Fréttir - Eyjafréttir - 04.06.2009, Síða 14

14
Fréttir / Fimmtudagur 4. júní 2009
4
Vestmannaeyingum, sem gerast sveitarstjórar, fjölgar - Gunnólfur Lárusson s
Nálægð við Drekasvæðið skapar
spennandi sóknarfæri
-segir Gunnólfur en Langanesbyggð og Vopnafjörður ætla að sameinast um að
bjóða þjónustu fyrir olíuleit og síðar borunina ef olía finnst á svæðinu
Viðtöl
Júlíus G. Ingason
Julius@ eyjafrettir. is
Það mætti með lítilli fyrirhöfn
halda því fram að Eyjamenn séu
smám saman að ná undirtökunum á
Islandi, eða Norðureyju Vest-
mannaeyjaklasans eins og sumir
vilja kalla meginlandið. Sex menn,
sem kenna sig gjaman við Vest-
mannaeyjar, eru nú sveitarstjórar
víðsvegar um landið. Fyrstan ber
að nefna Elliða Vignisson, bæjar-
stjóra í Vestmannaeyjum. Þá er það
eini borgarstjórinn í hópnum, Jón
Valgeirsson, sem starfaði hér sem
lögfræðingur í mörg ár en er nú
sveitarstjóri í Borgum. Ámi Sig-
fússon hefur stýrt skútunni um ára-
bil í Reykjanesbæ og fyrrum bæjar-
stjóri Vestmannaeyja, Bergur Elías
Ágústsson, er sveitarstjóri í Norð-
urþingi. Tveir í viðbót bættust við
á dögunum, Gunnólfur Lárusson,
sem tók við sem sveitarstjóri í
Langanesbyggð eftir að hafa verið
sveitarstjóri í Dalabyggð um
tveggja ára skeið. Hinn er Ás-
mundur Friðriksson sem tók við
sem bæjarstjóri í Garðinum í
síðustu viku.
Einn af stofnendum
Hildibrandanna
Gunnólfur Lárusson er ekki borinn
og bamfæddur Eyjamaður. Hann
fluttist til Eyja 14 ára gamall og bjó
hér í mörg ár. En Gunnólfur kallar
sig Eyjamann og er kvæntur Eyja-
konunni Unni Lilju Elíasdóttur og
saman eiga þau þrjú uppkomin
böm, Elías Raben, Gyðu Lind og
Láms. Gunnólfur starfaði sem
sveitarstjóri í Dalabyggð á Vestur-
landi í tvö ár en á dögunum var
hann ráðinn sem sveitarstjóri í
Langanesbyggð á Norðausturlandi.
Gunnólfur tók vel í smá spjall við
Fréttir enda hefur hann haldið
tengslum við Eyjamar. Margir af
ættingjum Unnar em búsettir hér.
Gunnólfur segist vel muna eftir því
hvemig það var að flytja til Eyja á
sínum tíma. „Eg var fimmtán ára
þegar pabbi fékk vinnu sem skip-
stjóri á nýjum Herjólfi. Þetta var
árið 1976 og við fluttum til Eyja
það ár. Það var í raun ágætur tími
fyrir mig að flytja, ég var að fara í
Gagnfræðaskólann og féll mjög
fljótt inn í hópinn hér. Við vorum
öll mjög spennt fyrir því að flytja
til Eyja, ég og yngri bróðir minn,
Örnólfur, Lárus heitinn, faðir minn,
og Guðfríður, móðir mín en Bjam-
ólfur kom í heiminn þetta ár sem
við flytjum.
Skipstjórastarfið var auðvitað
draumastarf pabba og hann var
alltaf mjög ánægður í starfi. Eins
og ég sagði þá féll ég vel inn í hóp-
inn, tók m.a. þátt í því að stofna
Hildibrandafélagið 1977 eða 1978
og á marga góða kunningja frá
þessum tíma. Ég gerðist reyndar
ekki svo frægur að spila fótbolta
með Hildibröndunum. Ég kynntist
Unni Lilju fljótlega eftir stofnunina
og hún siðaði mig svolítið til,“
sagði Gunnólfur og hló.
