Skessuhorn - 13.11.2013, Blaðsíða 23

23MIÐVIKUDAGUR 13. NÓVEMBER 2013
Í Grunnskólanum á Kleppjárns-
reykjum var föstudagurinn helgað-
ur baráttunni gegn einelti. Líkt og í
mörgum öðrum skólum var haldinn
viðburður sem beindi umræðunni
að einelti og mikilvægi jákvæðra og
uppbyggilegra samskipta. Í tilefni
dagsins fór stjórn nemendafélags-
ins um skólann og dreifði hrósmið-
um til samnemenda sinna og starfs-
fólks. Nemendur voru ánægðir
með framtakið, enda ekki á hverj-
um degi sem slíkt er gert. Upp-
átækið tókst stórvel og voru bæði
nemendur og starfsmenn ánægð-
ir og glaðir með miðana sína, enda
finnst flestum notalegt að fá hrós af
og til. grþ
Það verða mikil umskipti fyrir Pál
Ágúst Ólafsson nýkjörinn sókn-
arprest í Staðastaðarprestakalli á
Snæfellsnesi og Mýrum þegar hann
tekur við embætti 1. desember nk.
Páll Ágúst er fæddur og uppalinn
í Reykjavík og átti lengst af heima
við Bergstaðastrætið í austurbæ
Reykjavíkur. Hann er það sem
kallað er borgarbarn en í samtali
við blaðamann Skessuhorns sagð-
ist hann vera fullur eftirvænting-
ar að takast á við prestsstarfið og
flytja í samfélagið á Snæfellsnesi.
„Við fjölskyldan lítum á þetta verk-
efni sem mikið tækifæri fyrir okkur.
Það verður spennandi að kynnast
þessu samfélagi og starfa í því. Jafn-
framt teljum við að þar gefist okk-
ur betra tækifæri til að sinna upp-
eldi barna okkar. Þessi breyting hjá
okkur, sem vissulega verður mikil,
mun bjóða upp á meiri lífsgæði,“
segir Páll Ágúst. Hann útskrifaðist
í febrúarmánuði síðastliðnum eftir
þriggja og hálfs árs nám í guðfræði-
deild. Það tók því skamman tíma
fyrir nýútskrifaðan guðfræðinginn
að fá starf. Páll Ágúst verður yngsti
starfandi sóknarprestur á landinu
þegar hann tekur við starfi í Staða-
staðarprestakalli 1. desember næst-
komandi, aðeins 30 ára gamall.
Tveir fyrir einn
Páll Ágúst er sonur dr. Ólafs Ísleifs-
sonar hagfræðings og Daggar Páls-
dóttur lögfræðings hjá Læknafélagi
Íslands. Kona Páls Ágústs er Kar-
en Lind Ólafsdóttir og saman eiga
þau tvær dætur, sex og eins árs, og
þriðja barnið er á leiðinni. Kar-
en Lind er hjúkrunarmenntuð en
hún er líka með BA próf í guðfræði,
lýkur meistaraprófi næsta vor. Páll
Ágúst talar því um það í gamni að
sóknarbörn í Staðastaðarsókn séu
að fá tvo fyrir einn þegar séra Guð-
jón Skarphéðinsson lætur af starfi
núna í lok nóvember. „Ég tek sem
sagt við starfi 1. desember næst-
komandi. Guðjón verður á staðn-
um fram á næsta vor og þá mun-
um við fjölskyldan flytja vestur,“
segir Páll Ágúst. Sem kunnugt er
eru sex sóknir og átta kirkjur undir
Staðastaðarprestakall. Staðastaður
er í Staðarsveitinni sem heyrir und-
ir Snæfellsbæ. Sóknirnar sex eru í
þremur sveitarfélögum, auk Snæ-
fellsbæjar, í Eyja- og Miklaholts-
hreppi og Borgarbyggð.
Flaut með
tíðarandanum
Þótt Páll Ágúst hafi allan upp-
vöxtinn átt heima við Bergstaða-
strætið segist hann ekki hafa ver-
ið í skóla hverfisins sem var gamli
Austurbæjarskólinn. „Ég byrjaði í
Ísaksskóla og fór svo í Miðskólann
einn vetur. Svo fór ég í Hlíðaskóla
og endaði mitt grunnskólanám í
Hagaskóla. Ég var síðan tvo vetur
í Menntaskólanum í Reykjavík, en
fannst það ekki henta mér þannig
að ég skipti yfir í Menntaskólann
við Hamrahlíð og lauk þaðan stúd-
entsprófi fyrir jólin 2002. Eftir það
fór ég í enskunám til Washington
DC í Bandaríkjanna, var í George-
town University frá áramótum og
fram á vor 2003. Allt í kringum mig
var fólk að fara í viðskipta- og lög-
fræðinám. Ég flaut með þeim tíð-
aranda, var ekki tilbúinn til þess á
þeim tíma að synda á móti straumn-
um, þótt guðfræðin ætti verulega
sterk tök í mér. Ég lauk embættis-
prófi í lögfræði vorið 2007 og sinnti
lögfræðistörfum bæði með námi og
eftir nám í skamman tíma.“
Fann sig ekki
í lögfræðistörfum
Páll Ágúst segist snemma hafa byrj-
að að taka þátt í barnastarfinu í
Hallgrímskirkju. „Ég var meira og
minna þátttakandi í æskulýðsstarfi
kirkjunnar og KFUM fram á full-
orðins ár. Þannig að kristilegt starf
hafði í mér sterk tök. Sannast sagna
fann ég það strax eftir efnahags-
hrunið að lögfræðin var ekki það
sem ég vildi starfa við til langframa.
