Fréttablaðið - 13.07.2013, Blaðsíða 57

LAUGARDAGUR 13. júlí 2013 | SPORT | 37
GAR
ÐIN
N
BJÖRN JÓHANNSSON VEITIR
VIÐSKIPTAVINUM BYKO RÁÐGJÖF
VEGNA FRAMKVÆMDA Í GARÐINUM.
Hálftíma ráðgjöf kostar 5.900 kr.
Sú upphæð nýtist sem inneign þegar
keypt er pallaefni í garðinn í BYKO.
GARÐA
HÖNNU
NPANTAÐU RÁ
ÐGJÖF
VIÐ
TILLÖGUR UNNAR Í ÞRÍVÍDD
Skráðu þig fyrir
18. júlí á netfangið
gudrunhalla@byko.is
og í síma 5154144
NÚ FER HVER AÐ
VERÐA SÍÐASTUR
FÓTBOLTI Dóra María Lárusdóttir
spilaði sinn 91. landsleik í jafn-
teflinu á móti Noregi í fyrsta leik
Íslands á EM og var ein af þeim
sem voru búnar að bíða hvað lengst
eftir þessum tímamótum. „Það var
mikilvægt að ná loksins stigi á stór-
móti. Mér skilst að ég sé að nálgast
hundrað leiki, þannig að það var
mjög kærkomið að ná þessu stigi,“
sagði Dóra María. En hvað finnst
henni um að vera að spila úti um
allan völl með landsliðinu?
„Ég bíð bara eftir kallinu í
miðvörðinn eða markið. Það er
það eina sem ég á eftir að spila
með landsliðinu, held ég. Ég er
ánægð með að fá að spila og mér
finnst hafa gengið ágætlega í
bakverðinum. Ég er ekki búin að
spila hann mikið en þetta eru samt
orðnir einhverjir fjórir til fimm
leikir. Auðvitað er óskastaðan
framar á vellinum en ég sætti mig
alveg við þetta,“ segir Dóra María.
Íslenska liðið tók öll völd á
vellinum í seinni hálfleiknum og
þá kom sér vel að hafa Dóru Maríu
í hægri bakverðinum. „Það gaf mér
færi á að fara framar nokkrum
sinnum en ég hefði kannski viljað
gera meira af því,“ sagði Dóra.
Það var afar áberandi í Noregs-
leiknum að Dóra María var ekki
mikið að hreinsa boltann fram
þrátt fyrir pressu frá norsku
sóknar mönnunum. „Mér líður vel
með boltann og vil reyna að finna
samherjana. Það er ekki nema
undir mikilli pressu að ég hendi í
eina sprengju,“ segir Dóra María í
léttum tón.
„Ég hef ekki mikla tilfinningu
fyrir því hvar hann ætlar að nota
mig en hann mun örugglega rótera
liðinu eitthvað enda erum við með
marga fríska fætur á bekknum. Ég
á von á því að það verði jafnvel ein-
hverjar breytingar. Við erum með
tvö jöfn lið, byrjunarlið og svo þær
sem bíða á bekknum. Við höfum að
vera að spila innbyrðis á æfingum
og það eru jafnir leikir,“ segir Dóra
María. - óój
Á bara miðvörð og
markvörð eft ir
Dóra María Lárusdóttir er fj ölhæfur leikmaður.
HEFUR PRÓFAÐ ÝMISLEGT Dóra María hefur spilað úti um allan völl undir stjórn
Sigurðar Ragnars Eyjólfssonar. FRÉTTABLAÐIÐ/ÓSKARÓ
Íslenska landsliðið mætir Evrópumeisturum Þýskalands í öðrum leik
sínum á EM annað kvöld. Þýska liðið er með eitt stig eins og Ísland en
þegar liðin mættust á EM fyrir fjórum árum var þýska liðið með sex
stigum meira.
„Ég held að þetta jafntefli hjá Þjóðverjum og Hollendingum breyti engu
fyrir okkar skipulag. Ég veit svo sem ekki hvort það eru góð eða slæm
úrslit. Það hefði samt ekki verið slæmt ef eitt lið sæti eftir með núll stig,“
segir Dóra María Lárusdóttir.
„Ég veit ekki hvort þær hollensku voru svona sterkar en ég sá síðasta
hálftímann og fannst þýsku stelpurnar ekki sérlega sannfærandi og hrein-
lega ólíkar sjálfum sér. Þær héldu boltanum ekki eins vel og voru ekki eins
markvissar í því sem þær voru að gera,“ segir Dóra, en hvaða áhrif hafa
úrslitin? „Það er hættan að þær þýsku komi tvíefldar til baka en vonandi
verða þær bara niðurbrotnar,“ sagði Dóra.
Þær þýsku vonandi niðurbrotnar
FÓTBOLTI Markvörðurinn Þóra Björg
Helgadóttir tók ekki þátt í upp-
hitun íslenska kvennaliðsins á
æfingu þess í Vaxjö í gærkvöldi.
Þóra er enn að ná sér eftir tognun
aftan í læri. Þóra og Halldór
Björnsson, markmannsþjálfari
íslenska liðsins, fóru saman út á
enda svæðisins og tóku saman góða
markmannsæfingu.
Guðbjörg Gunnarsdóttir var í marki
íslenska liðsins á móti Noregi og stóð
sig vel. Markmannsstaðan er
því í góðum höndum á meðan
Þóra er að vinna sig til baka úr
meiðslunum og ekki öruggt að
Þóra fái tækifærið alveg strax.
Þóra tók samt vel á því á „einka-
æfingunni“ og er greinilega á réttri leið
þó svo að hún hafi ekki náð prófinu fyrir
leikinn á móti Noregi. - esá
Þóra æfði ein í gær
Þóra Björg Helgadóttir er enn að ná sér eft ir tognun.
ÞÓRA BJÖRK
Tognaði aftan í læri
fyrr í sumar og hefur
verið í kapphlaupi
við tímann.