Fréttablaðið - 23.01.2014, Blaðsíða 32
BÍLAR
FRÉTTABLAÐIÐ
4 23. janúar 2014 FIMMTUDAGUR
INNRÉTTINGIN
Innrétting bílsins hefur
tekið framförum en á
ennþá nokkuð í land í
samanburði við
lúxusjeppana.
STÓRT SKOTT
Einn af stærstu kostum
Land Cruiser er gríðarstórt
farangursrýmið og þar
slær hann flestum við.
3,0 L. DÍSILVÉL, 190 HESTÖFL
Fjórhjóladrif
Eyðsla 8,2 l./100 km
í bl. akstri
Mengun 217 g/km CO2
Hröðun 11,7 sek.
Hámarkshraði 175 km/klst
Verð 9.920.000 kr.
Umboð Toyota á Íslandi
● Torfærugeta
● Stærð
● Búnaður
● Lítið afl
● Aksturseiginleikar
● Lágstemmd innrétting
TOYOTA LAND
CRUISER 150
TOYOTA LAND CRUISER 150
Finnur Thorlacius reynsluekur
L
itlar breytingar hafa
orðið á Íslandsbílnum en
þó allar góðar og áfram
má búast við að Land
Cruiser höfði mjög til
landans.
Það vekur alltaf at-
hygli er breytingar verða á þeim
jeppa sem Íslendingar hafa tekið
hvað mestu ástfóstri við, Toyota
Land Cruiser. Hann kemur nú and-
litslyftur af árgerð 2014 en það skal
strax áréttað að breytingarnar eru
hvorki mjög sýnilegar né miklar.
Ógn og býsn eru til af Land Crui-
ser á Íslandi og helgast það af
tvennu: Hann hefur selst feikilega
vel í gegnum árin og hann endist
von úr viti. Ef til vill er það hans
helsti kostur og ástæða þess að
Íslendingar hafa kosið hann um-
fram jeppa í lúxusflokki sem eru
þó á sambærilegu verði. Annar
mjög stór kostur við Land Cruiser
er að hann er enn byggður á grind
og því hægt að breyta honum,
hækka og setja undir stærri dekk.
Það á við um fáa jeppa í dag en
er okkur Íslendingum mikilvægt.
Þannig hefur það verið öll þau 62
ár sem Land Cruiser hefur verið
framleiddur, en fáar bílgerðir eiga
lengri og farsælli sögu en sam-
tals hefur Land Cruiser selst í yfir
fimm milljónum eintaka.
Lítil útlitsbreyting
Að utanverðu er það helst fram-
endinn sem breyst hefur á bílnum
og bæði grillið og framljósin hafa
stækkað og standa þau eftirtekt-
arvert langt út úr bílnum. Fram-
stuðarinn er líka heilmikið breytt-
ur. Mesta breytingin er þó fólg-
in í nýrri og flottari innréttingu þó
svo hún ná ekki fegurð innréttinga
lúxusjeppanna. Innrétting bílsins,
sem hefur fengið nokkra yfirhaln-
ingu, er enn þá frekar látlaus og
sterkleg og á ansi langt í keppinaut-
ana hvað fríðleika varðar. Allt er
frekar klossað og nútíminn virðist
ekki enn genginn í garð hjá hönn-
uðum hennar. Allt það nauðsyn-
legast er þó að finna þar, allt svín-
virkar og virðist sem fyrr jafn vel
smíðað. Sætin er góð og auðvelt að
finna góða akstursstöðu og útsýnið
úr bílnum er alveg frábært. Rými í
aftursæti er líka mjög gott og sætin
þar ágæt. Farangursrýmið í bílnum
er einn af stærstu kostum hans og
hann flytur heil ósköp ef aftursæt-
in er lögð niður. Það kom hressilega
á óvart hvað hljómkerfi bílsins er
gott með sína níu hátalara og gott
var að stjórna því á stórum upplýs-
ingaskjánum. Þar er einnig að finna
mjög fínt upplýsingakerfi bílsins
sem heitir nú Toyota Touch 2.