Ég sá að það var því annaðhvort
fyrir mig að hrökkva eða stökkva.
Ef ég ætlaði í guðfræðina yrði það
að gerast strax, því það þýddi ekki
að eyða áratugum óánægður í starfi
og naga sig í handabökin seinna
fyrir að hafa ekki breytt um stefnu
í tíma. Ég innritaðist því í guð-
fræðideildina haustið 2009 og sé
ekki eftir því. Ég útskrifaðist svo
sem guðfræðingur í febrúar síðast-
liðnum. Ég er afskaplega þakklát-
ur enda fáheyrt að guðfræðingar fái
embætti svo skömmu eftir útskrift
en það eru níu mánuðir síðan ég út-
skrifaðist.“
Langafinn var prestur
í Miklaholti
Páll Ágúst segir að þegar hann sótti
um embættið í Staðastaðarpresta-
kalli í haust hafi hann ekki vit-
að um tengsl sín við svæðið. „Það
kom mér skemmtilega á óvart þeg-
ar ég fór að kanna það að langa-
langafi minn, séra Oddgeir Þórð-
arson Guðmundsen, var prest-
ur í Miklaholti í Miklaholtshreppi
1882-1889. Sú kirkja tilheyrir í dag
Fáskrúðarbakkasókn sem er hluti af
Staðastaðarprestakalli. Mér þótti
þetta mjög skemmtileg uppgötv-
un og tilviljun,“ segir Páll Ágúst.
Hann hefur síðustu tvö árin verið
framkvæmdastjóri Háteigskirkju,
séð um rekstur og ýmsa þætti safn-
aðarstarfsins.
þá
Í tilefni baráttudags gegn einelti,
sem haldinn var síðasta föstudag var
öll vikan tileinkuð einelti í Grunn-
skólanum í Borgarnesi. Dagskráin
náði yfir alla vikuna í skólanum en
fjallað var um einelti í öllum bekkj-
um og vinabekkir hittust. Tilgang-
ur þeirra er að nemendur yngri
deilda kynnist eldri nemendum til
að skapa traust, minnka óöryggi
nemenda gagnvart sér eldri nem-
endum og mynda vináttutengsl.
Allir bekkir skólans eiga sér vina-
bekk. Ýmis vinaliðaverkefni voru á
dagskrá, sameiginlegar uppákomur,
samvera og jafningjafræðsla. Há-
punktur vikunnar var á föstudaginn
en þá komu nemendur og starfsfólk
skólans saman í íþróttahúsinu og
dönsuðu svokallaðan Vinaliðadans.
Hópurinn var fjölmennur en alls
voru um 340 manns á dansgólfinu.
Allir dönsuðu með sínum vinabekk
og því dönsuðu yngir nemendur
við þá eldri. Talað var um að sett
hafi verið heimsmet í Borgarnesi,
því ekki er vitað til þess að áður hafi
svo fjölmennur hópur dansað þar
saman.
grþ
Vinaliðadans í Borgarnesi
Um 340 manns dönsuðu saman Vinaliðadansinn í Borgarnesi síðastliðinn
föstudag
Börnunum var raðað upp með sínum vinabekkjum og svo var dansað.
Hér skoða nemendur í GBF hrósmiða
sína en mikil ánægja var með upp-
átækið.
Hrósmiðar á
Kleppjárnsreykjum
Í Grunnskóla Borgarfjarðar á Kleppjárnsreykjum fengu nemendur og starfs-
fólk hrósmiða. Hér fær Jóna Ester Kristjánsdóttir ritari miða og faðmlag frá
nemendum af því tilefni að hún fer til annarra starfa 1. febrúar nk.
Páll Ágúst með eldri dóttur sinni.
Verður yngsti starfandi
sóknarprestur á landinu
Spjallað við Pál Ágúst Ólafsson nýjan sóknarprest
í Staðastaðarprestakalli
Páll Ágúst og Karen Lind flytja á Staðarstað næsta vor ásamt börnum sínum.