Fréttablaðið - 09.05.2014, Side 24

9. maí 2014 FÖSTUDAGUR| TÍMAMÓT | 24TÍMAMÓT
Þökkum auðsýnda samúð
vegna fráfalls okkar ástkæra
ARTHURS ÞÓRS
STEFÁNSSONAR.
Sérstakar þakkir sendum við starfsfólki
Hrafnistu í Hafnarfirði fyrir góða umönnun.
Áslaug Arthursdóttir Oddgeir Þór Árnason
Nanna Arthursdóttir Guðbergur Þorvaldsson
Þorsteinn Arthursson Guðrún Petra Guðnadóttir
barnabörn og barnabarnabörn.
Elskulegur eiginmaður minn,
faðir okkar, tengdafaðir og afi,
JÓN ÓSKARSSON
fv. stöðvarstjóri Flugleiða í Keflavík,
lést á Landspítalanum við Hringbraut
5. maí. Útförin fer fram frá Bústaðakirkju
mánudaginn 12. maí kl. 13.00.
Hafdís Hlíf Sigurbjörnsdóttir
Björn Jónsson Anna Kristín Daníelsdóttir
Óskar Örn Jónsson Gerður Ríkharðsdóttir
Sigmar Jónsson Birna Björg Másdóttir
og barnabörn.
Elskulegur eiginmaður minn,
BJÖRN ÞORBJÖRNSSON
húsgagnabólstrari
frá Kirkjubæ í Vestmannaeyjum,
Hraunbæ 180, Reykjavík,
lést þriðjudaginn 29. apríl sl.
Útförin hefur farið fram í kyrrþey.
Kristín Vilhjálmsdóttir (Krista)
Okkar ástkæri eiginmaður, faðir,
tengdafaðir og afi,
GUÐMUNDUR JÓNSSON
Hnjúkaseli 11, Reykjavík,
andaðist á heimili sínu miðvikudaginn 7. maí
2014.
Brynja Baldursdóttir
Magnea Guðmundsdóttir Haukur Sigurðsson
Jónína Guðmundsdóttir
Daníel Rafn Guðmundsson Bergrún Lind Jónasdóttir
Tinna Rut, Sigurður, Telma Sif, Sæbjörn Rafn, Brynja Sól
og Saga Lind.
MERKISATBURÐIR
1768 Rannveig Egilsdóttir tekur ljósmóðurpróf, hið fyrsta sem
skráð er hérlendis, að Staðarfelli í Dölum.
1855 Konungur gefur út tilskipun sem lögleiðir prentfrelsi á
Íslandi.
1874 Fyrsti strætóinn dreginn af hestum keyrir um borgina
Mumbai.
1941 Guðrún Á. Símonar söng í fyrsta sinn opinberlega, þá
sautján ára, með danshljómsveit Bjarna Böðvarssonar.
1949 Rainier III. verður Mónakóprins.
1955 Vestur-Þýskaland gengur í NATO.
1964 Verkamannasamband Íslands stofnað.
1974 Rithöfundaþing hefst og rithöfundar sameinaðir í einu
stéttarfélagi, Rithöfundasambandi Íslands.
1977 33 látast í eldsvoða á Polen-hótelinu í Amsterdam og 21
slasast alvarlega.
1982 Fyrsta Íslandsmótið í vaxtarrækt haldið í Reykjavík. Hrafn-
hildur Valbjörnsdóttir og Guðmundur Sigurðsson eru hlutskörpust.
2001 129 fótboltaaðdáendur láta lífið í Accra Sports Stadium-
hörmungunum í Gana.
„Nú eru fimm ár síðan við byrj uðum
á þessu brasi. Þetta var náttúrulega
sjokk fyrir okkur. Þetta gerðist aðeins
hraðar en við hefðum viljað. Í hunda-
árum erum við á besta aldri. Við
erum að komast á grunnskólaaldurinn
og hættir í leikskólagríninu,“ segir
Jóhann Alfreð Kristinsson. Hann skip-
ar grínhópinn Mið-Ísland ásamt þeim
Halldóri Halldórssyni, betur þekktur
sem Dóri DNA, Berg Ebba Benedikts-
syni, Birni Braga Arnarssyni og Ara
Eldjárn. Hópurinn fagnar fimm ára
afmæli sínu um þessar mundir.
„Fyrsta giggið okkar var á skemmti-
staðnum Karamba árið 2009. Það var
rosaskemmtilegt – frítt inn og allt
stappað. Þá var ég í hópnum með Ara,
Bergi Ebba, Dóra og Árna Vilhjálms-
syni. Ég, Ari og Árni vorum allir að
þreyta okkar frumraun í þessu og
þetta var mjög eftirminnilegt og
skemmtilegt kvöld. Bergur og Dóri
höfðu verið með uppistand á Prikinu
nokkrum vikum fyrr þar sem Bergur
talaði að ég held í fjörutíu mínútur og
Dóri í fimmtíu mínútur. Það var ekki
mikið verið að stytta mál sitt á þess-
um tíma. Í minningunni var þetta mjög
þétt þótt það standist örugglega ekki
skoðun í dag,“ segir Jóhann.
Strákarnir þekktust allir fyrir og
var það Bergur Ebbi sem tók sig til og
stofnaði hópinn.
