Fréttablaðið - 23.01.2014, Blaðsíða 52
23. janúar 2014 FIMMTUDAGUR| MENNING BÍÓ | 36
Vefsíðan Mental Floss hefur tekið saman lista yfir þær
kvikmyndir í sögunni sem hafa þénað minna en fjögur
hundruð dollara, 46.500 krónur. Hafa þessar myndir farið
svo lágt að flestir vita ekki einu sinni að þær eru til.
Í fyrsta sæti á þessum vafasama lista er myndin ZYZ-
ZYX Road frá árinu 2006 sem skilaði aðeins þrjátíu doll-
urum í kassann, tæplega 3.500 krónum. Aðalhlutverkin í
þeirri mynd voru í höndum Tom Sizemore og Katherine
Heigl.
Í öðru sæti er myndin Storage 24 frá síðasta ári sem þén-
aði aðeins meira, 72 dollara, rúmlega átta þúsund krónur. Í
því þriðja er Dog Eat Dog frá árinu 2009 með áttatíu doll-
ara í hagnað, 9.300 krónur. Vera hennar á listanum er und-
arleg því hún vann til ýmissa verðlauna og fékk fleiri til-
nefningar á kvikmyndahátíðum um heim allan. - lkg
Myndirnar sem skiluðu afar litlu í kassann
Vefsíðan Mental Floss hefur tekið saman lista yfi r kvikmyndir sem hafa þénað minna en 400 dollara.
● The Objective (2009) - $95 millj.
● The Ghastly Love of Johnny X
(2012) - $117 millj.
● Pretty Village, Pretty Flame
(1998) - $211 millj.
● Playback (2012) - $264 millj.
● Intervention (2007) - $279 millj.
● Trojan War (1997) - $309 millj.
● The Marsh (2007) - $336 millj.
➜ Aðrar myndir
á listanum
ENGIN VELGENGNI ZYZZYX Road þénaði nánast
ekkert.
Leikkonan Mariska Hargitay er
fimmtug í dag
Hún er hvað þekktust fyrir leik í sjónvarps-
þáttunum Law & Order: Special Victims Unit.
Ellismellir
og eltingarleikur
Last Vegas, gamanmynd
Þeir Paddy, Archie, Sam og Billy hafa
í gegnum árin brallað mikið saman
og mynduðu á æskuárunum gengi
sem engum var óhætt að abbast
upp á. Hins vegar var eitt sem þeir
höfðu alltaf ætlað að gera en komu
aldrei í verk og það var að skella
sér saman til gleðiborgarinnar Las
Vegas og mála bæinn rauðan. Það
tækifæri kemur hins vegar þegar
Billy tilkynnir hinum þremur að hann
hyggist loksins kvænast og býður
þeim að koma með sér til Vegas að
fagna tímamótunum og halda ærlegt
steggjapartí.
Stórleikararnir Robert De Niro,
Morgan Freeman, Kevin Kline og
Michael Douglas leika æskuvinina
fjóra.
Jack Ryan: Shadow Recruit,
hasarmynd
Þegar Jack Ryan kemst á snoðir um
áform Rússa nokkurs, Victors Cherevin,
um að lama efnahag Bandaríkjanna
og heimsins alls með úthugsuðum
hryðjuverkaárásum ákveður hann að
fara til Rússlands, mæta óþokkanum
augliti til auglitis og freista þess að
koma í veg fyrir að áætlun hans nái
fram að ganga.
Þetta er sannkölluð
hættuför þar sem Jack á
viðbrögðum sínum og þjálfun
lífið að þakka, en verkefni
hans verður ekki auðveldara
þegar hann kemst
að því að eignkona
hans, Cathy Ryan,
hefur án hans
vitundar einnig
ákveðið að fara til
Rússlands í þeirri
von að geta
hjálpað til.
Chris Pine
leikur Jack Ryan
en meðal ann-
arra leikara eru
Keira Knightley,
Kevin Costner og
Colm Feore.
