Skessuhorn - 13.11.2013, Blaðsíða 14

14 MIÐVIKUDAGUR 13 . NÓVEMBER 2013
„Það er basl að ná endum saman
og erfitt að finna tekjurnar sem við
þurfum. Þetta er áskorun. Við stönd-
um frammi fyrir því eins og áður að
beita miklu aðhaldi í rekstri,“ seg-
ir Björn Steinar Pálmason bæjar-
stjóri í Grundarfirði. Fjárhagsáætl-
un Grundarfjarðarbæjar var tek-
in til fyrri umræðu á bæjarstjórn-
arfundi 1. nóvember sl. Tekjuliður
frumvarpsins brást reyndar daginn
áður en það var tekið fyrir í bæjar-
stjórninni, þar sem að þá barst til-
kynning um að almennt framlag úr
jöfnunarsjóði lækkaði um tíu millj-
ónir á næsta ári. Þetta er um þriðj-
ungs lækkun milli ára á jöfnunar-
sjóðsframlagi, úr 35 milljónum í
25 milljónir. „Það er verið að skoða
framlag jöfnunarsjóðs til sveitar-
félagsins og ég veit ekki hver niður-
staðan verður. Þessi lækkun á fram-
lagi til grunnskóla var óvænt,“ seg-
ir Björn Steinar.
Hann segir ljóst að miklar breyt-
ingar verði á fjárhagsáætluninni
áður en hún kemur fyrir bæjarstjórn
til annarrar umræðu eftir nóvem-
bermánuð. Grundarfjörður eins og
fleiri sjávarbyggðir sjá fram á að út-
svarstekjur hækki ekki milli ára.
Fjárfestingarliður sem er 47 millj-
ónir í fjárhagsáætluninni er í óvissu
vegna yfirvofandi lækkunar fram-
lags úr jöfnunarsjóði. Hvað gjald-
skrárhækkanir varðar segir hann
að þær verði hófsamar, að jafn-
aði um 4%, þar af ekki nema 2%
í leikskólagjöldum. Engin hækkun
verði á innritunargjaldi í tónlistar-
skólann. „Það er samt alveg ljóst
að við munum skila fjárhagsáætl-
uninni réttu megin við núllið. Við
sjáum fram á verða þeim megin í
rekstrinum í ár,“ segir Björn Stein-
ar bæjarstjóri. Þar með náist önn-
ur meginkrafan í rekstri bæjarsjóðs,
það er að reksturinn verði í jafn-
vægi þrjú ár í röð. Hin meginkrafan
um 150% skuldahlutfall miðað við
tekjur næst ekki og verður í 178%.
„Við erum að reyna að lækka skuld-
ir en það gengur hægt. Erum þó að
greiða meira niður en sem nem-
ur nýjum lántökum. Sveitarfélög
fá tíu ár til að ná 150% markinu
í skuldum. Við erum því á áætlun
þar og stefnum að því að ná 150%
markinu innan tiltekins tíma,“ seg-
ir Björn Steinar Pálmason bæjar-
stjóri. Samkvæmt fjárhagsáætlun-
inni er áætlað að langtímaskuldir
Grundafjarðarbæjar verði um 1,1
milljarður í lok næsta árs og heild-
arskuldir 1,4 milljarður.
þá
Fjárhagsáætlun Stykkishólms-
bæjar var tekin til fyrri umræðu á
fundi bæjarstjórnar 31. október
sl. Þar er gert ráð fyrir óveruleg-
um breytingum í rekstri milli ára.
