Fréttablaðið - 24.07.2013, Blaðsíða 10

24. júlí 2013 MIÐVIKUDAGURSKOÐUN
HALLDÓR
ÚTGÁFUFÉLAG: 365 miðlar ehf. STJÓRNARFORMAÐUR: Ingibjörg S. Pálmadóttir FORSTJÓRI OG ÚTGÁFUSTJÓRI: Ari Edwald
RITSTJÓRAR: Ólafur Þ. Stephensen olafur@frettabladid.is, Mikael Torfason mikael@frettabladid.is Fréttablaðið kemur út í 90.000
eintökum og er dreift ókeypis á heimili á höfuðborgarsvæðinu og Akureyri. Einnig er hægt að fá blaðið í völdum verslunum á
landsbyggðinni. Fréttablaðið áskilur sér rétt til að birta allt efni blaðsins í stafrænu formi og í gagnabönkum án endurgjalds.
ISSN 1670-3871
FRÁ DEGI
TIL DAGS
FRÉTTABLAÐIÐ Skaftahlíð 24, 105 Reykjavík Sími: 512 5000, ritstjorn@frettabladid.is FRÉTTASTJÓRI: Andri Ólafsson andri@frettabladid.is HELGAREFNI: Kjartan Guðmundsson kjartan@frettabladid.is
VÍSIR: Kristján Hjálmarsson, kristjan@visir.is LJÓSMYNDIR: Pjetur Sigurðsson pjetur@frettabladid.is FRAMLEIÐSLUSTJÓRI: Sæmundur Freyr Árnason sfa@frettabladid.is ÚTLITSHÖNNUN: Silja Ástþórsdóttir siljaa@frettabladid.is
U
ng hjón í London, Katrín og Vilhjálmur, eignuðust
barn í fyrradag. Það sama gerðu án efa þúsundir
hjóna um allan heim. Af því fer litlum sögum.
Nánast hver einasti fjölmiðill í heiminum hefur
hins vegar fjallað um fæðingu sonar þeirra
Kötu og Villa. Ástæðan er einföld: hann er ríkisarfi bresku
krúnunnar. Það gerir hann sjálfkrafa að fréttamat frá því
að hann tók fyrstu andköfin. Hvorki honum né foreldrum
hans til mikillar ánægju reyndar en smelludólgum heimsins
til gróða. Einkalíf kóngafólks og annars frægs fólks selur
grimmt og smellunum fjölgar ótölulega í hvert sinn sem nýtt
slúður um það birtist. Þannig gerast nú bara kaupin á fjöl-
miðlaeyrinni.
Hvað veldur þessum ofur-
áhuga venjulegs fólks á
kóngafólki er hins vegar
erfitt að skýra. Hverjum er
ekki sama hverjum Magda-
lena Svíaprinsessa giftist
eða hvort Harry prins var
nakinn eða í fötum í einhverju
partýinu? Fáránleg spurning
reyndar því svarið liggur ljóst fyrir; fólki er ekki sama.
Milljónir manna um heim allan gleypa við hverjum einasta
slúðurmola sem birtist og sá markaður virðist aldrei mettast.
Gróa á Leiti þarf sitt slúður og ekkert múður og slúðurfréttir
eru dag eftir dag og ár eftir ár mest lesnu fréttirnar á vef-
miðlunum.
Fréttir af kóngafólki eru í sérflokki í slúðurfrétta-
flórunni. Enn þann dag í dag leikur einhver ljómi um þetta
fólk í hugum fólks, meira að segja hér á Íslandi þar sem við
höfum áratugum saman stært okkur af stéttlausu samfélagi.
Klisjan sú er náttúrulega gróf sögufölsun, en það er önnur
saga. Hér er og hefur alltaf verið mikil stéttaskipting og
hún er síður en svo að minnka. Sú staðreynd að aðalstign
er ekki til staðar hér breytir engu um það og áhuginn á
kóngafólkinu bendir til að fólk þyrsti í að búa í samfélagi þar
sem nokkrir útvaldir eru „merkilegri“ en almúginn fyrir þá
kosti eina að hafa fæðst inn í ákveðna fjölskyldu. Mannkostir
þess, andlegt og líkamlegt atgervi eru algjört aukaatriði,
um það leikur enn í dag einhver ljómi sem er angi af þeirri
trú að kóngar hlytu vald sitt frá guði. Fólk vill að einhver sé
merkilegri en það á sama hátt og það vill trúa því að líf þess
stjórnist af einhverjum æðri mætti.
Sett í þetta samhengi verður niðurstaða kosninganna í vor
skiljanlegri. Tveir drengir fæddir með silfurskeiðar í munni
sem leiða flokka sem gera út á að sumir séu merkilegri en
aðrir höfða til þessarar þarfar fólks og það snýr fegið baki
við þeim fáránleika að allir eigi að vera jafnir og hafa jafnan
rétt. Fegið að hafa skýrar línur. Það er ekki að ófyrirsynju
að nafnbætur eins og kvótakóngar og útgerðaraðall hafa
orðið til og tilraunir til að draga alla niður á sama plan eru
dæmdar til að mistakast. Fólkið vill sína kónga og fylgir
þeim í blindni jafnvel þótt í ljós komi að þeir hafi fullkomna
fyrirlitningu á þessari svokölluðu alþýðu sem vinnur fyrir
þá. Kóngar vilja sigla og kjósendur gefa þeim byr. Er það
ekki hin rétta skipan heimsins?
Höfum við þörf fyrir kóngafólk?
Barn er oss fætt
Friðrika
Benónýsdóttir
fridrikab@frettabladid.is
..fást í næstu verslun!Ora grillsósur..
