Fréttablaðið - 27.05.2014, Blaðsíða 20

KYNNING − AUGLÝSINGMótorhjól ÞRIÐJUDAGUR 27. MAÍ 20142
Útgefandi: 365 miðlar ehf., Skaftahlíð 24, s. 512 5000
Umsjónarmenn auglýsinga: Atli Bergmann, atlib@365.is, s. 512- 5457
Ábyrgðarmaður: Jón Laufdal.
FRÆGIR Á MÓTOR
HJÓLUM
Mörgum finnst mótorhjól
vera tákn um töffaraskap
og virðist það vera almenna
viðhorfið í Hollywood. Alla
vega eru þeir þó nokkrir
töffararnir sem þeysa um götur
stjörnuborgarinnar á glæstum
mótorfákum.
Engin Hollywood-stjarna hefur
haft fleiri orð um ást sína á
mótorhjólum en Tom Cruise.
Kvikmyndastjarnan er meira að
segja þekkt fyrir að hafa mætt
á frumsýningar mynda sinna
á einhverju fjölmargra hjóla
sinna. Hann hefur líka skipulagt
áhættuatriði tengd mótor-
hjólum í einhverjum myndum,
til dæmis „Knight and Day“.
Brad Pitt hefur ef til vill ekki
verið eins margorður um
mótorhjólaástina og félagi
hans, Cruise, en þeir virðast
vera álíka áhugasamir um
hjólin. Pitt sést oft á einu af
mörgum mótorhjólum sínum
en hann á safn fornra hjóla.
Fyrir tæpum aldarfjórðungi sá Hilmar Lúthersson mynd af illa förnu mótorhjóli af
gerðinni Matsles 500, árgerð 1946.
Hann falaðist eftir því við eigand-
ann, Stefán Einarsson verktaka á
Siglunesi, en sá vildi síður skilja
við það og Hilmar gaf hjólið upp
á bátinn.
Fjölmörgum árum síðar var
Birgir Guðnason að vinna fyrir
Stefán á Siglunesi. „Ég var að
gera við ýmis tæki og tól fyrir
Stefán enda erum við góðir vinir.
Ég vissi af áhuga Hilmars á hjól-
inu og notaði því alls konar þum-
alskrúfur á Stefán til að fá hjól-
ið,“ segir Birgir glettinn. Að end-
ingu fór svo að Birgir fékk hjólið
og hófst nú mikið ævintýri að
koma því til byggða. „Ég sótti
hjólið á Zodiac-gúmmíbát því út
í Siglunes liggur enginn vegur.
Fyrst þurfti þó að aka hjólinu
í eldgömlum Pajero-jeppa yfir
nesið endilangt til að koma því
niður í fjöru. Þetta var heilmik-
ið ferðalag sem gekk ekki áfalla-
laust enda bráðnaði mótorinn á
miðjum firðinum. Þá var feng-
ið annað stærra skip, hjólið híft
upp í það og loks f lutt á Siglu-
fjörð. Þaðan var því síðan ekið á
Selfoss til Hilmars,“ lýsir Birgir.
Hjólið var illa farið en Birgir
þóttist fullviss um að ef einhver
gæti gert það upp þá væri það
Hilmar sem af flestum er kallað-
ur Tæmerinn. Viðurnefnið er rekið
til þess tíma þegar Sniglarnir voru
stofnaðir. „Við kölluðum hann Old
Timer því hann var mun eldri en
við hinir,“ upplýsir Birgir en Hilm-
ar hefur þann heiðurssess að vera
Snigill númer 1.
„Hjólið var eiginlega ónýtt
þegar ég fékk það og búið að skít-
mixa það á ýmsan hátt,“ segir
Hilmar sem féllust þó ekki hend-
ur þegar hann sá það. „Ég þekki til
svona hjóla og hef gert upp nokkur
slík,“ segir hann og var innan við
ár að gera upp hjólið. Hann við-
urkennir þó að erfitt sé orðið að
fá varahluti í svona gamla fáka.