„Hann plataði mig og Ara í þetta og
hafði trú á því að við værum fyndnir
náungar. Ég var ekki viss þegar hann
hafði samband við mig en Ari var til
þannig að ég sló til líka.“
Nokkru síðar hætti Árni í hópnum
og tók Björn Bragi við keflinu árið
2010. Jóhann er gríðarlega ánægður
með þær viðtökur sem hópurinn hefur
fengið á þessum fimm árum.
„Það er ótrúlega gaman hvað þetta
hefur vaxið rosalega og stækkað með
hverju árinu. Ég held að sýninga röðin
okkar núna standi upp úr. Við erum
búnir að fá rúmlega fimmtán þúsund
manns á sýningar í vetur. Þetta er búið
að vera geggjað. Við erum í skýjun-
um,“ segir Jóhann. Þeir félagar halda
einmitt óbeint upp á afmælið í kvöld
þegar þeir sýna tvær lokasýningar af
uppistandinu sínu í Þjóðleikhúskjall-
aranum.
„Það eru aðeins örfáir miðar eftir.
Þetta eru allra síðustu forvöð til að sjá
þessa sýningu okkar,“ bætir Jóhann við
en allt er opið í framtíð Mið-Íslands.
„Bergur Ebbi er að fara í nám til
Kanada í eitt og hálft ár en við höld-
um áfram að grínast og gera eitthvað
skemmtilegt,“ segir Jóhann en vill ekki
gefa upp nákvæmlega hvað það verður.
„Bergur Ebbi hefur verið rosalegur
mótor í þessum hóp. Hann setti hann
saman og fann nafnið. Þessi hópur
hefði aldrei orðið til hefði ekki verið
fyrir Berg Ebba.“
liljakatrin@frettabladid.is
Hættir í leikskólagríninu
Grínhópurinn Mið-Ísland fagnar fi mm ára afmæli sínu um þessar mundir. Fyrsta uppi-
standið var á skemmtistaðnum Karamba sem einn meðlimanna, Jóhann Alfreð Kristins-
son, segir hafa verið eft irminnilega stund. Þeir halda óbeint upp á afmælið í kvöld.
Kvikmynd leikstjórans Alfreds Hitchcock,
Vertigo, var heimsfrumsýnd í San
Francisco á þessum degi árið 1958. Sagan
var byggð á skáldsögunni D’entre les
morts eftir Boileau-Narcejac sem kom út
árið 1954.
Í myndinni leikur James Stewart fyrr-
verandi lögreglumann sem neyðist til
að setjast snemma í helgan stein þar
sem hann þjáist af mikilli lofthræðslu.
Í kjölfarið ræður kunningi hans hann
sem einkaspæjara og biður hann um að
fylgjast með konu sinni.
Myndin er hvað þekktust fyrir að
nota „dolly zoom“, myndavélabrellu
sem brenglar dýptarsýn og skapar áhrif
ruglings og ringulreiðar. Í daglegu tali eru
þessi áhrif oft kölluð Vertigo-áhrifin.
Myndin fékk misjafna dóma þegar
hún var frumsýnd en nú er oft litið á
hana sem eina af klassískum myndum
Hitchcocks. Hún var valin besta mynd
allra tíma í gagnrýnendakönnun British
Film Institute Sight & Sound árið 2012 og
var einnig nefnd ein af bestu myndum
allra tíma af tímaritinu Empire. Á kvik-
myndasíðunni IMDb.com fær hún 8,5 stig
af tíu mögulegum.
ÞETTA GERÐIST 9. MAÍ 1958
Kvikmyndin Vertigo heimsfrumsýnd
Evrópustofa blæs til hátíðartónleika í
Eldborgarsal Hörpu í dag í tilefni Evr-
ópudagsins 2014. Þar verður grísk tón-
list í forgrunni, flutt af Caput- hópnum,
í fylgd Geoffrey Douglas Madge og
Þóru Einarsdóttur, sem og af grísku
rebetiko-hljómsveitinni Pringipessa
Orchestra.
„Leiðarstef tónleikanna verður grísk
tónagleði en Grikkland fer með for-
mennsku í ráðherraráði Evrópusam-
bandsins um þessar mundir. Caput-
hópurinn ríður á vaðið fyrir hlé með
mögnuðum verkum eftir gríska tón-
skáldið Nikos Skalkottas og útfærslum
Maurice Ravel á grískum þjóðlögum.
Caput-hópurinn verður ekki einn á ferð
en með honum koma fram hinn heims-
þekkti ástralski píanóleikari Geoffrey
Douglas Madge ásamt hinni ástsælu
íslensku sópransöngkonu Þóru Einars-
dóttur,“ segir Dóra Magnúsdóttir hjá
Evrópustofu.
Eftir hlé stígur gríska hljómsveitin
Pringipessa Orchestra á svið og leikur
rebetiko-lög eftir þjóðlagaskáldið og
bouzouki-spilarann Vasílis Tsitsánis.
- lkg
Grísk tónagleði leiðarstef
Sérstakir hátíðartónleikar verða haldnir í Hörpu í dag í tilefni Evrópudagsins.
ÞENUR RADDBÖNDIN Þóra Einarsdóttir
flytur grísk þjóðlög í útsetningu Ravel.
Bergur Ebbi hefur verið
rosalegur mótor í þessum
hóp. Hann setti hann saman
og fann nafnið. Þessi hópur
hefði aldrei orðið til hefði
ekki verið fyrir Berg Ebba.
Jóhann Alfreð Kristinsson.
GUÐRÚN Á. SÍMONAR