Fréttablaðið - 23.09.2013, Side 62

23. september 2013 MÁNUDAGUR| MENNING | 34
MÁNUDAGSLAGIÐ
„Ég þarf aldrei að hugsa mig um
þegar einhver vill kynnast Íslandi
í gegnum skáklistina, okkar göf-
ugu þjóðaríþrótt,“ segir skákmað-
urinn og rithöfundurinn Hrafn
Jökulsson, sem mun leiða sænska
leikstjórann Lukas Moodysson um
slóðir Bobby Fischer hér á landi.
Moodysson er heiðurs gestur kvik-
myndahátíðarinnar RIFF í ár og
hafði sérstakan áhuga á að heim-
sækja slóðir skákmeistarans á
meðan á heimsókninni stóð.
„Mínir góðu vinir í RIFF sögðu
mér að leikstjórinn hefði áhuga á
því að fara á söguslóðir skákar-
innar. Það er sérlega skemmtilegt
að einn besti og snjallasti leik-
stjóri heims skuli hugsa um skák
þegar hann kemur til Íslands og
sýnir hvílíkt stórveldi við erum í
skákheiminum,“ útskýrir Hrafn,
sem kveðst hafa lært manngang-
inn um það leyti er Fischer vann
heimsmeistaratitilinn í Reykjavík
árið 1972.
Hann hyggst fara með leikstjór-
ann að leiði Fischers í Laugardæla-
kirkjugarði og heimsækja Fischer-
setrið á Selfossi. „Svo endar þetta
vonandi með því að við setjumst
að tafli og kannski fæ ég að spyrja
hann svolítið um hans mörgu
meistaraverk. Æskileg niðurstaða
væri síðan sú að hann gerði bíó-
mynd um skák á Íslandi, ég held
að það steinliggi alveg.“ Aðspurð-
ur segist Hrafn þekkja nokkuð
til verka Moodyssons, sem hefur
leikstýrt myndum á borð við Fuck-
ing Åmål, Tillsammans og Ett hål
i mitt hjärta. „Það er virkilega
gaman að hann skuli vera að koma
á RIFF og heiðra okkur með nær-
veru sinni, þessi mikli snillingur,“
segir hann að lokum.
sara@frettabladid.is
Leiðir Moodysson
um slóðir Fischers
Hrafn Jökulsson, skákmaður og rithöfundur, leiðir sænska leikstjórann Lukas
Moodysson um slóðir skákmeistarans Bobby Fischer hér á landi.
ÁHUGAMAÐUR UM FISCHER Sænski leikstjórinn Lukas Moodysson er mikill áhugamaður um Bobby Fischer. Hrafn Jökulsson
mun leiða leikstjórann um slóðir skákmeistarans. NORDICPHOTOS/GETTY
„Það var mjög fyndið þegar við
vorum að taka upp á Eistnaflugi í
Neskaupstað. Þá skárum við okkur
algjörlega úr þar sem við vorum
fjórar vinkonur í hópi eiturharðra
rokkara,“ segir myndlistarkonan
Dóra Hrund Gísladóttir sem lauk
nýverið við vinnslu sinnar fyrstu
heimildarmyndar sem fjallar um
listahátíðir úti á landi.
Heimildarmyndin heitir Ver-
tíð og fjallar um listahátíðir sem
haldnar voru úti á landi sumarið
2012. Vinkonurnar Dóra Hrund,
Rakel Sif Haraldsdóttir, Alex-
andra Baldursdóttir og Borghildur
Tumadóttir lögðu af stað með kvik-
myndagræjur sem þær fengu að
láni á Lunga á Seyðisfirði og fóru á
Eistnaflug í Neskaupstað, Jónsviku
á Húsavík og Æring á Rifi.
„Það voru svo margar flottar
listahátíðir síðasta sumar og okkur
langaði til að fanga stemninguna.
Það er ekki víst að þessar hátíðir
verði haldnar eftir nokkur ár og
okkur fannst mikilvægt að búa til
heimildarmynd um þær,“ segir
Dóra Hrund sem leikstýrði jafn-
framt myndinni.
Spurð út í aðdraganda myndar-
innar segir Dóra að hana hafi ekki
langað til þess að vinna hefðbundna
sumarvinnu eftir að hún lauk námi
í myndlist við Listaháskóla Íslands.