Tekjur verði nánast þær sömu og á
þessu ári, gjaldskrár hækki um 4%
og vegi upp á móti kostnaðarhækk-
unum. Rekstrarafgangur verði tæp-
ar tvær milljónir króna af A- og B-
hluta þegar búið verður að greiða
niður skuldir við lánastofnanir um
14 milljónir. Drög að fjárhags-
áætlun Stykkishólms gera ráð fyrir
að skuldir verði innan 150% mið-
að við tekjur sveitarfélagsins og
rekstur sveitarfélagsins réttu meg-
in við núllið á þriggja ára grund-
velli. Þetta eru þau tvö viðmið sem
krafist er við gerð fjárhagsáætlana
sveitarfélaga, að sögn Þórs Arn-
ar Jónssonar bæjarritara í Stykkis-
hólmi. Hann gerði grein fyrir fjár-
hagsáætluninni á umræddum fundi
bæjarstjórnar.
Þór Örn segir að útsvarstekj-
ur séu að þróast lítið þessi miss-
erin, mun minna á þessu ári en í
fyrra. Líklegasta skýringin sé sjáv-
arútvegurinn og fiskverðið. Þess
vegna er ekki reiknað með tekju-
aukningu hjá bæjarsjóði á næsta
ári. Áætlað er að skatttekjur sveit-
arfélagsins verði um 714 millj-
ónir. Þar af eru 428,3 milljón-
ir vegna útsvars, 82,5 milljónir
fasteignagjöld, úr jöfnunarsjóði
komi 178 milljónir og 28 milljón-
ir vegna lóðaleigu. Til fjárfestinga
er gert ráð fyrir að verja um 30
milljónum. Bæjarfulltrúar munu
fjalla um skiptingu þeirra pen-
inga milli umræðna um fjárhags-
áætlunina. Eins og áður segir er
áætlað að lækka skuldir við lána-
stofnanir um 14 milljónir á árinu.
Þær verði í árslok 2014 um það bil
einn milljarður og 32 milljónir.
þá
Í frumvarpi um fjárhagsáætlun
Akraneskaupstaðar fyrir næsta ár
er lagt til að rúmlega 350 milljón-
um króna verði varið til fjárfest-
inga og framkvæmda. Fyrri umræða
um fjárhagsáætlunina var á síðasta
bæjarstjórnarfundi. Í fjárfestinga-
lið frumvarpsins er gert ráð fyrir að
ráðstafa 274 milljónum vegna ým-
issa framkvæmda á árinu 2014. Um
er að ræða gatnagerð frá Innnesvegi
á Sólmundarhöfða, kostnað vegna
fráveitu- og regnvatnslagna, eldhús-
aðstöðu í Grundaskóla, gatnagerð
í gamla miðbænum sem er seinni
áfangi í endurgerð Akratorgs, hús-
næðismál fyrir félag eldri borgara á
Akranesi og fjárveiting til bygging-
ar bátaskýlis á safnasvæðinu í Görð-
um. Í framkvæmdalið er gert ráð
fyrir að ráðstafað verði rúmum 78
milljónum til ýmissa framkvæmda
við viðhald og rekstur gatna,
göngustíga og opinna svæða á árinu
2014. Framkvæmdaráði er falið að
koma með tillögur að sundurliðun
bæði fjárfestinga- og framkvæmda-
áætlunar og leggja fyrir bæjarráð
eigi síðar en 1. febrúar næstkom-
andi. Þá er í frumvarpinu um fjár-
hagsáætlun lagt til að veita viðbót-
arfjárhæð kr. 500.000 til atvinnu-
mála fatlaðra og öryrkja. Heildar-
fjárhæð í fjárhagsáætlun til þessa af-
markaða verkefnis verði þannig kr.
2.776.000. Í greinargerð með þeirri
tillögu segir að gert sé ráð fyrir að á
næstu árum fjölgi örkorkusamning-
um um 2-3 á ári. Í dag eru 13 virkir
örorkusamningar í gangi hjá Akra-
neskaupstað. Starfsfólk vinni ýmist
hjá kaupstaðnum eða hjá fyrirtækj-
um í bænum.
