Fréttablaðið - 15.08.2013, Síða 42

15. ágúst 2013 FIMMTUDAGUR| MENNING | 32
Nýtt lag Lady Gaga, Applause, var
gefið út í vikunni, fyrr en áætlað
var, vegna þess að bútar úr laginu
höfðu þegar lekið á netið.
Þannig hefur Lady Gaga bæst í
hóp þeirra poppstjarna sem hafa
þurft að flýta útgáfu efnis vegna
leka á internetið.
Af þekktustu útgefendum ársins
er David Bowie sá eini sem tókst
að halda nýrri plötu sinni frá
almenningi, en það kom flestum
í opna skjöldu þegar hann gaf út
nýtt lag sem heitir Where are we
now, að morgni 66 ára afmælis
síns í janúar á þessu ári.
L a g ið A ppl au s e hef u r
þegar hlotið lof og last frá
gagnrýnendum. Þá var gagn-
rýnandi Rolling Stone Magazine
ánægður með nýja lagið og sömu
sögu höfðu gagnrýnendur Bill-
board Magazine að segja. Hins
vegar fannst gagnrýnendum Spin
Magazine lítið í lagið spunnið.
- ósk
Lady Gaga fl ýtir út-
gáfu lags vegna leka
Lekar á efni orðnir hluti af daglegu lífi poppstjarna.
KYNLEGUR KVISTUR Lady Gaga er
þekkt fyrir nýstárlegan fatasmekk sinn.
NORDICPHOTOS/GETTY
HVAÐ?
HVENÆR?
HVAR?
FIMMTUDAGUR
15. ÁGÚST 2013
Hátíðir
18.00 Haldin verður hljómbær alþýðu-
tónlistarhátíð á Eyrarbakka 15. til 18.
ágúst. Koma munu fram hinir ýmsu
alþýðutónlistarmenn þessa lands sem
og erlendis frá. Tónleikar verða haldnir
á nokkrum stöðum á Eyrarbakka. Einnig
verður andlegur markaður í Óðinshúsi í
boði Kailash og Tehússins. Nánari upp-
lýsingar á Bakkinn.is.
Tónlist
20.00 Markús & The Diversion Sessions
efnir til stórtónleika í Gym & Tonic
sal Kex Hostel. Aðgangseyrir er 1000
krónur.
22.00 Hr. Halli heldur tónleika á Ob-La-
Dí-Ob-La-Da í kvöld.
Upplýsingar um viðburði
sendist á hvar@frettabladid.is
This is Sanlitun, gamanmynd
eftir leikstjórann Róbert Inga
Douglas, verður fyrst sýnd opin-
berlega á kvikmyndahátíðinni í
Toronto sem haldin verður 5.-15.
september næstkomandi.
Toronto er ein af stærstu alþjóð-
legu kvikmyndahátíðunum og
helsti vettvangurinn vestanhafs
þar sem evrópskar kvikmyndir fá
athygli og möguleika á dreifingu.
Róbert er leikstjóri myndanna
Íslenski draumurinn, Maður
eins og ég og Strákarnir okkar.
Þessi nýjasta mynd er tekin upp í
Kína, þar sem Róbert hefur verið
búsettur undanfarin ár.
Myndin er þó framleidd af
íslensku fyrirtækjunum Film
Douglas og Vintage Pictures, auk
Ai Wan Entertainment, og styrkt
af Kvikmyndamiðstöð Íslands.
- ósk
Róbert Doug-
las til Toronto
RÓBERT INGI DOUGLAS Er íslenskur
kvikmyndaleikstjóri búsettur í Kína.
FRÉTTABLAÐIÐ/STEFÁN
Hollenski saxófón- og klarinett-
leikarinn Maarten Ornstein
verður gestur Jazzhátíðar
Reykjavíkur í ágúst en þar mun
hann leika dúetta með Sunnu
Gunnlaugs.
Maarteen starfrækir annars
hljómsveitina Dash. Tónleikar nir
fara annars vegar fram á morgun
í Hannesarholti klukkan níu
og hins vegar á laugardaginn á
Bryggjunni í Grindavík klukkan
12 á hádegi. - ósk
Áhugaverðir gestir á
Jazzhátíð Reykjavíkur
Maarten Ornstein og Sunna Gunnlaugs taka dúett.
SUNNA GUNNLAUGS Sunna leikur
með Maarten Ornstein.