Fréttablaðið - 24.07.2013, Blaðsíða 2

24. júlí 2013 MIÐVIKUDAGUR| FRÉTTIR | 2
VIÐSKIPTI Tryggvi Pálsson, for-
maður bankaráðs Landsbankans,
segir að tæplega eins prósents
eignarhlutur starfsmanna í hluta-
bréfum í bankanum sé einungis
tengdur uppgjöri ríkisins við
gamla Landsbankann. Hann sé
ekki vísbending um að tekið verði
upp kaupaukakerfi í framtíðinni.
Starfsmenn Landsbankans
eignuðust hlutabréfin vegna
samnings um fjárhagslegt upp-
gjör milli ríkisins og gamla og
nýja Lands bankans. Kröfu hafar
gamla Landsbankans vildu að
starfsmenn sem
ynnu að lána-
málum bankans
yrðu í einhvers
konar hvata-
kerfi. Íslenska
ríkið féllst á slíkt
kerfi svo lengi
sem það næði
til allra starfs-
manna bankans.
„Allir þeir fastráðnu starfs-
menn sem unnu hjá bankanum
frá því að samningurinn var
gerður þangað til í mars á þessu
ári fá hlut í bankanum,“ út skýrir
Tryggvi. Hluturinn hafi verið
reiknaður bæði út frá starfshlut-
falli og launum.
Tryggvi segist persónulega
vera tortrygginn á kaupaukakerfi
almennt. „Ég tel að oft sé verið
að launa einhverjum fáum fyrir
það sem er starf margra og því
sé erfitt að sníða kaupaukakerfi
þannig að það sé réttlátt og taki
tillit til langtímahagsmuna,“ segir
Tryggvi. Ekki séu uppi áform um
að taka upp slíkt kerfi í Lands-
bankanum. - le
Ekki áform um að taka upp kaupaukakerfi í Landsbankanum í framtíðinni:
Segir kaupaukakerfi liðna tíð
TRYGGVI
PÁLSSON
MANNLÍF „Það er mér til efs að
margar íslenskar myndir hafi
fengið annað eins áhorf á tveimur
árum,“ segir Ólafur Eggertsson,
bóndi á Þorvaldseyri undir Eyja-
fjallajökli. Hundrað þúsundasti
gesturinn kom á gestastofu fjöl-
skyldunnar fyrir helgi. Þar
ber að líta heimildarmynd sem
Ólafur gerði í samvinnu við Svein
Sveinsson hjá Plús film og fjallar
um raunir fjölskyldunnar í sam-
neytinu við dyntótta náttúruna á
eldfjallaslóð.
Hann renndi ekki grun í að líf
fjölskyldunnar ætti eftir að taka
slíkum breytingum þegar hún
ákvað að setja upp gestastofu við
þjóðveginn fyrir tveimur árum.
Eiginkonan Guðný Valberg og
dæturnar Inga Júlía og Þuríður
Vala, hafa vart undan við að
sinna gestum. „Það komu hérna
720 gestir um daginn, það var
svolítið strembið,“ segir Ólafur.
Til samanburðar má geta þess að
rúmlega 111 þúsund manns sáu
íslenskar bíómyndir í kvikmynda-
húsum árið 2010. Allt stefnir í að
í ár komi um 60 þúsund manns
í Gestastofuna en það sem af er
ári hafa um 40 þúsund komið þar
við. Hvert safn gæti unað vel við
slíkan fjölda en til samanburðar
má geta þess að um 20 þúsund
komu á Síldarminjasafnið allt
árið 2011 og 37 þúsund allt árið
2012 á Listasafn Reykjanesbæjar.
Ólafur reynir sjálfur að hlaupa
undir bagga með konu og dætrum
á Gestastofunni þótt sjálfur hafi
hann í mörg horn að líta því hann
er bæði korn- og kúabóndi ásamt
fleiru. Hann hefur ekki farið
varhluta af frægðarsólinni sem
þessu umstangi fylgir og játar
með semingi að oft sé hann beð-
inn um eiginhandaráritun af
gestum sem nýlokið hafa við að
sjá heimildarmyndina. „Stundum
veltir maður því fyrir sér hvort
ekki sé nóg um. En vissulega
erum við ánægð að geta frætt
ferðamenn um það hvernig það
er að búa og lifa í samneyti við
íslenska náttúru og jafnvel lagt
góðar minningar í farteskið sem
ferðamennirnir taka með sér
heim.“
Gestirnir hafa tekið undir þá
skýringu bóndans að þörf sé á
svona stað. „Þeir hafa sagt sem
svo að gosið hérna hafi verið
heimsatburður svo vissulega sé
nauðsynlegt að þeir sem upp-
lifðu deili þeirri reynslu,“ segir
bóndinn og bíóstjarnan.
jse@frettabladid.is
Bóndi við jökulinn
orðinn bíóstjarna
Rúmlega hundrað þúsund manns hafa heimsótt gestastofu fjölskyldunnar á Þor-
valdseyri undir Eyjafjallajökli. Þar er sýnd heimildarmynd um fjölskylduna. Gestir
segja bóndann vera kvikmyndastjörnu og biðja um eiginhandaráritun hans.
