Fréttablaðið - 03.05.2013, Blaðsíða 8

3. maí 2013 FÖSTUDAGUR| FRÉTTIR | 8
Verðtryggð skuldabréf
Lánasjóðs sveitarfélaga ohf.
LSS150224
Lánasjóður sveitarfélaga ohf. kt. 580407-1100, hefur birt útgefandalýs-
ingu og grunnlýsingu dagsett 24. apríl 2013 vegna töku skuldabréfa til
viðskipta á NASDAQ OMX Iceland hf. Útgefandalýsinguna og grunn-
lýsinguna ásamt gögnum sem vitnað er til í þeim er hægt að nálgast hjá
Lánasjóði sveitarfélaga ohf., Borgartúni 30, 105 Reykjavík og á vefsíðu
Lánasjóðs sveitarfélaga ohf. www.lanasjodur.is fram til lokagjalddaga
skuldabréfanna.
Nafnverð útgáfu:
Heildarnafnverð skuldabréfanna sem óskað hefur verið að tekin verði til
viðskipta 3. maí 2013 er 370.000.000 kr. heildarnafnverð flokksins eftir þá
stækkun er þá 29.784.000.000 kr. Nafnverð hverrar einingar er 1 kr.
Skilmálar bréfanna:
Skuldabréfin eru verðtryggð jafngreiðslubréf. Bréfin bera fasta 3,75%
ársvexti sem greiddir eru hálfsárslega, 15. febrúar og 15. ágúst ár hvert,
í fyrsta sinn 15. febrúar 2009 og í síðasta sinn 15. febrúar 2024. Auðkenni
flokksins á NASDAQ OMX Iceland hf. er LSS150224 og ISIN númer
IS0000018869.
Reykjavík, 2. maí 2013.
Lánasjóður sveitarfélaga ohf.
SKEMMDARVERK „Persónulega held
ég að þetta sé keppni í því hver er
mesti hálfvitinn. Svona eins og
í sjónvarpsþáttunum Jack Ass,“
segir Bergljót Kristjánsdóttir, sér-
fræðingur Umhverfisstofnunar á
verndarsvæði Mývatns og Laxár,
um skemmdarverk sem voru unnin
í Grjótagjá og gígbotni Hverfjalls í
Mývatnssveit. „Þess vegna rukum
við ekki með þetta í fjölmiðla strax
vegna þess að umfjöllun er oft það
sem svona skemmdarvargar eru
að óska eftir.“
Orðin „crater“ (gígur) og „cave“
(hellir) hafa verið máluð stórum
stöfum á stöðunum tveimur. Berg-
ljót segir stafina í „crater“ vera
um 10 metra háa, en í Grjótagjá,
þar sem orðið „cave“ var málað,
eru þeir mun minni, eða um 80
sentimetrar. Hún hefur enga hug-
mynd um hver á hlut að máli, en
segir augljóst að brotaviljinn hafi
verið einbeittur.
„Þetta er alveg hræðilegt,“
segir hún. „Mér dettur ekkert í
hug. Þetta er bara algjörlega ofar
mínum skilningi hvernig einhver
getur gert svona. Þetta eru ein-
faldlega umhverfishryðjuverk.“
Olíumálning var notuð til
skemmdarverkanna og mun það
því reynast þrautin þyngri að ná
henni í burtu. Umhverfisstofnun
mun bera kostnað af hreinsunar-
starfinu.
Ólafur Þröstur Stefánsson,
býflugnabóndi í Mývatnssveit, var
á leið ofan í Lofthelli með ferða-
menn þegar Fréttablaðið náði tali
af honum. Ólafur hefur engar
sögur heyrt af því hver gæti staðið
að baki verknaðinum.
„Ég hef ekkert heyrt eða neinar
upplýsingar fengið um hvað gæti
verið þarna á ferðinni annað en
fólk sem er að sækjast eftir ein-
hvers konar athygli,“ segir hann.
„En þetta er útpælt, það er alveg
ljóst.“
Gríðarlegt magn af málningu fór
í spellvirkin og líklega hefur ein-
hvers konar sprautubúnaður verið
notaður. Ekki er þó hlaupið að því
að koma slíkum búnaði upp á fjallið
og ofan í gíginn. Lög reglan á Húsa-
vík rannsakar málið og óskar eftir
upplýsingum. sunna@frettabladid.is
„Þetta eru einfaldlega
umhverfishryðjuverk“
Mikil skemmdarverk voru unnin á friðlýstu svæði í gígbotni Hverfjalls og í Grjóta-
gjá við Mývatn. Lögreglan leitar að vitnum. Keppni í hálfvitaskap, segir sérfræð-
ingur Umhverfisstofnunar. Olíumálning og sprautubúnaður notað við verknaðinn.
UMHVERFISSPJÖLL Stafirnir eru á gígbotni Hverfjalls og í Grjótagjá í Mývatnssveit.