í nám í Danmörku
Eftir gagnfræðaskólanámið fór
Gunnólfur að vinna en fór svo í
Framhaldsskólann hér þar sem
GUNNÓLFUR með barnabarnið og til hliðar er stórfjölskyldan þar sem Halla amma er miðpunkturinn. Frá vinstri: Unnur Lilja, eiginkona
Gunnólfs, Gunnólfur, Gyða Lind, Lárus, Bára Dal, Elías Raben og Unnur Karen. Á stólnum situr svo Halla, móðir Gunnólfs með barna-
barnabarnið Andra Hrafn. Myndir Baldvin.
hann var á uppeldisbraut í tvö ár.
„Árið 1983 fór ég svo til Danmerk-
ur í nám og lærði þar bygginga-
tækni og vorum við í fimm ár úti.
Byggingatækni er mjög tengd
húsasmíði, er næsta skref á undan
tæknifræðinni ef ég á að reyna að
útskýra um hvað námið snýst. En
eftir þessi fimm ár fluttum við aftur
til Eyja og ég fór á sjóinn."
Afhverju aðfara á sjóinn eftir nám
í byggingatœkni?
„Maður var auðvitað bláfátækur
eftir námsárin og þurfti á góðum
tekjum að halda. Ég var heppinn
með pláss, var m.a. á Þórunni
Sveins VE, Þóri Jónssyni VE, sem
var þá stærsti plastbátur landsins.
Svo var ég líka með karlinum um
borð í Herjólfi en eftir nokkur ár á
sjónum keypti ég sjoppuna Pinnann
og rak hana í nokkur ár. Eftir það
keypti ég húsið af Trausta Mar og
opnaði Isjakann þar sem hann er
enn til húsa.
Árið 1997 vildum við hins vegar
fara að breyta til. Ég sótti um
stöðu aðstoðarmanns sveitarstjóra á
Búðardal. Ég fékk starfið en þetta
var ný staða þannig að ég gat
mótað starfið að miklu leyti.
Námið í byggingatækninni nýttist
mér mjög vel og okkur líkaði líka
vel í Búðardal þar sem við búum
reyndar enn. En við erum að flytja
norður á Þórshöfn og húsið okkar
þar losnar í september."
í landbúnaðarhérað
Hver er helsti munurinn á
Búðardal og Vestmannaeyjum ?
„Það er talsverður munur. I
Dalabyggð búa um 700 manns en
um 4000 í Eyjum þannig að
stærðin er önnur. Þá er landbún-
aðurinn aðalatvinnuvegurinn hér á
meðan sjávarútvegurinn er allt í
Eyjum. Ég ætlaði varla að trúa því
hversu mikill munur er á fólki sem
er í landbúnaði og sjávarútvegi. Ég
vil reyndar ekki segja hver helsti
munurinn er því ég vil ekki móðga
neinn en ég get þó sagt að sjávar-
útvegshugsunin á betur við mig, þar
er meiri sjálfsbjargarviðleitni.
Eftir að hafa starfað í tíu ár sem
aðstoðarmaður var komið að
sveitarstjómarkosningum 2006.
„Þá tók ég þá ákvörðun að bjóða
fram lista óháðra í Dalabyggð og
bauð sjálfan mig fram sem sveitar-
stjóraefni. Við unnum sigur,
fengum 196 atkvæði á meðan VG
fékk 133 og H-listinn svokallaði
fékk 130. Við mynduðum meiri-
hluta með H-listanum sem vildi
auglýsa stöðu sveitarstjóra. En við
náðum þeirri lendingu að ég tæki
við sem sveitarstjóri og samningur-
inn yrði svo endurskoðaður eftir
tvö ár.
Þessi tvö ár sem ég sat í sveitar-
stjórastólnum gengu mjög vel.
