Akureyri - 07.03.2014, Síða 11

27. febrúar 2014 8. tölublað 4. árgangur 11
facebook.com/skolahreysti #skolahreystiMENNTA- OG MENNINGARMÁLARÁÐUNEYTIÐ
SKÓLAHREYSTI ER Í BOÐI LANDSBANKANS
ÁFRAM
NORÐURLAND!
Skólahreysti – hreystikeppni allra grunnskóla á landinu er að hefjast.
Grunnskólar á Norðurlandi etja kappi í Skólahreysti miðvikudaginn
12. mars kl.13:00 í Íþróttahöllinni á Akureyri. Það er ókeypis inn og við hvetjum
alla grunnskólakrakka til að mæta. Keppnin verður svo sýnd á RÚV í apríl.
Betra netsamband
Margir viðskiptavina Símans á Akureyri hafa tekið
eftir auknum hraða um netið síðustu daga en Síminn
hefur nú sett fjórðu kynslóð farsímasenda upp í bæn-
um. Síminn er með stærsta 3G dreifikerfi landsins og
býður nú enn meiri hraða yfir 4G kerfið.
„4G sendarnir á Akureyri bætast við öflugt 3G
kerfi Símans í bænum, sem síðasta sumar var upp-
fært í 42 mbps. Þessir nýju 4G sendar ná hins vegar
allt að 100 mbps hraða sem bætir enn upplifunina af
netinu,“ segir Gunnhildur Arna Gunnarsdóttir, upp-
lýsingafulltrúi Símans. Sendarnir standi víðsvegar
um bæinn; við Fjölnisgötu, Glerárgötu, Þingvalla-
stræti og Barnaskólann. a
Græða 138 milljónir
Hagnaður af rekstri Íslenskra verð-
bréfa hf. árið 2013 nam 138 m.kr.
Eigið fé félagsins nam 591 m.kr. í
árslok 2013 og eiginfjárhlutfall,
reiknað samkvæmt 84. grein laga um
fjármálafyrirtæki, var í árslok 35,5%.
Sveinn Torfi Pálsson, fram-
kvæmdastjóri Íslenskra verðbréfa,
segir niðurstöðuna ánægjulega. „Ég
er ánægður með afkomu félagsins
á árinu 2013 og yfirstandandi ár
leggst vel í mig. Eignir í stýringu
námu 112 milljörðum króna í árs-
lok og ávöxtun eignasafna í umsjá
félagsins var með besta móti.“
Íslensk verðbréf eru sérhæft
eignastýringarfyrirtæki sem sinnir
viðskiptavinum um allt land. Félagið
var stofnað árið 1987 og starfsmenn
félagsins eru 16 talsins.
Viðskiptavinir Íslenskra verðbréfa
eru margir af stærstu lífeyrissjóðum
landsins, tryggingarfélög, fyrirtæki,
sveitarfélög og einstaklingar.
Félagið hefur skilað hagnaði
óslitið frá árinu 2002. a
Umhverfis-
vakning í
Mývatns-
sveit
„Mér finnst þetta framfaraskref og
skref í átt að sjálfbærni,“ segir Ólaf-
ur Þröstur Stefánsson, íbúi í Mý-
vatnssveit, en hann er í hópi fólks
sem stendur síðar í þessum mánuði
að stofnun nýs félags, Fjöreggs sem
hefur það að markmiði að vernda
náttúru og umhverfi Mývatnssveitar.
Í tilkynningu frá undirbúnings-
hópi segir að löng hefð sé fyrir notk-
un fuglseggja einkum andareggja í
Mývatnssveit. Rekja megi sjálfbæra
nýtingu á eggjum til matar jafnt
ferskum sem úldnum eða kæstum
allt frá landnámsöld. Nú standi til
að stofna formlega félag, sem hlotið
hefur nafnið Fjöregg, um náttúru-
vernd og heilbrigt samfélag í Mý-
vatnssveit.Sjálfbær umgengni byggi
á öflugri umhverfisvitund, þekkingu
og verndarvilja.
Markmiðum sínum hyggst félagið
ná með því að stuðla að fræðslu um
náttúruvernd, sjálfbærni og heilbrigt
samfélag, vinna að umhverfisumbót-
um á svæðinu, fylgjast með hvers
konar vá sem náttúrunni er búin
af mannlegum inngripum og vekja
athygli á henni. Auk þess mun fé-
lagið hvetja fólk og fyrirtæki til um-
hverfisvænna lífshátta og starfsemi
og vera vettvangur fyrir umræðu og
ályktanir um náttúruverndarmál.
Meðal verkefna eru fyrirhug-
aðir fræðslufundir á vormánuðum
um frárennslismál, sorphirðumál
og fyrirhugaða jarðvarmavirkjun í
Bjarnarflagi. Þessi þrjú mál eru að
sögn Ólafs Þrastar Stefánssonar þau
málefni sem mest brenna á þeim
sem staðið hafa að undirbúningi og
stofnun félagsins.
Margrét
leiðir BF á
Akureyri
Björt framtíð hefur gefið út hverjir
skipa efstu þrjú sætin á framboðs-
listanum til sveitarstjórnarkosninga
í vor. Þau skipa:
1. Margrét Kristín Helgadóttir, lög-
maður og fyrrum varabæjarfull-
trúi
2. Áshildur Hlín Valtýsdóttir,
grunnskólakennari.
3. Preben Pétursson formaður
skóladeildar Akureyrarbæjar.
Eftir því sem næst verður kom-
ist heyrir til undantekninga að tvær
konur skipi tvö efstu sæti á fram-
boðslista í stjórnmálum hér á landi.a