Fréttablaðið - 03.12.2013, Blaðsíða 12

3. desember 2013 ÞRIÐJUDAGUR| FRÉTTIR | 12
Suðurlandsbraut 20, Reykjavík | Sími 588 0200 | www.eirvik.is
Nú eru þeir
kaldir hjá Eirvík
Bjóðum takmarkað magn af kæli- og frystiskápum frá Liebherr.
Þeir eru búnir nýjustu tækni, hannaðir af alúð og framleiddir af
þýskri nákvæmni. Einstök framtíðareign.
TILBOÐSDAGAR
25%
afsláttur
FÉLAGSMÁL Tilkynningum um
kynferðislegt ofbeldi gegn börn-
um fjölgaði um tæp 42% fyrstu níu
mánuði ársins samanborið við sama
tímabil 2012. Að óbreyttu verða til-
kynningar til barnaverndarnefnd-
anna úti um land um 600 þegar árið
verður gert upp, samanborið við
463 árið 2011 og 467 í fyrra.
Barnaverndarstofa hefur birt
samanburð á fjölda tilkynninga
til barnaverndarnefnda fyrstu níu
mánuði þessa árs og sama tímabils
í fyrra. Þar kemur fram að tilkynn-
ingum til nefndanna fjölgar nokk-
uð á milli ára, eða um þrjú prósent
á höfuðborgarsvæðinu og 17% á
landsbyggðinni. Þegar ástæður til-
kynninganna eru skoðaðar sérstak-
lega er fjölgun vegna kynferðislegs
ofbeldis gegn börnum greinileg.
Páll Ólafsson, sviðsstjóri ráðgjaf-
ar- og fræðslusviðs Barnaverndar-
stofu, segir að skýringar þessa sé
fyrst og síðast að leita í umfjöllun
um málaflokkinn eftir þátt Kast-
ljóss um mál Karls Vignis Þor-
steinssonar, sem var dæmdur til
sjö ára fangelsisvistar í Hæstarétti
í lok október.
„Þegar maður ber þessi tíma-
bil saman þá er það rétt að þetta
er töluvert mikil aukning. Þessi
fjölgun skýrist af fjölmiðlaum-
fjöllun og almennri vitundavakn-
ingu um þessa hluti. Það eru engir
aðrir stórir atburðir sem spila hér
inn í. Ég slæ þó þann fyrirvara að
hér er um tilkynningar að ræða,“
segir Páll.
Sjá má fjölgun á tilkynningum
um kynferðislegt ofbeldi í skýrslum
um samanburð fyrstu þrjá mán-
uði, fyrstu sex mánuði og fyrstu
níu mánuði áranna 2012 og 2013.
Fyrstu þrjá mánuði ársins bárust
187 tilkynningar, 151 mánuðina á
eftir og 118 mánuðina júlí til sept-
ember. Alls voru þær 456 þessa níu
mánuði eða 7,3% tilkynninga þegar
allt er talið. Það er mun hærra hlut-
fall en árin á undan en það hefur
verið á bilinu 4,8 til 5,9% á undan-
förnum árum.
Eins og Fréttablaðið greindi frá
í gær er mikil fjölgun tilkynninga
í nokkrum sveitarfélögum á lands-
byggðinni; helst Reykjanesbæ,
Sandgerði og á Akranesi.
„Þær tölur hafa vakið athygli
okkar og þetta er áhyggjuefni. Við
munum leita til þeirra eftir útskýr-
ingum og svo viðbrögðum við
þessu,“ segir Páll.
svavar@frettabladid.is
Kynferðislegt ofbeldi
tilkynnt sífellt oftar
Að óbreyttu verða tilkynningar til barnaverndarnefnda vegna kynferðisofbeldis
um 600 talsins í ár. Fjölgunin er 42% milli fyrstu níu mánaða áranna 2012 og 2013.
Fjölmiðlaumfjöllun og vitundarvakning almennings í kjölfarið er skýringin.
ÓJAFN LEIKUR Fjölgun tilkynninga hefur valdið miklu álagi á starfsfólk Barnahúss.
NORDICPHOTOS/GETTYIMAGES
➜ Tilkynningar um
kynferðisofbeldi
Ár Fjöldi Hlutfall
2008 479 5,8%
2009 447 4,8%
2010 441 4,8%
2011 463 5,3%
2012 467 5,9%
2013* 456 7,3%
*Eftir fyrstu 9 mánuðina
VELFERÐARMÁL Atvinnuleitendur
fengu ekki greidda desember-
uppbót um mánaðamótin eins og
undanfarin þrjú ár.