Frumvarp til fjárhagsætlunar
næsta árs og þriggja ára þar á eft-
ir gerir ráð fyrir 7,3 milljón króna
rekstrarafgangi á næsta ári, 57 millj-
ónum 2015, 110 milljónum árið
2016 og 149 milljónum 2017. Gert
er ráð fyrir að almenn þjónustu-
gjaldskrá hækki samkvæmt áætl-
uðum vísitöluhækkunum um 3% á
næsta ári. Skatttekjur verði rúmir
4,9 milljarðar og hækki um 2,39%
milli ára. Skuldahlutfall verið 89%
af tekjum. Niðurgreiðslur á skuld-
um verða samkvæmt fjárhagsáætlun
næsta árs 389 milljónir. Ekki er gert
ráð fyrir nýjum lántökum á árinu í
fjárhagsáætluninni. Áætlaðar skuld-
ir og skuldbindingar verði í lok árs
2014 tæplega 6,4 milljarðar.
þá
„Við eigum eftir að fjalla um fjár-
festingaráætlunina milli umræða,
en sundlaugarbyggingin verður
þar fjárfrekust eins og á þessu ári,“
sagði Kristinn Jónasson bæjarstjóri
í Snæfellsbæ í samtali við Skessu-
horn. Fjárhagsáætlun fyrir næsta ár
var til fyrri umræðu í bæjarstjórn
sl. fimmtudag. Þar er lagt upp með
að fjárfesta fyrir um 110 milljón-
ir á næsta ári. Það er hlutfallslega
séð allríflegt miðað við önnur sveit-
arfélög. Þó er það mun minna en
á þessu ári þegar fjárfest er fyrir
180 milljónir. Í fjárhagsáætluninni
er gert ráð fyrir að tekjuafgangur
verði lítill, en rekstrarniðurstaðan
þó réttu megin við núllið,“ að sögn
Kristins bæjarstjóra.
Kristinn segir að í fjárhagsáætl-
un fyrir þetta ár hafi verið gert ráð
fyrir þeirri raunlækkun sem er á
tekjum sveitarfélagsins vegna fall-
andi fiskverðs. Að sama skapi sé á
næsta ári gert ráð fyrir 3% hækk-
un tekna vegna aukinna aflaheim-
ilda útgerða, en sjávarútvegurinn
vegur þungt í rekstri Snæfellsbæj-
ar. Almennar gjaldskrárhækkanir
verða um 3,5% á næsta ári. Leik-
skólagjöld lækka þó um 6% frá og
með næsta hausti. Kristinn seg-
ir að þetta sé gert til að leikskóla-
gjöldin verði samanburðarhæf við
gjöld annarra leikskóla. Fram að
þessu hafi fjórir tímar á dag ver-
ið gjaldfríir fyrir börn sem eru all-
an daginn á leikskólanum. Gjald-
skránni verði nú breytt þannig að
greitt sé fyrir hvern tíma. Krist-
inn bæjarstjóri segir að skuldastaða
Snæfellsbæjar sé allgóð. Skuldirnar
eru 92% af tekjum sveitarfélagins.
Skuldir Snæfellsbæjar hafi í lok síð-
asta árs verið 1470 milljónir. Ein-
ungis sé um verðbreytingahækkan-
ir að ræða milli ára.
þá
Skagamenn ætla að leyfa sér að taka aðeins til hendinni í framkvæmdum á næsta
ári. Ljósm.: Friðþjófur Helgason.
Rúmlega 350 milljónir í fjár­
festingar og framkvæmdir
Grundfirðingar berjast við að ná endum saman í rekstri sveitarfélagsins og þurfa að gæta mikils aðhalds.
Ljósm.: Friðþjófur Helgason.
Basl að ná endum saman
í fjárhagsáætlun
Frá Hellissandi í Snæfellsbæ. Ljósm.: Friðþjófur Helgason
Sundlaugarbygging mesta
fjárfestingin í Snæfellsbæ
Stykkishólmsbær stefnir á að halda sjó í sínum rekstri á næsta ári.
Ljósm.: Friðþjófur Helgason.
Óverulegar breytingar áætlaðar í
rekstri Stykkishólmsbæjar