Fréttablaðið - 23.01.2014, Blaðsíða 20
23. janúar 2014 FIMMTUDAGURSKOÐUN
HALLDÓR
FRÉTTABLAÐIÐ Skaftahlíð 24, 105 Reykjavík Sími: 512 5000, ritstjorn@frettabladid.is FRÉTTASTJÓRI: Andri Ólafsson andri@frettabladid.is VIÐSKIPTI: Fanney Birna Jónsdóttir fanney@frettabladid.is MENNING: Friðrika Benónýsdóttir fridrikab@frettabladid.is
DÆGURMÁL: Lilja Katrín Gunnarsdóttir liljakatrin@frettabladid.is VÍSIR: Kristján Hjálmarsson, kristjan@visir.is LJÓSMYNDIR: Pjetur Sigurðsson pjetur@frettabladid.is FRAMLEIÐSLUSTJÓRI: Sæmundur Freyr Árnason sfa@frettabladid.is ÚTLITSHÖNNUN: Silja Ástþórsdóttir siljaa@frettabladid.is
ÚTGÁFUFÉLAG: 365 miðlar ehf. STJÓRNARFORMAÐUR: Ingibjörg S. Pálmadóttir FORSTJÓRI OG ÚTGÁFUSTJÓRI: Ari Edwald
RITSTJÓRAR: Ólafur Þ. Stephensen olafur@frettabladid.is, Mikael Torfason mikael@frettabladid.is Fréttablaðið kemur út í 90.000
eintökum og er dreift ókeypis á heimili á höfuðborgarsvæðinu og Akureyri. Einnig er hægt að fá blaðið í völdum verslunum á
landsbyggðinni. Fréttablaðið áskilur sér rétt til að birta allt efni blaðsins í stafrænu formi og í gagnabönkum án endurgjalds.
ISSN 1670-3871
FRÁ DEGI
TIL DAGS
Ólafur Þ.
Stephensen
olafur@frettabladid.is
Vorið 1980 gengum við frá breytingum á
húsnæðislögum í samkomulagi við verka-
lýðshreyfinguna. Þá var við völd ríkis-
stjórn Gunnars Thoroddsen. Ég var
félagsmálaráðherra í þeirri stjórn. Breyt-
ingarnar á húsnæðislögunum voru hluti
af félagsmálapakka verkalýðshreyfingar-
innar og stjórnvalda. Í lögunum var miðað
við að reyna að ná því marki að þriðjung-
ur þeirra lána sem færu til íbúðarhús-
næðis yrði til félagslegra bygginga, kallað
verkamannabústaðir. Hvað var það? Til
íbúða í verkamannabústöðum voru lánuð
90 prósent kostnaðar í flestum tilvikum,
en í undantekningartilfellum 100 prósent.
Þessi lán voru til langs tíma, 40 ára, og
þau báru lága vexti. Vextirnir voru lægri
en almennt gerðist því ríkissjóður borgaði
vaxtamuninn.
Nú skilja allir allt í einu að það hefði
verið betra að hafa svona kerfi. En hvern-
ig? Það er mikið skrifað og talað en það
er ekki farið í saumana á því hvernig á að
fjármagna breytingarnar. Það mætti gera
svona:
Lífeyrissjóðirnir lána húsnæðisstofn-
un/íbúðalánasjóði fjármuni til að byggja
félagslegt húsnæði í stórum stíl. Segjum
að það verði ákveðið að byggja 1.000 íbúð-
ir til að byrja með. Þær kosta um það bil
25 milljónir hver eða alls um 25 milljarða.
Lífeyrissjóðirnir þurfa vexti af þessum
peningum, segjum þrjú til fjögur pró-
sent. Það gerir tíu milljarða á ári miðað
við fjögur prósent, annars 7,5 milljarða.
Þeir sem eignast íbúðir í verkamannabú-
stöðum borga segjum eitt prósent vexti.