Dalabyggð skilaði hagnaði bæði
árin en það hafði ekki gerst í mjög
langan tíma. Hlutirnir gengu mjög
vel í sveitarfélaginu en þá tók póli-
tíkin við. H-listinn vildi auglýsa
stöðu sveitarstjóra. Þeir gengu það
hart fram í því að meirihlutasam-
starfið sprakk og H-listinn myndaði
meirihluta með VG. Ég missti því
vinnuna að ósekju enda var aldrei
kvartað undan mínum störfum í þau
tvö ár sem ég var sveitarstjóri.“
Einn af 40 umsækj-
endum
Gunnólfur kláraði þó eitt af stóru
verkefnunum sem hann kom í gegn
sem sveitarstjóri, byggingu leik-
skóla á Búðardal en hann starfaði
sem eftirlitsmaður og smiður í
byggingu skólans. Eftir að því lauk
var hann atvinnulaus í tvo mánuði
en þá sá hann stöðu sveitarstjóra í
Langanesbyggð auglýsta. „Ég var
einn af fjörutíu umsækjendum
þannig að það var mikill sigur fyrir
mig að vera ráðinn. Mér líst mjög
vel á sveitarfélagið. Langanes er
aðeins minna en Dalabyggð en þar
er sjávarútvegurinn aðalatvinnu-
greinin eins og er. Það gæti þó
breyst ef áætlanir með olíuleit á
Drekasvæðinu ganga eftir en
Þórshöfn, sem er höfuðstaður
Langanesbyggðar, er næsta höfn
við svæðið.
Það eru uppi hugmyndir að
byggja hér nýja höfn inni í Gunn-
ólfsvík," sagði hinn nýráðni
sveitarstjóri, Gunnólfur, og segir
það af og frá að hann hafi verið
ráðinn vegna nafntengingar við
fyrirhugaða höfn. Skýringin á
nafni Gunnólfs kemur þó fljótlega
fram í spjallinu. „Pabbi er ættaður
héðan frá Þórshöfn og hér er fjall
sem heitir Gunnólfsvíkurfjall. Við
bræðumir erfðum líka jörð hér eftir
pabba, um 3200 hektara land. Á
því var eyðibýli sem við höfum
verið að laga og ætlum að klára í
sumar. Það verða því hæg heima-
tökin fyrir mig í sumar að taka til
hendinni á sveitaóðalinu."
Olían við bæjardyrnar
Hver eru helstu verkefni í Langa-
nesbyggð?
„Ég sé fram á að mitt aðalverkefni
verði að huga að þjónustu við fyrir-
hugaða olíuleit. Hér hefur verið
unnin góð undirbúningsvinna, það
er búið að stofna félagið Dreka-
svæðið ehf. með aðkomu Langa-
nesbyggðar og Vopnafjarðar
Sveitarfélögin ætla að sameinast
um að bjóða þjónustu fyrir leitina
og síðar borunina ef olía finnst á
svæðinu. Menn hér hafa spáð því
að ef allt fer á besta veg, þá gæti
íbúum á Þórshöfn fjölgað um ein-
hver hundruð. Þannig að þarna er
virkilega spennandi sóknarfæri fyrir
sveitarfélagið sem verður gaman að
taka þátt í. En svo eru auðvitað
aðrir rekstrarþættir, sjávarútvegur
og almennur rekstur bæjarins.
Mín skoðun er sú að sveitarstjóri
þarf að vera góður í mannlegum
samskiptum. Hjá sveitarfélögunum
starfar hæft fólk og staða sveitar-
stjóra snýst ekki um að vera klár-
astur. Heldur þarf sveitarstjóri að
stýra klára fólkinu sem vinnur hjá
bænum.“
Nú er annar Eyjamaður í nœsta bœ
nánast. Bergur Elías Agústsson er
sveitarstjóri í Norðurþingi með
aðsetur á Húsavík. Kornið þið til
með að vinna satnan Eyjamennirnir
sem ráðið norðausturhomi
landsins?
„Já, við gerum það örugglega.
Bergur hringdi í mig um daginn en
það er þannig að Norðurþing
þjónustar Langanesbyggð að
nokkru leyti þannig að það er góð
samvinna á milli sveitarfélaganna.
Það skemmir auðvitað ekkert fyrir
að Eyjamenn stýra þeim,“
En hvað er þetta með Eyjamenn í
sveitarstjórastöðum? Er eitthvert
plott í gangi að koma Eyjamönnum
til valda víðs vegar um landið?
„Nei við erum bara langduglegastir.
Allavega þangað til einhver annar
segir eitthvað annað," segir sveitar-
stjórinn í Langanesbyggð að lokum
II