Fréttablaðið - 23.01.2014, Blaðsíða 62

23. janúar 2014 FIMMTUDAGUR| MENNING | 46
– fyrir lifandi heimili –
R e y k j a v í k o g A k u r e y r i
E I T T S Í M A N Ú M E R 5 5 8 1 1 0 0
w w w . h u s g a g n a h o l l i n . i s
Riii i i i i isa
AFSLÁTTUR
%
I FU
LLU

ÖRI FJ
ÚTSALA
60
ALLT AÐ
LARAMIE Hornsófi.
Brúnt microfiber. D: 95 H: 95 L: 250x250 cm.
359.990
FULLT VERÐ: 449.990
20%
AFSLÁTTUR
20-30%
AFSLÁTTUR
LA-Z-BOY
„Fresca þykir mér einstaklega smart
og góður drykkur, þá sérstaklega
þegar ég er í bíó.“
Arnaldur Ernst
leikari
DRYKKURINN
Mynd sem Ása Helga Hjörleifs-
dóttir hyggst gera eftir bókinni
Svaninum eftir Guðberg Bergs-
son var valin á Berlinale Co-pro-
duction-markaðinn.
„Vonandi leiðir þetta til þess að
við getum farið í tökur fljótlega,“
segir Ása Helga. Vintage Pict-
ures framleiðir myndina. Hand-
ritið er tilbúið, en markaðurinn
gerir Ásu kleift að kynna sig fyrir
hugsanlegum meðframleiðend-
um að myndinni. „Berlinale Co-
production er einn stærsti kvik-
myndamarkaður í Vesturheimi.
Það væri óskandi að við nældum
okkur í útlenska meðframleiðend-
ur á þessum markaði.“
Ásu hefur lengi langað að gera
kvikmynd eftir þessari bók. „Það
gerðist eitthvað þegar ég las þessa
bók sem varð til þess að mig lang-
aði að gera bíómyndir. Þessa bak-
sögu gat ég notað í sumar þegar
ég var að berjast fyrir réttinum til
þess að gera myndina.“
Ása Helga þurfti að keppa um
réttinn að bókinni við aðra kvik-
myndagerðarmenn. „Núna síðast
sóttust erlendir kvikmyndagerð-
armenn eftir réttinum, en ég naut
trausts Guðbergs fyrir þessu verk-
efni. Hann hefur verið mér hlið-
hollur frá upphafi. Ég hef unnið að
handritinu frá því ég var að læra
kvikmyndagerð við Columbia-
háskólann.“
Ása Helga segir að líklega hafi
Guðbergur tengt sig við eitthvað í
handriti hennar. „Það er ekki síst
existensíalisminn í bókinni sem
heillaði mig og ég reyni að halda
honum í handritinu. Annar þráð-
ur í bókinni hans sem ég reyni að
miðla í handritinu eru ákveðnar
hliðstæður í náttúru mannsins og
í náttúrunni umhverfis manninn.“
„Ég ætla mér að nýta möguleika
kvikmyndaformsins. Í sögunni er
mikið af innri einræðum hjá aðal-
persónunni sem er níu ára barn.
Það er krefjandi að breyta því í
myndmál, en ég hef ýmsar hug-
myndir.“
Alls eru 39 verkefni alls staðar
að úr heiminum valin á Berlinale.
Þar af eru tíu myndir sem eru
fyrstu myndir leikstjóra í fullri
lengd. Svanurinn verður fyrsta
kvikmynd Ásu í fullri lengd, en
hún hefur áður gert stuttmyndina
Ástarsögu. „Af þessum tíu eru
þrjár valdar sem þykja sérstak-
lega efnilegar. Ég fékk að vita
það í gær að Svanurinn er ein af
þeim. Ástarsaga hefur hjálpað
mér við að sanna mig sem leik-
stjóri, hún hefur farið víða og
fengið mörg verðlaun, og hún
hefur vafalaust hjálpað óbeint
til við að koma Svaninum inn á
hátíðina.“ ugla@frettabladid.is
Barðist um réttinn
að Svani Guðbergs
„Það gerðist eitthvað þegar ég las þessa bók sem varð til þess að mig langaði að
gera bíómyndir,“ segir Ása Helga Hjörleifsdóttir um mynd eft ir bókinni Svanur-
inn eft ir Guðberg Bergsson. Myndin var valin á Berlinale Co-production.
