Reykvíkingur - 23.05.1952, Blaðsíða 6
Obbinn af Egyptum deyr saddur
lífdaga innan við þrítugt
Sveitamenn eru lífseigir, líka prestar,
erfiðismenn skammlífari en gœðingar
Ef þú ert sveitakona, búsett í Nýja-Sjá-
landi, gift, mátulega grönn, heilsuhraust og
hefur átt langlífa forfeður, þá teiknir allt
til þess, að þú verðir eldri en nálega allir
menn í heiminum. En ef þú ert karlmaður af
egypsku bergi brotinn, erfiðismaður, ein-
hleypur, feitur og ómenntaður og þjáður
á sál og líkama, þá máttu teljast hepp-
inn, ef þú nærð þrítugsaldri.
KEYKVÍKINGUR gerir auðvitað hvorki
ráð fyrir að þú sért nýsjálensk sveitakona
né slituppgefinn Egypti. En ofangreindar
upplýsingar fela samt í sér veigamikil atriði,
sem sjálfsagt er að taka fullt tillit til, vilji
maður reyna að gera sér einhverja hugmynd
um, hvaða líkur séu fyrir því, að maður nái
háum aldri. Þær eru teknar úr bókinni
Length of Life, sem nýlega kom út í Banda-
ríkjunum og skráð er af þremur kunnum
,,langlífissérfræðingum“.
ESSIR menn fullyrða: Foreldrar þínir og
foreldrar þeirra, menntun þín og umhverfi,
matarlyst þín og atvinna, kynferði þitt,
námsferill þinn, heimilislíf þitt — allt þetta
hefur áhrif á það, hvort þú verður (eða
kannski öllu heldur: átt að verða) langlífur
eða skammlífur. Auðvitað fylgir þó sá bögg-
ull skammrifi, að það, sem í aðalatriðum á
við ákveðinn flokk manna undir ákveðnum
kringumstæðum, á ekki nauðsynlega við
hvern einn og einasta mann í þessum flokki.
Einstaklingar eiga það nefnilega til að
„brjóta lögmálið" og láta vísindalegar kenn-
ingar lönd og leið; veiklaði, vannærði
piparsveinninn finnur upp á því að verða
níræður, heilsuhesturinn, sem lífið leikur
við, hrekkur upp af einn góðan veðurdag,
rétt nýorðinn fertugur.
Ó er það staðreynd, að líkurnar fyrir
langlífi eru þeim í hag, sem eiga að meira
eða minna leyti eitthvað skylt við sveita-
konuna, sem nefnd var hér að framan.
Treystum sérfræðingunum og tökum hvert
atriði út af fyrir sig:
UMHVERFIÐ —Sveitamenn geta gert ráð
fyrir að verða einu. eða tveimur árum eldri
en frændur þeirra í borgunum.
KYNFERÐI — Konur eru langlífari en
karlar. Að öllu samanlögðu, getur kona
vænst þess að lifa mann sinn um fimm ár,
séu þau jafnaldrar.
LÍKAMSÞUNGI — Þér er ráðlegast að
taka tillit til vigtarinnar — sér í lagi eftir
fertugt — ef þú kærir þig um að verða
gamall. Offita býður ótal hættum heim. Það
getur vel verið að feiti maðurinn lifi margar
skemmtilegar stundir, en hann lifir vissu-
lega sjaldnast eins margar stundir og sá
granni.
Fleiri stuttir menn en stórir ná fertugs-
aldri. En úr því komið er út af hættusvæð-
inu, geta hávöxnu mennirnir reiknað með
að lifa lengur en þeir smávöxnu.
VINNA — Skrifstofumenn lifa lengur en
verkamenn. Bændur eru öllum mönnum
langlífari — að meðaltali. Lögfræðingar,
kennarar, verkfræðingar og vísindamenn ná
líka oft háum aldri. Framkvæmdastjórar
geta vænst þess að lifa svolítið lengur en
skrifstofumennirnir þeirra, en ekki alveg
eins lengi og prestarnir þeirra og læknarnir.
