Fjarðarpósturinn - 10.04.2014, Blaðsíða 6

6 www.fjardarposturinn.is Fimmtudagur 10. apríl 2014
...blaðið sem allir Hafnfirðingar lesa
Hvar auglýsir þú?
..bæjarblað Hafnfirðinga síðan 1983
Af hverju á ég að passa
börn annarra?
Það er eðlilegt að foreldrar
spyrji sig þessarar spurningar.
Langflestir foreldrar huga vel að
börnum sínum og virða lög-
bundinn útivistartíma. Við hér í
Hafnarfirði höfum á
und anförnum árum
verið svo lánsöm að
hér er í gangi foreldra-
rölt sem stýrt er af for-
eldrafélagi hvers skóla
þar sem allir foreldrar
eru hvattir til að taka
þátt. Rölt er út frá
hverjum skóla fyrir sig,
föstu dags eða laugar-
dags kvöld í nokkra
tíma í senn þar sem
gengið er um hverfið til að vera
sýnileg og börnum innan handa
sem á þurfa að halda. Unglingar
hafa tekið vel á móti þessum
hópum og fagnað þessu framtaki.
Í þessu verkefni felst ákveðið
tækifæri fyrir einstaklinga til að
axla samfélagsábyrgð og leggja
þann ig sitt af mörkum til að búa
sér til öruggara hverfi til að búa í.
Foreldraröltið hefur gengið vel
og skilað góðum árangri en Þrátt
fyrir það er full ástæða til að
minna á mikilvægi þess að taka
þátt í röltinu. Með því að taka
þátt í foreldrarölti í hverfinu sínu
þá erum við að taka þátt í því að
búa okkur til betra nærsamfélag,
búa til samfélag sem er öruggara,
ekki aðeins þeim sem á vegi
okkar verða heldur einn ig okkar
eigin börn um.
Nú þegar sól hækkar á lofti
eykst löngun margra
barna til að vera lengur
úti en lögboðinn úti-
vistar tími leyfir. Því er
mikilvægt að við virð-
um útivistartímann og
skiptir þá samstaða
foreldra miklu máli
ásamt jákvæðum um -
ræð um við börnin
okkar um mikilvægi
þess að vera komin inn
á tilsettum tíma.
Einn þáttur forvarna er virðing
útivistartímans og því rétt að
hvetja foreldra að njóta tímans
með börnum sínum og þannig
styrkja samskiptin.
Hjálpumst að við að gera
Hafnarfjörð öruggan fyrir börnin
okkar og tökum þátt í foreldrarölti
þegar leitað er til okkar og kom-
um mögulega í veg fyrir óeðli-
lega hópasöfnun og annað sem
ekki á að líðast í hverfum Hafn-
ar fjarðar.
Saman byggjum við upp
örugg hverfi og áhyggjulausa
útiveru barna okkar.
Höfundur er formaður
foreldrafélags Setbergsskóla.
Kristín
Thoroddsen
Til varnar sýslumannsembættinu
Samkvæmt frumvarpi um
fækkun sýslumannsembætta er
ákveðið, að landinu verði skipt í
níu umdæmi sýslumanns. Þar á
meðal er eitt umdæmi fyrir
sýslumannsembætti á
höfuðborgarsvæðinu,
en lögin taka gildi 1.
jan úar 2015.
Það veldur miklum
vonbrigðum, að sýslu-
mannsembættið í
Hafn arfirði er ekki
meðal þeirra sýslu-
manns embætta, sem
eiga að starfa áfram og
er það að mínu mati
rang læti af eftirtöldum höfuð-
ástæðum.
Í fyrsta lagi þjónar embætti
sýslu mannsins í Hafnarfirði um
41 þúsund íbúum Hafnarfjarðar
og Garðabæjar og er það mun
meiri fjöldi en hjá sumum þeirra
sýslumannsembætta, sem fá að
starfa áfram. Til dæmis eru íbúar
sýslumannsembættis á Suður-
nesjum, sem fær að halda áfram
sinni starfsemi um helmingi
færri en íbúar Hafnarfjarðar og
Garðabæjar.
Í öðru lagi yrði það sögulegt
áfall og niðurlæging fyrir Hafn-
ar fjörð, að missa sýslu-
manns em bættið, sem
hefur lengst allra stofn-
ana bæjarfélagsins haft
þar aðsetur eða allt frá
árinu 1908, þegar
Hafn ar fjarðarbær fékk
kaupstaðarréttindi.
Í þriðja lagi er líklegt,
ef hugsanleg svæðis-
skrifstofa yrði staðsett í
Hafnarfirði, að hún
mundi ekki sinna öllum þeim
málum, sem afgreidd hafa verið
hjá sýslumannsembættinu. Kann
því svo að fara, að Hafnfirðingar
þurfi að búa við það óhagræði og
kostnaðarauka að fara til
Reykjavíkur til að fá afgreiðslu
sumra sinna mála, en vafalaust
verður sýslumanns embætti höf-
uð borgarsvæðisins staðsett í
Reykjavík vegna fjölda íbúa þar.
Í fjórða lagi skal tekið fram, að
öll þjónusta starfsfólks sýslu-
mannsembættisins hefur verið til
fyrirmyndar og því dapurlegt, ef
sumir af þeim tuttugu starfs-
mönnum sem nú starfa þar
mundu missa vinnu sína. Eftir 60
ára lögmannsstarf vil ég hér nota
tækifærið til að þakka ánægjuleg
samskipti við hið góða starfsfólk
sem starfað hefur hjá sýslu-
manns embættinu.