Það sem lendir á ríkissjóði eru því um sjö
milljarðar króna, smáaurar miðað við það
sem nú er ausið ómarkvisst í aðra hluta
húsnæðismála. Þetta mætti til dæmis
fjármagna með bankaskatti.
Það er svona átak sem þarf að koma til.
Strax. Þetta kerfi verður ekki opið öllum,
en mörgum og það fer eftir tekjum. Þeir
sem hafa meiri tekjur verða að bjarga sér
sjálfir – af því að þeir geta það vel. Sveit-
arfélögin verða að koma að þessu máli til
dæmis með því að leggja til ókeypis/ódýr-
ar lóðir. Íbúðunum má svo dreifa eftir
stærð sveitarfélaganna. Í hverju sveitar-
félagi þarf úthlutun íbúðanna að vera
sanngjörn og gagnsæ.
Semsé: Strax. Þörfin fyrir íbúðir NÚNA
er ekki teygjanlegt hugtak.
Eigi síðar en strax
HÚSNÆÐI
Svavar Gestsson
fv. félagsmálaráð-
herra
➜ Sveitarfélögin verða að koma
að þessu máli til dæmis með því
að leggja til ókeypis/ódýrar lóðir.
Íbúðunum má svo dreifa eftir stærð
sveitarfélaganna.
Löður er með
á allan bílinn
Við erum á sex stöðum á höfuðborgarsvæðinu
www.lodur.is - Sími 544 4540
Rain-X býður upp á fullkomna yfirborðsvörn
Rain-X verndar bílinn, eykur útsýni og öryggi
Hreinn bíll eyðir allt að 7% minna eldsneyti
Í
síðustu viku sló Illugi Gunnarsson út af borðinu hugmyndir
starfsmanna menntamálaráðuneytisins um að nemendum
sem ljúka framhaldsskólaprófi yrði gefin umsögn sem
sneri að persónuleika þeirra, siðferði og lífsskoðunum. Í
gær sagði Fréttablaðið frá því að sambærilegar hugmyndir
hefðu ratað inn í nýja aðalnámskrá grunnskóla, sem tekur gildi
á næsta skólaári. Gildistöku ákvæða hennar um breytt námsmat
hefur reyndar verið frestað til
vors 2016.
Samkvæmt nýja námsmatinu
á að gefa einkunnir í bókstöfum,
frá A til D, fyrir ýmsa þætti sem
snúa að færni nemenda. Þar á
meðal eru hlutir eins og hvort
fólk geti „tjáð hugsanir sínar,
hugmyndir og tilfinningar á
skipulegan, skýran og viðeigandi hátt“, hvort það hafi „skýra
sjálfsmynd“, hvort það geti „nýtt hæfni sína til að vera virkur
og ábyrgur borgari í lýðræðislegu samfélagi“, verið „meðvitað
um siðferðislegt gildi ábyrgrar netnotkunar“ og tekið „ábyrgð á
eigin samskiptum á neti og netmiðlum“.
Í námskránni stendur reyndar líka að matsniðurstöður eigi
að byggja á „traustum gögnum“. Hver eru eiginlega gögnin
sem hjálpa kennurum að ákveða hvort nemandi sé upp á A eða
D sem virkur og ábyrgur borgari í lýðræðissamfélagi? Og eiga
nemendur endilega að tjá tilfinningar sínar í skólanum? Hafa
kennarar minnstu hugmynd um hvort þeir taka ábyrgð á sjálfum
sér á netinu – og hvort sú ábyrgð er upp á B eða C?
Þetta er því miður bull, eins og því miður svo margt annað
sem frá menntamálaráðuneytinu kemur. Á bak við liggur sú
fallega hugsun að skólinn eigi að búa fólk undir lífið með því að
kenna því fleira en hefðbundnar námsgreinar. Hún er út af fyrir
sig góðra gjalda verð. Hlutverk grunnskólans hefur klárlega
breikkað á undanförnum árum.