MENNTUN — Það er ekki um það að
villast, að menntun virðist eiga eitthvað
skylt við langlífi. Stúdentar eru langlífir.
Dúxar lifa lengur en skussar.
FORFEÐUR — Það er ágætt að hafa átt
langlífa forfeður, þ. e. a. s. ef þú líka vilt
lifa lengi. Forfeðurnir geta talsvert hjálpað.
HEIMILISLÍF — Giftir karlar ná hærri
aldri en ógiftir, sömuleiðis konur. Pipar-
sveinar og jómfrúr eiga þó lengri lífdaga
en ekklar, ekkjur og fráskildir.
Að lokum pínulítil hughreysting: Ef þessi
stutta skýrsla er allt annað en glæsileg í
þínum augum, þá hafðu þetta hugfast:
ÞÚSUNDIR „DAUÐADÆMDRA" HAFA
SKOTIÐ HENNI REF FYRIR RASS!
Séra Bjarni og fleira fólk
...—
Daginn eftir liinn fræga fund Sjálfstæðisflokks-
ins um forsetakjör, þar sem Gunnar Thoroddsen
lýsti því yfir að hann mundi skoða sig óbundinn
af samþykkt flokksins og styðja Ásgeir Ásgeirsson,
hittust þeir ;í götu séra Bjarni Jónsson og Lúðvík
] Ijálmtýsson framkvæmdastjóri Sjálfstæðishússins.
„Ég óska þér til hamingju með starfsemina,"
sagði Séra Bjarni. „Hvorki meira né minna en
tvær revýur á einu og sama kvöldi."
„Hvernig meinarðu?" sagði Lúðvfk. „Það er
aldrei nema Bláa stjarnan í húsinu hjá okkur".
„Jæja," sagði séra Bjarni. „Mér skildist bara ein-
hvernveginn að í gærkvöld hefði líka verið leikinn
Tengdapabbi."
★
Gísli Sveinsson og Steingrímur Steinþórsson
ræddu möguleika á stuðningi Framsóknar við hinn
fyrrnefnda til forsetakjörs.
„Já, en þú ert svo skrambi mikið bendlaður við
allan feril Sjálfstæðisflokksins á seinustu árum,"
sagði Steingrímur.
„Uss, blessaður vertu,“ sagði Gísli. „Ég er langt
yfir hann hafinn."
★
Eggert Stefánsson kom inn á veitingahús í
Mílano ásamt tveimur öðrum íslendingum.
„Tre vermute," sagði Eggert við þjóninn. En
þjónninn skildi ekki. Eggert endurtók skipunina.
En aflt á sömu leið. Þjónninn skildi ekki að
heldur. Og þannig hvað eftir annað, uns annar
félaga Eggerts, tók af skarið og sagði:
„3 vermute." Þá fór þjónninn óðara og sótti 3
glös af rvermouth.
„Þarna sjáið þið hverslags vesalings fólk þeir
eru þessir Milanesar," sagði Eggert. „Ekki skilja
þeir einu sinni sitt eigið móðurmál."
★
PÉTUR SIGURÐSSON SEGIR FRÉTTIR
AF BINDINDI KVENNA
(Tímadeild)
.... Kvenfólkið í Japan lærir nú sem
óðast öldrykkjuna jafnhliða öðrum nýjum
siðum.
.... Félagssamband ölgerðarmanna í
Bandaríkjunum tilkynti á demantsafmæli
sínu, að 40 af hundraði allra öldrykkju-
manna væru nú konur, en af magninu
drekka þó karlmennirnir ennþá 74 af hundr-
aði. En kvenþjóðin virðist vera þarna á
sæmilegri framfarabraut í keppninni við
karlmennina.......
.. .. í Suður-Afríku þykir nú ekki framar
skömm, þótt konur gerist ölvaðar. Hinar
menntuðu kvinnur þar státa af því, að þær
geti nú þolað sopann sinn engu síður en
karlmennirnir ....
6
REYKVÍKINGUR