Fréttablaðið - 05.04.2013, Blaðsíða 46

5. apríl 2013 FÖSTUDAGUR| MENNING | 30
Blaðamaður Fréttablaðsins var svo
lukkulegur að hefja síðasta miðviku-
dagsmorgun í samlæti manna sem
hafa það að atvinnu að kitla hlátur-
taugar fólks. Um leið og grínistarnir
höfðu pantað sér morgunverð hófst
yfirheyrslan.
Hvernig hófst ferill ykkar sem
uppistandarar? Craig: „Minn hófst
út frá örvæntingu einni saman. Ég
var um átján ára gamall þegar ég
byrjaði og þá voru mjög fáir í uppi-
standi, ólíkt því sem er í dag. Það
vantaði alltaf einhvern til að koma
fram og við grínuðumst oft með
það að einu kröfurnar í uppistand-
ið væru þær að þú kynnir að keyra
beinskiptan bíl.“
Jonas: „Ég fór með vini mínum á
sýningu upp úr aldamótum og grín-
istarnir voru hræðilega ófyndnir.
Ég hugsaði með mér: Ég get þetta!
Ég get verið alveg jafn ófyndinn og
þeir.“ Til að byrja með var ég dug-
legur að hringja í hina og þessa og
bauðst til að hita upp fyrir þá frítt.
Þetta vatt svo upp á sig og á end-
anum var þetta orðin aukavinnan
mín samhliða læknanáminu. Nú er
læknis starfið aukavinna meðfram
uppistandinu.“
Ætlast fólk til þess að þið séuð
stöðugt að reyta af ykkur brandar-
ana? Jonas: „Ég upplifi það stund-
um. Þegar ég var í jarðarför ömmu
minnar sagði ég nokkur minning-
arorð um hana í kirkjunni. Eftir
athöfnina frétti ég af því að eftir
ræðuna hefði afi snúið sér að frænda
mínum og sagt: „Mér fannst þetta nú
bara ekkert fyndið hjá honum.“
Hver er versta martröð uppi-
standarans? Er það að standa í
sviðsljósinu og átta sig á því að eng-
inn hlær að brandaranum? Jonas:
„Lélegt hljóðkerfi er mun verra. Það
er ekki hægt að redda sér úr því.“
Craig: „Mín versta martröð er að
komast ekki á staðinn. Það gerðist
síðast þegar ég átti að koma fram á
sýningu í Skotlandi ásamt Frankie
Boyle en komst ekki sökum fann-
fergis. Flugvöllum var lokað og
ég komst ekki lengra norður en til
Manchester og sat einn yfir kvöld-
matnum um það leyti sem sýning-
in átti að byrja. Sem Kanadamanni
fannst mér að ég hefði átt að komast
á leiðarenda þrátt fyrir snjóinn og
mér leið alveg bölvanlega.
Finnst ykkur fyndni vera breyti-
leg frá landi til lands eða eins alls
staðar? Craig: „Mér finnst mikill
munur á húmor í Bandaríkjunum og
Bretlandi. Í Bretlandi snýst fyndn-
in meira um það sem þú segir ekki,
frekar en það sem þú segir. Ég kalla
það stundum „wink-wink, nudge-
nudge“ húmor.“
Finnst ykkur leyfilegt að gera
grín að öllu? Jonas: „Ég held að ef
brandarinn sé fyndinn, þá mundi ég
taka hann. Ég tók fyrir atburðinn á
Úteyju nokkrum mánuðum eftir að
það gerðist og það spratt upp mikil
umræða í samfélaginu í kjölfar þess.
Fólk velti því mikið fyrir sér hvort
þetta mætti eða ekki.
Craig: „Boð og bönn takmarka
húmor að mínu mati. Þegar ég byrj-
aði fyrst í uppistandi var mér sagt að
það væru engar reglur í uppistandi;
allt væri leyfilegt.“
Ari: „Ég held að ef uppistandarinn
þarf stanslaust að passa sig, þá líður
„settið“ fyrir það.“
Craig: „Hvað má og hvað ekki má
er mikið rætt á meðal uppistandara
í dag, sérstaklega þegar kemur að
trúarbrögðum. Einhver sagði eitt
sinn að list verður ekki list fyrr en
einhver bregst við henni, mér finnst
það líka eiga við uppistand. Banda-
ríkjamenn eru gjarnir á að láta skoð-
anir sínar í ljós með frammíköllum,
mér finnst það ekki í verkahring
áhorfandans að ritskoða sýninguna.
Ef þú móðgast, gakktu út. Sjálfur
móðgast ég af lágkúru.“
Mér skilst að þið ætlið á skíði á
meðan á dvöl ykkar stendur, er eitt-
hvað annað á dagskránni?
Craig: „Mig langar í sund.“
Jonas: „Ég vil finna mér kvonfang
… af hverju ertu ekki að skrifa þetta
niður?“ sara@frettabladid.is
Allt er leyfi legt í uppistandi
Grínistarnir Craig Campbell, Jonas Kinge Bergland og Ari Eldjárn sameina kraft a sína á uppistandssýningu sem ber heitið Kanada Ís-
land Noregur. Fyrri sýningin fer fram í Þjóðleikhúskjallaranum í kvöld og sú seinni í menningarsetrinu Hofi á Akureyri annað kvöld.
GAMANSAMIR Craig Campbell, Jonas Kinge Bergland og Ari Eldjárn koma fram á sýningunni Kanada Ísland Noregur.
FRÉTTABLAÐIÐ/STEFÁN
Craig Campbell hefur sinnt uppi-
standi í áratugi. Í upphafi ferilsins
kom hann meðal annars fram
með Dennis Miller og Jim Carrey.
Hann býr nú í Englandi og hefur
komið fram undir eigin nafni, með
Frankie Boyle og í sjónvarpsþátt-
unum Michael McIntyre‘s Comedy
Roadshow.
Jonas Kinge Bergland vann til
verðlauna fyrir bestu uppistands-
sýninguna í Noregi árið 2012. Hann
hefur einnig komið fram út um allan
Noreg og hitað upp fyrir grínista á
borð við Ed Byrne og Frankie Boyle.
Ari Eldjárn kom fyrst fram sem
uppistandari árið 2009. Undan-
farið hefur hann ferðast víða sem
uppistandari og komið fram í Bret-
landi, Noregi, Finnlandi og Svíþjóð.
Kom fram
með Jim Carrey
Við bjóðum
góða þjónustu
islandsbanki.is | Sími 440 4000
Vilborg Arna Gissurardóttir, pólfari
„Að dagdreyma er
að sjá sjálfan sig ná
markmiðum sínum“