KEPPNISMANNESKJA Ása Helga Hjörleifsdóttir lærði kvikmyndagerð við Columbia-
Háskólann í New York. FRÉTTABLAÐIÐ/PJETUR
„Þessi tónlist er í miklu uppáhaldi
hjá mér og ég held það sé ansi erf-
itt að fi nna manneskju sem fílar
ekki Led Zeppelin,“ segir Smári
Hrólfsson, einn eigenda viðburða-
fyrirtækisins Dægurfl ugunnar,
sem skipuleggur tónleika til
heiðurs Led Zeppelin í Eldborgar-
sal Hörpu 21. mars.
Hljómsveitin sem ætlar að
setja sig í spor Zeppelin er sett
saman af Þóri Úlfarssyni tón-
listarstjóra og er valinn maður
hverju rúmi.
„Við ákváðum að halda þessa
tónleika eftir velgengni ELO-
heiðurstónleikanna
sem voru á síðasta ári.“
Dægurfl ugan leggur
fi mm hundruð krónur
af hverjum miða til
Mottumars. „Við viljum
bara styrkja gott mál-
efni.“
„Allir sem koma að
þessu hafa brennandi
áhuga á tónlist Zeppelin
þannig að allir leggja sig sér-
staklega mikið fram,“ bætir
Smári við.
Led Zeppelin er af mörgum
talin ein áhrifamesta rokkhljóm-
sveit allra tíma. Sveitin
er meðal vinsælustu
listamanna heims og hafa
selst um þrjú hundruð
milljón plötur á heims-
vísu.
Á þessum tónleikum
verða spiluð bestu lög
þessarar frábæru hljóm-
sveitar. Um sönginn
sjá rokkararnir Eiríkur
Hauksson, Eyþór Ingi Gunn-
laugsson og Stefán Jakobsson.
Miðasala hefst í dag klukkan
12 á hádegi.
- glp
Landsliðið leikur Led Zeppelin
Tónleikar til heiðurs einni virtustu rokksveit sögunnar haldnir í mars.
EIRÍKUR
HAUKSSON
„Það er í raun leiðinlegt hvað það
eru miklu fleiri strákar í þessu en
stelpur. Ég held samt að stelpur
séu alveg jafn mikið fyrir þetta,“
segir Aðalborg Birta Sigurðardótt-
ir, en hún er 21 árs gamall húðflúr-
nemi á Húðflúrstofu Norðurlands.
Hún hefur alltaf haft mikinn
áhuga á því að teikna og mála en
fann sig ekki í skóla.
„Ég fann mig aldrei í skóla
því ég vildi bara teikna. Mamma
sem er lögfræðingur og fín frú,
kom til mín einn daginn og sagð-
ist hafa hugsað þetta út og inn og
sagði mér að fara læra að flúra.
Það kom mér pínu á óvart en hún
styður mig í öllu saman,“ útskýrir
Aðalborg Birta.
Hún segist jafnframt ætla að
flúra móður sína og föður á næst-
unni. „Mamma er komin með hug-
mynd að flúri og pabbi ætlar líka
að fá sér flúr hjá mér.“
Hana langaði mikið til þess að
fara til Taílands að læra flúrun
en það var mjög kostnaðarsamt.
„Það er boðið upp á svona nám víðs
vegar en það kostar alltaf slatta,“
segir Aðalborg Birta, sem er mjög
sátt við sig á Húðflúrstofu Norður-
lands.
Í húðflúrgerð má ekkert klikka.
„Þetta er mjög erfitt og mun erfið-
ara en ég hélt, en Jón Óli er frábær
kennari.“
Aðalborg Birta er komin með
læksíðu á Facebook og náði sér í
yfir sex hundruð læk á tæpum sól-
arhring. „Ég er ótrúlega ánægð og
þakklát með viðtökurnar.“
- glp
Flúrar bæði pabba og mömmu
Aðalborg Birta Sigurðardóttir húðfl úrnemi fann sig í fl úrinu en ekki í skólanum.
FAGURKERI OG FLÚRARI Aðalborg
Birta Sigurðardóttir, húðflúrnemi á
Húðflúrstofu Norðurlands. MYND/EINKASAFN