Það verða hins vegar í fyrsta lagi að vera til einhverjar
haldbærar aðferðir til að mæla árangur skólastarfsins. Eins og
skólastjórnendur í Réttarholtsskóla, sem rætt var við í Frétta-
blaðinu í gær, benda á hlýtur að vera þrautin þyngri fyrir hóp
kennara að gefa nemanda siðferðiseinkunn, því að kennararnir í
hópnum geta haft mjög ólíkt siðferðismat. Þeir ættu hins vegar
að öllum líkindum auðvelt með að meta hvort fólk hafi náð
árangri í stærðfræði eða ensku, út frá frammistöðu í prófum og
verkefnum.
Í öðru lagi er hætta á að með svona æfingum missi grunn-
skólinn sjónar á meginverkefni sínu; að kenna fólki grunnfærni
í viðurkenndum námsgreinum. Það er ekki hlutverk skólans að
ala fólk upp, heldur foreldranna. Og út af fyrir sig út í hött að
skólinn gefi einkunn um það hvernig til hefur tekizt hjá forráða-
mönnum sextán ára unglinga. Þessi þróun er sömuleiðis líkleg til
að ýta enn undir það viðhorf hjá sumum foreldrum að hægt sé að
ýta uppeldinu yfir á herðar kennaranna og vera sjálfur stikkfrí.
Í þriðja lagi hlýtur það enn að dreifa kröftum kennara, sem
þegar eru störfum hlaðnir, að eiga að fara að meta persónuleika
og siðgæði fólks út frá litlum eða engum gögnum. Kennarar
hljóta í raun að afþakka það verkefni.
Menntamálaráðherra boðar að nýja námsmatið verði endur-
skoðað. Það virðist engin vanþörf á því.
Hvernig á að framkvæma nýja námsmatið?
D mínus í siðgæði
Fiskistofu leyfist flest
Ásmundur Friðriksson, þingmaður
Sjálfstæðisflokksins, gagnrýndi
starfsaðferðir Fiskistofu á þingi.
Fiskistofa legði hald á heimilisbók-
hald, persónulegt bókhald eigenda
og starfsmanna en svo viti enginn
hvað verði af persónulegum
gögnum sem tekin séu í til-
efnislausum og árangurs-
lausum rannsóknum.
Sigurður Ingi Jóhannsson
landbúnaðarráðherra
svaraði Ásmundi og sagði
að það væri nauðsynlegt
að skoða sérstaklega
rannsóknarheimildir
og úrskurðarvald
Fiskistofu.
Hefur stórt hlutverk
Fiskistofu er ætlað stórt hlutverk sem
er að sjá til þess að auðlindin sé nýtt
skynsamlega og menn fari eftir þeim
leikreglum sem settar hafa verið. Það
hlýtur því að þurfa að binda í lög að
Fiskistofa verði að fá dómsúrskurð
áður en hún ræðst inn á
heimili og í fyrir-
tæki og leggur
hald á þau gögn
sem þar er að
finna. Jafn-
framt hljóta
að þurfa að
vera skýrar
reglur um hvernig farið sé með slík
gögn og skil á þeim til réttra eigenda.
Sá engin vinnugögn
Frostamálið verður sífellt vandræða-
legra og ekki til þess að auka virðingu
Alþingis. Frosti Sigurjónsson, for-
maður efnahags- og viðskiptanefndar
Alþingis, hefur sett fram mismunandi
skýringar á því hvernig upphæð
frískuldamarks var fundin upp, en
margir telja að ákveðið hafi verið
að hafa upphæðina 50 milljarða
til að hygla MP banka. Vilhjálmur
Bjarnason, Sjálfstæðisflokki, sem
situr í efnahags- og viðskiptanefnd
sagði á Alþingi í gær að hann vissi
ekki hvernig upphæðin hefði verið
ákveðin. Hann hefði ekki séð nein
vinnugögn um málið.
johanna@frettabladid.is