FRUMSÝNINGAR
Andstæður mætast í bíó
AFMÆLISBARN DAGSINS
Megan Ellison er orðið eitt þekkt-
asta nafnið í Hollywood og einn
eftirsóttasti fjárfestirinn vestan
hafs. Hún er aðeins 27 ára gömul
en hefur á síðustu þremur árum
sett peninga í
kvikmyndir
sem hafa sam-
tals fengið
35 Óskars-
tilnefning-
ar. Sautján
af tilkynn-
ingunum 35
komu í hús
nú fyrir
stuttu þegar tilnefningarnar
til Óskarsverðlaunanna voru
tilkynntar, fyrir myndirnar
Ameri can Hustle, Her og The
Grand master sem allar voru fjár-
magnaðar af Megan.
Megan er dóttir milljarðamær-
ingsins Larrys Ellison, fram-
kvæmdastjóra Oracle. Samkvæmt
tímaritinu Forbes eru auðævi
föður hennar metin á 42 milljarða
Bandaríkjadala sem gerir hann
að þriðja ríkasta manni Ameríku.
Mennirnir sem ná að skáka honum
eru Warren Buffett, framkvæmda-
stjóri Berkshire Hathaway, og Bill
Gates, stofnandi Microsoft. Megan
er því hluti af hópi ungra frum-
kvöðla vestan hafs sem eru með
ansi djúpa vasa og er hún óhrædd
við að taka mikla áhættu. Góð
dæmi um það eru myndirnar
Zero Dark Thirty og The Master
sem stóru myndverin höfnuðu.
Þessar tvær myndir gerðu það
að verkum að Megan og fyrir-
tæki hennar, Annapurna
Pictures, varð eitt það eftir-
sóttasta í kvikmyndabrans-
anum.
The Master, Zero Dark
Thirty og American Hustle
eru allar myndir með miðl-
ungsháan framleiðslukostn-
að á Hollywood-kvarðanum,
í kringum fjörutíu milljónir
Bandaríkjadala, tæplega fjóra
og hálfan milljarð króna. Þær
hafa samt sem áður skilað sam-
tals 290 milljónum dollara í miða-
sölutekjur á heimsvísu, tæplega
fjörutíu milljörðum króna.
Það eru ekki aðeins framleið-
endur sem eru sólgnir í peninga
Megan heldur vilja handritshöf-
undar og leikstjórar ólmir vinna
með þessari kjarnakonu þar sem
hún dembir sér í þau verkefni
sem hún tekur sér fyrir hendur
af fullum krafti.
Þá hefur Megan ákveðið að
endurvekja eina vinsælustu bíó-
seríu í sögu Hollywood – The
Terminator. Hún borgaði tuttugu
milljónir Bandaríkjadala, rúma
tvo milljarða króna, árið 2012 til
að tryggja sér réttinn að myndum
um Tortímandann í framtíðinni
og að Arnold Schwarzenegger
myndi leika hann eins og hann
gerði áður.
Megan er afar annt um að
vernda einkalíf sitt og gaf engin
viðtöl þegar í ljós kom að mynd-
ir hennar hefðu hlotið sautj-
án tilnefningar til Óskarsverð-
launanna. Það eina sem hún gerði
var að tísta eftirfarandi: „17.“
liljakatrin@frettabladid.is
Fjárfestirinn sem raðar inn
tilnefningum til Óskarsins
Megan Ellison er nafn sem vafalaust fáir kannast við hér á landi. Hún er fj árfestirinn á bak við margar af
bestu myndum síðasta árs, þar á meðal American Hustle og Her. Megan er 27 ára og á mikilli uppleið.
SIGURFÖR Hér með leikurum í American Hustle.
EFTIRSÓTT
Það er slegist um Megan.
FRÉTTABLAÐIÐ/GETTY IMAGES
STÆRSTI HÚSNÆÐISVEFUR
LANDSINS
asteignir.is er stærsti og ítarlegasti húsnæðisvefur á Íslandi, með yfir 12.000 eignir á skrá.F
Eini vefurinn með allar sölueignir á skrá
Lifandi og uppfærður leiguvefur
Fjölbreyttar upplýsingar í boði fyrir kaupendur, seljendur og leigjendur
Opin hús, myndasýningar og þjónustusíður fyrir húseigendur
ú færð góð ráð um fasteignaviðskipti og aðstoð við leigu á íbúð.Þ
ú finnur draumaeignina þína á fasteignir.is.Þ