„Ég fór að pæla í hvað ég gæti gert
annað og datt þá í hug að fá vin-
konur mínar með mér í lið að gera
heimildarmyndina. Þær eru að
læra mannfræði, hljóð- og mynd-
list. Við byrjuðum á að sækja um
styrki en fengum enga. Það stopp-
aði okkur þó ekki og við náðum að
ljúka við myndina með greiðum hér
og þar,“ segir hún.
Fanga stemningu listahátíða
Myndlistarkonan Dóra Hrund Gísladóttir frumsýnir heimildarmyndina Vertíð.
LEIKSTÝRIR HEIMILDARMYND UM
LISTAHÁTÍÐIR Dóra Hrund Gísladóttir
leikstýrir sinni fyrstu heimildarmynd
sem fjallar um listahátíðir úti á landi.
FRÉTTABLAÐIÐ/GVA
Félagarnir Atli Snær Keranson, Magnús Þór
Gunnarsson og Franz Gunnarsson eru að setja
saman vefsíðu þar sem allar bæjarhátíðir og
tónlistarhátíðir á Íslandi eru samankomnar
undir einum hatti. Um er að ræða endurbætta
vefsíðu á sömu slóð og hefur áður verið notuð,
Hatid.is.
„Þetta eru hátíðir úti um allt land.
Við erum ekki bara að einbeita okkur
að menningarnótt, 17. júní eða Iceland
Airwaves,“ segir Franz. „Þetta verður
algjör gagnagrunnur fyrir allar hátíðir
á Íslandi.“ Vefsíðan, sem verður bæði
á ensku og íslensku, fer líkast í loftið í
október eða nóvember.
Vefsíðan byggir á Hátíðahandbókinni
sem þeir Franz, Atli Snær og Magnús Þór gáfu
í fyrsta sinn út síðastliðið vor. Henni var
dreift um allt land í 25 þúsund eintök-
um og mæltist framtakið vel fyrir. Sú
handbók verður gefin aftur út fyrir
næsta sumar.
„Næsta skref er að vinna Hátíða-
handbókina á ensku sem verður
aðeins veglegri. Hún kemur út
í febrúar og er aðallega stíluð á
útlendinga sem eru að koma hingað
og vilja kíkja á viðburði.“
Sú handbók verður unnin í sam-
starfi við Icelandic Music Export, sem
mun aðstoða við að dreifa henni á erlend-
ar hátíðir og senda á erlenda tengiliði. - fb
Allar hátíðir undir einum hatti
Þrír félagar undirbúa vefsíðuna Hatid.is þar sem allar hátíðir eru samankomnar.
HÁTÍÐIR UNDIR EINUM HATTI Franz Gun-
narsson og félagar setja endurbættu vefsíðuna
Hatid.is í loftið á næstunni.
➜ Handbækurnar og vefsíðan Hatid.is eru
fjármagnaðar með sölu á auglýsingum.
➜ Bobby Fischer lést þann
17. janúar árið 2008,
Lukas Moodysson fæddist
sama dag árið 1969.
Ljósmynda-
keppni
Fréttablaðsins
LUMAR ÞÚ Á GÓÐRI
ÚTIVISTARLJÓSMYND?
Hefst í dag og lýkur á miðnætti
miðvikudaginn 2. október.
Taktu þátt í ljósmyndasamkeppni Fréttablaðsins, þú gætir unnið
glæsilega Nikon-myndavél og fengið myndina þína birta í
Fréttablaðinu.
Þema keppninnar er „Útivist“. Ef þú átt góða útivistarmynd frá því í
sumar skaltu einfaldlega fara inn á www.ljosmyndakeppni.visir.is
þar sem hægt er að hlaða upp myndinni.
Innsendar myndir birtast á Vísi og á Facebook-síðu Fréttablaðsins
þar sem lesendur geta kosið bestu myndina. Bestu myndirnar verða
birtar í Fréttablaðinu síðar í haust.
Ef þú átt frábæra mynd sem fangar skemmtilega
útivistarstemningu hvetjum við þig til að taka þátt!
Keppnin stendur yfir frá 23. sept. til 2. okt.
„Mánudagslagið sem kemur mér
í rétta gírinn fyrir vikuna er Latch
med Disclosure - Feat. Sam Smith.“
Fannar Þór Arnarsson, nemi