Fréttablaðið - 21.02.2013, Qupperneq 31

KRAKKAR
FIMMTUDAGUR 21. FEBRÚAR 2013
Kynningarblað
Hreinlætisvörur, bleiur,
Veröld Astridar Lindgren,
Maxímús Músíkús, smáforrit
og bólusetningar.
Vefsíðan er lokaverkefni mitt í skólan-um en mig hafði lengi langað til að fá að kíkja í kokkabækur leik skólanna,“
segir Berglind Mari Valdemars dóttir, nemi
í hagnýtri menningarmiðlun. Hún hefur
safnað uppáhaldsuppskriftum leikskóla-
barna saman á vefsíðu og eldað réttina
heima. Hún segir dularfulla matarlyst sonar
síns hafa kveikt hugmyndina.
„Ég fékk alltaf að heyra hvað strákurinn
minn borðaði vel í leikskólanum en fannst
hann ekki hafa mikla matarlyst heima. Ég
heyrði svipaðar sögur hjá öðrum foreldrum
og þegar ég vann svo sjálf einn vetur á leik-
skóla sá ég hvað krakkarnir borðuðu alltaf
vel og hvað maturinn var góður.“
Berglind sendi öllum leikskólum lands-
ins bréf og bað um að fá sendar uppskriftir.
Hún fékk svör frá yfir fimmtíu leikskólum
og hófst handa við að elda og prófa réttina
á fjölskyldunni.
„Þetta hefur gengið mjög vel, drengurinn
klárar alltaf af diskinum,“ segir hún hlæj-
andi og telur sig hafa komist að leyndar-
málinu að baki þessarar góðu matarlystar
leikskólabarna.
„Það er einfaldleikinn í matreiðslunni.
Eins komst ég í handbók fyrir leikskóla-
eldhús og þar er að finna ýmis ráð, sem ég
set einnig á síðuna. Til dæmis að láta matinn
líta vel út, ekki blanda honum mikið saman
eða stappa og að bjóða upp á fjölbreyttan
mat en kynna eina nýja tegund í einu til að
smakka. Eins að gefast ekki upp þó barnið
fúlsi við einhverju nýju heldur bjóða aftur
upp á það nokkru síðar,“ segir Berglind.
Hún segir eldamennskuna hjá henni
sjálfri hafa breyst eftir að hún fór að vinna
verkefnið og hún sé meðvitaðri um það sem
ratar í pottana.
„Ég er til dæmis meðvitaðri um að bjóða
upp á fjölbreyttan mat og eins sá ég í hand-
bókinni að lögð er áhersla á meðalhóf. Það
finnst mér heilbrigt viðhorf gagnvart mat
og sjálf hef ég á bak við eyrað að tala alltaf
vel um mat í eyru barna.“
En kom henni eitthvað á óvart?
„Já, vinsælasta uppskriftin sem ég fékk
er að lifrarbuffi. Ég get ekki ímyndað mér
mörg börn fái lifrarbuff heima hjá sér. Ég
á sjálf til dæmis eftir að koma mér í að elda
þá uppskrift,“ segir hún sposk.
Vefsíðan fór í loftið þann 16. janúar og
munu bætast við uppskriftir og ýmis ráð
fram á sumar en Berglind lýkur náminu í
júní. Slóðin á síðuna er http://uppahalds.
tumblr.com.
- rat
Dularfull matarlyst leikskólabarna
Berglind Mari Valdemarsdóttir lýkur námi í hagnýtri menningarmiðlun frá Háskóla Íslands í vor. Hún rannsakar hver galdurinn er
á bak við góða matarlyst leikskólabarna og safnar nú saman á vefsíðu uppáhaldsmataruppskriftum leikskólabarna.
Kjúklingaréttur frá leikskólanum Vinagarði í Reykjavík
er meðal þess sem er að finna á síðu Berglindar.
MYND/BERGLIND MARI VALDEMARSDÓTTIR
Berglind Mari Valdemarsdóttir hefur safnað saman uppáhaldsuppskriftum leikskólabarna og komist að
leyndarmálinu á bak við góða matarlyst krakkanna. MYND/GVA
Kjúklingaréttur frá leikskólanum Vinagarði í Reykjavík
Fyrir fjóra
UPPÁHALD KRAKKANNA Í VINAGARÐI
3-4 kjúklingabitar
Sósa
1 dl tómatsósa
1 tsk. karrí
½ tsk. engifer
½ peli matreiðslu-
rjómi
Hrærið innihalds-
efnum sósunnar
saman.
Aðferð
Leggið kjúklinga-
bitana í eldfast
mót og kryddið
með salti og pipar.
Hellið sósunni yfir.
Bakið í ofni við
200 gráður í 60
mín.
Njótið!