Grillum saman
í sumar
Að undanförnu hefur María Lilja Þrastar-
dóttir, blaðamaður á Fréttablaðinu,
skrifað hverja fréttina á fætur annarri
um veitingahúsin Vip Club og Crystal.
Blaðamaðurinn er harður femínisti og
talskona Druslugöngunnar, sem er ekki í
frásögur færandi nema vegna þess að lífs-
skoðanir blaðamannsins virðast þvælast
fyrir henni í vinnunni með þeim afleið-
ingum að blaðamanninum er ómögulegt
að nálgast viðfangsefnið af hlutlægni.
Af fréttum Fréttablaðsins er ljóst að
allir viðmælendur blaðamannsins hafa
verið valdir af kostgæfni og þess vand-
lega gætt að skoðanir þeirra falli að skoð-
unum blaðamannsins á málinu. Hafi við-
mælandinn ekki kveðið nægilega fast
að orði þá virðist blaðamaðurinn heldur
ekki víla það fyrir sér að færa orð hans í
stílinn eða hafa eitthvað eftir viðmæland-
anum sem viðkomandi kannast síðar ekki
við að hafa sagt.
Rangt haft eftir
Í Fréttablaðinu, 19. júlí sl., hafði blaða-
maðurinn tiltekin orð eftir fram-
kvæmdastýru vændisathvarfsins sem
framkvæmda stýran neitaði síðar að hafa
viðhaft, sbr. bréf lögmanns framkvæmda-
stýrunnar, dags. 22. júlí sl., til greinar-
höfundar, þar sem lögmaðurinn segir að
umbjóðandi hans hafi aldrei fullyrt í sam-
tali við blaðamanninn að vændisstarfsemi
eða mansal væri stundað á umræddum
kampavínsklúbbum og að ummælin séu
ekki rétt höfð eftir umbjóðanda hans.
Í Fréttablaðinu, 23. júlí sl., birtist síðan
enn ein fréttin eftir blaðamanninn. Fyrir-
sögn fréttarinnar var „Formaður borgar-
ráðs dregur starfsleyfi í efa“ og undir-
fyrirsögn „Formaður borgarráðs segir að
klúbbarnir sem um ræðir hafi ekki leyfi
fyrir starfseminni sem þeir reki“.
Í fréttinni er síðan vitnað beint í Dag
B. Eggertsson, formann borgarráðs, sem
upplýsti að klúbbarnir hafi sótt um hefð-
bundið vínveitingaleyfi enda séu engin
sérstök vínveitingaleyfi gefin út lengur,
þ.e. leyfi fyrir annarri starfsemi en bar-
rekstri. Hvergi í fréttinni er haft eftir for-
manni borgarráðs að hann dragi starfs-
leyfi framangreindra staða í efa. Hvað
þá heldur að veitingahúsin sem um ræðir
hafi ekki tilskilin rekstrarleyfi.
Fyrirsögn og undirfyrirsögn frétt arinnar
sem blaðamaðurinn lætur líta út fyrir að
séu hafðar beint eftir formanni borgar-
ráðs virðast því ekki frá honum komnar.
Það er einlæg von mín að blaðamaðurinn
hætti að láta eigin lífsskoðanir byrgja sér
sýn í starfi sínu sem blaðamaður. Lesendur
Fréttablaðsins eiga það skilið.
Hlutdrægni
FJÖLMIÐLAR
Vilhjálmur H.
Vilhjálmsson
lögmaður eigenda
Vip Club og Crystal
Tilfinningaböndin
Þingmennirnir Birgitta Jónsdóttir frá
Pírötum og Páll Jóhann Pálsson úr
Framsóknarflokknum tókust á um
hvalveiðar í Morgunútvarpi Rásar 2 í
gær. Þar heyrðust fleygar setningar á
borð við þessa, úr munni Páls
Jóhanns: „Bændur eru með
sínar skepnur og tengjast
þeim tilfinningaböndum,
en svo bara kemur
þeirra tími. Þannig er
náttúrulögmálið.“ Þetta
heimfærði þingmaðurinn
á veiðar á villtum stór-
hvelum. Þetta var sem sé
frjótt samtal.
Fiskarnir í
sjónum
Öllu verri var
sú tilhneiging Páls Jóhanns að tala
ítrekað um veiðar á hval sem „fisk-
veiðar“. „Við erum að veiða okkar
fisktegundir,“ sagði Páll Jóhann og
linnti ekki látum fyrr en Birgitta
benti honum á að hvalurinn væri
ekki fiskur. „Er hvalurinn ekki …?
Nei, hvalurinn er sjávarspen-
dýr,“ leiðrétti Páll Jóhann
sig þá. Þess ber að geta að
Páll Jóhann Pálsson er
einn af meðeigendum
stórútgerðarinnar Vísis í
Grindavík. Og lesendum
til upplýsingar þá eru hvalir
einmitt spendýr.
Þekkir
margar
Skemmti-
legri
voru yfirlýsingar flokkssystur Páls
Jóhanns, þingkonunnar nýbökuðu
Jóhönnu Maríu Sigmundsdóttur, um
fegurðarsamkeppnir á Facebook-
síðu sinni í gær. Jóhanna vandar
þeim ekki kveðjurnar sem kalla
þátttakendur í slíkum keppnum
heilalausar, ósjálfstæðar
sílikonur sem séu ljótar að
innan og svelti sig. „Ég
vil bara segja ykkur að ég
þekki margar gullfallegar
stúlkur bæði að utan og
í hjartalagi, bráðgáfaðar,
skemmtilegar, sílikon-
lausar og með mikla
matarást sem hafa tekið
þátt í þessari keppni,“
skrifar Jóhanna. Og
hana nú.
stigur@frettabladid.is