Skessuhorn - 02.10.2013, Blaðsíða 22

22 MIÐVIKUDAGUR 2. OKTÓBER 2013
Þriðjudaginn 15. október er al-
þjóðlegur dagur tileinkaður missi
á meðgöngu og barnsmissi. Hóp-
urinn Englamömmur á Akranesi
stendur fyrir tónleikum þennan dag
í Tónbergi á Akranesi til styrkt-
ar þeim sem missa barn á með-
göngu eða eftir fæðingu. Af því til-
efni hitti blaðamaður tvær mæður
sem tilheyra hópnum, þær Stein-
unni Björgu Gunnarsdóttur og
Hildi Karen Aðalsteinsdóttur. „All-
ir gefa vinnuna sína. Tilgangurinn
er að safna peningum til að bæta
aðstöðuna á sjúkrahúsinu og í kap-
ellunni fyrir þá sem missa börnin
sín. Það verður unnið í samvinnu
við sjúkrahúsið og kirkjuna,“ seg-
ir Steinunn Björg. Á tónleikunum
munu koma fram; Ylja, hljómsveit-
in Þýða, Stúkurnar og fleiri. Enn
eiga nokkrir eftir að staðfesta komu
sína og verður nákvæmari dagskrá
auglýst síðar.
Stuðningshópur fyrir
foreldra
Hópurinn Englamömmur saman-
stendur af mæðrum sem eiga það
sameiginlegt að hafa misst barn,
annað hvort á meðgöngu eða eft-
ir fæðingu. „Þetta er sameigin-
legur vettvangur til að hittast og
spjalla. Það er gott að tala við ein-
hvern sem hefur upplifað það sama.
Þetta er það sem við eigum sameig-
inlegt, stundum er það rætt mikið
og stundum ekki neitt,“ segir Hild-
ur Karen um félagsskapinn Engla-
mömmurnar. „Ef einhverjir eru í
sömu sporum og við og óska eft-
ir að vera með, þá hvetjum við þá
til að hafa samband. Hópurinn er
með Facebook síðu; Englaforeldrar
á Akranesi,“ bætir Steinunn Björg
við. Í fyrra var haldin bænastund í
Akraneskirkju þennan dag og var
góð mæting. „Í ár ætlum við hins-
vegar að eiga notalega stund sam-
an, hlusta á góða tónlist og láta
gott af okkur leiða. Það skiptir okk-
ur máli að þeirra líf verði til ein-
hvers góðs,“ segja þær að endingu.
Eftir tónleikana verður farið upp í
kirkjugarð til að tendra ljós á leið-
um og geta þeir sem vilja farið með
og er fólk hvatt til að setja ljós út
á tröppur um kvöldið til að sýna
stuðning. grþ
Síðastliðinn mánudag héldu nem-
endur Hvanneyrardeildar Grunn-
skóla Borgarfjarðar flóamarkað í
húsnæði skólans að Túngötu. „Að
standa fyrir markaði sem þessum
er í anda þeirrar stefnu sem skól-
inn hefur sett sér með Grænfána-
viðurkenningunni um sjálfsbærni,
þar sem nýtni og virðing fyrir
verðmætum eru í hávegum höfð.
Markmið með þessu framtaki var
einnig að tengja skólann við nær-
samfélag sitt og fjölskyldur nem-
enda. Við þetta tilefni stigu einn-
ig nemendur á stokk og lásu frum-
samdar sögur og ljóð og spiluðu
á hljóðfæri. Á markaðinum var
ýmislegt til sölu; föt, skór, bækur
og leikföng svo eitthvað sé nefnt.
Gestum gafst gullið tækifæri að
gera góð kaup og styðja gott mál-
efni því ágóðinn sem af markaðin-
um hlaust rennur í sjóð til nem-
enda og til góðgerðamála,“ segir í
tilkynningu.
Því má við þetta bæta að 17.
okbóber nk. stendur til að hafa
flóamarkað í Kleppjárnsreykja-
deild GBF. mm
Helgi Daníelsson setti í vikunni
upp ljósmyndasýningu í húsa-
kynnum Bókasafns Akraness.