Þeir eru um tíu metra háir í Grjótagjá en 80 sentimetrar í gígbotninum. MYND/VÍSIR.IS
Save the Children á Íslandi
STJÓRNSÝSLA Alls 9,9 milljóna króna tap varð af
rekstri Ríkisútvarpsins (RÚV) á tímabilinu frá
1. september 2012 til 28. febrúar síðastliðins. Til
samanburðar var níu milljóna króna hagnaður af
starfsemi RÚV á sama tímabili ári fyrr. RÚV birti
nýverið hálfsársuppgjör sitt vegna fyrrgreinds
tímabils.
Rekstrartekjur RÚV á þessu hálfa ári jukust um
23,7 milljónir milli ára en rekstrargjöld jukust um
36,6 milljónir. Heildartekjur RÚV á þessu hálfa
ári voru því alls 2,8 milljarðar króna en þar af var
tæpur einn milljarður vegna auglýsinga.
Heildarlaun og þóknanir til æðstu stjórnenda
RÚV jukust úr 57,8 milljónum í 74,6 milljónir á
tímabilinu. Munar þar mestu um 11,4 milljónir
króna vegna starfsloka. Kom fram í Viðskipta-
blaðinu í gær að þar hefðu vegið þyngst greiðslur
vegna starfsloka Sigrúnar Stefánsdóttur, fyrr-
verandi dagskrárstjóra RÚV, sem sagt var upp í
fyrra. - mþl
Ríkisútvarpið tapaði 9,9 milljónum króna á hálfs árs tímabili:
11,4 milljónir í starfslokasamninga
SIGRÚN STEFÁNSDÓTTIR Brottrekstur Sigrúnar Stefáns dóttur
er helsta skýringin á 11,4 milljóna króna starfslokakostnaði
Ríkisútvarpsins á fyrri helmingi rekstrarárs síns. FRÉTTABLAÐIÐ/GVA
Þetta er alveg hræði-
legt. Mér dettur ekkert í
hug. Þetta er bara algjörlega
ofar mínum skilningi
hvernig einhver getur gert
svona.
Bergljót Kristjánsdóttir
sérfræðingur hjá Umhverfisstofnun
BRAGÐGÓÐ BRÚÐUTERTA Brúður af
gerðinni Licca-Chan hafa um áratuga-
skeið verið afar vinsælar í Japan en þær
fagna afmæli sínu í dag. Af því tilefni
bakaði Masako Nobe þessa köku sem er
eins og kjóll. NORDICPHOTOS/AFP
NÁTTÚRA Þingvallanefnd hefur keypt þrjá
sumar bústaði af LBI hf., slitastjórn gamla
Landsbankans, sem staðsettir eru í landi þjóð-
garðsins á Þingvöllum. Samningar um þetta
voru undirritaðir 29. apríl síðastliðinn en kaup-
verð var 34,5 milljónir króna.
Bústaðirnir voru áður í eigu Björgólfs Thors
Björgólfssonar og Kristínar Ólafsdóttur, eigin-
konu hans. Sumarhúsin þrjú, Gjábakkaland 1,
3 og 5, standa í landi jarðarinnar Gjábakka á
austurbarmi sigdældarinnar við Hrafnagjá.
Húsin voru byggð á árunum 1967 og 1968 og
hafa staðið ónotuð síðustu ár.
Álfheiður Ingadóttir, formaður nefndarinnar,
segir kaupin mikilvægan áfanga í uppbyggingu
þjóðgarðsins á Þingvöllum og í samræmi við
stefnumörkun hans og tilmæli UNESCO.
Í tilkynningu kemur fram að svæðið hafi
mikla sérstöðu innan þjóðgarðsins og að
fyrirhugað sé að þar verði upphaf göngu-
leiða og miðstöð annarrar útivistar í
austan verðum þjóðgarðinum.
Í lok árs 2009 var sagt frá því í Frétta-
blaðinu að Þingvallanefnd ætlaði að óska
eftir skýringum á því að vegi í grennd
við sumarhúsin hefði verið lokað með
keðju og almenningi bægt frá með skilti
um að um einkaveg væri að ræða. -hó
Þingvallanefnd kaupir þrjú sumarhús í Gjábakkalandi í þjóðgarðinum á 34,5 milljónir króna:
Sumarhúsin áður í eigu Björgólfs Thors
EINKAVEGUR Þingvallanefnd ætlaði árið
2009 að óska eftir skýringum á því að
vegi í grennd við sumarhúsin hafði verið
lokað með keðju. FRÉTTABLAÐIÐ/VILHELM
RISASTAFIR
Stafirnir sem mál-
aðir voru á gígbotn
Hverfjalls voru
um tíu metra háir.
Á þessari mynd
má sjá stafina í
samanburði við
mann sem er 1,8
metrar á hæð.