regla og
nákvæmni hjá mér í dag,“ segir
Megas, spurður um hvort skipulag-
ið á lífsmynstrinu hjá honum í dag
sé jafngott og í hljóðverinu.
„Eigum við ekki að orða það þann-
ig að það er ekki liðið langt á árið
þegar ég er búinn að átta mig á
ártalinu, en ég veit að árið er 365
dagar og það eru 24 klukkutímar í
sólarhringnum. Ég skipulegg
sólarhringinn kannski öðruvísi en
meðaljóninn. Menn sem sjá eða
túlka hlutina út frá praktík eru
gæddir skynfærum eins og t.d.
kettir sem sjá tilveruna eins og
þeim hentar,“ segir Megas.
Að losna við krabba-
mein úr huga og sál
Textar Megasar hafa í gegnum tíð-
ina vakið mikla athygli. Textarnir
hafa verið blanda af beittum ádeil-
um á þjóðfélagsmálin, húmor af
bestu gerð og einhverjum þeim
allra fallegustu ljóðlínum sem
samdar hafa verið á íslenska tungu.
„Ég geri texta til að losna við að fá
krabþamein í hugann og sálina. Ef
maður er böggaður þá losar maður
sig við það með því að gera texta,
þannig næ ég hlutunum úr koll-
inum. Núna er ég búinn að gera
tvær böggplötur með Senuþjóf-
unum og get því leyft mér að
syngja halelúja á nýjustu plötunni
okkar,“ segir hann.
Hvað sérðu fyrir þér að syngja og
spila lengi?
„Ég á ekki annan kost en að spila
þangað til ég dett niður dauður á
sviði. Ég hef ekki í eftirlaunasjóði
að sækja heldur verð að hrúga upp
sem mestu af stefgjöldum og vinna
síðan þangað til yfir lýkur. Það bíða
mín ekki verklokasamningar eða
hvað það nú heitir né þjónustu-
íbúðir í nágrenni við Útvarpshúsið
og engin eru eftirlaunin. Ég er
reyndar á heiðurslaunum en 120
þúsund krónur á mánuði eru ekki
mikið til að byggja á,“ segir Megas
sem hefur engan áhuga á setjast í
stól og horfa út í loftið. „írska
leikritaskáldið Samuel Beckett
stundaði einmitt þá iðju. Hann
horfði á íþróttir í sjónvarpinu síð-
ustu æviárin þegar hann var ekki að
skrifa. Bubbi er svolítið premature
með boxið sitt en ég hef engan
áhuga á íþróttum og á ekki einu
sinni sjónvarp,“ segir hann.
Dylan eins og MDMA
Á dögunum sótti kollegi Megasar -
Bob Dylan - ísland heim og lék á
tónleikum í Laugardalshöll. Megas
var að sjálfsögðu á staðnum og
hefur ákveðnar skoðanir á kollega
sínum og tónleikunum. „I raun og
veru var Dylan eins og MDMA -
það voru aíveg sömu einkennin.
Þetta var mikill konsert og ég held
að þeir sem lifðu sig inn í hann hafi
ekki getað verið inni allan tímann.
Áhrifin og áreitið varði þó maður
hafi farið út af konsertinum. Áreitið
virkaði svona hvimandi, þegar það
stoppar hverfur það. En bylan lifði
af sígarettusmókpásu hjá mér,“
segir Megas.
„Annars var hann rosalega flottur
og pró og naut þess að hafa næstum
því orðið dauður um árið og áttað
sig á að hann er ekki eilífur. I kjöl-
farið fór hann að vanda sig meira
enda var konsertinn eftir því - mjög
vandaður og vel skipulagður. Síðan
var hann með úrvalshljóðfæra-
leikara með sér,“ segir hann.
