Skessuhorn - 13.11.2013, Blaðsíða 12

12 MIÐVIKUDAGUR 13 . NÓVEMBER 2013
Kreppan kom aldrei til Vesturlands
ef mælt er út frá hagvexti landshluta
á árabilinu 2007 til 2011. Fram-
leiðsla dróst hins vegar saman á
Austurlandi, Suðurnesjum og höf-
uðborgarsvæðinu. Þessi svæði mæld-
ust einnig með hraðasta hagvöxt-
inn á þensluárunum sem enduðu
með hruninu haustið 2008. Mesta
hjöðnunin í einum landshluta varð
á Austurlandi. Þar nam hún 15%,
enda höfðu staðið yfir miklar fram-
kvæmdir þar í aðdraganda krepp-
unnar. Samdráttur í byggingafram-
kvæmdum skýrir svo 8% minnk-
un framleiðslu á Suðurnesjum. Fall
fjármálageirans og minni byggingar-
framkvæmdir ullu því að framleiðsla
á höfuðborgarsvæðinu skrapp sam-
an um 8 prósent á árunum 2007 til
2011.
„Á Norðurlandi, Suðurlandi, Vest-
fjörðum og Vesturlandi varð hins
vegar hvorki kreppa né samdráttur
eftir 2007, nema þá í mjög stuttan
tíma,“ segir í skýrslu sem Hagfræði-
stofnun Háskóla Íslands og Þróun-
arsvið Byggðastofnunar hafa tek-
ið saman. Skýrslan ber heitið „Hag-
vöxtur landshluta 2007-2011.“
Mestur varð hagvöxturinn á Vest-
urlandi árið 2011 en það skýrist af
framkvæmdum við stóriðju. Þetta
skýrir einnig að mestu leyti vöxt-
inn á árabilinu 2004 til 2011. Eng-
inn hagvöxtur mældist hins vegar
fyrir árin 2007-2011. Það er bet-
ur sloppið en þegar litið er á landið
sem heild því framleiðslan á Íslandi
dróst saman um 7% á þessu sama
árabili. Annar iðnaður en stóriðja
og fiskvinnsla dróst saman á Vest-
urlandi á þessum árum. Slökkt var
á ofni Sementsverksmiðjunnar á
Akranesi árið 2011 eftir áralangan
samdrátt í starfsemi. Þar störfuðu
90 manns árið 2003.
Annað sem vekur athygli er að
raunbreyting á húsnæðisverði varð
einna mest á Vesturlandi á ára-
bilinu 2007-2011. „Breyting á hús-
næðisverði frá 2007 – 2011 sýn-
ir vel hvernig hugmyndir fólks
um framtíðina breyttust á þessum
árum í hinum ýmsu landshlutum,“
segir í skýrslunni. Hún opinberar
að húsnæðisverð á Vesturlandi hafi
fallið um 31 prósent á þessu árabili.
Það var ein mesta lækkun sem varð
á landinu. Þessi lækkun var svipuð
á Vesturlandi, höfuðborgarsvæðinu
og Austurlandi. Mesta lækkun hús-
næðisverðs varð hins vegar á Suð-
urnesjum eða 35 prósent.
Skýrsluna í heild má finna á
vef Byggðastofunar (http://www.
byggdastofnun.is/).
mþh
Ferðaþjónustan á Vesturlandi hélt
á fimmtudaginn í liðinni viku upp-
skeruhátíð sína fyrir árið 2013 í
gamla skólahúsinu í Reykholti. Um
60 fulltrúar úr ferðaþjónustunni alls
staðar að á Vesturlandi komu saman
til að ræða næstu skref í markaðs-
málum greinarinnar í landshlutan-
um. Það er ljóst að starfsemi Mark-
aðsstofunnar er komin að tímamót-
um. Hún stendur veikum fótum
fjárhagslega og stríðir bæði við fjár-
svelti, taprekstur og gamlar skuld-
ir. Í máli Magnúsar Freys Ólafsson-
ar stjórnarformanns Markaðsstofu
Vesturlands kom fram að heildar-
tap á rekstrinum var alls um 13,2
milljónir króna á árabilinu 2008
til 2012. Tap hefur verið á rekstri
Markaðsstofunnar hvert einasta ár
frá því hún var stofnuð árið 2008,
ef undan er skilið 2010. Þá var
hagnaðurinn 2,3 milljónir. Mest
varð tapið 2009, alls 9,7 milljón-
ir, sem skýrist af því að kostnaður
vegna stofnunar Markaðsstofunn-
ar fór úr böndunum.Taprekstur hin
árin frá stofnun Markaðsstofunnar
hefur ekki snúist um háar fjárhæð-
ir. Það stefnir einnig í lítils háttar
taprekstur á þessu ári. Gamalt tap,
Landbúnaður 3%
Sjávarútvegur 20%
Stóriðja,veitur 20%
Annar iðnaður 6%
Byggingar 4%
Verslun, hótel, veitingar,
samg.
12%
Fjármálafyrirt. og önnur
þjónusta
15%
Opinber þjónusta 19%
Enginn hagvöxtur mældist á Vestur­
landi á árabilinu 2007 til 2011
Þessar hressu síldarstúlkur hjá Agustson í Stykkishólmi starfa innan sjávarútvegsins. Hann er ásamt stóriðjunni og opinberri
þjónustu, burðarásinn í framleiðslunni á Vesturlandi. Saman standa þessar greinar fyrir nálega 60% hennar í landshlut-
anum.
