Fréttablaðið - 05.03.2014, Blaðsíða 17

www.visir.is Sími: 512 5000 | Miðvikudagur 5. mars 2014 | 22. tölublað | 10. árgangur
LEIGUFÉLAG AÐ
SKANDINAVÍSKRI
FYRIRMYND
➜ Sjóðir á vegum fjármálafyrirtækisins
GAMMA hyggjast byggja um 850
íbúðir á höfuðborgarsvæðinu næstu
þrjú árin.
➜ Gísli Hauksson, forstjóri GAMMA, vill
að liðkað sé til fyrir nýbyggingum á
stærri einingum með minni íbúðum
til hagræðingar fyrir leigjendur.
SÍÐA 6-7
TAKTU GRÆN
U
SKREFIN
MEÐ OKKUR
!
Viðskiptajöfnuður aldrei hærri
Viðskiptajöfnuður Íslands hefur aldrei mælst
hærri á einu ári en í fyrra. Það á við hvort sem
litið er á jöfnuðinn með eða án innlánsstofnana
í slitameðferð. Þá er útkoman mun vænlegri en
búist var við.
Frá þessu var greint í Morgunkorni Íslands-
banka í gær og þar vísað í bráðabirgðatölur
sem Seðlabanki Íslands birti í fyrradag um
greiðslujöfnuð við útlönd á fjórða ársfjórðungi
síðasta árs.
Afgangur mældist á undirliggjandi viðskipta-
jöfnuði á öllum fjórðungum í fyrra, sem hefur
aldrei gerst áður. Í heildina var viðskiptaafgang-
urinn 110,9 milljarðar króna eða 6,2 prósent af
vergri landsframleiðslu. Það er mun betri niður-
staða en Seðlabankinn gerði ráð fyrir í nýjustu spá
sinni. - skó
Langtímafjármögnun tryggð
Marel hefur
tryggt sér fram-
lengingu á lang-
tímafjármögn-
un félagsins. Um
er að ræða fjármögnun sem upphaflega var samið
um í nóvember 2010, að fjárhæð 350 milljónir evra,
eða um 54,5 milljarða króna.
Fimm alþjóðlegir bankar, ABN Amro, ING,
Landsbankinn, LB Lux og Rabobank, koma að fjár-
mögnuninni. Þeir hafa samþykkt að framlengja
gjalddaga hennar um eitt ár. Lokagjalddagi fjár-
mögnunarinnar hefur því verið framlengdur til
nóvember 2017, samkvæmt tilkynningu Marels. - hg
Sömdu um samstarf í Afríku
Creditinfo og fyrirtækið VoLo Africa hafa ákveð-
ið að hefja samstarf í Afríku. Í tilkynningu
Creditinfo segir að fyrirtækið hafi hlotið mikla
athygli fyrir uppbyggingu sína á fjármálamörkuð-
um á þróunarstigi. VoLo hefur hins vegar komið
á fót gagnagrunni um einstaklinga í Senegal og
Gambíu sem byggir á fingraförum þeirra. Unnið
hefur verið að samstarfinu í samráði við og með
stuðningi Þróunarbanka Afríku í þeim tilgangi að
treysta undirstöður og faglega innviði fjármála-
starfsemi í heimsálfunni.
„Aðgangur að lánsfé er ávísun á aukinn hagvöxt
og tilgangurinn með samruna okkar og VoLo er að
tvinna saman áreiðanleg persónuskilríki og fjár-
hagsupplýsingar í þeim tilgangi að auka lánastarf-
semi og faglega áhættustýringu í þessum ríkjum,“
segir Reynir Grétarsson, forstjóri Creditinfo. - fbj