Gissur Pétursson, forstjóri
Vinnumálastofnunar, vildi ekki
svara fyrir af hverju desember-
uppbót væri ekki greidd enda væri
það í höndum velferðarráðuneytis-
ins.
Árin 2010-2012 fengu atvinnu-
leitendur greidda desemberupp-
bót eftir samþykkt ríkisstjórnar á
tillögu velferðarráðherra. Greiðsla
þeirra sem áttu rétt á óskertri upp-
bót var 50.512 í fyrra. Fyrir árið
2010 hafði slík uppbót síðast verið
greidd árið 2005. Greiðslur hafa
verið í hlutfalli við lengd þess tíma
sem viðkomandi hefur verið skráð-
ur atvinnulaus á árinu. Árið 2012
námu útgjöld Atvinnuleysistrygg-
ingasjóðs vegna greiðslu desem-
beruppbótar 325 milljónum króna.
Atvinnuleysi mældist 3,9 prósent
í október og munu því ríflega sex
þúsund manns verða af desember-
uppbót þetta árið ef engin tilmæli
berast frá velferðarráðuneytinu.
Ekki náðist í Eygló Harðardótt-
ur velferðarráðherra við vinnslu
fréttarinnar. - ebg
Engin tilmæli komin frá velferðarráðuneyti:
Atvinnulausir fengu
ekki jólauppbótina
ENGIN SVÖR
Gissur Péturs-
son, forstjóri
Vinnumálastofn-
unar, benti á vel-
ferðarráðherra
til að fá svör um
desemberuppbót.
FRÉTTABLAÐIÐ/VILHELM
„Afstaða mín í málinu er og hefur verið skýr,“
segir Eygló Harðardóttir velferðarráðherra.
„Ég hef fullan hug á að berjast fyrir því að
samþykkt verði aukafjárveiting í þetta mál og
hef þegar lagt fram minnisblað þess efnis í
ríkisstjórn,“ segir Eygló sem kveður fjármagn
í þennan lið hafa verið áætlaðan af síðustu
ríkisstjórn.
„Nú hefur komið í ljós að þessi liður var
vanáætlaður þar sem fyrri ríkisstjórn gerði ráð
fyrir minna atvinnuleysi en raun ber vitni. Ég
hef fullan hug á að berjast fyrir því að samþykkt
verði aukafjárveiting í þetta mál og hef þegar lagt
fram minnisblað þess efnis í ríkisstjórn,“ segir
ráðherra. - ebg
Ráðherra berst fyrir aukafjáveitingu
EYGLÓ HARÐARDÓTT-
IR Velferðarráðherra
kveðst hafa lagt fram
minnisblað um aukafjár-
veitingu í ríkisstjórn.
Vinsamlega skráið ykkur með því að senda póst á sff@sff.is
Setning
Höskuldur H. Ólafsson, formaður stjórnar
Samtaka fjármálafyrirtækja
Ávarp
Illugi Gunnarsson, mennta- og menningarmálaráðherra
Hollenska leiðin
Arthur Reitsma, sérfræðingur frá Hollensku bankasamtökunum
Nýjar leiðir í fjármálafræðslu
Viggó Ásgeirsson, mannauðsstjóri og stofnandi Meniga
Pallborðsumræður um fjármálafræðslu
Umsjón: Þorgerður Katrín Gunnarsdóttir, forstöðumaður
mennta- og nýsköpunarsviðs Samtaka atvinnulífsins
Þátttakendur:
Mjöll Matthíasdóttir, grunnskólakennari
Petra Bragadóttir, formaður Samtaka kennara í viðskipta- og
hagfræðigreinum
Brynjólfur Sævarsson, útibússtjóri Landsbankans í Vesturbæ
Halldóra Gyða Matthíasdóttir, útibússtjóri Íslandsbanka í Garðabæ
Fjóla Guðjónsdóttir, forstöðumaður forvarna hjá Sjóvá
Fundarstjóri
Sigrún Ragna Ólafsdóttir, varaformaður stjórnar SFF
SFF DAGURINN 5. DESEMBER 2013
FJÁRMÁLAFRÆÐSLA Á ÍSLANDI
14:00-16:15 Í STÓRA SAL ARION BANKA, BORGARTÚNI 19