I Islandsreisum sínum hefur Bob
Dylan haldið sig alveg til hlés og
ekki eytt tfma í að hafa samskipti
við neinn heldur hefur öll orkan
farið í tónlistina. Megas segist
skilja kollega sinn vel. „Því þegar
maður fer á einhvern stað sem
maður þekkir ekki þá er alltaf sama
sagan - þorpsfíflunum er sigað á
mann. Ég hef hitt ótal aðdáendur
mína og það hefur enginn gripið í
taumana. Þegar maður á í glímu við
þorpsfíflið þá veit maður ekki hvort
það er heilagt eða vanheilagt
þannig að til þess að vera on the
safe side þá aðhefst maður ekki og
þorpsfíflið kemst upp með áreitið.
Þess vegna er betra að afhafast og
hafa her af mönnum í kringum sig
og tala ekki við nokkum einasta
mann. Þannig að ég skil Dylan vel
að hafa ekki viljað tala við
Islendinga. Hann neitaði t.d. boði
hjá frú Vigdísi þegar hann kom á
sínum tfma. Það er reyndar mjög
skiljanlegt að neita boði frá forseta
íslands," segir hann sposkur á svip
Eyjamenn annálaðir
gleðipinnar og fagur-
kerar á tónlist
Ætlar þú að gefa þig á tal við
þorpsfíflin í Vestmannaeyjum ?
„Ég þekki vel til í Vestmanna-
eyjum, en ég man hins vegar eftir
einu skipti þegar ég kom til Eyja
þegar þorpsfíflinu var sigað á mig.
Þá hafði sá hinn sami skömmu áður
fengið að vaða uppi á tónleikum
hjá Bubba Morthens, en Bubbi
gerir sér bara mat úr |rannig hlutum
og sýnir engar tilfinningar. Þessi
náungi vildi gera það sama á tón-
leikurn hjá mér og ég man að það
var töluvert erfitt fyrir ntig, þar sem
maður vill ekki móðga neinn, enda
veit maður ekki hvort menn eru
raunverulega fífl eða eru hafnir upp
til skýjanna. Síðan voru það aðdá-
cndurnir sem datt ekki í hug að
aðskilja mig frá þessum óþæg-
indum,“ segir Megas sem býst hins
vegar ekki við þorpsfíflum í Eyjum
- þvert á móti. „Ég hlakka alveg
óskaplega til að koma til Vest-
mannaeyja með Senuþjófunum,
enda eru Eyjamenn annálaðir
gleðipinnar og fagurkerar á tónlist."
Aðspurður hvort tónleikagestir
megi búast við að lag þeirra
Oddgeirs og Ása í Bæ - Ég veit þú
kemur - verði flutt á tónleikunum
segir Megas að sú geti allt eins
orðið raunin. „Ekki síst ef það
verður til þess að við getum
sprangað um í tíkarspenunum
heimasætanna,“ segir meistarinn að
lokum.
Eftir að hafa setið góða stund með
Megasi í Norræna húsinu við spjall
var ekki laust við að töluverðrar
tilhökkunar gætti hjá blaðamanni
eftir næsta fundi við skáldið -
sjálfum tónleikunum með Senu-
þjófunum í Eyjum á Goslokahátíð.
Tónleikar Megasar og Senuþjóf-
anna fara fram í Höllinni við
upphaf Goslokahátíðar, fimmtu-
daginn 3. júlí nk., og hefjast
klukkan 21:00. Miðaverð er 2500
krónur. Forsala aðgöngumiða er
hafin í Sparisjóði Vestmannaeyja og
er hægt að tryggja sér miða þar á
2000 krónur. Sparisjóður
Vestmannaeyja og TORO eru bak-
hjarlar tónleikanna.
„Ég þekki vel til í Vestmannaeyjum, en ég man hins vegar eftir einu skipti
þegar ég kom til Eyja þegar þorpsfíflinu var sigað á mig. Þá hafði sá hinn
sami skömmu áður fengið að vaða uppi á tónleikum hjá Bubba Morthens, en
Bubbi gerir sér bara mat úr þannig hlutum og sýnir engar tilfinningar."