MIKIL AÐSÓKN Á GESTASTOFUNA Það var mikill gestagangur í gær sem endranær
á Gestastofunni. Í bakgrunni er repjuakur í fullum blóma. MYND/ÓLAFUR EGGERTSSON
MANNLÍF Það var greinilegt að borgarbúar höfðu beðið óþreyjufullir
eftir sólinni því þegar sólin lét sjá sig í gær tók miðbærinn stakka-
skiptum. Setið var við hvert borð á flestum kaffi- og öldurhúsum í
miðbænum þegar blaðamaður og ljósmyndari voru þar á stjá. Fasta-
kúnninn Gísli Már Helgason var kátur með að geta loksins setið úti
við. „Ég ætlaði reyndar ekki að finna sæti en þetta elskulega starfs-
fólk kom mér svo fyrir,“ segir hann. Á hverju túni mátti sjá fólk í sól-
baði og Austurvöllur var vel nýttur í þeim tilgangi. - jse
Fyrsti alvöru sumardagurinn í Reykjavík í gær:
Fastakúnninn fann vart sæti
FASTAKÚNNINN Á FÖRUM Gísli Már Helgason fer reglulega á Kaffi París en þó er
það mun skemmtilegra á sumardögum sem þessum. FRÉTTABLAÐIÐ/STEFÁN
MANNLÍF Að minnsta kosti átta víkingafélög eru í land-
inu en í síðustu viku var eitt slíkt stofnað á Reykja-
nesi. Gunnar Víking Ólafsson, formaður Víkinga-
félagsins Einherja í Reykjavík, segir að hátt í þrjú
hundruð manns séu í félögunum sex.
Gunnar Víking segir hátíð Einherja, Ingólfshátíðina,
verða sífellt stærri. Þangað komi siglandi alla leið frá
Bandaríkjunum víkingar á knerrinum Leif Ericson.
Eins sé ekki loku fyrir það skotið að norskir víkingar
komi hér við á drekanum Haraldi hárfagra, stærsta
knerri í heimi, á Ingólfshátíðin að ári.
Í september mun Gunnar Víking fara með hlutverk
Haralds harðráða Sigurðssonar Noregskonungs, sem
leiddi fjölmennan her gegn Englendingum í orrust-
unni í Stafnfurðubryggju eða Stamford Bridge árið
1066. Hann ber engan kvíðboga fyrir því þótt örlög
Noregskonungs hafi verið að fá ör í hálsinn í þeirri
orrustu.
„Nei, ég er bara að reyna að létta mig svolítið því ég
verð borinn þarna af velli. Ég er um einn og níutíu svo
það er sjálfsagt að létta undir með fólkinu,“ segir vík-
ingurinn kankvís.
- jse
Átta víkingafélög eru í landinu og félagar þeirra um þrjú hundruð:
Íslenskir víkingar fara í víking
GUNNAR VÍKING STENDUR Í STAFNI Víkingar gera það
ekki endasleppt hérlendis sem erlendis.
BÚRMA, AP Búrmastjórn hóf í gær
að láta lausa 70 pólitíska fanga.
Talið er þó að meira en 130 póli-
tískir fangar séu í haldi í landinu.
Forseti Búrma, Thein Sein, hét
því á ferð sinni til Evrópu nýverið
að allir pólitískir fangar í landinu
fengju frelsið fyrir áramótin
næstu.
Stjórnarandstæðingar segja
hins vegar að enn sé verið að
handtaka fólk fyrir að taka þátt í
mótmælum. - gb
Búrmastjórn efnir loforð:
Sjötíu pólitískir
fangar fá frelsið
LAUSIR ÚR FANGELSI Þeir Win Thaw og
Win Hla eru meðal hinna sjötíu fanga sem
hafa verið látnir lausir. FRÉTTABLAÐIÐ/AP
DÓMSMÁL Héraðsdómur Suður-
lands hefur sýknað karl af ákæru
um líkamsárás vegna neyðar-
varnar sjónarmiða. Kona sem beitti
hníf í átökunum var hins vegar
dæmd í fjögurra mánaða skilorðs-
bundið fangelsi.
Þolandi árásarinnar ruddist
inn á heimili fólksins með ofbeldi,
eftir að hafa fyrr sama kvöld verið
vísað burt þaðan. Þykir maðurinn
hafa rétt á að slá frá sér í neyð.
Konan hafi hins vegar gengið of
langt með því að beita hnífi. - sh
Sýknaður af líkamsárás:
Átti rétt á að
verja sjálfan sig
Ertu ekkert hrædd um að
Aníta hlaupist að heiman?
„Nei, hún ratar nefnilega alltaf
heim að lokum.“
Bryndís Ernstsdóttir er móðir Anítu Hinriks-
dóttur, Evrópu- og heimsmethafa í 800 metra
hlaupi.
REYKJAVÍKURBORG Ekki er útlit
fyrir að öll þau 1.348 börn sem
fædd eru árið 2011 komist að í
þeim leikskólum sem foreldrar
þeirra óska helst.
Öllum börnum sem fædd eru á
árinu 2011 býðst þó pláss í leik-
skólum borgarinnar eftir sumar-
leyfi. Alls losnuðu þar 1.330 pláss í
leikskólunum í sumar.
Eftirspurn eftir leikskólaplássi
var mest í Seljahverfi í Breiðholti.
Verið að skoða möguleika á því að
fjölga þar rýmum. Í fyrra reyndist
erfiðast að koma öllum börnum inn
á leikskólana í Vesturbæ. - mlþ
Allir fá inni í leikskóla:
Ekki öll börn fá
óskaplássið sitt
BÖRN Fjölga á plássum í Seljahverfi.
SPURNING DAGSINS