Ekki mikið afl
Sama 3,0 lítra dísilvélin er í bílnum,
190 hestafla, sem fæst bæði með
6-gíra beinskiptingu og 5-þrepa
sjálfskiptingu. Bílinn má einnig fá
með 4,0 lítra og sex strokka bens-
ínvél sem er 249 hestöfl. Dísilvél-
in sem flestir velja mengar nú 9%
minna en áður þótt hestaflatalan sé
sú sama. Bíllinn er á 17 tommu ál-
felgum og VX útgáfan á 18 tommu
álfelgum. Land Cruiser er vel búinn
bíll tæknilega og drifbúnaðurinn
mjög góður sem fyrr. Fyrir vikið er
hann mjög seigur torfærubíll eins
og Íslendingar þekkja svo vel. Þar á
hann sér vart jafningja þó svo bílar
Land Rover séu harðir samkeppnis-
aðilar þar. Bíllinn er með sítengdu
fjórhjóladrifi, stöðugleikastýr-
ingu, góðri spólvörn og vökvastýrð-
um hemlum. Allt virkar þetta með
miklum sóma og því verður einkar
fyrirhafnarlítið að aka bílnum þó
svo færðin sé erfið. Í Land Cruiser
eru nú komnar fjórar myndavél-
ar sem gefa ökumanni fullkomna
yfirsýn yfir umhverfi bílsins sem
oft kemur sér vel á svo stórum bíl.
Bíllinn er líka með stöðugleikastýr-
ingu fyrir aftanívagna sem skynj-
ar hvort eftirvagninn sveigist til
og lagar bíllinn sig eftir því. Þetta
kerfi á eftir koma mörgum vel hér
á landi þar sem títt er að eigendur
bílsins noti hann til dráttar.
Ágætur í akstri en ekki fi mur
Akstur Land Cruiser er ánægju-
legur þótt fyrir því finnist hversu
stór og þungur bíllinn er. Hann
er enn með nokkuð groddalegar
hreyfingar, en engu að síður finn-
ur ökumaður fyrir miklu öryggi
við akstur hans. Land Cruiser á
langt í land í fimi í samanburði
við margan jeppann, en hann er
einfaldlega ekki hugsaður sem
sportjeppi, hann er frekar traust
vinnutæki, alger þjarkur sem
skilar fólki á áfangastað hvern-
ig sem færðin er án þess að bila
á leiðinni. Það kunna Íslending-
ar að meta og þess vegna selst
hann svo vel. Vélin telst langt því
frá öflug fyrir svo stóran bíl en
góð sjálfskiptingin í bílnum hjálp-
ar þó til. Það er erfitt að flýta
sér mjög á þessum bíl en hugg-
un harmi gegn að vita að maður
kemst ávallt á áfangastað. Eitt af
því sem alltaf hefur talist til mik-
illa kosta Land Cruiser er hversu
góður bíllinn er í endursölu og
hann heldur virði sínu ótrúlega
vel og selst á háu verði þó svo um
eldri gerðir hans sé að ræða. Bíll-
inn er jú ódrepandi og því eru
svo margir enn þá á götunum og
safna enn þá háum tölum á akst-
ursmælinn. Land Cruiser er því
alltaf góð kaup, en sannarlega
ekki bíll sem höfðar til þeirra
sem kjósa akstursgetu umfram
annað. Verð Land Cruiser í sinni
ódýrustu útgáfu er 9.920.000 og
þar slær hann við flestum öðrum
jeppum en Land Rover Dis covery
kostar um 1.400.000 krónum
meira og Audi Q7 ríflega þrem-
ur milljónum meira. Verðlækk-
un á nýjum BMW X5 gerir það
að verkum að hann stendur Land
Cruiser næst í verði og er nú um
hálfri milljón dýrari.
TRAUSTUR ÞJARKUR SEM FYRR
Litlar breytingar en þó allar góðar og áfram má búast við að Land Cruiser höfði mjög til landans.