2004 2005 2006 2007 2008 2009 2010 2011 ´04-´11 ´07-´11
4% 11% 4% 1% 9% -4% -6% 2% 18% 0%
Hagvöxtur á Vesturlandi á árunum 2004-2011:
Skipting framleiðslu á
Vesturlandi 2011 eftir
atvinnugreinum
Vilja að Markaðsstofa Vesturlands fari
undir Samtök sveitarfélaga á Vesturlandi
og þá einkum ársins 2009, hcefur
reynst Markaðsstofunni fjötur um
fót. Tekjur sem annars ættu að fara
í markaðsstarf sogast að miklu leyti
í að greiða fjármagnskostnað og af-
borganir af skuldahala fortíðar.
Einhugur um framhald
Þrátt fyrir rekstrarörðugleikana
voru vinnuhópar fundarmanna sem
störfuðu til að fjalla um framtíð
Markaðsstofunnar einhuga um að
starfseminni skyldi haldið áfram.
Að óbreyttu mun Rósa Björk Hall-
dórsdóttir framkvæmdastjóri Mark-
aðsstofunnar hætta störfum um
áramótin. Hún hefur stýrt daglegu
starfi Markaðsstofunnar frá 2011.
Skessuhorn birti 10. október síðast-
liðinn viðtal við Rósu þar sem fram
kom að hún teldi sig hafa neyðst
til að eyða alltof miklum kröftum í
að sinna rekstrarvandamálum. Það
hafi bitnað á starfi hennar að mark-
aðsmálum. Nú væri komið nóg af
slíku. Hún sagði því upp starfi sínu.
Um svipað leyti ákvað stjórn Mark-
aðsstofunnar að leggja stöðu henn-
ar niður þar sem það stefni í breyt-
ingar á starfsemi stofunnar. Fund-
armenn á Uppskeruhátíðinni skor-
uðu á Rósu að halda áfram að starfa
fyrir ferðaþjónustuna á Vestur-
landi.
„Markaðsstofan hefur unnið
ómetanlegt starf á síðustu tveim-
ur árum. Það er mjög mikilvægt
að það haldi áfram,“ sagði Sigríð-
ur Margrét Guðmundsdóttir hjá
Landnámssetri Íslands í Borgarnesi
og uppskar lófatak.
Vilja undir SSV
Í máli starfshópanna kom einn-
ig fram að einhugur væri á bak við
hugmyndir um að Markaðsstofan
yrði færð undir hatt Samtaka sveit-
arfélaga á Vesturlandi (SSV) sem
sæi þá um rekstrarhliðina. „Það
gengur ekki að starfsfólk Markaðs-
stofunnar hafi stöðugar áhyggjur
af því hvort til séu fjármunir til að
greiða út laun og að stofan lifi að
stórum hluta á styrkjum. Svo fást
kannski ekki styrkir sem sótt hef-
ur verið um og vonir stóðu til að
fengjust og þá standa menn frammi
fyrir vandamálum. Ég held að það
yrði mjög jákvætt ef rekstrarhlut-
inn færi undir Samtök sveitarfé-
laga á Vesturlandi. Tillögur vinnu-
hópanna fara nú til stjórnar Ferða-
málasamtakanna sem útbýr tillögu
sem við leggjum fyrir stjórn SSV,“
segir Björn Páll Fálki Valsson for-
maður Ferðamálasamtaka Vest-
urlands. Reikna má með að stjórn
SSV taki þetta mál til umfjöllun-
ar á aukaaðalfundi sem samtökin
munu halda í vetur. Hann tengist
ákvörðunum um breytingar á starf-
semi samtakanna. Sveitarstjórar á
Vesturlandi hafa undanfarið unn-
ið saman í starfshóp sem gera á til-
lögur um framtíðarskipulag SSV.
Sá hópur skilar af sér tillögum til
stjórnar SSV innan tveggja vikna.
Strax í framhaldi af því verður boð-
að til aukaaðalfundar samtakanna
þar sem ákvarðanir verða teknar.
Þar má búast við að framtíðarstefna
í starfsemi Markaðsstofunnar verði
mörkuð.
Tvenn verðlaun veitt
Að lokinni ráðstefnunni í Reyk-
holti, sem stóð þar til síðdegis,
var farið í óvissuferð að Húsafelli
og Kolsstöðum í Hvítársíðu. Síð-
an var uppskerukvöldverður. Þar
var Snorrastofu í Reykholti afhent
verðlaunin „Höfðinginn“ fyrir árið
2013. Það er farandstytta og viður-
kenning Ferðamálasamtaka Vest-
urlands fyrir góðan árangur í starfi
við ferðaþjónustu. Bergur Þor-
geirsson forstöðumaður Snorra-
stofu tók við þeim. Sveitamarkað-
urinn Ljómalind í Borgarnesi fékk
svo hvatningaverðlaun Ferðamála-
samtakanna í ár.
mþh
Björn Páll Fálki Valsson formaður Ferðamálasamtaka Vesturlands og Rósa Björk Halldórsdóttir framkvæmdastjóri Markaðs-
stofunnar ræða saman á Uppskeruhátíðinni.
Snorrastofa í Reykholti fékk Höfðingjann, viðurkenningu Ferðamálasamtaka
Vesturlands 2013. Hún er veitt þeim sem verið hefur í fararbroddi, verið hvetjandi
fyrirmynd og styrkt ferðaþjónustu síðastliðin ár á Vesturlandi. Bergur Þorgeirsson
er hér með viðurkenninguna. Sveitmarkaðurinn Ljómalind í Borgarnesi fékk
hvatningarverðlaunin.