Að lokum skal ítrekuð sú
hvatn ing mín í grein í Morgun-
blaðinu 1. mars. sl. að bæjar-
fulltrúar knýi fast á breytingu á
nefndu lagafrumvarpi þannig að
sýslumannsembættið í Hafn ar-
firði verði meðal þeirra embætta,
sem fái að halda áfram sinni
starfsemi eftir að lögin taka gildi.
Það væri sorglegt ef sýslu-
manns embættið ætti eftir að
hljóta sömu örlög og St. Jósefs-
spítalinn, en lokun spítalans er
fyrri og núverandi ríkisstjórn til
hreinnar skammar.
Höfundur er fv. bæjarfulltrúi.
Árni
Gunnlaugsson
Lausn fyrir skuldafélagið Hafnarfjörð
Það er ánægjulegt að farið sé að
ræða skuldavanda Hafnarfjarðar
því hann er mikill. Ekki alls fyrir
löngu gerði ég grein fyrir því að
vandi Hafnarfjarðar eru of miklar
skuldir.
Núverandi valdhafar
hafa gert sitt besta til að
laga stöðuna og er nú
svo komið að Íslands-
banki hefur gert Hafnar-
fjarðarbæ tilboð um
end ur fjármögnun er -
lendra skulda þannig að
allar skuldirnar verða í
íslenskum krónum. Það
er gott skref að afnema
gengisáhættu. Við höf-
um kynnst henni á eigin skinni. En
við mun um skulda alveg jafn
mikið.
Nú á næsta ári opnast tækifæri
til að endursemja um erlendar
skuldir bæjarins upp á 10 milljarða
króna (fer eftir gengi). Samkvæmt
skýrslu sem Hafnarfjarðarbær
hefur opinberað eru þessar erlendu
skuldir með veð í óseldum lóðum
þar sem bókfært verðmæti er um 8
milljarðar ásamt veði í hlutabréfi
bæjarins í HS veitum sem ætti að
losa um hálfan annan milljarð.
Einnig er veð í skuldabréfi útgefnu
af MAGMA sem eitthvað ætti að
fást fyrir. Lánveitandinn sam-
þykkti væntanlega þessi veð á
þeirri forsendu að þau voru talin
einhvers virði. Við höfum
heilmikið svigrúm til samninga.
Þessir möguleikar eru í stöðunni:
1. Að kröfu hafi taki þau veð
sem lögð voru fram vegna skuld-
arinnar og Hafn arfjörður
greiðir ekki neitt í
peningum.
2. Að Hafnarfjörður
greiði með peningum
alla skuldina og haldi
veðum. (Það er sú stefna
sem tekin hefur verið.)
3. Samningsbilið ligg-
ur ein hvers staðar þarna
á milli.
Það er mjög kostn-
aðar samt að hafa fé bundið í lóð-
um sem markaðurinn hefur ekki
sýnt nægilegan áhuga. Það væri
leiðin legt að sjá á eftir eignarhlut
bæjar ins í HS veitum. Hægt væri
að selja þann hluta með því
skilyrði að bærinn hefði forkaups-
rétt á þeim í framtíðinni. Ég skil
sjónar mið þeirra sem ekki vilja
selja eignarhlut bæjarins í HS
veitum, en sú ákvörðun að veð-
setja hann sýnir að bæjaryfirvöld
voru tilbúin að tapa þessari eign í
hendur kröfuhafa. Það er einföld
regla að veðsetja ekki hluti sem
maður er ekki tilbúinn að tapa.
Áhættan og ábyrgðin á þessum
viðskiptum er beggja og semja
verður um leiðir þannig að báðir
aðilar komist klakklaust frá þessu.
Með því að láta bankann ganga að
veðum má lækka þá upphæð sem
þarf til endurfjármögnunar gríðar-
lega og lækka skuldir bæjarins
þann ig að vel verði við unað og
flýtt fyrir þeirri uppbyggingu sem
nauðsýnleg er til að gera bæinn
samkeppnisfæran um fólk og
fyrir tæki. Hafi bankinn ekki áhuga
á að leysa til sín þessi veð myndast
rými til samninga.
Stærsti vandi okkar er skulda-
vandinn, öll uppbygging bæjarins
hvílir í skugga hans. Ég sem einn
af greiðendum þessarar skuldar er
gáttaður á þeirri samningatækni
sem notast hefur verið við, að
tilkynna viðsemjendum um að við
förum létt með að greiða þessa
skuld upp í topp. Vissulega hefur
skuldastaða bæjarins skánað en
sjúklingurinn er enn í öndunarvél
og því sendum við hann ekki
heim. Við höfum fordæmi í kring-
um okkur þar sem fyrirtæki hafa
náð góðum samningum við sína
lánardrottna. Af hverju ætti það
sama ekki að gilda um Hafnar-
fjarðarbæ?
Stendur eitthvað í vegi fyrir því
að láta reyna á samningsstöðu
okkar?
Höfundur er íbúi í
Hafnarfirði.
Jón Ingi
Hákonarson
Afmæliskaffi á Ásvöllum
12. apríl 1931 komu 13 ungir piltar saman
í húsi KFUM í Hafnarfirði og stofnuðu
Knattspyrnufélagið Hauka.
Í tilefni þess að 83 ár eru liðin frá
þessum merka degi er Haukafélögum og
velunnurum boðið í afmæliskaffi á Ásvöllum
laugardaginn 12. apríl frá kl. 14 til 15.