Hann hefur sinnt ljósmyndun
um áratugaskeið og hefur safn-
að miklum fjársjóði sem hefur
ómetanlegt gildi. Gestum bóka-
safnsins býðst nú að sjá nokkr-
ar af þessum myndum. „Það eru
25 ljósmyndir á þessari sýningu.
Þetta er sitt af hvoru tagi enda
ber sýningin yfirskriftina „Úr
ýmsum áttum.“ Ég tók saman
myndir af mannlífinu á Akranesi
frá löngu árabili. Sú elsta er um
50 ára gömul en yngsta mynd-
in er nýleg. Allar nema tvær eru
teknar af mér,“ segir Helgi. Hann
vonar að fólk hafi gaman af að skoða
afraksturinn.
Helgi er enginn nýgræðingur,
hvorki í ljósmyndun eða sýninga-
haldi. Áður hefur hann í gegnum
árin haldið um 15 ljósmynda-
sýningar og hann lætur hvergi
deigan síga í þeim efnum þótt
hann standi á áttræðu. „Ég var
nýverið með sýningu á Safn-
asvæðinu í Görðum, í skálan-
um þar. Þetta er svo önnur sýn-
ingin sem ég set upp í Bóka-
safni Akraness. Hin var í fyrra.
Þá sýndi ég myndir sem ég tók
í síðustu siglingu Akraborgar
frá Reykjavík til Akraness. Það
er kannski ágætt fyrir fólk að
skoða svona ljósmyndasýningu
þegar það heimsækir bókasafn-
ið og nær sér í lesefni.“ Sýning-
in „Úr ýmsum áttum“ var opn-
uð 27. september. Myndirnar verða
uppi á veggjum Bókasafns Akraness
til 25. október næstkomandi. mþh
Laugardaginn 19. október nk.
verður haldin hópslysaæfing í
Borgarfirði á vegum Rauða kross-
ins í Borgarfirði þar sem m.a. verða
æfð viðbrögð við rútuslysi. „Í kjöl-
far námskeiða sem haldin hafa ver-
ið hjá deildinni í fjöldahjálparstjórn
og sálrænum stuðningi taldi stjórn
tilvalið að halda slíka æfingu. Þegar
hættuástand skapast vegna náttúru-
hamfara eða annarra stórslysa fer
neyðarvarnakerfi Rauða krossins í
gang. Hlutverk RKÍ í almannvörn-
um ríkisins er fjöldahjálp og félags-
legt hjálparstarf sem felst einkum í
því að útvega fæði, klæði og húsa-
skjól og veita upplýsingar til fólks á
neyðarstundu. Allir viðbragðsaðilar
á svæðinu munu taka þátt í æfing-
unni, þ.e. björgunarsveitir, slökkvi-
lið, Heilbrigðisstofnun Vesturlands,
Rauði krossinn og lögregla. Búast
má við allt að 100 manns komi að
æfingunni með einum eða öðrum
hætti,“ segir í tilkynningu.
Skipuð var undirbúningsnefnd
fyrir æfinguna og eru Haukur Vals-
son, Brynjólfur Guðmundsson og
Margrét Vagnsdóttir í henni fyr-
ir hönd Rauða krossins í Borgar-
firði auk þeirra Theódór Þórðar-
son yfirlögregluþjónn í Borgarnesi,
Linda Kristjánsdóttir yfirlæknir á
Heilbrigðisstofnun Vesturlands,
Guðni Eðvarðsson úr svæðisstjórn
björgunarsveita á svæði 4 og Jök-
ull Helgason forstöðumaður fram-
kvæmdasviðs Borgarbyggðar. Jón
Brynjar Birgisson verkefnastjóri hjá
RKÍ hefur verið nefndinni innan
handar og veitt aðstoð og stuðning.
mm
„Þeir eru margir sem eiga þakk-
ir skildar og lögðu okkur lið.