„Ég þurfti að panta þá héðan og
þaðan, til dæmis frá Ástralíu og
Flórída.“
Matsles 500 mótorhjólið situr
nú ásamt ófáum öðrum fallegum
hjólum í bílskúr Hilmars á Sel-
fossi. Inntur eftir því hversu mörg
hjól sé þar að finna svarar Hilm-
ar með semingi: „Ég er nú eins og
hestamennirnir og þarf að telja til
að vita það. Ég á fjögur eða fimm
hjól sem eru svona gömul og stór
en ætli ég eigi ekki um fimmtán
hjól í allt.“
Upp á síðkastið hefur hann
fengið aukinn áhuga á skellinöðr-
um. „Ætli ég sé ekki genginn í
barndóm aftur,“ segir hann glað-
lega en nýjasta verkefni Hilmars
er Gizmo-skellinaðra. Þá keypti
hann sér um daginn hjól frá Bret-
landi eins og það sem hann byrj-
aði að aka á tólf ára gamall. „Ég
byrjaði ungur að hjóla en síðan
kom stórt hlé sem fór bæði í fjöl-
skyldu og drykkju. Svo rann
brennivínið af manni og þá tóku
hjólin við aftur. Það voru ágæt-
is skipti,“ segir Hilmar glettinn
og bætir við að einu hömlurnar á
þessu áhugamáli sé plássleysið í
bílskúrnum. - sg
Matsles fær nýtt líf
Gamall draumur Hilmars Lútherssonar varð að veruleika þegar Birgir
Guðnason færði honum illa farið flak Matsles 500 mótorhjóls frá 1946.
Hilmar á hinu fallega uppgerða Matsles 500 hjóli. MYND/TRYGGVI SIGURÐSSON
Fyrst þurfti að flytja hjólið í gömlum
Pajero-jeppa niður í fjöru en þar var það
sett í gúmmíbát.
Birgir Guðnason fór á gúmmíbát frá
Siglufirði yfir á Siglunes til að sækja hjólið.
Svo illa vildi til að mótorinn bræddi úr sér
á miðri leið yfir fjörðinn.
MÓTORHJÓLAROKK
Mótorhjól og rokktónlist hafa löngum tengst sterkum böndum.
Bíómyndin Easy Rider, sem frumsýnd var árið 1969, innsiglaði samband
þeirra endanlega en hún skartaði nokkrum stórstjörnum þess tíma, meðal
annars Jack Nicholson, Peter Fonda og Dennis Hopper, í leikstjórn þess
síðastnefnda. Í kvikmyndinni, sem fylgir eftir tveimur mótorhjólaköppum á
ferðalagi, hljóma mörg þekkt rokklög og tónlistarmenn.
Upphaflega hafði framleiðandi myndarinnar ætlað þeim félögum
Crosby, Stills & Nash að semja tónlistina í kvikmyndinni. Þegar þeir hættu
við voru ýmis þekkt og áður útgefin rokklög notuð, þar á meðal eitt helsta
mótorhjólarokklag sögunnar, Born to Be Wild, með bandarísku rokksveit-
inni Steppenwolf. Lagið hljómar undir upphafsatriði myndarinnar, þegar
Fonda og Hopper ríða fákum sínum eftir þjóðveginum, og er órjúfanlegur
hluti þessarar áhrifamiklu bíómyndar. Lagið kom upphaflega út árið 1968
og náði 2. sæti á bandaríska smáskífulistanum. Það hefur síðan hljómað í
mörgum vinsælum bíómyndum og sjónvarpsþáttum undanfarna áratugi.
Mótorhjólasafn Íslands
Krókeyri 2, Akureyri
sími 866 3500
Mótorhjólasafnið
Stórskemmtilegt safn,
fullt af draumahjólum og flóttatækjum
Opnunartímar
Frá 1. júní: alla daga kl. 10-17