Fréttablaðið - 27.09.2013, Qupperneq 30

KYNNING − AUGLÝSINGBarnaafmæli FÖSTUDAGUR 27. SEPTEMBER 20132
„Hingað í Krakkahöllina eru allir
krakkar frá tveggja ára til tíu ára
velkomnir með forráðamönnum
en þetta er fjórða árið okkar hér á
Korputorginu,“ segir Jóhann Tóm-
asson, eigandi Krakkahallarinnar.
Í Krakkahöllinni er leikpláss
upp á þúsund fermetra og fjöldi
skemmtilegra hoppukastala.
„Hér fá allir frábæra útrás í
leik og því tilvalið að halda af-
mælisveislur hjá okkur en við
getum tekið við allt að 80 börnum
í afmæli. Verðið er einungis 1.200
krónur á barn og innifalið er pitsa
og drykkir og kandíflos. Hægt er
að velja um margarítu, pepperóní
eða skinku. Við sjáum um allt og
göngum frá á eftir,“ segir Jóhann.
Einnig er hægt að koma með
eigin veitingar í afmælið og kostar
veislan þá 900 krónur á barn. Gott
er að panta afmæli með viku fyrir-
vara í gegnum heimasíðu, tölvu-
póst eða síma.
„Hér eru næg bílastæði og
krakkar einnig velkomnir inn
af götunni. Aðgangseyrir er 800
krónur og fær systkini helmings-
afslátt. Það er líka velkomið að
taka með sér nesti hingað inn.“
Fá alvöru útrás
Krakkahöllin á Korputorgi er frábær staður fyrir krakka. Leiksvæðið er þúsund
fermetrar með fjölda hoppukastala og frábær aðstaða er fyrir afmælisveislur.
Frábær aðstaða fyrir afmæli. Verð á barn er 1.200 krónur með veitingum.
Allir krakkar á aldrinum 2 til 10 ára eru velkomnir með forráða-
mönnum.
Leiksvæðið í Krakkahöllinni er eitt þúsund fermetrar. MYND/DANÍEL
Hrefna með börnum sínum, Áslaugu Lilju og Sigurjóni Kára, sem fá hinar ýmsu hug-
myndir fyrir afmæli sín sem móðir þeirra spreytir sig á.
Sonur minn bað eindregið um
sjóræningjaafmæli síðast. Fékk þá
þessa hugmynd á netvafri. Mig minnir
að ég hafi skoðað Youtube-myndband
og útfært svo minn eigin sjóræningja.
Hugmyndirnar að kökunum koma yfirleitt frá börnunum. Þau stinga upp á einhverju og ég reyni að uppfylla væntingarnar. Ég held að
það hafi oftast tekist nema þegar dóttir mín bað um
þyrluköku. Þá sagði ég pass,“ segir Hrefna glaðlega.
Hún notar yfirleitt góða skúffukökuuppskrift í kök-
urnar en tvöfaldar hana ef kakan er stór. „Eða ef ég
sé fram á að þurfa talsvert af byggingarefni.“ Hrefna
hefur notað aðrar kökutegundir eins og appelsínu- og
gulrótarköku en súkkulaðikakan er alltaf vinsælust.
Hrefna segir auðvelt að leita að útfærslum á net-
inu en einnig koma blöð og uppskriftabækur að
góðum notum. „Oft fæ ég hugmyndir úr ýmsum
áttum og flétta þær svo saman eins og mér hentar.
Svo dettur manni líka ýmislegt í hug og útfæri ég þá
hlutina eftir eigin höfði,“ segir Hrefna sem lítur á
kökugerðina sem skemmtilegt föndur. „Mér finnst
þetta mjög gaman. Þetta er skapandi og ómetanlegt
að sjá svipinn á krílunum þegar kakan er til.“
Skellibjalla og ævintýrið um Pétur Pan var
þemað og þá lá vel við að gera fjársjóðs-
kistu. Nóg nammi fyrir alla og afar drjúg
kaka. Í raun eru þetta bara tveir helmingar
af skúffuköku sem þurfti að sníða aðeins til
að gera hallann. Setti síðan stall undir lokið
svo það héldi. Hug-
myndina fann ég á
netinu.
Ég fékk skýrar leiðbeiningar frá dóttur-
inni um prinsessukastalann. Hann átti
að vera bleikur. Ég notaði reyndar aðra
uppskrift og gerði appelsínuköku. Ég
skoðaði ýmsa kastala í blöðum og
á netinu og mixaði svo þennan.
Sniðugt er að nota súkkulaðifingur í
hengibrú, ískex í glugga o.fl. Svo má
nota matarlit í ýmislegt, til dæmis til
að lita ískexið.
Dóttir mín bað um himnaköku og þá voru góð ráð dýr. Á
endanum gerði ég bara skúffuköku og bakaði svo eina köku í
hringlaga formi, skar út miðju með glasi, skar hringinn í tvennt
og lagði saman í regnboga með kremi og skreytti. Sykur-
púðarnir voru fín ský. Þessi kaka var svo matarmikil að hún
dugði í tvö afmæli.
Dóttir mín vildi ólm fá krókódíl. Ég bakaði
köku í hringformi, skar miðjuna úr með
hringlaga glasi og skar svo hringina í
tvennt. Svo er þeim raðað í S og miðju-
hringurinn notaður að hluta í hausinn og
lappirnar.
www.krakkahollin.is
krakkahollin@krakkahollin.is
SÍMI: 860 0091
Hugmyndir koma frá börnunum
Hrefna Sigurjónsdóttir, framkvæmdastjóri Heimilis og skóla, uppfyllir drauma barna sinna með listilegri kökusmíð á afmælisdögum
þeirra. Fátt er henni ofviða, sjóræningjar, prinsessukastalar og regnbogar hafa prýtt veisluborðin.
App sem
þú þarft
Nýtt í spjaldtölvuna og snjallsímann
Nú er komið app fyrir Fréttablaðið:
Fáðu Fréttablaðið ókeypis í spjaldtölvuna og snjall-
símann með nýja Fréttablaðsappinu. Nú er hægt að
nálgast Fréttablaðið hvar sem er, á hverjum morgni.
Sláðu inn Fréttablaðið á Google Play, Windows
store eða í App store og náðu í appið.