Svo vonum við bara að fólk fjöl-
menni á Sauðamessuna og ekki
síst á ballið um kvöldið, enda
er þar á ferðinni ein besta og
skemmtilegasta ballhljómsveit
landsins,“ segir Hlédís Sveins-
dóttir aðal umsjónarmaður
Sauðamessunnar í Borgarnesi
þetta árið. Messan verður hald-
in í Skallagrímsgarði nk. laugar-
dag. Í yfirskrift dagskrár segir að
þar muni sauðsvartur almúginn
skvetta úr klaufunum. Sauða-
messunni lýkur með balli í reiðhöll-
inni Faxaborg í Borgarnesi. Hvann-
dalsbræður leika þar fyrir dansi fram
á nótt. Sætaferðir verða með Sæ-
mundi frá planinu við Olís, en keyrt
er um Bjargsland og til baka.
Hlédís er ekki óvön að stússast
í kringum Sauðamessuna, ásamt
þeim Gísla Einarssyni og Bjarka
Þorsteinssyni forustusauðunum,
sem höfðu sig minna frammi nú en
áður en Hlédís segist samt hafa not-
ið áfallahjálpar frá þeim. Hún seg-
ir dagskrána núna ekki ósvipaða og
áður. Sauðamessan byrjar eins og
jafnan á því að lausafé frá Geira bak-
ara og fleiri hobbýbænda í Borg-
arnesi er rekið frá dvalarheimilinu
Brákarhlíð niður í rétt við Skalla-
grímsgarð. Þar byrjar hátíðardag-
skrá klukkan 14 og í ár er það gæð-
ingadómarinn og sauðfjárbónd-
inn Sigrún Ólafsdóttir frá Hallkels-
staðahlíð sem verður kynnir. Síðan
rekur hver dagskrárliðurinn annan.
Meðal annars útgáfuteiti bókarinnar
„Sauðfjárrækt á Íslandi.“ Möguleik-
húsið verður með atriði úr barna-
leikritinu Ástarsaga á fjöllum.
Jóhanna María Sigmunds-
dóttir formaður ungra bænda
og þingmaður segir nokk-
ur vel valin orð. Þá mun hún
einnig keppa í læraáti við for-
mann Landssambands sauð-
fjárbænda og fleiri, áður en
formaðurinn flytur hátíð-
aræðu (komi hann upp orði).
Tónlistaratriði verða í boði
sem og kjötsúpa sem Bifhjóla-
fjelagið Raftarnir býður upp
á, en þar er reyndar um sjö
rétta máltíð að ræða. Sérvalið
og hægsoðið lambakjöt, handtíndar
kartöflur og rófur frá Hraunsmúla,
appelsínugular rætur, laukur frá Asíu
og þurrkaðar jurtir. Þetta allt verður
borið fram í íslensku bergvatnsbaði.
Þá verður Sauðamessumarkaður-
inn að sjálfsögðu á sínum stað og
Skátafélag Borgarness verður með
vöfflu- og veitingasölu í skátatjaldi
í Skallagrímsgarði. Að sögn Hlédís-
ar var einmitt núna sem áður leitað
mikið eftir þátttöku félagasamtaka í
Sauðamessunni.
þá
Steinunn Björg og Hildur Karen ásamt Patreki, syni Steinunnar.
Englamömmur ætla að
halda styrktartónleika
Skagamaðurinn Helgi Daníelsson, sem flestir þekkja
sem Helga Dan, hefur nú sett upp nýja ljósmyndasýn-
ingu í Bókasafni Akraness. Hér stendur hann framan
við nokkrar myndanna.
Helgi Dan sýnir ljósmyndir
Frá lærakappáti á Sauðamessu 2012. Ljósm. hlh.
Margt til skemmtunar á
Sauðamessunni á laugardaginn
Flóamarkaður í
Hvanneyrardeild GBF
Sambærileg hópslysaæfing var haldin í Sæmundarhlíð í Skagafirði á síðasta ári.
Ljósm. Feykir.
Hópslysaæfing verður í
Borgarfirði 19. október