Fjarðarpósturinn - 10.04.2014, Blaðsíða 8

8 www.fjardarposturinn.is Fimmtudagur 10. apríl 2014

Tvö gull í boxi í Danmörku
Hnefaleikafélag Hafnarfjarðar keppir á stóru móti í London í júní
Hnefaleikafélag Hafnarfjarðar
(HFH) tók þátt í fjölþjóðlegu
móti í Hvidovre í Danmörku
helgina 20.-22. mars síðastliðinn.
Í hópnum voru þau Alexander
Bjarki Svavarsson, Anna Soffía
Víkingsdóttir, Arnór Már
Grímsson, Ásdís Rósa Gunnars-
dóttir og Máni Borgarsson ásamt
þjálfara sínum Daða Ástþórssyni.
Tvenn gullverðlaun
Alexander Bjarki sigraði þá
Mahdi Jafari frá Malmö BC og
Mathias Larsen frá Herlev BK í
-64 kg flokki og Arnór Már
sigraði Marvin Usher frá
Hoddeston Boxing Academy
nokkuð örugglega í -69 kg og
tryggðu þeir sér þannig gullið.
Þau Anna Soffía, Ásdís Rósa og
Máni stóðu sig öll vel en töpuðu
naumlega á stigum.
HFH stefnir næst á þátttöku í
einu stærsta félagsliðamóti
Evrópu sem haldið verður í
London í lok júní.
Alexander Bjarki og Arnór Már ásamt þjálfara sínum Daða Ástþórssyni, stoltir með gullið.
Hafnfirðingar í undanúrslitum „Ísland got talent“
Dansparið Brynjar og Perla
Dansparið unga frá Hafnarfirði
Brynjar Björnsson og Perla
Steingrímsdóttir keppa í
undanúrslitaþætti „Ísland got
talent“ á sunnudaginn. Brynjar
og Perla æfa dans hjá Dans-
íþróttafélagi Hafnarfjarðar og
keppa fyrir hönd Hafnarfjarðar í
dansi. Þessir duglegu og listrænu
krakkar hafa æft dans í fjölda-
mörg ár og unnið marga Íslands-
og bikarmeistaratitla til Hafnar-
fjarðar. Þau hafa farið á mörg
heimsmeistaramót fyrir Íslands
hönd og staðið sig mjög vel.
Sumarið 2013 fóru þau til Kína
og náðu þar 10. sæti af 130 dans-
pörum í flokki fullorðinna, en
þau eru aðeins 16 og 17 ára. Þau
eru bæði í landsliði Íslands í
dansi og voru valin sem afreks-
efni hjá ÍSÍ sem er mikill heiður.
Einnig hefur Perla fengið sér-
staka viðurkenningu frá Afreks-
kvennasjóði ÍSÍ fyrir góðan
árangur þá aðeins 14 ára gömul.
Brynjar og Perla eru bæði á
fyrsta ári í menntaskóla, Brynjar
á myndlistarbraut í FG og Perla
í Versló en allan sinn barnaskóla
var Perla í Víðistaðaskóla. Þau
eru sannarlega listrænt par og
hefur Brynjar t.d. unnið keppni í
hönnun á stuttermabolum og
fyrir nokkrum dögum unnu þau
saman hönnunarkeppni Kjörís.
Brynjar veit fátt skemmtilegra en
að mála og hefur hann verið
duglegur að fjármagna dansinn
með sölu á málverkum.
Brynjar og Perla hafa núna
komið fram þrisvar í keppninni
„Ísland got Talent“ með dans-
atriði og í hvert skipti hafa þau
notað málverk eftir Brynjar sem
hluta af atriðinu. Það verður því
spennandi að sjá málverkið sem
Brynjar hefur málað fyrir
undanúrslitin en atriðið þeirra er
víst stórglæsilegt.
Hafnfirðingar eru hvattir til að
styðja við bakið á þessum ungu
og hæfileikaríku dönsurum.
Til sölu sumarbústaður
í nágrenni Hafnarfjarðar
Til sölu sumarbústaður í nágrenni Hafnarfjarðar.
40 m² auk 20 m² svefnlofts. Skógi vaxið 8.200 m²
leiguland. Rafmagn, heilsársvatn.
Upplýsingar: hefdirehf@simnet.is
Er vorið komið?
Götusópun og tiltekt í bænum
Vorhugur er kominn í marga í
Hafnarfirði enda eru vorlaukar
að springa út, verið er að sópa
götur og stíga auk þess sem sést
hefur til starfsmanna bæjarins og
íbúa við að hreinsa drasl. Eftir
mikinn klakavetur má víða sjá
rusl eftir skotgleði á gamlárskvöld
sem íbúar hafa enn ekki hreinsað
upp. Nú er tækifærið. Páskar eru
framundan og fyrsti sumardagur
strax á eftir. Er vorið komið?
Lj
ós
m
.:
G
uð
ni
G
ís
la
so
n